Предраг Живковиќ – Тозовац – Вистина.мк

Еве на кого Тозовац остави куќа и два стана во неговиот тестамент

Христина Ѓоргиевска — Thu, 08 Apr 2021 10:59:20 +0000

Пејачот Предраг Живковиќ Тозовац почина на 85 години како последици од коронавирусот. Наводно Тозовац пред еден месец го напишал својот тестамен во кој се оставил на својата сопруга Емилија. „На почетокот на годината кажа дека е во прашање уште колку ќе живее и затоа мора да напише тестамен. Емилија се нервираше кога зборуваше такви работи. Му велеше дека рано е за тоа, Меѓутоа, тој викна адвокат и го напиша тестаментот. И кажа на сопругата и нејзината ќерка Сања дека сака на нив да им остави се што има. Бараше од нив да се грижи за недвижностите кои ги има и да не ги продаваат“ вели извор за Информер. Кумот на пејачот потврди дека Тозовац се оставил на сопругата и нејзината ќерка. „Мојот добри Тоза се остави на сопругата бидејќи таа секогаш беше покрај него. Многу ја сакаше и нејзината ќерка Сања, па и неа сакаше да ја обезбеди на некој начин. Тој зад себе остави куќа на Вождовец, станот од неговата почината мајка и станот во кој живееше со Емилија“, вели кумот на Тозовац. Познатиот пејачна почетокот на 2021 година по 40 години заеднички живот се венчаше со сопругата Емилија Мима.

Лекарите му ги пуштале неговите песни: Вака изгледале последните моменти на Тозовац во болница

Слободанка Илиева — Thu, 08 Apr 2021 10:16:37 +0000

Легендарниот фолкер Предраг Живковиќ Тозовац почина на 86-годишна возраст по неколку недели борба со вирусот корона. Пејачот беше отпуштен од КБЦ „Драгиша Мишовиќ“ во петокот, а потоа во неделата беше итно примен на Воено-медицинската академија поради влошување на неговата состојба. Тозовац во тоа време имаше исклучително низок крвен притисок, тој не рече скоро ништо, а белите дробови беа во многу лоша состојба.

View this post on Instagram

A post shared by Predrag Živković Tozovac (@tozovac_official)

Според извор од оваа клиника, легендарниот пејач бил интубиран и потоа се освестил. Лекарите направија се за да го спасат, а со цел персоналот да ја провери неговата состојба на свест, тие му ги пуштија неговите песни, кои тој веднаш ги препозна. Сè беше сторено за да се спаси, но набрзо следеше реанимација. За жал, Тозовац почина, а според изворите, смртта следела пет минути по полноќ, на 6 април. Предраг Живковиќ Тозовац е роден во Краљeво во 1936 година. Зад себе ги остави најголемите хитови на српската народна музика. Во октомври 2012 година тој доби диплома за заслужен граѓанин на градот Краљево.

Ана Бекута со емотивна порака се прости од својот пријател и колега: „Се повеќе е полна небесната кафана, а нашите ќе бидат празни бидејќи Тозовац си замина“

Христина Ѓоргиевска — Tue, 06 Apr 2021 10:16:14 +0000

Пејачот Предраг Живковиќ Тозовац почина на 85 години како последица од коронавирусот. По тој повод се огласи и пејачката Ана Бекута која со емотивна порака се прости од својот колега. „Се повеќе е полна небесната кафана, а нашите кафани ќе бидат празни бидејќи Тозовац си замина. Не сакам да нагласувам каков човек беше, на крајот сите добиваат такви зборови. Си замина Тозовац и денес не се појави сонце. Нека ти е вечна слава, а нашето сонце ќе биде барем за еден степен поладно, а овој свет за илјади степни попразен“, напиша Бекута на социјалните мрежи.

View this post on Instagram

A post shared by Ana Bekuta (@anabekuta1)

Потсетуваме, Предраг Живковиќ Тозовац беше текстопосец, композитор, хармоникаш и пејач на народна музика. Ќе остане запаметен по песните: „Тражи нову љубав“, „Јесен у мом сокаку“, „Празна чаша“ и многу други.

Се огласи сопругата на Тозовац: „Со него изгубив дел од својот живот“

Христина Ѓоргиевска — Tue, 06 Apr 2021 09:00:19 +0000

Пејачот Предраг Живковиќ Тозовац почина на 85 години како последица од коронавирус. По тој повод сега се огласи и неговата сопруга. „Немам сила ни да зборувам. Изгубив дел од својот живот. Ова е момент кога навистина не можам повеќе. Ве молам кажете им да не ме бараат, нема сила да зборувам“, изјави Предраг за блиц.рс Предраг последните недели се бореше со корона, а веста дека починал ја потврди неговиот кум. „За жал не издржа, оваа корона го уништи“, изјави кумот на пејачот. Потсетуваме, Тозовац неодамна направи интимна прослава и се венчаше со Мима. Нивната љубов започна пред околу 4 децении и тоа беше љубов на прв поглед. https://arhiva.vistina.com.mk/radio-mileva/tochno-za-nova-godina-legendarniot-srpski-pejach-tozovac-se-ozeni-na-84-godini/ „Се сретнавме случајно и така започна. Се заљубивме штом се погледнавме. За неа ја напишав песната „Мима“. Инаку, нејзиното вистинско име е Емилија. Мима е мојата вистинска љубов и избор. Ние сме во најубава фаза бидејќи станавме пријатели кои не можат еден без друг. Љубовта нема врска со годините“, изјави Тозовац во една прилика.

Почина пејачот Тозовац како последица од коронавирус!

Христина Ѓоргиевска — Tue, 06 Apr 2021 08:19:14 +0000

Пејачот Предраг Живковиќ Тозовац почина на 85 години. Пејачот последните неколку недели се бореше со коронавирусот, а веста дека починал ја потврди неговиот кум. „За жал не издржа, овој Ковид потполно го уништи“ изјави тој. Потсетуваме, Предраг се бореше со коронатавирусот и беше сместен во болница во Белград. Тој неодамна се огласи за медиумите истакнувајќи дека примил вакцина и дека се чувствува подобро, но не може психички да издржи. https://arhiva.vistina.com.mk/radio-mileva/tozovac-na-85-godini-ja-pobedi-koronata-a-sega-se-oglasi-od-bolnica-ne-sum-dobro-edvaj-izdrzuvam/ Тозовац е роден на 22 јануари во Краљево. Неговиот татко Светозар – Тоза беше познат хармоникаш по кој Тозовац го доби својот прекар. Првиот сингл го снимил во 1965 година, а во јавноста стана познат со песната „Испод липе крај потока“. Неговата голема популарност започнува во 1971 година, кога победи на „Песна на летото“ со композицијата „Мирјана“. Следната година тој повторно победи со песната „Очи једне жене “ и го потврди својот статус на најпопуларен пејач. Во октомври 2012 година, тој доби диплома за заслужен граѓанин на градот Краљeво, а на 24.08.2018 година на концерт одржан по повод шеесетгодишнината од радиотелевизијата на Србија, беше награден со Златен микрофон на Радио Белград. Ќе остане запамтен по песните: „Тражичу љубав нову“, „Јесен у мом сокаку“, „Очи једне жене“, „Празна чаша“ и многу други,

Тозовац на 85 години ја победи короната, а сега се огласи од болница: „Не сум добро, едвај издржувам“

Христина Ѓоргиевска — Thu, 01 Apr 2021 10:22:15 +0000

Пејачот Предраг Живковиќ Тозовац веќе неколку недели е сместен во болница откако се зарази со коронавирус. Пејачот вели дека со денови се чувствува лошо бидејќи никој не му доаѓа на посета, а едвај може да стане од кревет. „По примањето на кинеската вакцина се стабилизирав, но сега психички сум лошо. Не сум добро и верувајте ми едвај издржувам во болница. Никој не може да ми дојде во посета бидејќи ова е Ковид амбуланта, а со мојата Мима се слушаме преку телефон. Не знам како тоа поднесува што сме разделни, но се труди да не ме загрижува“, вели Тозовац. „Ужасно е чувството кога секој ден ги слушам апаратите за кислород. Тоа ни младите луѓе нема да поднесат, негативно влијае на психата. По цел ден лежам и молчам, но за тоа никој не ме прашува. Размислував да ги прашам докторите да ме пуштат дома да починам, но тоа е невозможно. Не можам да излезам, ниту може некој да ме посети“, вели пејачот, а потоа ги пофали медицинските лица кои се грижат за него. Тој апелира до луѓето да ја примат вакцината бидејќи на него му помогнала да се избори со коронавирусот. „Ги примив двете вакцини и не каам. Мислам дека благодарение на нив се изборив со короната и немав потешка клиничка слика. Дојдов во болница со воспаление на белите дробови, а којзнае што ќе се случеше ако одбиев да се вакцинирам. Не ми е јасно зошто луѓето имаат толку предрасуди. Не верувам дека некој нешто ќе пушти во проджаба доколку е штетно за луѓето“, вели Тозовац. Предраг вели дека никој од колегите не му се јавил да го праша како е. „Слабо се слушам со колегите. Короната е виновна. Откако сум во болница со никој не се слушам. Сигурно луѓето мислат дека нема пристап на телефон и дека не можам да зборувам. Ќе има време за дружење кога сите ќе бидеме безбедни и кога ќе може да се собираме“, вели Тозовац.

Бардот на српската народна музика Тозовац итно хоспитализиран од Ковид 19: Пејачот е во критична состојба

Антонио Димитриевски — Sat, 06 Mar 2021 07:55:12 +0000

Бардот на српската народна музика, легендарниот фолк пејач Предраг Живковиќ Тозовац (85) бил примен вчеравечер, петок, 5.март 2021 год. во КБЦ „Драгиша Мишовиќ“ во Белград со потврден коронавирус и тешка пневмонија. „Неговата крвна слика не е добра, тој засега е во сериозна состојба, но е стабилен. Пејачот не е ставен на респиратор, но прима терапија со кислород. Неговата состојба активно се следеше во текот на ноќта, лекарите прават сè за да му помогнат, но рано е да се дадат какви било прогнози. Ќе видиме како ќе се развива ситуацијата“ - изјавил за српските медиуми добро информиран извор за здравјето на славниот пејач. Тозовац е роден во Краљево во 1936 година, од татко Светозар Тоза Живковиќ, по кого го добил прекарот и мајка Будимка, така што малкумина од неговите многубројни обожаватели знаат дека неговото вистинско име е всушност Предраг. Неговата популарност започна во 1971 година, кога го освои „Хитот на летото“ со композицијата „Мирјана“. Следната година, тој повторно победи со песната „Очите на една жена“ и го потврди својот статус на најпопуларен пејач на некогашните ЈУ простори. Во 1972 година, тој ја отпеа песната „Јеремија“, која тогашните комунистички власти ја класифицираа како четничка песна, поради што беше принуден да се засолни кај пријателите во Германија. По две години, тој се враќа во Србија, а властите му го одземаат пасошот, но Тозовац останува миленик на публиката и продолжува да пее, но и да води разни емисии и шоу програми. Многумина го сметаат за најголемиот господин на српската народна музика, а неговите песни не бледеат со годините, па и денес тие се неизбежен репертоар на сите прослави и свечености, како што се: „Ме чекаше“, „Очите на една жена “,„ Есен во мојата уличка “,„ Лено, Лено Магдалено“, „Празна чаша“... Во октомври 2012 година тој доби признание за заслужен граѓанин на градот Краљево. На почетокот на оваа година, славниот пејач се ожени со својата животна сопатничка Емилија Мима, и тоа по цели 40 години љубов и заеднички живот. https://arhiva.vistina.com.mk/radio-mileva/tochno-za-nova-godina-legendarniot-srpski-pejach-tozovac-se-ozeni-na-84-godini/

Српската фолк легенда доживеа катастрофа: Тозовац повеќе никогаш не ќе може да пее? (ФОТО)

Антонио Димитриевски — Mon, 23 Nov 2020 11:43:50 +0000

Легендата на српската фолк музика, Предраг Живковиќ - Тозовац во мај минатата година ја оперираше каротидната жлезда, а набргу по операцијата изјави дека е добро и дека нема сомнеж дека ќе може повторно да пее. За жал, Тозовац сега рече дека повеќе нема да имаме можност да го слушаме, барем не во живо, бидејќи тој остана без својот прекрасен глас. „За жал, лекарите ми ги уништија гласните жици за време на операцијата. Отпрвин имав проблем и со говорот, но за среќа тој ми се врати. Сега зборувам нормално, но не можам да пеам. Сега можам само да потпевнувам“ - вели пејачот и додава дека тој одбил да оди на операција на гласните жици. „Тие ми предложија интервенција на моите гласни жици, но јас сум скептичен. Се надевам дека со тек на време ќе се опорават самите. Да бев неколку децении помлад, веројатно ќе страдав затоа што не можам да пеам, бидејќи музиката е мојот живот“ - рече Тозовац. Човекот кој ги отпеа легендарните песни „Јеремија“, „Влајна“, „Празна чаша“, „Ваму цигани“... истакнува дека би сакал повторно да го земе микрофонот во раце, но додава и дека по операцијата продолжил да живее како да има 20 години. „Се надевам дека мојот глас некако ќе се врати. Да ја немам таа надеж, до сега ќе умрев“ - изјавил Предраг Живковиќ - Тозовац.