прељубници – Вистина.мк

Психолозите ги открија 4-те карактеристики на прељубниците: Лесно ќе ги откриете

Христина Ѓоргиевска — Thu, 03 Mar 2022 14:30:05 +0000

Дали би простиле прељуба доколку вашиот партнер искрено се покае? Дали сте изненадени од фактот што повеќето луѓе би го направиле тоа? Измамата, како што велат љубовните стручњаци, е знак дека нешто не е во ред во емотивната врска, но има и такви луѓе кои авантурата ќе ја започнат од чиста љубопитност. Љубовните експерти велат дека карактеристиките кои ќе ве карактеризираат како интроверт или екстроверт може да укажуваат на склоност кон неверство. Екстровертите обично се фокусирани на околината составена од луѓе и настани, додека интровертите обично се фокусирани на нивниот внатрешен свет, мисли и чувства. Или партнерот ќе ве изневери или прељубата нема ни да му падне на памет, сметаат психолозите, тоа може да се открие со помош на карактерот на една личност, а ова се четирите главни карактеристики на прељубникот.

1. Нарцис

Нарцисоидните луѓе мислат дека заслужуваат сè, вклучително и повеќе партнери. Луѓето кои се високо на скалата на нарцизам имаат многу високо мислење за себе. Очекуваат туѓ восхит, фантазираат за неограничена моќ и често веруваат дека за нив не важат вообичаените правила на однесување. Не ги почитуваат премногу туѓите чувства и го изневеруваат партнерот со мислата дека имаат право на тоа.

2. Манипулатор

Повеќето луѓе влегуваат во емотивна врска од љубов и желба да се поврзат со друга личност, додека манипулативните луѓе тоа го прават од сосема различни причини. Тие не чувствуваат љубов и немаат способност да се поврзат и да формираат нормални односи со другите.

3. Хедонист

Прељубниците често имаат помалку развиен дел од мозокот кој е задолжен за самоконтрола. Тешко им е да одолеат на предизвиците и на се што им причинува задоволство.

4. Емоционално нестабилни

Проучувајќи ги сопружниците кои изневеруваат, психолозите откриле дека тие имаат поголема веројатност да имаат особини како емоционална нестабилност – која се карактеризира со чести промени на расположението и потреба за кавга. извор: попара.мк

Прељубниците имаат навики кои ги издаваат: Дали сте ги забележале?

Христина Ѓоргиевска — Mon, 23 Nov 2020 14:30:14 +0000

Имате некое непријатно чувство или ве гризе „црвот на сомнежот“ кој не ви дава да спиете навечер и од кој ви се превртува во стомакот? Се плашите дека партнерот ве изневерува? Ако не сте склони кон параноични мисли, или барем не сте биле во минатото, за жал можно е да сте му во трага на „сторителот“, велат експертите. Човечката интуиција е чудесен феномен што во повеќето случаи се покажува како точен. Ако немате проблеми со љубомора и ниска самодоверба и одеднаш се чувствувате несигурни во врската, веројатно така се чувствувате со причина, вели љубовниот терапевт и експерт за невербална комуникација Џуди Џејмс.

„Ако мислите дека ве изневерува, најверојатно го прави тоа. Зошто? Па, вашиот брилијантен мозок секогаш ќе разбере голем број изговорени зборови, индиции и навестувања што се толку суптилни што ќе ‘почувствувате’ дека нешто не е во ред пред да сфатите некои тешки факти“, објаснува Џуди.

Синдром на паун

Џејмс го наведува ова како скоро најсигурен знак за неверство на мажот. Ако вашиот партнер започне да поминува многу повеќе време пред огледалото, одеднаш внимава како се храни, не прескокнува да стави парфем или да се избричи, купува нова гардероба - и генерално посветува поголемо внимание на неговиот изглед, веројатно има некоја нова симпатија околу него пред која сака да остави најдобар впечаток.

Невообичаена мимика

Новите врски вклучуваат и интензивна „мимика“, особено ако тој е заљубен/затрескан во таа личност, што значи дека ќе „собере“ нови гестови, изрази, па дури и зборови. Исто така ќе почне да го копира нејзиниот начин на зборување, па дури и вкусот за музика и стил.

Промени во сексот и избегнување предигра

Ако вашиот партнер одеднаш е подготвен за активности што претходно не сте ги практикувале и има невообичаени сексуални барања, можно е да пронашол инспирација во сексот со некој друг. Заблуда е дека измамниците веќе немаат секс „дома“, бидејќи нивното либидо е всушност зајакнато. Но, почесто тој ќе ја прескокне предиграта и ќе се препушти директно на пенетрација, без да разменува нежности со вас.

Ненадеен бес

Од прељубниците не треба секогаш да се очекуваат знаци како чувство на вина. За егото е многу полесно каењето да се претвори во лутина, обидувајќи се вината за невертсвото да ја префрли на вас. Рафалните напади и кавги се вообичаено однесување на прељубниците, немоќни да се справат со своите чувства и постапки. Исто така, лесно ќе почнуваат расправии за да се почувствувате и вие виновни за нешто.

Телефонофобија

Смартфонот е клучна алатка за измами што ќе го направи суперчувствителен, буден и внимателен секогаш кога некој ќе му пријде, особено вие. Редовно проверување на нотификациите, постојано пишување пораки, грабање ако го земете вие неговиот телефон в рака, како и излегување од собата за да разговара, се вообичаени симптоми на афера. Ако оди во друга просторија на секој звук од неговиот мобилен телефон, тој не сака да одговара на повиците бидејќи наводно повторно му се јавуваат од работа или ако секогаш го носи својот мобилен телефон со себе, а тоа не го правел порано, имате причина да се грижите. извор: Kajгана

Какви лаги кажуваат жените, а какви мажите? Ова се најчестите изговори на прељубниците

Христина Ѓоргиевска — Fri, 07 Feb 2020 13:36:28 +0000

Понекогаш изгледа дека дружењето со љубовникот или љубовницата бара прилично сложена организација. За почеток, потребно е да смислите добра лага поради која партнерот нема да се посомнева дека го изневерувате. Но, изгледа дека повеќето луѓе сепак немаат бујна фантазија, туку се потпираат на проверените класици, за да го оправдаат своето излегување од дома. Интернет платформата „Illicit Encounters“ направиле истражување со 2.000 нивни корисници за да ги откријат најчестите лаги на прељубниците.

Жените често се правдаат:

- Со одење во теретана - Ноќно излегување со другарките - Долг работен ден, па поради тоа ќе останат до доцна навечер - Дружење после работа - Прошетка со кучето - Шопинг - Посета на роднините - Средба со најдобрата пријателка - Козметички третман - Спортување

На мажите им се омилени овие оправдувања:

- Гледање фудбал - Играње голф - Работа до доцна - Дружење после работа - Излегување со другарите - Прошетка со кучето - Теретана - Спортување - Дружење со најдобриот пријател - Посета на роднини Со други зборови, ниту мажите ниту жените не фантазираат премногу и горе-долу имаат исти изговори. Па затоа, ако вашиот партнер или партнерка открие досега непостоечка желба за почесто одење во теретана - има зошто да се сомневате. извор: точка.мк

Пет работи кои им се заеднички на прељубниците

Христина Ѓоргиевска — Fri, 04 Oct 2019 13:15:42 +0000

Не постои трик со кој сигурно ќе знаете дали некој изневерува или не, но експертите истакнуваат дека прељубниците имаат неколку заеднички карактеристики. 1. Внимаваат на приватноста Тајните не се тајни ако не се споделат со сите. Личностите кои изневеруваат држат до нивната приватност – телефонот секогаш им е заклучен со лозинка, имаат одвоен фолдер со пораки, мејлови и слично. Не ги споделуваат деталите за семејството и за себе, а неретко ги кријат и нивните пријатели. „Што всушност знаете за минатото на вашиот партнер, неговто детство, семејство, личен живот?“, прашува експертот за врски Сузан Винтер. 2. Ретко ви се обраќаат по име Прељубниците со причина им се обраќаат на партнерките со „душо“, „срце“ а не по име, бидеќи така ги намалуваат шансите да ги наречат со погрешно име. 3. Умеат добро да лажат Не се обвинувајте себеси ако сте имале работа со прељубник, многу добро умеат да лажат. Психотерапевтот Лесли Бет Виш вели дека овие искусни лажговци и манипулатори понекогаш однапред поставауваат основа за лага која подоцна ќе биде изречена во врската. 4. Ја менуваат темата кога ќе се почувствуаат во „опасност“ Измамниците имаат добар инстинкт , па ако се случи да го прашате партнерот за некоја личност со која минува доста време, а која ви е сомнителна, обрнете внимание дали ја менува темата. Ако ја менува би требало да го вклучите алармот дека нешто ви прави зад грб. „Измамниците ги кријат трагите така што ја менуваат темата или однесувањето“, истакнува терапевтот Шенон Томас. 5. Импулсивни се Прељубниците се импулсивни и едноставно не можат да му одолеат на ризикот, без разлика колку ќе ги чини. Ги привлекува, а тоа е одраз на нивната внатрешна сосстојба. „Длабоко во себе се несигурни луѓе кои се чувствуваат несакано, луто и на кои им недостигало нешто во емоционалниот живот додека биле деца“, смета докторката Виш. извор: кајгана