прекинат – Вистина.мк

Андријана Петрушовска толку ја разлутија на настап, што среде песна збесна па распали: „Помислив се снима филм, а тоа да ти било рација“… (ВИДЕО)

Антонио Димитриевски — Mon, 10 Jul 2023 07:44:39 +0000

Македонската „Гранд ѕвезда“, Андријана Петрушовска откако одлично се претстави во најгледаното регионално музичко талент шоу, кариерата и оди во нагорна линија. Тоа најдобро се огледа во бројот на настапи, зашто еден пејач е толку популарен колку што е баран, односно колку што има тезги ширум земјата и надвор од неа. Можеш да пееш и ваму и таму, ама кога треба да пееш во главниот град и тоа не во било каква биртија туку во елитен ноќен клуб, воопшто не е сеедно. Затоа расната убавица реши добро да се подготви, па „се скоцка“ како за на „Гранд“ сцената... Интересен, свечен бел фустан со „еротска кројка“... Зашто моделот што на себе го облече има ултра длабок шлиц... Не до препони, не до колкови, туку и над нив, што остава сериозни димилеми дали под ваков фустан воопшто можат да се носат гаќички, а долната облека воопшто и да не се види? Од фотографиите направени непосредно пред настапот на Андријана секој со добар вид би рекол дека под ова кројачко ремек дело има само голо тело... Зашто како и да го свртиш, од кој и агол да ја гледаш изгледа како да нема дилема - долната облека никаде ја нема!? Но, има или нема, дали тоа само така фиктивно изгледа, а фактички некаде под фустанот се кријата „невидливите“ гаќички, знаеше само пејачката... Она останатото сите останати се обидуваа да го дознаат откако Андријана се качи на сцената, запеа и заниша со колковите, а нејзиниот еротски танц почна да ја „жари и пали“ рајата. И таман атмосферата почна да се вжештува до усвитување, се случи хаварија... До душа на пејачката, како што самата вели, во прв момент и се причинило дека се снима филм, арно ама, во прашање не била ниту филмска сцена ниту скриена камера, туку полициска акција или таканаречена рација... А кога „џандари“ ќе влетаат среде забава, јасно е дека атмосферата од опуштена и лабава станува „издишана“, додека набргу сосема и не „умре“. После тоа неизводливо е враќање назад на „журката од кома“... Има само фајронт и сите по дома! Акцијата на „шерифите на Оливер“ пејачката толку ја разлутија, што среде песна Андријана збесна, па уште вечерта по анастапот што и го расипа МВР акцијата, распали по полицијата! Не дека МВР не треба да си ја врши работата, ама адруго прашање е како и на кој начин? Дали „покрај сувото треба да изгори и суровотото“, па заради неколкумина потенцијални дилери или малолетници во клубот, треба да им се расипе забавата на други стотици недолжни млади граѓани, кои чесно платиле и дошле да се забавуваат? Фото: Инстаграм принтскрин/andrijanapetrushovska

Ова се случува и во Швајцарија: Дојава за бомба го прекина концертот на познатите ѕвезди од српската естрада (ФОТО)

Антонио Димитриевски — Tue, 15 Nov 2022 12:01:05 +0000

Дел од најголемите српски естрадни ѕвезди имаа закажан концерт за сабота навечер во Швајцарија, но поради лажна дојава за бомба, се' не се одвиваше според планираното. На спектакуларниот концерт организиран во градот Дитикон требаше да настапат: Александра Пријовиќ, Дарко Лазиќ, Светлана Цеца Ражнатовиќ, како и раперите Стефан Ѓуриќ Раста, Игор Паниќ Нучи и Михајло Веруовиќ Војаж. Со оглед на списокот на изведувачи најавен за сабота навечер, дискотеката во швајцарскиот град во близина на Цирих беше преполна со толпа народ која со нетрпение ги очекуваше популарните српски ѕвезди да излезат на сцената. Концертот го отвориле раперите кои ја подгреале атмосферата и ги кренале на нозе насобраните гости. Веднаш по Војаж, Раста и Нучи, на сцената требало да излезе Дарко Лазиќ, но околу 23 часот клубот бил експресно испразнет од полицијата поради дојава за бомба. „Само 15 минути откако полицијата влезе во просториите, салата беше испразнета, а екипите за евакуација и деактивирање на бомбите влегоа во објектот. Пред големата сала имаше неколку стотици луѓе, кои трпеливо чекаа надлежните да си ја завршат работата па ако е можно да се вратат и да продолжат да уживаат во настапот за кој купиле билети“ - велат очевидци. Голем број возила за итна помош биле снимени и на видеата кои кружат на социјалните мрежи. Сепак, она што на многумина им падна во очи е глетката пред салата кога евакуираните посетители се држеле за раце и танцувале додека во нивна близина се вршел претрес на салата, пишува српски Курир. Откако било утврдено дека се работи за лажна тревога, сите гости се вратиле во клубот, а изведувачите излегле на сцената. На големо разочарување на публиката, но и негодување на пејачите, тие не успеале да го испеат целиот блок свои песни, како што било планирано, и биле принудени да го скратат својот настап.

Виртуозот Симон Трпчевски го прекинал концертот во Штип поради лошите услови во салата – немало греење и струја (ВИДЕО)

Антонио Димитриевски — Fri, 17 Jan 2020 12:44:58 +0000

Светски познатиот пијанист Симон Трпчевски деновиве по пауза од 11 години повторно настапи во Штип. Концертот кој што го започнал и требало да се одржи во просторот на Домот на културата „Ацо Шопов“, клавирскиот виртуоз бил приморан да го прекине поради лошите услови, односно поради фактот што во салата немало греење, а имало постојани проблеми и со струјата. Општината која троши илјадници евра за штипската „Пастрмајлијада“ каде во музичкиот дел царуваат невкусот, кичот и шундот, не најде за сходно ни да ја затопли салата на домот на културата и да му овозможи елементарни услови за настап на нашиот светски познат и признат музички уметник. Во видеото во продолжение ќе можете целосно да видите за што точно станува збор: Извор:Курир.мк