предупредување – Вистина.мк

Барбара Бобак е во врска со оженет маж: Неговата сопруга ги открила деталите (фото)

Слаѓана Атанасова — Wed, 25 Jan 2023 10:52:49 +0000

Пејачката и поранешната сопруга на Дарко Лазиќ, Барбара Бобак од ова лето се гледа со оженет маж, пишува Курир рс. По оваа информација тие стапиле во контакт со неговата сопруга (додека името и презимето редакцијата ги задржала). Бобак ја обновила врската со нејзиното поранешно момче, кое сега е во брак. Неговата сопруга тврди дека во август дознала дека и работат зад грб, но дека сега решила да ја разоткрие пејачката поради настанот кој се случил неодамна. - Со сопругот бевме на приватна прослава. Дојде Барбара. Во еден момент маж ми ја плесна по задникот, мртов пијан. Таа му се насмевна. Можеше да му удри шлаканица, да рече: „Здраво мајмуне, дали си нормален“, но не, се насмевна младата госпоѓа – раскажала таа и продолжила: - Се спакував и си заминав, а тие двајцата останаа уште малку , по што завршија во нејзиниот стан, до три часот наутро. Да го знаев ова тогаш, ќе направев хаос. Почнаа да се гледаат во август. Тие тоа го нарекоа психотерапија. Ете, тага. Таа вели дека нивната преписка ја нашла во август. - Ги имам тие пораките. Ги фотографирав. И испратив порака да оди кај психотерапевт и нему да му раскаже колку пијана и дрогирана сака да носи оженети мажи. Таа тогаш се исплаши, а јас ја блокирав насекаде. После тоа, не забележав дека продолжи да контактира со мојот сопруг, сѐ до неодамна. Ја одблокирав и повторно и испратив порака „Еднаш те предупредив“ – вели измамената сопруга. Фото: Принтскрин/Ата Имаџес/ Инстаграм

Маријана и Росана славеа роденден: Близначката која живее во Австралија нарача торта „онлајн“, па доби шок испорака која и го спушти шеќерот… на минимум (ВИДЕО)

Антонио Димитриевски — Thu, 15 Dec 2022 09:23:05 +0000

Маријана и Росана, легендарните македонски пејачки - сестри близначки вчера, 14 декември (среда), славеа роденден. Сто пати сме рекле дека на дамите не им се бројат годините, ама секако им се бројат ако не подароците, тогаш барем честитките за „денот што го чекаме цела година“! Иако физички раздвоени со живот на различни континенти, сестрите споделија пост за нивниот роденден, а потоа и благодарница за многубројните роденденски честитки кои ги добија. Маријана, која веќе со години живее во далечната Австралија, посакала да се почести за роденденот... И себе си и најблиские, па решила тоа да биде со роденденска торта. За да не прави самата, решила да ја нарача. Денес современата технологија овозможува дури и да не морате да одите во слаткарница, туку доволно е само да имате Интернет и да бидете на еден клик со вашата „посластица“. Каталогот веднаш ви излегува пред очи, а ваше е само да одберете и нарачате што ви душа сака, односно што ви фаќа око... Онлајн, секако! Само што она што и се случи на славеничката Маријана е поука за сите дека „она што окото ви фаќа онлајн“ не е ниту оддалеку исто со она што ќе го видите пред очи во живо, кога ќе го добиете. Имено, Марјана откако ја одбрала саканата торта, онлајн нарачката бргу стигнала на домашна адреса и тоа елегантно спакувана во „соодветна кутија“... Само што димензиите на тортата, ако така може да се нарече „шеќерчето“ што пејачката го добила, не биле ниту оиддалеку соодветни на она што треба да бидат. Или во превод: платила како за торта, а добила едвај колаче... И тоа со душегрижничко образложение на производителот дека тие се грижат за вашето, во случајов нејзиното здравје... За да не и се качи шеќерот! А, откако ја доби „онлајн“ нарачката, на Маријана по шок испораката всушност шеќерот и падна... И тоа на минимум... Ако не и на нула! Па затоа, шокираната славеничка наместо да се израдува на тортата, сподели предупредувачко видео... Колку да пазите кога купувате, што и од кого онлајн нарачувате (КЛИКНИ ТУКА): Фото: Фејсбук принтскрин/Marijana Novacevska

(Не)кој проба да „и го смести“ на Кристина Димитри: Брзо ќе дознаете кој беше тој „сирот“ што се обиде да и го избрише Инстаграм профилот? (ФОТО)

Антонио Димитриевски — Thu, 24 Nov 2022 08:45:43 +0000

Македонската убавица и пеачка Кристина Димитриевска се најде во нова неволја. Како што популарноста почна да и расте, а со тоа и бројот на обожаватели, по се' изгледа очна да и се зголемува и бројот на душман(к)и. Дали од машка немоќ што не може баш секој со неа да биде на „образ до образ“ или од женска љубомора и завист што малку дами можат да и бидат налик, некој се обидел на расната тетовка да и нанесе ненадоместлива штета. Така барем убавицата се пожали... И тоа јавно, зашто ако тоа што „пакосникот“ наумил навситина се случило, новопечената пејачка ќе требаше да почнува одново. До душа, не да пее, туку, да ја гради својата виртуелна популарност од нула, на за неа, најползуваната социјална мрежа - Инстаграм. Имено, токму некој(а) „фраер(ка)“ се обидел(а) да ја „уништи“ Кристина Димитри, со тоа што пробале да и го избришат нејзиниот профил на Инстаграм. И по се изгледа донекаде им успеало, но не за долго! Откако убавицата забележала дека нешто чудно се случува со нејзиниот профил на оваа популарна социјална мрежа, веднаш реагирала, па пријавила таму каде што треба. Да се живи пријателите, во случајов спасителите, кои молњевито реагирале, па видеата, фотографиите и статусите биле спасени, односно експресно и ги вратиле. Арно ама, пејачката не останал мирна, па на своите Инстаграм приказни ем ја раскажа случката во пет-шест збора, ем на „злобниците“ им упати заканувачко предупредување. Чисто онака, да знаат со кого си имаат работа, за друг пат да не им падне на памет да изигруваат „штетници“ за да не им се случи потоа наместо таа, тие да бидат најголемите губитници. „Ќе си умрете од завист бе луѓенца... А за брзо ќе дознаеме кој 'фраер' сакаше да ми го избрише Инста. јас на пример не се пипам со луѓе за кои не знам кој стои зад нив. Убава вечер, Инста е вратен за 15 минути. Па, размислете“ - им порача тетовската убавица возвраќајќи им со “вербална шлаканица“ на оние што сакаа „да и го сместат“! Останува само да си го додржи зборот и набргу да открие, кој беше тој „сирот“ што се обиде да и го избрише Инстаграм профилот? А потоа... Кој „преживее“ ќе се покае? Фото: Инстаграм принтскрин/kristina.dimitry

Предупредување за родителите: 4 знаци дека вашето дете трпи насилство на социјалните мрежи

Наташа Тасевска — Wed, 02 May 2018 11:57:14 +0000

Однесувањето на децата во тинејџерскиот период е доволно тешко да се разбере и без Интернет, но кога во таа проблематичната возраст се вплеткуваат и социјалните мрежи, родителите не знаат на што попрво да внимаваат. Затоа, погледнете ги клучните знаци на кои треба да обрнете внимание:

Детето го вклучува компјутерот секој ден во исто време

Повеќето луѓе мислат дека злоупотребата на Интернет се случува само ноќе. Сепак, ова не е вистина. Профилите на злоупотребувачите најчесто се направени како позади нив да стои дете кое е приближно иста возраст како и нивните жртви. По воспоставувањето комуникација со детето, тие се обидуваат да стекнат доверба кај својата мета. Насилниците се генерално трпеливи, па преписката може да потрае неколку дена или недели. Значи, ако забележите дека вашиот тинејџер во исто време користи социјални мрежи неколку дена по ред, тоа е знак дека треба да проверите што се случува и со кој се допишува. Ако комуницира со некоја личност која штотуку ја запознало, реагирајте веднаш. Разговарајте со детето и предупредете го за опасноста.

Се крие и е мистериозно додека е на Интернет

Гледајте како вашето дете се однесува додека е на Интернет. Дали го крие мониторот или телефонот кога поминувате? Или автоматски се префрлува на друг таб каде игра некоја игра или гледа филм? Криењето може да биде знак дека на Интернет прави нешто за кое и самото чувствува дека не смее да го прави, но тоа не запира тоа да го прави, бидејќи тоа за него претставува посебен предизвик. Тајните се својствени за тој тинејџерски период, и постојат работи што се нормални да се сокријат, но кога станува збор за Интернет, бидете внимателни. Обавезно проверете дали вашето дете го сокрива допишувањето со личност која не ја познава.

Среќно е кога ќе го изгаси компјутерот

Ако вашето дете е премногу среќно кога "се симнува" од компјутерот, можно е да е на пат кон невоља. Овој знак може да биде лажен. Вашето дете може да биде среќно и затоа што конечно заврши тежок училишен проект, но никогаш не можете да знаете. Кога детето воспоставува контакти со некој на Интернет и почнува да има убав однос со него, може да биде многу среќен и возбуден околу тоа. За жал, тинејџерите често не се свесни дека некој многу лош може да застане зад профилот на детето. Затоа е многу важно да разговарате со вашето дете за опасностите за започнување на "онлајн" романса.

Видно е повлечено, нерасположено и депресивно

Друг знак може да биде тага или дури и депресија, особено изразена кога детето ќе го исклучи компјутерот. Она што родителите треба да го знаат е дека некои деца не го користат интернетот само за забава и разонода, туку дека во виртуелниот свет често се случува насилство. Ако вашето дете по објавувањето на фотографија или пишување статус или порака, биде исмеано од страна на другар, може да биде многу тажно, нервозно и повлечено кога ќе го исклучи компјутерот.

Поглед на дирки: Тања Јовановска вака својот сопруг го подготвува за заеднички настап! (ФОТО)

Антонио Димитриевски — Tue, 03 Apr 2018 07:57:16 +0000

Музиката е благородна работа, ама оние кои се занимаваат со оваа професија знаат дека животот со инструментот или микрофонот в рака не е баш секогаш песна! Особено ако работиш иста работа со сопругот или сопругата, т.е. што би се рекло сте „иста фирма“ со брачниот другар! Добро, не дека нема свои предности, ама има и недостатоци, односно слатки предизвици и тешки ризици.

Ама бидејќи на „ризик се познава шизик“, за случајно да не му падне на памет на твојот „шизик“ да влезе во ризик, има методи на предострожност, односно предупредување. Искусните естрадни ѕверки како фолкерката Тања Јовановска Трајкова тоа го знаат најдобро. Затоа пред да почне свирката и пеењето, а настапуваат заедно со својот сопруг - сајзеристот Младен, одвреме-навреме фолкерката има обичај да го потсети на правилата на игра за време на свирката. Особено, ако е некоја свадба или забава кај што има повеќе згодни сваќи или (не) дај Боже да се погоди некоја моминска вечер.

Е тогаш, згодната кумановка го подига нивото на безбедност на највисок степен, за што има посебни одбрамбено-сигурносни мерки и методи во музичките релации со нејзиниот сајзерист.

Тогаш нема „циле-миле“, па напатствиата „милом или силом“ се добиваат пред самата свирка, за да не биде после не ти кажав, не те предупредив...

А Бога ми после вакво „пријателско“ предупредување, сајзеристот 100% цела вечер ќе гледа само во инструментот... Поглед на дирки и евентуално повремено на пејачката! Во спротивно може да се случи за следната свирка - дајте друго „дете“!