претседател – Вистина.мк

Перо Антиќ славеше наголемо, а Џамбо Агушев ја крена атмосферата до плафон (фото)

Слободанка Илиева — Wed, 05 Apr 2023 07:51:39 +0000

Поранешниот кошаркарски репрезентативец, Перо Антиќ, деновиве беше реизбран за претседател на Кошаркарската федерација на Македонија, а неговиот нов мандат не помина само со изборната седница и гласањето, туку продолжи во кафеана. Претседателот и членовите кои го изгласаа се собраа да прослават и тоа наголемо со најдобрата труба, Џамбо и Агушеви. Познатиот струмичанец беше оној што сподели моменти од атмосферата, а со тоа и јавно сакаше да му честита на Перо за реизборот. -Една слика милион зборови. Благодарност до Перо Антиќ за поканата да бидеме дел од неговата прослава за реизборот за претседател на КФМ. Човек со големо срце, Македонец кој си ги сака и почитува своите луѓе. Ти благодарам за прекрасниот подарок – дрес. Честитки и многу успеси во иднина, напиша Џамбо кој се пофали и за дресот подарок од Антиќ кој веднаш го имаше на себе. Инаку, Антиќ на чело на КФМ дојде во 2019 година, откако претходната 2018-та ја заврши кариерата во дресот на белградска Црвена Звезда и веднаш по пензијата седна на претседателското столче во мак-баскетот. Тој дојде на местото на уште една кошаркарска легенда, Петар Наумоски. Покрај реизборот , Антиќ деновиве е актуелен и со својот приватен живот и наводното раскинување на љубовната врска со манекенакта Катарина Ивановска. фото:Фејсбук/Џамбо Агушев

Кога може Нивес кај Пендаровски, зошто да не може и македонските старлети и убавици: Претседателе, време е за домашна „Онли фанс“ коктел журка? (ФОТО)

Антонио Димитриевски — Mon, 10 Oct 2022 08:28:32 +0000

Приемот на хрватската старлета, пејачка, водителка, на моменти актерка... Нивес Целзиус, ја крена температурата во јавноста до точка на вриење среде зима. Хрватската убавица до душа беше дел од екипата која македонскиот претседател ја прими по повод одржувањето на 30-иот јубилеен Турнир во мал фудбал на медиуми, во организација на Спортско радио 90.3 ФМ. За таа цел во Кабинетот на претседателот се одржа краток прием за учесниците и организаторите на турнирот. Нивес се најде на листата на гости на Спортско радио, меѓу кои беа околу 70 новинари, спортисти и естрадни уметници од земјава и од регионот. Арно ама, нејзиното „слободно однесување“ надвор од протоколот, вообичаено за Нивес, откако овој пат ги гушкаше и бакнуваше гардистите од свечената стража пред влезот на претседателската резиденција, дополнително ја разбранува јавноста. За среќа „таа среќа“ ја немаше и претседателот, инаку кој знае што се го чекаше Стево по сево... ова!? Како и да е политичкиот циркуз тргна, откако хрватската нимфа ги објави фотографиите и видеото од „блискита средба“ со македонската гарда пред влезот на Вилата на Водно на социјалните мрежи. Настрана сериозните забелешки, обвинувања, коментари, анализи на протоколите... и сл. дека претседателот Стево Пендароски со приемот на разголената старлета го доурнисал угледот и достоинството на институцијата Претседател на Македонија. Паралелно со ова, по Фејсбук, Твитер, ТикТок... тргна и мајтапот. Љубителите на експлицитни видеа, еротски сајтови и „Онли фанс“ страници за возрасни, веднаш го „прозваа“ Пендаровски дека ги дискриминара со изборот зашто не покажал никакво „чувство за осет“ за домашната сцена од тој тип. Па, ако може на прием една Нивес Целзиус, зошто да не можат македонските старлети, мисици, разголени убавици... горди сопственички на „Онли фанс “ страници? Така најпрвин му предложија на Стево Пендароски дека таткото на нацијата треба да го поправи овој впечаток и незадоволство кон него искажано од како што се нарекуваат македонските „порничари“ и треба по барање на „заедницата“ под итно да организира прием за нашата прва и најпозната домашна OnlyFanas сопственичка на страница за возрасни, Теодора Мартиноска, која е ем далеку помлада, а и далеку поактуелна и поатрактивна. Па оној што е пионер во нешто белким заслужува прием? Е да, ама некои веднаш се побунија па рекоа дека Нивес и добро танцува... Ако е до танцот, кој вели дека и ние „Онли фанс“ „мачка“ за танцување немаме? И тоа црна, а, ако треба и со стриптиз на шипка? Океј... И Теодора и Ани -„Црна Мачка“ имаат „Онли Фанс' страница, ама за разлика од нив Нивес е и пејачка, а тие не се? Можеби тие не се, ама кој вели дека и Македонија нема пејачки со „Онли Фанс“ страници? До душа за во ваква прилика да се појави една Дијана - „Оу-Џи“ претседателот ќе треба да почека, (т)раперка да излезе од „Задруга“, иако и Нивес на Стево со своите „слободни постапки“ му приреди своевидно ријалити! Од нашите разголени убавици во комбинација за прием можат уште да влезат уште многу други... Од бивши мисици, модели и старлети како Александра Накова или распеаната Кристина Димитриевска... ...Преку други пејачки со „Онли фанс“ страници како раперката Луна Ристиќ, па се' до оние наши пејачки што немаат свој „Онли фанс“, ама затоа имаат експлицитни домашни видеа, како на пример битолската фолкерка Марија Луиса Тодоровска? Конечно, зошто некои туѓи да бидат привелигирани, а нашите дискриминирани по прашање на прием во вилата на Водно? Затоа можеби најдобро е ако веќе првин примил една, следниот пат претседателот да ги прими сите наши раскошни убавици од тој тип „на купче“... На „Онли фанс“ коктел журка? При тоа на гардистите или обезбедете им телохранители или... Или и ним дозволете им да ги прекршат протоколите за да возвратат на сите гушкања, бакнежи и... се друго што ќе доживеат, како веќе знаат и умеат! Фото: Инстаграм принтскрин/социјални мрежи

Олимпискиот теквондо вицепрвак Дејан Георгиевски со „Маја гери“ за македонскиот претседател: Стево не е Путин (ВИДЕО)

Антонио Димитриевски — Fri, 20 Aug 2021 07:11:10 +0000

Претседтелот на Македонија, Стево Пендаровски во својот кабинет го прими олимпискиот вицешампион во теквондо од Токио, Дејан Георгиевски. По протоколарниот разговор и кафе-муабетот, Дејан покажа нешто што можеби не е по протокол, ама кога претседателот веќе инсистира, тогаш мора да му се демонстрира. Двоен удар со нога или поточно само симулација на опишаната ситуација, зашто во спротивно ќе требаше заедно со локалните да имаме „нови претседсателски избори“. Вака, „Маја гери“ за Стево, ама само како показна вежба како тоа би изгледало да се 'рчкаш со еден од тројцата најдобри теквондо мајстори на светот. До душа од видеото подолу, се гледа дека и претседателот се обидел да покаже како би се бранел, ама вицепрвак си е вицепрвак... А ни Стево не е Владимир Путин кој како и многу славни ликови имаат тренирано теквондо како на пример, Чак Норис, Барак Обама, Арнолд Шварценегер, Џесика Алба, Жан Клод Ван Дам... Се разбира сето ова само на шега, зашто во овој спорт вистинските ударите не се дозволени... За разлика од политиката, каде „ниските удари“ се секојдневен „мејнстрим“! Погледнете како изгледаше „блиската средба“ на олимпискиот вицешампипон и македонскиот претседател:

Маша Терзиќ „ги преврте наопаку“ социјалните мрежи: Несудената снаа на Цеца е „рај за очи“ за „возрасните деца“ (ФОТО)

Антонио Димитриевски — Thu, 01 Jul 2021 11:30:54 +0000

Ќерката на претседателот на фудбалскиот клуб „Црвена ѕвезда“, жешката Маша Терзиќ прерасна во вистинска убавица по која воздивнуваат многу мажи. Откако раскина со Вељко Ражнатовиќ, не се знае многу за нејзиниот приватен живот, но познато е дека важи тивок копнеж и неостварена желба на многумина од посилниот пол. Позната по извајаните облини и бомбастичниот изглед, таа уште еднаш ги „преврте наопаку“ социјалните мрежи, зашто несудената снаа на Цеца е „рај за очи“ за „возрасните деца“! Особено кога позира во костим за капење на песок или лежалка, а нејзиното тело тенко како сукалка, навистина изгледа како извајано. Ќерката на Звездан Терзиќ одлучи да заработи самата свои пари, па неодамна започна модна линија која веќе ги стекна своите верни клиенти. По овој потфат, Маша реши да се почести со одмор во од соништата во потоплите предели, а машките што ја следат на Инстаграм, по неа воздивнуваат со денови и недели.

View this post on Instagram

A post shared by Masa Terzic (@mashaterzic)

Фото: Инстаграм принтскрин/mashaterzic

Гласот на народот посилен од глупоста на поединци: Македонија на ЕУРО 2021 сепак во „стариот“, препознатлив црвено – жолт дрес!

Антонио Димитриевски — Sun, 30 May 2021 08:48:59 +0000

ФФМ се премисли... На ЕУРО 2021 одиме со „стариот“ црвено-жолт македонски дрес. Под притисок на јавноста, околу реакциите за катастрофалната изведба, боја и дизајн на новиот дрес, Фудбалската федерација на Македонија попушти... Нејзините челници се попишманија, ја увидоа грешката или едноставно не смееја да се соочат со цунамито што ги чекаше ако останеа на своето, па претседателот Муамед Сејдини пресече... Најпрвин срамежливо, вчеравечер сабота, 29 мај 2021 со загадочна најава на социјалните мрежи. А веќе следниот ден изутрина, недела 30 мај 2021 и со конкретно соопштение и се обрати на јавноста. „Драги навивачи на македонската репрезентација, Како претседател на Фудбалската федерација на Македонија чувствувам обврска да се обратам до фудбалското семејство во врска со промоцијата на новиот дрес на македонската репрезентација за Европското првенство. Најпрвин, изразувам искрено жалење за негативните реакции кои што беа предизвикани од бојата на новиот дрес. Свесни сме дека репрезентативниот дрес претставува чест и амбиција на секој фудбалер уште од најрана возраст Репрезентативниот дрес беше подготвен со голема радост на барање на фудбалерите. Тимот бараше нови репрезентативни дресови. Ние сакавме да го исполниме тоа барање. За жал, техничката поддршка во однос на бојата на дресот не е во согласност со барањата на ФФМ. Федерацијата и службите во ФФМ целосно ја преземаат одговорноста за овој избор, но исто така ќе побараат одговорност и од техничкиот партнер. Како претседател на федерацијата ја преземам мојата одговорност за евентуални последици и најавувам дека на Европското првенство ќе играме со досегашните дресови. Тоа што не влијаев и имав доверба во работата на службите во ФФМ во креирањето на новиот дрес, не значи дека треба да молчиме кога пошироката јавност го искажува своето мислење. Инсистирам настапот на Европското првенство да биде запаметен по прекрасниот успех што го направивме и да не биде засенет со работи кои се полесни за решавање. Поради реакциите од бојата на дресот, ние како Фудбалска федерација на Македонија пративме допис до УЕФА со кој бараме натпреварите од Европското првенство да ги одиграме со актуелните дресови. Се надевам дека УЕФА ќе има разбирање за нашето барање и ќе излезе во пресрет на истото. Со актуелниот репрезентативен дрес игравме на Европското првенство 2017, со тој дрес остваривме историски пласман на ЕУРО 2020 и со тој дрес ќе се претставиме на првенството кое со нетрпение го очекуваме. Ве повикувам со добра мисла да ги испратиме нашите херои на Европското првенство. Навивачкиот дух да им биде ветер во грб. Напред Македонија“.

Српскиот претседател на собранието остана стаписан од писмото што го добил од Лондон: „Соња тврди дека му е ќерка и бара алиментација од Ивица Дачиќ?! (ФОТО)

Антонио Димитриевски — Thu, 22 Apr 2021 10:17:01 +0000

Претседателот на Собранието на Србија, Ивица Дачиќ, замалку што не се онесвестил кога добил е-пошта од извесна Соња, девојка од Лондон, која тврди дека тој е нејзиниот татко?! Утрово Ивица Дачиќ не криеше во утринската програма на една српска ТВ, колку бил затечен и шокиран од писмото што го добил од Лондон од извесна Соња, девојка која тврди дека тој и е татко на неа и нејзиниот брат и дека децата ги добил уште од првиот брак со нивната мајка. Како што тврди девојката, тој никогаш не се развел од мајка и?! Соња од Лондон тврди дека има дваесеттина години, а утрово на ТВ-програмата беше забележано дека не изгледа баш и толку млада, туку личли како да е поблиску до возраста на Дачиќ, па се поставува прашањето како Ивица воопшто можел да биде нејзин татко? 20-годишната девојка од Лондон му испратил е-маил на адреса на Собранието, кој службите веднаш му го доставиле. Во писмото, таа бара од Дачиќ неа и брат и да ги признае како негови деца, но и да им плаќа алиментација. По тој повод, Дачиќ изјави дека писмото на непознато лице пристигнало во неговата канцеларија и дека му е жал за тоа што одредени луѓе добиле можност да го сторат тоа, за да го свртат вниманието на јавноста кон себе. Еве го писмото што таа му го напишала и спратила... А, татко или не, тоа ако се покаже дека има потреба, допрва ќе се утврдува.

Каде е и како изгледа денес Сара, ќерката на трагично загинатиот македонски претседател Борис Трајковски (ФОТО)

Антонио Димитриевски — Sat, 12 Dec 2020 07:24:50 +0000

Поминаа речиси 17 години откако во 2004 година македонскиот претстедател Борис Трајковски трагично го загуби животот во авионска несреќа кај Мостар.

Оттогаш неговата сопруга Вилма со своите деца се повлече од јавноста и ретко се појавуваше во медиумите. Нејзините тогаш малолетни деца, синот Стефан и ќерката Сара уште помалку. Едноставно, продолжија да живеат тивко, повлечено, настрана, без било каква помпа или медиумско експонирање. Единствено најблиските околу нив знаеја како им минуваат деновите, што прават, како растат и се развиваат децата, што одбрале да учат, по кој пат тргнале...

Освен во деновите кога се одбележуваше споменот на претстедателот Трајковски и кражбата во нивната куќа во 2012 година кога непознати лица упаднаа во вилата на семејството на екс претседателот, за нив речиси и не можеше да се слушне и дознае ништо.

Годините минуваат, времето лета, а децата на поранешниот македонски претседател пораснаа... Така на социјалните мрежи и интернет порталите осамнаа неколку фотографии од Сара, ќерката на Борис и Вилма Трајковски која сега живее во САД, каде студираше на еден од познатите универзитети во Њујорк.

Сара физички многу личи на мајка и Вилма во помлади години. Физкиусот, торусот, цртите на лицето, фризурата, бојата на косата... едноставно во многу нешта кога ќе ја видите, Сара е „плукната“ Вилма...

Но она што не се гледа на прва, а добро упатените велат е „копи-пејст“ на татко и, е енергијата, сферата на интерес, желбата да се биде постојано активен, одлучен, одмерен, умерен... и сето останато што карактерно го красеше и одликуваше покојниот претседател Трајковски!

Дали тоа можеби значи дека политиката во иднина ќе биде нејзиниот избор и определба, останува допрва да видиме?!

Сега за сега Сара е само обична девојка која дури и во далечната Америка во себе ја носи љубовта за Македонија и споменот на нејзинио татко - големиот човек и државник, претседателот Трајковски! Фото: Фејсбук принтскрин

Кривична пријава против Јосипа Лисац поради начинот на кој ја испеа хрватската химна: Присутните гледаа во земја, гледачите збунети (ВИДЕО)

Антонио Димитриевски — Thu, 20 Feb 2020 13:07:53 +0000

Против хрватската пејачка Јосипа Лисац е поднесена казнена пријава поради начинот на кој ја извела националната химна на инаугурацијата на хрватскиот претседател Зоран Милановиќ. Пријавата е поднесена од адвокатот Бошко Жупановиќ, кој изјави дека „химната на Република Хрватска е изведена на подбивен и омаловажувачки начин“ и дека Јосипа Лисац на тој начин извршила кривично дело кршење на угледот на Република Хрватска со „користење подбивни артикулации и тоналитети“. „Не сакам внимание на медиумите. Го направив тоа како адвокат и граѓанин. Мислам дека тоа е само исмејување и дека не соодветствува за никаков настан, а камоли на инаугурацијата на новоизбраниот хрватски претседател”, рече Жупановиќ за Индекс.хр. Тој додаде дека ја поднел пријавата затоа што сметал дека тоа е негова граѓанска должност.

Познатата старлета влегува во трката за претседател на Хрватска: „Ќе добијам 60 000 евра за кандитатура“

Христина Ѓоргиевска — Tue, 08 Oct 2019 08:30:27 +0000

Ава Карабатиќ и понатаму е тема број еден во Хрватска и тоа поради претседателсите избори на кои одлучи да се кандидира. Изгледа дека старлетата сериозна размислува да се занимава со својот план и доколку обезбеди доволно потписи, Ава ќе добие 60 000 евра. Се појави и преписка на Ава и еден бизнисмен од Хрватска.Ава на тој бизнисмен му побарала помош од 10 000 евра за кампањата, но тој не сакал да учествува во нејзината игра. „Слушни, кој денес ти дава пари на убави очи?Ти си будала.Каков претседател ќе бидеш?“, пишува бизнисменот. Старлетата не била погодена од прашањето, туку се обидела да го убеди дека таа е вистинскиот избор. „Ти ќе се зачудиш кога би дознал колку пари добив на убави очи.Со луѓето ништо немав освен контакт со пораки. А за претседател ќе добијам 60 000 евра. Секако, ако соберам потписи“ се пофали Карабатиќ. Инаку, на социјалните мрежи започнаа шеги на сметка на Ава. Се споделуваат фотографии на кои поранешната учесничка и водителка на „Парови“ позира во бикини со паролата: Пет години не е многу време, но ветувам дека ќе ве задоволам.

View this post on Instagram

A post shared by Ava Karabatić (@ava_karabatic_official) on Oct 6, 2019 at 8:54am PDT

Ќерката на Доналд Трамп ужива со момчето на Миконос (ФОТО)

Антонио Димитриевски — Tue, 23 Jul 2019 09:45:56 +0000

Тифани Трамп, ќеркаta на американскиот претседател Доналд Трамп, ги поминува деновите на летниот одмор во Европа. Откако престојувала во Црна Гора, таа скокнала на познатиот грчки Миконос, заедно со нејзиното момче, милијардерот Мајкл Булос.

Тифани и нејзината посилна половина беа сликани на јахта со која се возеа по морето. Трамп штом ги забележала фоторепортерите, само им се насмевнала.

Ве потсетуваме дека во март оваа година Тифани беше во Белград, заедно со момчето Михаил Булос, кој и купи неколку скапоцени бунди во главниот град на Србија.