прес конференција – Вистина.мк

Ѓорѓе Давид се врати во Србија: Пејачот на прес конференција ќе ги обзнани сите детали за несреќата

Антонио Димитриевски — Fri, 26 Jan 2024 10:16:55 +0000

Пејачот Ѓорѓе Давид доби дозвола да ја напушти Македонија по сообраќајна несреќа во која налета на жена која се движеше по автопат и ја усмрти. Имено, Давид пристигна во Белград и за утре најави конференција за медиумите на која ќе ги открие сите детали поврзани со сообраќајната несреќа. Според последните информации, прво се судриле два автомобили, „фолксваген поло“ со кумановски регистрации и „фолксваген голф“ со скопски регистарски таблички. Како што се посочува во соопштението, до судирот дошло кога возачот на еден од автомобилите влегол на автопатот во спротивна насока. „По тој првичен судир од автомобилот излегла сопатничката од возилото со кумановски регистрации и во тој момент на неа налетал автомобилот со српски регистарски таблички. Од ударот жената се здобила со тешки телесни повреди, од кои починала“, се вели во соопштението на обвинителството. Како што се додава, издадена е наредба за обдукција на жртвата, но и за преглед на примероци од крв и урина на останатите учесници кои во моментов се хоспитализирани со полесни повреди. Собрани се траги и материјални докази кои ќе бидат предмет на вештачење за прецизно да се утврдат причините за сообраќајната несреќа. Утврдено е дека НЕ БИЛ ПИЈАН! На Давид му бил направен алкотест и било утврдено дека не бил пијан. -Бев сам во автомобилот. Ми земаа урина, крв да видат дали имам супстанци, алкохол. Се разбира, немав, веднаш го открија тоа. После тоа ме однесоа кај јавен обвинител кој посочи дека немам никаква вина во овој случај. Виновникот наводно е девојката која возела и која наводно била во автомобилот со нејзината мајка, која исто така била повредена, рече Ѓорѓе. Фото: Инстаграм/djordje_david

На 13-ти април, среда во градска кафеана „Пелистер“ во 12 часот: „Меморија“ со ПРЕСС конференција за големиот концерт на отворено

Антонио Димитриевски — Tue, 12 Apr 2022 06:30:15 +0000

Пет години по големиот повратнички концерт во сега веќе непостоечката „Метрополис арена“, култната македонска поп-рок група „Меморија“ најавува нов концертен спектакл. Овој пат под отворено небо, на стадионот на АРМ во Градскиот парк во Скопје, каде на 11-ти јуни 2022 год. ќе се одржи најголемата рок ен рол концертна журка во живо годинава. Замислена како своевидна „концертна матурска рок ен рол забава на генерациите“... И на оние некогашните, кои паметат многу посреќни времиња и овие сегашниве кои ги живеат најубавите години од својата младост, но и оние чии тинејџерски години допрва доаѓаат, концертот на „Меморија“ ќе биде многу повеќе од само обичен „Open air“ рок концерт. Сплотена енергија на неколку генерации како знак на заедништво и верба во вистинските вредности. И музички и човечки! Покрај нивните најголеми хитови како „Нена“, „Одам засекогаш“, „Оган под ѕвездите“, „Нашите слики“, „Зошто Боже“, „Дирлада“, „Снежо-Снежана“... кои одново ќе ги слушнеме од големата концертна сцена, на неа како специјални гости ќе се појават уште неколку култни македонски бендови и музичари... Некои кои се’ уште постојат и градат кариера, некои кои односво специјално ќе се соберат за оваа прилика. Така покрај членовите на „Меморија“ за скопската и македонската публика воопшто, заедно со нив ќе свират и пејат уште и Ружица и Ивица од „Ареа“, Венко и Сеад од „Конкорд“, публиката ќе има можност да го види и слушне во живо, музичкиот видео омаж за Аки Рахимовски, со можност за уште неколку специјални изненадувања што засега се чуваат во тајна. По овој повод членовите на „Меморија“, утре, среда, 13 април 2022 година во градската кафеана „Пелистер“ на Плоштад „Македонија“ -Скопје, со почеток во 12 часот напладне ќе ја одржат својата прва прес конференција. На неа пред претставниците на медиумите ќе бидат соопштени сите детали и поединости за најавениот концерт, кој ќе биде проследен со специјални светлосни и визуелни ефекти.

На промоцијата на серијата „Радио Милева“, Анѓелка Прпиќ „полуде“ и лутито ја напушти прес конференцијата по прашањето: „Кој е вашето ново ново момче?“

Антонио Димитриевски — Fri, 05 Mar 2021 10:33:02 +0000

Анѓелка Прпиќ предизвика скандал на прес-конференција откако и беше поставено прашање во врска со новото момче. Актерката, како да не знае дека работи јавна работа, па се почувствува навредена што медиумите се интересираат и за нејзиниот приватен живот, особено по разводот. Српските медиуми неодамна напишаа дека таа е во врска со угостителот Срѓан Стојановиќ, а сега камерите на „Папарацо лов“ ја снимија со извесен човек пред зградата на Прпиќ, за кого во шоуто се вели дека е нејзиниот нов партнер. Додека си ја вршеа својата работа, новинарите ја искористија промоцијата на серијата „Радио Милева“, покрај работните теми, за да разговараат со актерката и за новото момче, но тоа неа ја вознемири и изнервира. „Ова навистина не е во ред, многу сте безобрзни“ - им „одбруси“ актерката на наовинарите и лутито ја напушти прес конференцијата! https://www.youtube.com/watch?v=HiPSlsC2iEI

„Фолтин“ на прес конференција го претставија новиот албум „Момома“

Антонио Димитриевски — Thu, 18 Apr 2019 13:24:28 +0000

Денес, четврток,18-ти април 2019 година, во кафе барот „Цреша“ точно напладне, се одржа прес конференцијата на која членови на македонскиот арт бенд „Фолтин“ го претставија материјалот за нивниот најнов албум насловен „МОМÓМА“.

Новото издание на „Фолтин“ содржи шест авторски композиции реализирани од: Бранислав Николов – глас, Пеце Трајковски-Брада – гитара и сајзер, Гоце Јованоски – бас, Славчо Јовев – тапани, Пеце Николовски – кларинет и усна хармоника. Гости музичари: Петар Димитровски – клавијатури (1-6), Владан Дробицки – тромбон и Васко Бојаџиски – саксофон (5)

Снимател на материјалот: Гоце Јованоски, микс и мастеринг: Ивица Јанкуловски-Штраф

Студио: „Алшар“, Скопје, декември 2018 – јануари 2019

Дизајн: Ангел

Издавач: НМА

"МОМÓМА е најзрелиот албум на Фолтин. Музички клуч под дипле. Со кој

влегувате којзнае каде. Благо џезиран. Бескрајно љубовен. И, замислете, пријатно поинаков од сѐ

претходно, а препознатливо фолтиновски.

МОМÓМА е како Шпато да седнал со "Бич Бојс", па отсвириле пет-шест ствари.

Онака, како од шега, ама пресериозно. И тоа од таа нивна чудесна „Pet sounds"

фаза. Кога правиш нешто сосема поинакво од очекуваното и ги збунуваш сите до

радост.

МОМÓМА е и „Скопје фест", оној од седумдесеттите, од Оџаклиевска, Хаџиманов,

Спирова, Панчетовиќ, Биг-бендот... но со Фолтин, место сите нив заедно.

Албумот нè гали и со влијанијата од Херби Хенкок - од "Thrust", на пример,

управувани од бојата на неговиот вселенски синтисајзер.

Во песната „Ми се води љубов" можеби можете да го препознаете и Том Вејтс,

како да влегол во романтична џез фаза, па пее пригушено низ мегафонот од

"Chocolate Jesus". А потоа од некаде излегува и Боуви, со онаа негова проклето

прекрасна насмевка.

А текстовите? Тие се такви какви што ги очекувате – безмилосно нежни и силни.

„МОМÓМА" е оној момент којшто не сакате да заврши. Во ноќта кога, рече, може

само да ме сонуваш. Кога ви се води љубов. Малку неморално. Раскошно и

блудно" - пишува Дејан Трајкоски – писател.