премиера – Вистина.мк

„Тој и Шабан беа најдобри пријатели, но не му дојде на помен …“: Еве што му порача Гоца Шаулиќ на Саша Матиќ (фото)

Слаѓана Атанасова — Mon, 26 Feb 2024 08:28:41 +0000

Познатиот пејач Шабан Шаулиќ, кој не напушти во 2019 година на 68 години, минатиот викенд имаше помен. Саша Матиќ не се појави на поменот, како што истакнува од оправдани причини. - Шабан Шаулиќ беше еден од моите најдобри пријатели. Не можев да дојдам на поменот – рекол Матиќ, а потоа открил што му кажала вдовицата на пејачот, Гоца Шаулиќ. - Гоца ми рече: „Шабан многу те сакаше, знам дека ќе дојдеше да можеше... Ти благодарам што не не заборави“. И никогаш не би! Да ги заборавев нив како пријатели, ќе беше исто како да го заборавев Шабан - изјави Саша за „Премиера, викенд специјал“. Да потсетиме, роднините на Шабан се собраа минатата недела на Новите гробишта во Белград, каде се одржа поменот. Меѓу првите што пристигнаа на гробиштата беше вдовицата на Шабан, Гордана, која положи на гробот букет бели рози. Фото: printskrin/instagram

Аца Лукас бесен, не дојде на премиерата на филмот за Џеј, „Недеља“: „Дојдоа на црвениот тепих да ронат лажни солзи, а кога му беше најтешко, никој не му помогна“

Антонио Димитриевски — Mon, 22 Jan 2024 13:06:32 +0000

Аца Лукас јавно удри по пријателите на Џеј кои се појавија на премиерата на филмот „Недела“, велејќи дека дошле само да ја оживеат својата кариера. Филмот „Недела“, кој раскажува за животот на легендарниот пејач Џеј Рамадановски, светлото на денот го здогледа на 16 јануари, кога беше премиерно прикажано споменатото уметничко остварување. На премиерата се појавија многу јавни личности, освен пејачот Аца Лукас, кој беше голем пријател на Џеј. Фолкерот сега објави стара фотографија со Рамадановски и откри зошто не се појавил на црвениот тепих. Тој исто така додаде дека никогаш нема да го гледа споменатиот филм. „Јас го сакав Џеј искрено, до последниот момент од неговиот живот, па и денес и засекогаш. Бев со него до крај, бидејќи тој е всушност единствениот човек на оваа наша таканаречена тажна естрада кого го сакав и почитував. И сите го знаат тоа. И ако ме прашате зошто не се појавив на премиерата на филмот за Џеј, ќе ви кажам. Да, не се појавив, поточно не ни сакав да се појавам, а сега јавно кажувам дека сите знаат дека никогаш нема да го гледам филмот, токму од љубов и почит кон таа големина и тој човек кој толку многу го сакав. Затоа што кога ќе ја видите огромната листа на оние кои на овој или оној начин учествуваат во филмот и околу филмот, ќе ви кажам „да не претеруваме и да кажеме 100 проценти, но 99 проценти од нив се оние кои исклучиво ги користат неговата смрт и неговата несреќа. Сите што ја знаат и оваа наша таканаречена сиромашна естрада знаат за што зборувам“ - истакна Лукас. Лукас потоа удри по луѓето кои се појавија на премиерата, велејќи дека дошле да ја оживеат својата кариера на сметка на неговото име. „Во последните, па, можеби десет години од неговиот живот сите го плукаа, му се потсмеваа, па дури и го газеа, никој од нив не беше тука за него кога беше најтешко, а сега дојдоа да се прошетаат на црвениот тепих и пуштат лажни солзи, мислејќи дека тоа што му го направиле во текот на животот никој не го забележал или заборавил. Гледаш, јас не сум од нив. Дојдоа да ги вратат своите кариери кои долго време се во сериозен пад, во името на починатиот, дојдоа да зборуваат колку го сакаат, но никој не му помогна и не сакаше да му помогне кога беше најтешко. Освен неколку луѓе, чии имиња нема ни да ги спомнам, а ни тие не би сакале, затоа што вие помагате за да помогнете, а не за да знаат другите. Па, затоа не дојдов на премиерата, бидејќи навистина го сакав, почитував и ценев, бев со него до крај“. Потоа Аца Лукас му се обрати на Џеј со емотивни зборови: „Од сите лицемери, сечикеси и ѓубриња, без разлика дали се од забавна музика или од други сфери, можам да ги исклучам само неговите деца, неговата Андријана, неговиот Руле, јас и еден наш заеднички пријател, се вика Влада, а добро... познат бизнисмен кој секогаш беше тука кога требаше. Ова е тажната вистина на нашата мизерна средина и луѓето кои ве тапкаат по рамо и наводно ве сакаат. Драг мој Џони, ќе разбереш зошто не бев на таа премиера. Кон крајот ти реков да се вратиш, да снимиме нешто, ти дадов песна, се сеќавам, малку грубо ти кажав Џеки, нема да дојдам на твојот погреб, туку ќе дојдам на твојот нов концерт. За жал, тоа беше погреб. И секако дојдов, морав да те испратам за последен пат. Но, не можев да присуствувам на оваа парада на лицемерие и лажна љубов. И знам дека ќе ми простиш. Твојот Бушав те сака засекогаш“ - завршува пејачот. Фото: Инстаграм/aleksandar_vuksanovic_official

Во МНТ премиера на претставата „Божествена рапсодија“

Слободанка Илиева — Fri, 22 Dec 2023 13:09:44 +0000

Во Македонскиот народен театар вечер со почеток од 18 часот ќе биде премиерно изведена претставата „Божествена рапсодија“. На сцената настапуваат членовите од инклузивен ансамбл на возраст од 10 до 55 години, актери кои досега успешно соработуваат во поставување на заеднички претстави како „Шумска бајка“, „Други приказни за Алиса“ и „Дрво низ времето“, односно членови кои го формираа првиот инклузивен градски хор, чија цел е да ја користи музиката и песната како алатка за комуникација и интеграција. Во претставата играат Елизабета Петковска, Ена Митревска, Коста Аризанов, Марио Мицкоски, Стефан Трпковски, Матеј Аларов, Оливер Блажевски, Ирина Прокопиева, Филип Ангеловски, Иво Веиќ, Нана Танеска, Ена Ковачевска, Ивана Полизовски, Данаја Ефтимова, Мартин Манчевски, Матеј Петровски, Ана Јовановска, а режијата е на Колектив Ветерница. Проектот е во продукција на Трисомија 21 Скопје, поддржано од Министерството за култура, Македонски народен театар и Колектив Ветерница со цел истражување на нови форми на современ инклузивен сценски израз. (МИА) фото:МИА

По бурните критики за нејзиниот изглед, на Адријана Лима и „пукна филмот“, па се огласи со вистинската причина за промените (фото)

Слободанка Илиева — Thu, 16 Nov 2023 10:22:43 +0000

Адријана Лима се појавила на премиерата на „The Hunger Games: The Ballad of Songbirds & Snakes“ во Лос Анџелес заедно со целото семејство, а промената на нејзиното лице не останала незабележана. Имено, манекенката се појавила со видно закосени очи и подигнати веѓи, што предизвика лавина коментари на социјалните мрежи. Многумина се посомневале дека станува збор за процедурата наречена „fox eyes“, која ја испробаа многу познати дами и која стана своевиден тренд во светот.

Adriana Lima before and after. What has she done? pic.twitter.com/V34wlSc6nQ
— Sabrina Smolders 🦋🌹 (@SabrinaSmolders) November 16, 2023

„Што направила со лицето?“, „Морам да знам што се случило со лицето на Адријана Лима и морам да го дознаам тоа веднаш“, „Последната верзија на Адријана Лима која наводно имала пластична операција“, се само дел од коментарите. Откако ги „закачи крилјата“ во 2018 година, Лима во ретки прилики му се враќаше на манекенството. Но, со најавата за враќање на култниот бренд за долна облека „Victoria's Secret“, беше најавено и дека Лима повторно ќе биде едно од нивните заштитни лица.

Necesito saber qué le ha pasado a Adriana Lima en la cara. Y necesito saberlo con urgencia. pic.twitter.com/V3RQKWCVKv
— El Rey Cayetano (@ElReyCayetano) November 14, 2023

Адријана Лима во средата се огласи на Инстаграм за да одговори на критиките на оние кои сугерирале дека се подложила на затегнување на лицето. Поранешната манекенка на „Victoria's Secret“ споделила фотографија на која е без шминка за да ги побие тврдењата дека имала естетски зафати на лицето. „Лицето на уморна мајка на тинејџерка, двајца предтинејџери, едно активно момче, 1-годишно дете кое учи да оди и три кучиња... благодарам за грижата“, напиша таа покрај нејзината фотографија. фото:Инстаграм принтскрин/Твитер

Ќерката на Џеј Рамадановски проговори зошто семејството не се појави на премиерата на трејлерот за филмот „Недела“

Слободанка Илиева — Mon, 30 Oct 2023 10:14:51 +0000

Пред неколку дена премиерно беше прикажан трејлерот за филмот за Џеј Рамадановски „Недела“, а премиерата е планирана за 6-ти декември. Она што многумина ги изненади е тоа што семејството на покојниот пејач не се појавило на настанот. Сега Марија Рамадановски, ќерката на легендарниот Џеј, во „Премиер викенд специјал“ ја откри вистинската причина за нејзиното повлекување од настанот. - Не бевме поканети на тој настан. Не ни знаев кога ќе се случи! Колку што знам, тоа беше презентација на трејлер само за медиуми. Знаевме дека треба да се организира, но не знаевме кога. Ние сме во контакт со сите во продукцијата на филмот и сме запознаени со речиси сите случувања. Па ќе дадам мое мислење за филмот кога ќе има премиера. Веројатно ќе ја гледаме премиерата. Се надевам дека татко ми ќе биде претставен верно и токму онака како што беше - рече Марија на почетокот и потоа додаде: - Како семејство го добивме сценариото... но не учествувавме во него... Практично не сум ни родена тогаш, па не можев ни да зборувам за тоа време. Филмот го опфаќа периодот до 1992 година, а во развојот на сценариото учествувале пријателите на тато кои се упатени во сè - рече таа, додавајќи како се сеќава на Џеј и колку уште и недостига: -Тој беше многу посебен човек, мило ми е што се сними филм за него....Се надевам дека целото семејство ќе биде задоволно, но и тој што не гледа од рајот. Не прашував многу за животот на татко ми... Знам дека имал тешко детство, дека бил во дом, дека ја запознал Марина така што одел да и продаде јакна, дека не сакал да се занимава со пеење. ... сето тоа беше таму некаде предодредено, да се живее таков живот, и да се умре како легенда - рече Марија и потоа додаде: -Беше голем борец, никогаш не се жалеше... Поради него научив како да поминувам низ животот. Секогаш беше радосен, никогаш не покажуваше дека му е тешко, дека е болен или дека нешто го мачи. Ми недостига секој ден, секоја недела, година... поминаа скоро три години откако е со нас, но сепак се чувствувам како да е тука! Изгледа и денес е со нас – рече таа и го коментираше можното продолжение на филмот: - Ако има продолжение на филмот, не знам која актерка би ме глумела. Мислам дека нема да има, барем засега. Ако дојде до тоа, ако навистина треба, би се изиграла и јас... Но не би се шегувала за тоа бидејќи сепак не сум актерка – заклучила таа. фото: Printskrin Instagram

Семејството Бекам во полн состав ви ја претставува нивната документарна серија (фото)

Слободанка Илиева — Thu, 05 Oct 2023 11:32:05 +0000

По успешното шоу на модната недела во Париз, Викторија и Дејвид Бекам побрзаа во Лондон, каде ги чекаше премиерата на документарниот филм „Нетфликс“ за авантурите во нивната „Бекам палата“. Во мини-серијалот од четири епизоди, фокусот е на познатиот фудбалер, неговите почетоци, неговото искачување на врвот на фудбалскиот Монт Еверест, но и некои семејни работи. Сите се појавија на црвениот тепих. Викторија, Дејвид, Бруклин, Ромео, Круз и Харпер, плус „придружни членови“ на династијата - сопругата на Бруклин, Никола Пелц и девојката на Ромео, Миа Реган. На премиерата присуствуваа и родителите на легендата на британскиот и светскиот фудбал Сандра и Тед Бекам, кои ретко ги гледаме во јавноста, особено на црвениот тепих. Стилските икони се истакнаа на гала настанот. Викторија, како и обично, се одлучи за елеганција – едноставен бел костум. Класиката беше избор и на нејзиниот сопруг, додека синовите се појавија во малку поопуштено издание. Нивните фризури беа исто така интересни бидејќи беа почит на оние што Дејвид ги промени во текот на неговата кариера. фото: Gareth Cattermole/Getty Images

Раста со девојката и ќерката дојде на премиерата на својот филм (фото)

Слободанка Илиева — Wed, 20 Sep 2023 10:29:37 +0000

Стефан Ѓуриќ Раста синоќа имаше премиера на автобиографскиот филм „3211“ во кој детално опиша како поминал во затвор каде што завршил поради поседување наркотици. На премиерата присуствуваа бројни познати личности, колеги и пријатели кои му пружија огромна поддршка на раперот. Најголемото изненадување дефинитивно беше појавувањето на девојката на Раста, Марија Балабан, која заедно со ќерката на Стефан, Тара, блесна на црвениот тепих. Марија за оваа прилика облече црн фустан со пресеци на стомакот, додека преслатката Тара во стилот на татко и облече широки панталони и широка бела блуза. Да потсетиме, романсата меѓу Балабанова и Стефан Ѓуриќ Раста започна за време на изрекувањето на куќниот притвор на раперот поради големото количество марихуана што беше пронајдено во неговиот дом. Стефан во едно од интервјуата ги откри деталите од врската на неговата избраничка и малата Тара, ќерката која ја имаша од краткотрајниот брак со пејачката Ана Николиќ. - Одлично се согласуваат, тоа ми е и една од најважните работи со оглед на тоа што сама се грижам за детето и немам бебиситерка. Во тие ситуации ми е важно Марија да е таму. Тара е навикната да функционира со мајка си, како и со Марија. - Таа сака убави жени. Тоа е нешто што и привлекува внимание. Таа секогаш прво гледа на ноктите, косата и се останато. Тоа и е важно во секој момент, без разлика што има пет години - изјави Ѓуриќ за „Блиц“. фото:АТА Images/ Hello magazine.rs printscreen

Секс, блуд, разврат, дрога, комар, насилство… Претставен трејлерот за „Покидан“ од трилогијата „Кафана на Балкану“ – автобиографискиот филм за Аца Лукас, а во него сите пороци (ВИДЕО)

Антонио Димитриевски — Fri, 15 Sep 2023 10:19:25 +0000

Деновиве е претставен трејлерот за филмот „Покидан“ кој е дел од трилогијата „Кафана на Балкану“.Станува збор за филм со потпис на „Хајп продукција“, чие сценарио е правено по мотивите кои се темелат на животот на балканската музичка фолк ѕвезда Александар Вуксановиќ, попознат како Аца Лукас. Лукас во филмот го игра актерот Младен Совиљ, а во трејлерот можете да видите само делови од возбудливиот, бурен и турболентен живот на оваа регонална музичка турбофолк ѕвезда. Дрога, секс, блуд, оргии, комар, насилство... сите можни пороци! Според најавата излегува дека животот на Тома Здравковиќ за овој на Аца Лукас е „детска градинка“! Ова е само дел од она што ве очекува во „Покидан“, од „Кафана на Балкану“ чија премиера треба да се случи на 03.11 2023 год. во „Штарк Арена“ во Белград, а веднаш по неа и големиот концерт на Аца Лукас.

View this post on Instagram

A post shared by Saša Mirković (@sasa_mirkovic_official)

Во меѓувреме, погледнете дел од возбудливите и шокантни сцени:

View this post on Instagram

A post shared by Saša Mirković (@sasa_mirkovic_official)

Фото: Инстаграм/aleksandar_vuksanovic_official

Сите погледи вперени во неа: Mанекенката Софија Милошевиќ ja оживеа куклата Барби (фото)

Слаѓана Атанасова — Fri, 21 Jul 2023 07:45:16 +0000

Тема број еден е филмот „Барби“ , како и манекенката Софија Милошевиќ која со својот изглед ги засени сите на премиерата во Србија. Нејзиниот изглед едноставно маѓепсува и изгледа како целосно да ја оживеала куклата барби, а ова го изјави манекенката додека беше покрај популарниот розов кабриолет. - Како дете создавав барби кукли кои беа смешни. Тогаш, секако, мислев дека тоа е ремек-дело, а денеска ми е особено драго што сум во фустан на настан - изјави Милошевиќ. Да потсетиме, манекенката е горда и успешна сопственичка на брендот „Софи Мило“ и се занимава со производство на гламурозни тоалети, а популарната манекенка на овој настан присуствуваше како амбасадор на споменатиот бренд. Покрај неа присуствуваа и пејачките Анџелина и Сара Џо, како и манекенката Данијела Димитровска. Фото: Принтскрин/Милета Мирчетиќ

Премиера на „Франкенштајн“ во ТДМ: Кој создава чудовишта во секојдневието?

Антонио Димитриевски — Thu, 06 Jul 2023 12:38:31 +0000

Кој создава чудовишта во секојдневието и како не се прифаќа нешто поинакво, е темата на младинската претстава „Франкенштајн“ во Театарот за деца и младинци (ТДМ) чија премиера е закажана денеска, на 6 јули, во 20 часот. Претставата работена по мотиви од романот „Франкенштајн“ на Мери Шели, е во режија на Кокан Младеновиќ и претставува едно модерно читање на романот. „Претставата се занимава со темата на создавањето чудовишта во секојдневието и општото неприфаќање на инаквиот во светот во кој живееме. Оваа претстава се обидува да одговори на прашањата за тоа како се случуваат девијациите во однесувањето на луѓето и од што истите се предизивикани. Дали секоја акција е реакција, и дали се раѓаме со перцепција за тоа што е исправно/ добро/ прифатено/ правилно, или пак тоа е нешто стекнато, она на што не учи мнозинството. И секако, на крајот ова е претстава за стравот, за тоа дека стравовите ни ги всадуваат уште од најраното детство и потоа, обидувајќи се да се одбраниме од тие стравови реагираме на начин на кој создаваме чудовишта од себе си и од другите околу нас“ - ќе рече Драгана Лукан Николовски, еден од драматурзите на претставата, заедно со Димитрије Коканов. Играат: Ангела Димитрова, Бојан Кирковски, Матеа Јанковска, Наташа Петровиќ, Ненад Митевски, Никола Наковски и Симона Спировска. Текстот за претставата е на Кокан Младеновиќ, Драгана Лукан Николоски, Димитриjе Коканов, Наковски, Јанковска, Димитрова, Спировска, Петровиќ, Кирковски и Митевски. Сценографијата е на Кирил Василев, костимографка е Александра Пециќ Младеновиќ, композитор Лука Кантарџиев, а текстот за музиката е на Никола Ристески и целата актерска екипа. Кореографка на претставата е Олга Панго, а фотографијата и дизајнот на плакат и брошура ги потпишуваат Соња Ставрова Кирковски и Марија Мишева.