препев – Вистина.мк

„Ако утре ме нема“ на ДНК доби српска верзија испеана од Џенан Лончаревиќ (видео)

Слободанка Илиева — Mon, 08 Aug 2022 09:32:47 +0000

„Ако утре ме нема“ е последната и најнова песна на r&b дуото ДНК која уште по излегувањето стана хит кој се пушта во сите дискотеки, се врти по радиостаниците, а растат и прегледите на интернет каналот Јутјуб. Панчо и Лазар Цветковски кои ја потпишуваат музиката, а Панчо и текстот, се особено горди што ова нивно дело го отпеа на српски јазик популарниот поп-фолк пејач Џенан Лончаревиќ. Препевот пак, го направи Сергеј Ќетковиќ, а звучи доста оригинално на првосоздаденото. За само два дена песната на Јутјуб има над сто илјади прегледи и доста ласкави коментари на оние кои само слушаат, но не обрнуваат внимание на авторството и тоа дека песната е препеана од македонски јазик, па сите заслуги отидоа кај Џенан. Сепак, се најдоа и такви во коментари под видеото да потсетат дека песната е на македонското дуо ДНК и е преработка, а песната првично е македонска. Вака или така, на нашите автори им одговара слушаноста, па Панчо и Лазар авторските права ќе ги добиваат од две земји. Во продолжение преслушајте ја „Ако сутра ме нема“. фото:Јутјуб принтскрин

Оперскиот пејач Давид Миладинов со обработка и моќна изведба на легендарната македонска патриотска песна – „Послушајте патриоти“ (ВИДЕО)

Антонио Димитриевски — Thu, 16 Jul 2020 08:05:49 +0000

Оперскиот пејач Давид Миладинов го промовираше спотот за неговата најнова преработка на легендарната македонска народна патриотска песна „Послушајте патриоти”, во која се пее за големиот јунак Александар Караѓуле Охридски,кој бил мачен и убиен од Бугарите во софискиот затвор во 1892 година. https://denesen.mk/video-junak-od-poznatata-makedonska-pesna-poslushajte-patrioti-e-ispeana-za-karagjule-koj-bil-machen-i-ubien-od-bugarite-vo-sofija/ Видеото е снимано на неколку убави локации во стариот дел на Охрид, како и во неговата околина, поточно во атарот на селото Куратица. Спотот го изработи ИН Продукција, а истиот беше премиерно претставен на сателитската ИН Телевизија. „Сметам дека македонското национално чувство треба да се разбуди малку кај нас. Ние потекнуваме од Република Македонија и треба да ја негуваме македонската песна, имаме доста убава музика. Треба да правиме нови песни, доста гледам на социјалните мрежи препејувани песни од соседството или странски песни. Ние најпрвин треба да гледаме нашите песни да ги промовираме. Послушајте Патриоти' доби нов израз, односно модерен аранжман и повторно во моја оригинална изведба, во стил на претходната претходната песна која ја препеав „Кога падна на Пирина” - истакна Миладинов во неодамнешното интерјву за ИН ТВ. Погледнете го видеото и слушнете ја неговата емотивно, но моќна изведба на оваа македонска патриотска песна, која никого нема да остави рамнодушен.

Тоше ја препеал и „Штом сакаш“ од Каролина Гочева (АУДИО)

Антонио Димитриевски — Wed, 18 Oct 2017 12:55:59 +0000

По повод десетгодишнината од загинувањето на македонската легенда Тоше Проески денеска на една од српските радио станици премиерно беше пуштена маестралната изведба на евергринот „Штом сакаш“ на Каролина Гочева.

Песната е препеана на српски јазик и е уште една изведба која со голема радост е пречекана од верните фанови на Тоше. На 5 октомври беше промовирана и песната „Light the flame“ која била дел од материјалот со кој Тоше требаше да ја освојува светската сцена, а кон крајот на ноември и почетокот на декември се очекува и издавањето на нов албум со песни на англиски јазик.