Каролина Гочева од Битола во Преспа: Пејачката на тура низ Македонија со посебно друштво (фото)

Слободанка Илиева — Thu, 10 Dec 2020 08:20:37 +0000

Секоја сезона од годината носи своја посебна убавина... Крајот на есента, доаѓањето на Нова Година, почетокот на зимата, за сите нас е еден период на адаптација, подготовка за постудените месеци и почесто консумирање на убавините кои ни ги нуди природата, особено оние на нашата Македонија. Пејачката Каролина Гочева поради пандемијата од коронавирусот, како и многумина оваа 2020 година остана на домашна територија потетувајќи ги убавините на нашата земја. https://arhiva.vistina.com.mk/radio-mileva/eve-kade-karolina-gocheva-se-rekreira-za-vreme-na-pandemijata-pejachkata-bez-shminka-a-i-koga-e-sama-vo-priroda-nosi-maska-foto/ Таа често од Скопје патува во родната Битола кај своите родители, сестра си и внуките, а овој пат направи една тура од Битола до Преспа заедно со мама Светлана и една пријателка. Таа преку неколку фотографии кои ги овековечи на Инстаграм го покажа убавото Преспанско езеро за кое сите се надеваме и чекаме негово заживување. Овој период езерето е ретко посетено, а Каролина и убавото друштво дошле до убава идеја за полнење на патериите со позитивна енергија од природата. Нека ова биде идеја и за Вас да посетите место во Македонија на кое можеби не сте биле или не е актуелно овој период од годината.

Сузана Турунџиева во езерска филмска сцена: „Онесвежена“ на преспански „Титаник“ (ФОТО)

Антонио Димитриевски — Wed, 25 Jul 2018 07:14:46 +0000

Сузана Турунџиева со помалата ќерка летуваше на „еѕеро“... пардон, на езеро! И тоа Преспанско! Поголемата Лора е веќе голема девојка, па не мора да оди со мама на одмор. Лето како лето, на плажа без книга - не бива, па чита кој од што сака, кој од што мора! Овој пат за „Итар Пејо“ се работеше... И нема многу сакам-нејќам, зашто тука нема што да се бира - мора да се чита лектира!

А мама, онака како што ја дал Бог во топ форма, утрата ги започнуваше со медитација. И ако по утрото денот се познава, денот ќе и биде релаксиран, па затоа онака опуштена и смирена, кулирањето го замени со шетање.

Мала утринска прошетка по песочниот брег, додека другите уште не се разбудиле и плажата е празна. Тогаш може да се одбере најдобра локација за да се фати позиција за одмор, сончање, акумулирање енергија и... фаќање сеир!

И од цела плажа, Турунџиева го избра докот и дрвениот мост... Застаната крај оградата на работ, како Кејт Винслет го чекаше својот Леонардо да се појави однекаде. Иако проживеа многу нешта во животот, се' уште цврсто уверена дека нејзиниот Титаник не потонал... И не е - напротив!

А Леонардо ко Леонардо, доцни како и сите ѕвезди што доаѓаат на крај... Во меѓувреме, нашата Сузи во дилема како да се разлади, за да не прегрее: да се џбурне в еѕеро или...? Па реши уште малку да почека, ама овој пат седејќи. А разладувањето? И тоа ќе стигне. Нарачката е на пат до целта: „Ве молам едно дупло еКспресо и то сТредно! А можи и една оранЏада... да се онесвежам“!

Леонардо не се појави... Ама така „онесвежена“ на Турунџиева „не и потонаа“ мечтите и сништата, па вечерта се здаде - правец в град! Кај Аладин!

Можеби духот од неговата волшебна ламба може да помогне во остварувањето на желбите, за почеток на нова животна бајка на згодната и горда мајка?

преспанско езеро – Вистина.мк

Каролина Гочева од Битола во Преспа: Пејачката на тура низ Македонија со посебно друштво (фото)

Сузана Турунџиева во езерска филмска сцена: „Онесвежена“ на преспански „Титаник“ (ФОТО)