премиер – Вистина.мк

Хрватска „експлодираше“ од незадоволство по неуспехот на Евросонг 2021, премиерот Пленковиќ сепак и честиташе на нивната претставничка Албина, а Заев остана „нем“ кон Васил Гарванлиев?

Антонио Димитриевски — Wed, 19 May 2021 09:37:29 +0000

Хрватската јавност експлодираше по неуспехот да нивната земја да се пласира во финалето на годинешниот Евросонг 2021. Хрватите го споделија своето незадоволство на социјалните мрежи по евровизискиот настап на нивната претставничка Албина, сметајќи дека тоа е неправда. Дури и поддршката од премиерот Пленковиќ не и помогна да се пласира во финалето. Претставничката на Хрватска, Албина Гржиќ (22) од Сплит не се пласираше во финалето на Евровизија, а Хрватите своето незадоволство најмногу го споделија на Твитер. „Укинете го изборот за песна на Евровизија“, “Ова е неправда“, „Молам, Хрватска не помина?“, „Судии лопови“, „Евросонг, дали ушите се уште ви се во карантин?Ќ ... - се смао дел од твитовите. После настапот, Албина беше поддржана од премиерот Андреј Пленковиќ кој и покрај се' и честиташе за настапот.

Velika podrška i čestitka našoj Albini na sjajnom nastupu na #Eurovision! https://t.co/2PgULsynhE
— Andrej Plenković (@AndrejPlenkovic) May 18, 2021

Премиерот на „нашата земја“ Зоран Заев сношти тоа не го стори со Васил Гарванлиев. Не барем јавно. Ниту пак официјално. Па дури ни по струмичка линија. Или можеби тоа „задоволство“ сепак и го препушти на својата сопруга Зорица?

Каков премиер – таква држава, а и такви медиуми: Кога „трагедијата“ ти е „традиција“, а Весна-Бејби ти е Весна Змијанац (ФОТО)

Антонио Димитриевски — Wed, 13 Mar 2019 08:39:33 +0000

Еххх, Македонијо, земјо мачна, напатена... Покрај се што ни се случува, ни се случуваат и гафови од кои да ти е срам да си тоа што си. И по националност и по професија.

А како и не би кога премиерот не ти разликува „традиција од трагедија“, а владата тешкиот гаф на шефот се обидува да го скрие под тепих? А гафот не е ниту обичен, ниту безначаен, туку удира во најболната точка на една од најголемите светски ТРАГЕДИИ, во живата рана која никогаш целосно нема да зацели на еден цел народ и не само негова. А ти по ТРАДИЦИЈА „кинеш зелени“ обраќајќи им се на најважниот ден!

Ама во македонското новинарство или поточно, она што останало од него, денес најважно е она таканареченото „он лајн“ новинарство! Или кусо кажано порталите. Ај што во новинарскиот сајбер простор е „дива лига“, па владее незапаметен хаос без правила, ај што краде кој од кого стигне, а, „копи - пејст“ дактилографијата е врвно новинарско остварување, па и она малку нешто што ќе се обидат да го напишат или се „фејк вести“ или невидени гафови. А како и не би, кога деца собрани од улица за џепарлак за кикирики ти се главните „фотокопирџии“ и куцачи на соопштенија во нашето „он лајн(о)“ новинарство! Од партиски нарачки, до неписмени и лоши преводи, на кои „Гугл транслејт“ им е главна алатка за совладување на странските јазици. Познавањето на материјата и личностите, нивниот лик и дело им се „шпанско село“!

Затоа и не е ни чудо кога на многу од морето портали ќе најдете небулози од различен тип. И не е чудо кога ним Весна „Бејби“ Петрушевска им е исто што и Весна Змијанац!?

И откако ќе ја увидат или некој ќе им ја каже новинарската ТРАГЕДИЈА што ја направиле, тие по теркот на Владата, по ТРАДИЦИЈА ќе се обидат да ја сокријат веста, па ќе ја избришат!

Па, ако Весна - „Бејби“ е Змијанац, тогаш да речеме, што не би можел Драган Вучиќ да биде Александар Вучиќ?

Ама што ти е гајле... Пиши Вуќиќ! Водител или претстедател, Драган или Александар - сеедно!

Важно е да е Вучиќ. Каква „прекрасна“ новинарска традиција... Пардон, трагедија!

Српската премиерка Ана Брнабиќ јавно се појави со својата девојка Милица на отворањето на „Егзит“ (ФОТО)

Антонио Димитриевски — Fri, 13 Jul 2018 11:49:03 +0000

Српската премиерка Ана Брнабиќ, вчеравечер, заедно со својата девојка Милица, се појави на отворањето на официјално најдобриот фестивал во Европа- „Егзит“Настапот на музичката ѕвезда „ЛП“ посебно ја израдува, објави српското издание на „Блиц“.

Инаку, ова не е првпат Ана, заедно со Милица, да се појави на јавни настани.

Двете го привлекоа вниманието на публиката и медиумите на годинешниот ФЕСТ.

Како двата дами си поминаа на концертот, погледнете во галеријата.

Фото:Душан Миленковиќ