претстави – Вистина.мк

Репертоар на претстави: Ова е програмата на МНТ за месец март 2023

Антонио Димитриевски — Tue, 28 Feb 2023 13:35:53 +0000

Македонскиот народен театар (МНТ) ја објави програмата со претстави за март. Во продолжение може да го погледнете репертоарот на претстави во следниот период.

МОТ: „Можат ли птиците да се забавуваат“ на „Битеф театар“ и „Шопинг и факинг“ на Турскиот театар

Антонио Димитриевски — Fri, 11 Nov 2022 08:49:09 +0000

Претставата „Можат ли птиците да се забавуваат?“ во режија на Никола Исаковиќ, продукција на „Битеф театар“ од Белград, ќе гостува вечерва (11.11.2022) во 20 часот во киното „Фросина“, во рамките на 47. издание на „Млад отворен театар“ (МОТ). Автор на претставатга е Тијана Грумиќ, а настапуваат изведувачи – куклари: Младен Милојковиќ, Данило Бртакочевиќ и Ана Милосављевиќ. За сценографијата и куклите – објекти се задолжени Јована Матиќ и Ема Павловиќ. Во 22 часот на сцената „25 Мај“, ќе гостува Турскиот театар од Скопје со претставата „Шопинг и факинг“, во режија на Шенај Мандак. Претставата е во селекција за наградата БИШ 2022, за најдобра домашна претстава меѓу два фестивала. За претставата е обезбеден превод на македонски и на англиски јазик. Автор е Марк Равенхил. Улогите ги толкуваат: Метин Ибрахим, Стефанија Начевска, Накан Дачи, Ебру Мусли и Селпин Керим. Продуцент е Тадеа Павловска, сценографијата – Мартин Манев, костимите на Ивана Секулоска, драматург Стефан Миленков. Музиката е на Лука Јанкукоски, а кореографијата – Кренаре Невзати-Кери. Визуелен уметник на претставата е Муамер Вишко.

По пауза од седум месеци, со „Говорна мана“ во МНТ повторно почнуваат претстави

Антонио Димитриевски — Mon, 05 Oct 2020 07:50:47 +0000

По пауза од седум месеци поради коронакризата се отвораат вратите на Македонскиот народен театар (МНТ). Првата претстава што е закажана е „Говорна мана“, на 14 октомври, на Големата сцена од 20 часот. Автор на текстот е Горан Марковиќ, режисер е Драгана Милошевски – Попова, а улогите ги толкуваат: Игор Џамбазов, Сашка Димитровска, Ивица Димитријевиќ, Арна Шијак, Ана Стојановска и Билјана Јовановска/Драгана Левенска. Според репертоарот на МНТ на 16 октомври (петок) повторно е „Говорна мана“, а на 19 октомври е закажан Меѓународниот театарски фестивал Бутринти, проекција на документарниот филм „Идината започнува денес“ (19 часот). До крајот на месецот има уште четири изведби, две на претставата „Кец на десетка“ (20 и 22 октомври, од 20 часот, Голема сцена) и „Брачна игра“, на 27 и 29 октомври исто така во 20 часот. Сите овие претстави претходно се играа на Малата сцена на МНТ. МНТ на својата интернет страница го објави протоколот за работа според препораките на Владата, Министерството за култура и Центарот за јавно здравје Скопје. Поради протоколите и придржување кон сите мерки и поради сериозната ситуација со Ковид 19, во Националниот театар не се прифакаат приватните настани. Што пишува во протоколите? • Според општите правила за реализација на настани треба да се искористат само 30% од капацитетот на салата • Да се оддржува претстава без пауза • Се забранува задржување при влез и излез во фоајето • Зголемување на времетраењето на влез и излез на публиката • Се забранува оддржување на коктели во фоајето на театарот • Претставите треба да траат час до час и половина • Претставите да бидат со мал број на актери и да се оддржува дистанца на сцена • Вентилацијата во објектот е со централен систем за вентилација и поставени се нови филтри,кои ке се менуваат на секои 6 месеци Протокол за публика • Задолжително носење маска на влез и во објектот • Поставување на дезинфекциона бариера за обувки • Поставени и означени места за влез пред билетарата • На самиот влез е поставено дезинфекционо средство • Има јасно и видно истакнато известување за придржување на мерките • Мерење температура на секој посетител • Доколку се покаже температура над 37 с не се пушта да влезе • Влезот е еден по еден во фоајето со максимално придржување на дистанца од 1.5 до 2 метра • На влезните врати за публика во сала има по 1 распоредител и се пушта по 1 посетител (се отвара само една врата за влез во салата ) • Гардеробата е затворена (секој посетител ке мора да си ја земе со себе и да ја стави на местото слободно до него ) • Излезот од сала е на принцип 1 по 1 со максимално придржување на дистанца од 1.5 до 2 метра

И „Театар комедија“ со онлајн претстави во вашиот дом

Антонио Димитриевски — Wed, 18 Mar 2020 09:16:03 +0000

Почитувана публико, Со оглед на тоа што овие денови треба да се поминуваат дома, од утре со почеток во 20 часот Театар Комедија стартува онлајн и ќе биде присутен и во вашите домови, од каде што секоја вечер ќе можете бесплатно да гледате по една од нашите претстави. On line репертоар за оваа седмица : ?18.03. /среда/ ,,Сон на летната ноќ" ?20.03. /петок/,,Име" ?21.03./сабота/ ,, Хамлет во пикантен сос"

Почеток во 20 часот на следниот линк: http://bit.ly/TeatarKomedija

Коронавирусот ги откажа претставите во „Драмски театар“ – Скопје

Антонио Димитриевски — Mon, 02 Mar 2020 13:41:52 +0000

Националната установа Драмски театар – Скопје денеска соопшти дека согласно препораката на Владата за превенција од ширење на корона вирусот, го прекинува својот репертоар до 6 март годинава. Согласно ова, како што се наведува во соопштението, откажана е претставата „Луди за љубов“, што требаше да се одигра утре на сцената на овој театар. Билетите доделени како гратиси, добитниците може да ги заменат за друга претстава на билетарницата на Драмскиот театар – Скопје, се додава во соопштението. Владата во петокот издаде препораката за откажување на поголемите јавни собири, спортски настани и забавни и културно-уметнички манифестации до 6 март, нагласувајќи дека апелот важи за сите, особено за оние каде се очекува присуство на голем број граѓани и каде има или се очекуваат можни присутни гости од странство. По препораката на Владата беа откажани Струмичкиот карневал и Карневалот „Прочка“ во Прилеп, а спортските настани во текот на викендов се одржуваа без присуство на публика.

Проекции на претставите „Диво месо“ и „Дупло дно“ во сабота и понеделник

Антонио Димитриевски — Fri, 30 Nov 2018 11:51:20 +0000

Драмскиот театар најавува дека започнува со низа настани со кои ќе потсетат на ремек делата на македонски писател и драматург, Горан Стефановски кој почина на 27 ноември. Во сабота (1.12) од 19:00 часот проекција на претставата „Диво месо“ (1979) во режија на Слободан Унковски воведен збор и модератор на настанот ќе има м-р Александра Бошковска Продолжуваме во понеделник (3.12) од 19:00 часот проекција на претставата „Дупло дно“ (1984) во режија на Слободан Унковски воведен збор и модератор ќе биде д-р Мишел Павловски, информираат од Драмски театар.