Предновогодишно „лудило“ со Аца Лукас, Пеѓа Меденица и Милица Павловиќ

Антонио Димитриевски — Tue, 18 Dec 2018 11:56:18 +0000

По распродадените концерти во соседна Србија, триото Аца Лукас, Милица Павловиќ и Пеѓа Меденица се подготвуваат во Скопје, во ВИП Арена Борис Трајковски да ја направат најголемата предновогодишна балканска журка. По цена од 400 денари, овие музички имиња, подготвуваат три часовно шоу на сцената во Борис Трајковски. Оваа голема балканска журка ќе биде место каде што Милица Павловиќ и Аца Лукас, првпат во живо, заедно на една сцена ќе го испејат својот голем хит со милиони прегледи на Јутјуб - „Кидаш ме“.

Во овој предпразничен период, сите тројца во матичната земја работат на својот нов материјал. Деновиве се очекува промоцијата на новиот албум на Милица Павловиќ, „Заувек“, Аца Лукас работи на својот нов сингл кој што несомнено ќе биде огромен хит, како и сите негови песни досега, а Пеѓа Меденица ја подготвува дуетската песна со Џенан Лончаревиќ. „Ова е период на распродадени концерти и нови песни за овие изведувачи. Настапите на најлудата новогодишна ноќ за сите тројца се веќе со денови распродадени. Концертот во Скопје ќе биде вистинско загревање за Нова Година. По цена од 400 денари, ќе се обидеме во Борис Трајковски навистина да ја направиме најголемата предновогодишна балканска журка“ – велат организаторите Балканска Продукција.

„Лична карта“, „Волиш ли ме“, „Сењорита“, „И тако доѓеш ми у сан“, „Требало је“, „Кафана на Балкану“...и многу други, ќе бидат дел од овој празничен репертоар во Скопје. Стартот на журката е закажан за 20.00 часот. Влезници за оваа голема предновогодишна балканска журка, можете да најдете во продажната мрежа на мктикетс.

предновогодишно лудило – Вистина.мк

Предновогодишно „лудило“ со Аца Лукас, Пеѓа Меденица и Милица Павловиќ