прегратки – Вистина.мк

Наташа Беквалац потресена од емоции – пејачката сподели убави вести па, сите честитаа (фото)

Слаѓана Атанасова — Thu, 16 Mar 2023 11:37:44 +0000

Пејачката Наташа Беквалац ги воодушеви сите со емотивната роденденска честитка која и ја испрати на нејзината сестра. Познато е дека новосадската барбика е многу приврзана за семејството, но особено за помалата сестра Кристина, која наполни 38 години. Пејачката во нејзин стил со трогателна фотографија напиша: - Дури и да не ми беше сестра по крв, моето срце и душа повторно би те избрале. Среќен роденден. Те сакам, драга моја“, напиша таа покрај фотографијата на која сестрите се гушкаат. Фото: Принтскрин/Инстаграм/Наташа Беквалац

Едита и Инди Арадиновиќ во сестринска идила, како тепачката меѓу нив никогаш и да не била: Сестрите- пејачки никогаш поблиски (ВИДЕ)

Антонио Димитриевски — Thu, 02 Feb 2023 12:19:35 +0000

Како што тогаш објавивме, неодамна на порталите се појави видео на кое се гледа како сестрите - пејачки Едита и Инди Арадиновиќ жестоко се тепаат и тоа надвор, среде улица. И кога сите помислија дека сестрите по овој јавен срам повеќе нема да сакаат очи да си видат, двете повторно се снимени, но во сосема поинаква ситуација. Имено, екипата на шоуто „Папарацо лов“ ја следеше моменталната ситуација меѓу познатите сестри. Овој пат немаше физичка пресметка меѓу двете пејачки. Сега се вратија насмевките, прегратките, бакнежите... зашто сестрите се во добри односи и повторно се блиски... И тоа се чини како никогаш порано... Како да се немаат ниту скарано, а камо ли само пред некој ден степано! Погледнете ја целата „мировна мисија“ што ја снимија камерите на споменатата емисија (КЛИКНИ ТУКА): Фото и видео: Јутјуб/Paparazzo Lov

Пријателство или нешто повеќе? Нина Бадриќ уловена во прегратките на овој српски бизнисмен (фото)

Христина Ѓоргиевска — Thu, 10 Mar 2022 12:48:31 +0000

Нина Бадриќ уловена е на една приватна забава во прегратки на наследник од семејството Кариќ. Откако Нина стави крај на бракот со Бернард Крсниќ ја крие својата приватност од очите на јавноста. Иако е отворена и секогаш подготвена да зборува за својата кариера, таа го крие љубовниот статус. Овој пат, Бадриќ беше уловена во прегратка од бизнисменот Југослав Кариќ, кој неодамна се разведе од Елена Кариќ, ќерката на креаторката Верица Ракочевиќ. Во текот на претходната година се шпекулираше дека Нина и Југослав ја кријат својата романса, но тие никогаш не потврдија дека се заедно. Сопругот на Даниела Кариќ, Иван на својот „Инстаграм“ објави видео на кое танцуваат Бадриќ и Кариќ, а таа го сподели на нејзиниот профил. Југослав пред неколку дена се појави на настап на Нина во еден белградски ресторан, а кога пејачката го видела му посветила песна и тој се качил на сцената да танцуваат.

Кристијан Ристески – внукот на Тоше во прегратките на русокоса српска убавица: Љубовници во романса на дистанца или само добри пријатели? (ФОТО)

Антонио Димитриевски — Fri, 31 Dec 2021 08:56:08 +0000

Кристијан Ристески, внукот на Тоше Проески, беше малечкото детенце кога неговиот вујко замнина во вечноста. Останаа непреболот, спомените, сеќавањата, но и она што Тоше му го пренесе, му го всади како љубов и желба - музиката, која и онака им е семејно во гените. Уште од заедничката песната „Му Little One“, која се најде на постхумниот албум на Тоше на англиски јазик, „The Hardest Thing“. Денес Кристијан е големо 22 годишно момче, студент на Факултетот за аудиовизуелни уметности во Скопје. Иако пред неколку години сними и своја песна на англиски јазик „We are blood “, која му ја посвети на својот гуру, ментор, учител и пред се сакан вујко Тоше, сепак реши да остане тивок, мирен, повлечен, да не брка музичка кариера по секоја цена, да не се експонира во медиумите, да не дава изјави и интервјуа... Едноставно го заобиколи патот на неговиот вујко, туку тргна пос војот, во свој правец, малку поразличен и поинаков. Следствено на тоа и приватниот живот на Кристијан , освен она малку што може да се види на социјалните мрежи, не е на увид на јавноста. Скромното, мирно, срамежливо и повлечено момче има свој живот и љубоморно го крие и чува од масата. Само за себе и за... можеби уште по некој? Токму една објавена фотографија деновиве ја заскокотка јавноста, има ли Кристијан девојка, дали е во љубов и која е таа? Имено, на неговите Инстаграм приказни осамна фотографија на која Кристијан се најде во прегратките на една млада, убава русокоса која го бакнува. До душа само во образот, но сепак...! И тука тргнаа шпекулациите, претпоставките, недоумиците, дилемите? Која е и од каде е девојката, како се вика, што му е таа на внукот на Тоше, во какви односи и релации се тие двајцата...? Дали се во љубовна врска или се само добри пријатели? Според нашите истражувачки дејствија дојдовме до неколку сознанија кои укажуваат на следново: Фотографијата која ја „заскокотка“ јавноста е направена во Белград, каде што Кристијан бил неодамна. Од српската престолнина потекнува и рускоста убавица која Кристијан го гушка и бакнува. таа потекнува од богато и познато семејство и нејзиното име е Ања. Прекарот кој го користи на Инстаграм -rockartiste (Рок Артист) всушност доаѓа од едно коњичко грло за трки, зашто девојката е љубител на јавањето и коњичките спортови, со кои и самата се занимава. Музиката исто така и е во крвта, во прстите и грлото, па можеби токму оттаму конекциите и заедничкиот интерес ја споил со внукот на Тоше, чиј интерес за русокосата патем е голем, што се гледа и од приложеното. Зашто Кристијан буквално ја лајкувал секоја нејзина фотографија, веројатно од моментот кога се запознале. Но, на некои од фотографиите на русокосата убавица може да се забележи дека и таа доаѓала во Скопје... Приватно или работно сеедно, во студио или на еден од меморијалните концерти во А1 арената „Борис Трајковски“ во Скопје... Па оттаму се наметнува и дилемата: Дали Кристијан и русокосата убавица се љубовници во романса на дистанца или само добри пријатели, преку ликот, делото и песните на неговиот вујко, нашата легенда Тоше? Годината што претстои, ќе ја разоткрие мистеријата околу нејзините „бакнежи на неговите заруменети образи“. Фото: Инстаграм принтскрин/rockartiste/kristijanristeski

Ги разгореа страстите: Спејко и Хрисанта со нова жешка поза од одмор „горат“ повеќе од жешките температури (фото)

Христина Ѓоргиевска — Thu, 05 Aug 2021 08:53:02 +0000

Откако му заврши љубовно-естрадната сага со модната блогерка и инфлуенсерка, струмичанката Љупка Митрова, кумановецот Дарко Спејко досега не обелодени дали има девојка и е во нова љубовна врска....се до неодамна. Имено, Спејко на своите профили на социјалните мрежи сподели летна фотографија како гушнат лежи покрај истата онаа дама со која неодамна споделуваше заеднички фотографии. овој пат обајцата очигледно на летен одмор или само викенд, сеедно, ама секако заедно, делуваат прилично интимно… На лежалки во костим и за капење, гушнати или поточно Спејко во нејзините прегратки. Отука започнаа и шпекулациите дека кумановецот е во љубовна врска поатрактивната пробиштипјанка, Хрисанта Монева. Тој не се огласи да потврди или демантира дека има нова девојка, но затоа тука се нивните заеднички фотографии од летниот одмор. После Љупка во љубов со Хрисанта: Дали е ова новата девојка на Дарко – Спејко? (ФОТО) – Вистина.мк (vistina.com.mk) Имено, тие прво споделија заедничко селфи, разголени, испружени на плажа, а веднаш во очи ќе ви падне и бујното деколте на Хрисанта. Потоа следеше и фотографијата на која тазе парот е во љубовен занес или жешки прегратки. Имено, Спејко на својот Инстаграм објави фотографија на која девојката му седи во скут, доближена до него и за малку нејзините усни да ги спушти во неговите усни и повторно во фокусот падна нејзините атрибути поточно нејзиниот задник фотографиран во крупен кадар. Нема сомнеж дека Спејко има добар вкус, а и дамите знаат што бираат, кога него го одбираат. фото: Инстаграм/дарко спејко

Дарко-Влогс и Зоки-Фаци „ги закопаа воените секири“: Примирје со прегратки, насмевки, „онакви“ погледи и… јадење бурек! (ФОТО)

Антонио Димитриевски — Tue, 20 Jul 2021 08:45:37 +0000

Дарко Јефремов, попознат како Дарко - Влогс, македонскиот камионџија од Чикаго – САД, преку ноќ стана ѕвезда на социјалните мрежи со своето „Камионџија шоу“. од најпознат камионџија, набргу Влогсот стана еден од најпознатите „инстаграмџии“ а да не инфлуенсер, иако и такви обиди има во неговите фотографии и особено видеа, кои секојдневно ги споделува на социјалните мрежи. Најпознатиот инстаграмџија меѓу камионџиите особено се прослави своевремено со своите пародии на модното шоу на Сергеј Варошлија, ставајќи го модниот гуру во „подредена положба“ на себесвојствен хумористичен, забавен, а на моменти и не баш пријатен третман. По Варошлија на „вербалниот револвераш“ во времето додека царуваа на сега веќе непостоечката „1ТВ“ на мета му беа и Боки 13-ка и естрадниот новинар и ТВ водител, сега казино и локал менџер Зоран Василевски, попознат како Зоки - Фаци... Македонскиот камионџија од САД, со новогодишно „ситдаун шоу“ од кабината: Овој пат „на тапет“ е Зоки – „Фаци“ (ВИДЕО) – Вистина.мк (vistina.com.mk) Препукувањата потоа долго траеа, а се користеше секоја можна прилика за нова „зајадлива реплика“, коментар, штос, виц, „јадачка“... кои беа на работ на „закачка“ помеѓу двете страни. Деновиве Дарко - Влогс се врати во Македонија, користејќи го својот летен „камионџиски одмор“. Шеташе по родната земја, посети разни места, села, градови, езера и планини во својата татковина, па дојде и во нејзината престолнина - Скопје! Покрај традиционалното седнување на утринска чорба, пиење лименка на клупите во Градски парк... ...и неизбежното селфи кај фонтаната со коњот, сосе воинот на него и поубавата половина до себе, Влогсот реши да направи уште еден потег со кој многумина изненади! Имено, инста-камионџијата реши да склучи примирје со „завојуваните“ противници. Да ги закопа „воените секири“ со оној со кој најмногу се препукуваше - Зоки Фаци! Најде начин да го пронајде, па со или без најава, не објасни, ама затоа покажа дека му отиде „дома“... Односно речиси таму каде што во последно време бившиот водител сега локал-менаџер „кисне“... Познатиот, елитен скопски локал. Преговорите се одвивале зад затворена врата, во четири очи и двајца сведоци, секој од по едната страна, додека „верификацијата на мировниот договор“ се одвиваше на отворено. Пред портите на локалот и тоа со посебен протокол: Примирје со прегратки, насмевки, „онакви“ погледи и... јадење бурек! Гушкањето и погледите видливи, а Бога ми и јадењето бурек... И тоа бурек -„спешл едишн“, со кој Зоки - Фаци како добар домаќин „го нарани“ Дарко - Влогс, како и мировниот договор за понатамошно „не јадење бурек“ беа овековечени со неколку фотографии. „Јадењето бурек“ заврши, видеото за Фаци го снема од Инстаграм кај Влогсот, ама „јадачките“ и „мемињата“ на околината штотуку тргнаа: „Најди си некој/а да те гледа, како Дарко - Влогс што го гледа Зоки - Фаци“... Или: „Ми каса“? Не каса, ама како е насмеан додека те гушка, ако те касне, ќе да те изеде во еден потег“! Како и да е, важно е да е „мирно“... Другото - ќе мора некако да се истрпи... Се' за љубов! Фото: Инстаграм принтскрин/darkovlogs

Тој во прегратки на старлетата, таа „оклештена до уши“: Дали е ова “фраерот“ кој на Ана Кораќ и подари Порше за Св. Валентин? (ФОТО)

Антонио Димитриевски — Wed, 17 Feb 2021 08:38:35 +0000

Поранешната ријалити учесничка и старлета Ана Кораќ ја раскина врската со својот партнер Давид Драгојевиќ пред неколку недели. По раскинувањето, Кораќ ги изненади сите кога се пофали со луксузен подарок за Денот на вљубените, односно автомобил марка „Порше“, поради што многумина помислија дека таа веќе пронашла нов партнер. Ана уште повеќе ги подгреа озборувањата и сомнежите со новото видео и фотографија, со која ги изненади сите зашто на нив се гледа како се гушка со непознато момче. Сепак, не е познато дали станува збор за нејзиниот нов партнер, и дали е тој што и ја подарил „бесната машина“? Или можеби е познато? Сепак, јасно е дека Ана блеска по раскинувањето, бидејќи не ја симнува насмевката од лицето. Заради новата голема љубов или новите скапи подароци? Ќе покаже времето!

Вака дел од познатите Македонки го славеа празникот: Која Св. Трифун, која Св. Валентин, која обата… со вино, цвеќе, прегратки, пораки, песни и пози во постела од рози! (ФОТО)

Антонио Димитриевски — Mon, 15 Feb 2021 09:19:43 +0000

Свети Трифун или Свети Валентин? Дилемата почна да станува вечна откако не така оддамна католичките празници како овој вториов или „Ноќта на вештерките“, на денешнава младина и не само неа, почнаа да и стануваат „поинтересни“ од оние православните. Но сеедно, во религијата и религиозните чувства нема право никој да се меша, зашто тоа е лична работа. Волјата е Божја, ама изборот е на секој од нас, кој(а) како ќе го слави денот во кој се поклопуваат двата празника со различно значење: Оној православниот, што го чествува на закројувањето на лозите и виното, а за свој празник го зеле, градинарите, лозарите и меанџиите, или оној католичкиот, денот што ја слави љубовта, а најмногу го слават вљубените двојки. Познатите Македонки го славеа празникот, која како посака... Едни Св. Трифун, други Св. Валентин, трети обата... Подготвени да споделат љубов и понекоја чаша вино. ТВ водителката Елена Стефановска последнава године е вљубена, па тоа јавно и не го крие... А љубовта најдобро оди во пакет со малку романтика на скриено осамено место и секако чаша добро црно вино. Како рецепт со порака за решение на вечната дилема: Трифун или Валентин? А зошто не и двата? Лила Филиповска го прослави Св. Валентин во друштво, ама - соло... И далеку од дома, зашто нашата позната водителка најпрвин замина за Кападокија, а веднаш по пристигнувањето не чекаше многу за да објави фотографии. А и нејзината рекција во стилот: „Абе ајде, ти се молам...“, кога ќе ја прашаат како ќе го прослави Валентајн... Зашто со кого ќе го слави - не ја прашаа, па самата објави и покажа... Во женско друштво, во Истанбул! ! Нина, сопругата на нашиот ракометен голман Борко Ристовски се пофали со букет „црвени рози за вас мадам“ за празникот... Како знак на внимание и љубов, претпоставувате од кого. Наместо благодарност, Нина одговори со порака и празнична честитка до сите дами: “Секој ден од годината да сте ми сакани, почитувани, галени и разгалени. Ако не е така самите секогаш може да го промените тоа. Среќен празник“ - порача Нина. Младата македонска манекенка и топ модел Бојана Нушкова која во последно време работи и гради кариера во Турција, празникот ја затече дома... Барем засега и накратко... Можеби затоа и го игнораираше, симболично потсетувајќи со стара фотографија дека подарок за Валентин, дома - не примила! Екс водителката , сега позната инфлуенсерка Миа Костова ги спои двата празника за сопствена среќа: Доза на љубов и вино за денот да и помине повеќе од фино. Со чашата пијалок на боговите в рака и во женска ли прегратка, Миа покажа, ама и порача: „Љубов. Никогаш никој да не ви каже кого да сакате, колку да сакате и дали треба да сакате и колку тоа треба да трае. Да уживате во сѐ што ве прави среќни затоа што животот е краток а и времето кое го поминувате во смеење не е секој ден. Што и да славите, нека е живели“! Ноне Неделковска наводно веќе не е во љубов... со никого. Со Јамјака ја раздели работата, со Србија короната... Па сепак, некогашната пејачка не шеташе сама по снегот за Свети Валентин... До душа пораките и беа малку чудни, впрочем како и изборот ама, сепак... Ноне си знае за коги и бие срцето, па што повеќе тебаше да слави, на што да го стави акцентот: На лозарите и винарите или на љубовџиите? Уште почудна, па дури и бизарна беше и пораката на македонската мисица и модел Емилија Розман... До душа, кај неа се судираат двете крајности, двете спротивности кои се судбински поврзани: Во љубовта не и оди баш најдобро, а најмногу сака и треба да го слави токму Свети Валентин, па едвај чекаше да дојде Денот на вљубенит по се' изгледа само од една причина: Г-ѓица Розмантична има цвеќарница која воедно е и продавница за подароци! Од друга страна, Розман се пошегува на најбизарен можен начин, дури и морбиден, на своја сметка кога е самата таа во прашање за Денот на вљубените: „Единствен начин да добијам цвеќе на 14-ти февруари е да умрам на 13-ти“! За среќа, цвеќе не доби, туку го (про)даваше во доволни колични токму за споменатиот датум! Македонската ријалити ѕвезда и трендсетерка Елеонора Миљковиќ славеше во Белград во познато друштво... Заедно со нејзините некогашни ријалити колеги Луна Ѓогани и нејзиниот вереник, Марко Миљковиќ, но и уште некој... Ресторанска атмосфера, понекое љубовно балонче во облик на срце, бел трендафил и подароче и понекоја чашка пијалок за опуштање... Е сега, дали за македонската ријалити убавица се' остана на славење Свети Трифун или славењето на Свети Валентин го продолжи „да го вози“ и со шише црно вино на постела од рози...? Или тоа се само стари пози? Можеби?! Како што можеби љубовта на Нора е нова? Кумановки се познати љубовџики, ама овој пат двете најпознати кумановки, барем кога е фолк браншата во прашање, славеа ем заедно, ем си го славеа Свети Трифун. Пејачките Тања Јовановска Трајкова и Сања Сани Гроздановска заедно со винце прославија во кафеана. До душа, не дека љубов немаше, ама таа се виде само кај првата, зашто Тања го покажа сопругот Младен, а Сани остана - соло... Барем на фотографиите, што не значи дека останала и „сува“! Ако не друго, грлото го „подмачка“ со чаша - две бело вино, зашто ако не е добро подмачкано, тешко оди... И за песна и за... Впрочем, како што самата порача, нека му ја мисли вечер Валентајн, зашто Трифун кога ќе се поднапие... Ем е згоден, ама е и баеги... „незгоден“! Фото: Инстаграм принтскрин

Некои пејачки паѓаат на машки шарм, харизма, финансиска моќ… Знаете ли на што падна фолкерката Сања – „Барбика“? (ФОТО)

Антонио Димитриевски — Tue, 19 Jan 2021 07:48:30 +0000

За пејачките од естрадата кружат разни гласини. Особено за фолкерките и нивниот љубове и интимен живот, па додека ги гледаат при нивните настапи по кафеаните, рестораните, локалите... подзагреаните гости погодуват, се нагодуваат, па дури и облози паѓаат кој ќе погоди „на што паѓа“ пејачката... Или подобро речено, на колку? Македонските фолкерки не се имуни на ваквите ситуации, иако рака на срце, јавно многу малку се знае за нивниот приватен живот, а уште помалку која на што паѓа? Веројатно како и сите други жени, згодните и сексапилни естрадни убавици паѓаат на машкиот шарм, привлечност, харизма, култура, џентлменски однос, финансиска моќ... или што би рекле, не се имуни и на полниот џеб! Арно ама, сексапилната струмичанка Сања „Барби“ Цинцева дефинитивно падна на нешто друго! Имено, атрактивната фолкерка најпрвин замина на планина, во Банско... Да дише чист воздух, да се релаксира и да ужива во белите спортови... Барби се опреми, па се качи на скии и тргна да се пушта во спуст по падината. И не стигна ни до половина, а веќе се најде испружена на белата покривка... Барби падна на снегот, па бргу сфати дека скиањето и не е така забавно, ако не го владеш така добро како пеењето. Затоа пејачка реши да смени и локација и тактика, ама не и навика... Па Банско и Бугарија, бргу ги замени со Пехчево и Македонија... Можеби пехчевско Негрево нема ски терени како Банско, ама затоа има исто толку снег, чист воздух и убава природа за прошетки по снежните планински патеки. Барби тргна да пешачи се' додека не се умори, па овој пат по своја волја реши да си „чучне“ на снегот! А, Бога ми и да си легне... во добро друштво, се разбира. Облечена во поинаков аутфит од оној за скијање, во хеланки, чизми и крзнена бунда, овде не и се закануваше опасност да падне и да се повреди... Освен, ако случајно не налетаат ловџиите, па така променета во крзнената бунда да ја помешаат со некоја волчица или лисица... Што е исто така невозможно зашто ловната сезона на крупен дивеч заврши! Така што од паѓање, останува можноста Барби само да падне во нечии прегратки... А за такво нешто, престојот на планина не е неопходен услов! Фото: Инстаграм принтскрин

Баба Цеца не се двои од внукот: Само малиот Жељко може да спие на нејзините гради (ФОТО)

Антонио Димитриевски — Fri, 31 Jul 2020 10:13:42 +0000

Новопечената баба, балканската фолк дива Светлана Ражнатовиќ ужива додека го поминува времето со својот внук Жељjко, за кого ја дизајнираше и подготви самата неговата детска соба пред неколку месеци. Новопечената баба Цеца е пресреќна што Богдана и Вељко и подарија внук, па таа не само што се обидува да помине што повеќе време со него, туку не се двои од малиот Жељко. Цеца на своите Инстаграм приказни објави видео на кое се гледа е дека внукот најмногу и најспокојно ужива во прегратките на неговата баба, додека таа ја снима нивната бескрајна среќа и љубов. Впрочем, само малиот Жељко може да спие на нејзините гради!