пред брак – Вистина.мк

Заеднички живот пред брак: Три важни причини за и против

Христина Ѓоргиевска — Thu, 23 Dec 2021 14:15:06 +0000

Идејата за заеднички живот пред брак често е камен на сопнување во врската. Овде, како и секогаш кога е љубовта во прашање, мислењата се поделени. Некои се убедени дека не треба да се склучува брак без претходен заеднички живот, додека други сметаат дека тоа не е така. Логично, има добри и лоши страни. Секој треба да одлучи што најмногу му одговара.

Причини за заеднички живот пред брак:

Делење на финансиите

Тоа може да биде една од најпопуларните причини за заеднички живот пред брак. Повеќето сериозни парови и онака практично живеат заедно, барем по неколку дена, па почесто се во станот со партнерот отколку дома. Во тој случај поисплатливо е да се вселите заедно за да не плаќате две кирии и двојни сметки. Подобра идеја е заедно да штедите пари и да инвестирате во иднината.

Кога конечно ќе се венчате ќе има помалку стрес

Прилагодувањето на друга личност е секогаш стресно и кога живеете заедно имате многу повеќе време да го запознаете партнерот, неговите навики, добрите и лошите страни и да се навикнете на него. Значи, замислете дека никогаш не сте живееле заедно пред да се омажите: полесно ќе дојде до сериозна криза што може да го загрози вашиот брак.

Зближете се и изградете посилна врска

Интимноста во врската е многу важна, особено во бракот. Не само во емоционална или сексуална смисла, постојат и други видови на интимност кои се подеднакво важни, како што се интелектуална, духовна, искуствена и волна. На пример, волната интимност зборува за обврските кои двајца ги преземаат еден со друг: Ако одлучите заедно да купите куќа, автомобил или куче, тоа значи дека се обврзувате еден на друг. А вселувањето заедно претставува таков вид на интимност.

Причини против живеење заедно пред брак:

Другите луѓе можеби нема да го одобрат тоа

Секој има свое мислење за се. Повеќето луѓе ќе коментираат, без разлика дали ќе го побарате тоа или не. Покрај тоа, ќе ви биде тешко ако вашето семејство не ја одобри вашата одлука. Во екстремни околности, оваа одлука може да доведе до тоа да го изгубите контактот со вашите родители и/или пријатели. Значи, ова е нешто за што треба сериозно да размислите пред да одлучите да живеете заедно.

Недостигот од поддршка може да ја разниша вашата врска

Ако немате поддршка, тоа веројатно ќе влијае на вашата врска – и тоа не на подобро. Може да постои стрес и незадоволство во воздухот помеѓу вас двајца. Тоа може да биде изговорено или неизговорено, а можеби нема ни никаква врска со вас двајца конкретно, но работите однадвор може да доведат до конфликт.

Ќе заштедите пари, но тоа би можело да ја ослаби вашата врска

Кога сте слободни или едноставно живеете сами, имате целосна контрола врз финансиите. Кога ќе се преселите во заедничко домаќинство со вашиот партнер, тоа се менува, ќе ги делите трошоците. Ќе треба да донесете одлуки како што се како да плаќате кирија/хипотека или кој ќе плаќа за намирници и комунални услуги па можеби ќе се судрите со различни мислења за тоа. Се поставува и прашањето што и колку можете да потрошите сами, без договор со партнерот.

Дали заедничкото живеење пред брак навистина помага?

Иако повеќето луѓе сакаат конечен одговор на ова прашање, не постои точен одговор. Постарите студии од 1960-тите, 1970-тите и 1980-тите откриле дека паровите кои живееле заедно пред бракот имаат поголема веројатност да се разведат. Меѓутоа, тогашниот заеднички живот не бил општествено прифатлив како што е денес. Неодамнешните студии не покажуваат сосема иста статистика, иако разликите не се големи. Други истражувања сугерираат дека врз успехот на бракот не влијае само претходниот заеднички живот, туку и други детали, како што се возраста на партнерот, начинот на воспитување, очекувањата пред брак и слично. извор: попара.мк

Пред Јелена Томашевиќ, Иван Босиљчиќ беше во врска со русокоса убавица (фото)

Христина Ѓоргиевска — Mon, 08 Nov 2021 11:39:17 +0000

Пред да се омажи и да заплови во брачните води со Јелена Томашевиќ, актерот Иван Босиљчиќ важеше за еден од најзгодните фраери. Сепак, во јавност тој не се појавуваше со ниту една девојка се додека не ја запознал Тамара Благојевиќ. Се шпекулираше дека тој е лудо заљубен во неа и дека го привлекла тоа што ја разбирал неговата работа. Таа никогаш не му правела проблеми кога треба подолго да остане на снимање, да ги откаже средбите со неа, ниту кога има љубовни сцени. -Тамара следејќи ја мојата работа сфати дека исто се посветувам на секоја сцена без разлика дали треба да се тепам, да се карам или да изгледам заљубено. Исто така, знае дека љубовните сцени ни ми носат поголемо задоволство од другите сцени“, изјави тогаш Босиљчиќ. На почетокот на врската, поранешната девојка на Иван беше таа која избегнуваше да се појавуваат заедно во јавност и да се фотографираат во медиумите. -Го почитувам изборот на својата поубава половина. Прашање е дали Тамара може да се избори со се она што го носи популарноста. Нас на академија не придупредија што не чека“, изјави актеорт. Инаку, Иван сега е во среќен брак со Јелена Томашевиќ, а заедно имаат ќерка Нина. фото: Петар Ѓорѓевиќ/Лука Шарац/Милош Надаждин

Како живеењето заедно пред брак влијае врз вашиот сексуален живот?

Христина Ѓоргиевска — Thu, 09 Sep 2021 13:00:32 +0000

Истражувањата покажаа дека четвртата година од бракот може да биде пресвртна. Некои традиции одамна се избледени, како онаа дека заедничкиот живот на двојката почнува од моментот кога ќе стапат во брак. Сепак, многу луѓе сѐ почесто се одлучуваат да живеат заедно пред да кажат „да“, за да можат да го „тестираат“ животот со идниот брачен партнер. И додека некои стручњаци сметаат дека ваквиот тренд е корисен чекор пред брак, заедничкото живеење може негативно да се одрази на сексуалниот живот на двојката, а со тоа и на врската. Едно неодамнешно истражување чии резултати беа објавени во списанието Sex Research, покажа дека двојките кои живееле заедно пред да стапат во брак имале помалку секс во првата година од бракот и пониска стапка на сексуално задоволство во споредба со двојките кои почнале зеднички живот откако се венчале. Истражувачите исто така откриле дека по четвртата година од бракот овие проблеми исчезнуваат. Во истражувањето во кое биле опфатени 113 хетеросексуални двојки, била следена стапката на сексуално задоволство во првите четири години од бракот. Истражувањето ги опфати и факторите кои влијаат врз сексуалниот живот на партнерите, како заеднички живот или добивањето деца пред брак. Двојките кои биле испитувани во просек биле во нивните доцни дваесетти, со разнолика етничка припадност. Исто така, истражувачите дошле до заклучок дека двојките кои живееле заедно пред брак имале помалку секс во првата година од бракот, а исто така и дека сексот им бил помалку квалитетен. Имањето деца немало значително негативно влијание врз сексуалниот живот на двојките. Разликата во тоа колку често имале секс двојките кои биле во врска подолго време и/или живееле заедно пред брак и оние кои биле заедно пократко време и почнале да живеат заедно во брак, исчезнува по четири години во брачна заедница. Кај двојките кои имале деца пред да се венчаат било забележано дека во четвртата година од бракот почнува да зачестува сексуалната активност, што не било случај кај двојките кои немале деца. Според авторите на ова истражување, потребно е да се спроведат понатамошни истражувања за да се сфати подобро на кој начин сексуалниот однос на двојките се менува во првите неколку години од бракот и како тие промени би можеле да доведат до оддалечување на партнерите или развод. извор: Кајгана

Како влијае заедничкиот живот пред брак врз сексот?

Христина Ѓоргиевска — Wed, 08 Jan 2020 13:03:07 +0000

Некои традиции одамна се избледени, како онаа дека заедничкиот живот на двојката почнува од моментот кога ќе стапат во брак. Сепак, многу луѓе сѐ почесто се одлучуваат да живеат заедно пред да кажат „да“, за да можат да го „тестираат“ животот со идниот брачен партнер. И додека некои стручњаци сметаат дека ваквиот тренд е корисен чекор пред брак, заедничкото живеење може негативно да се одрази на сексуалниот живот на двојката, а со тоа и на врската. Едно неодамнешно истражување чии резултати беа објавени во списанието Sex Research, покажа дека двојките кои живееле заедно пред да стапат во брак имале помалку секс во првата година од бракот и пониска стапка на сексуално задоволство во споредба со двојките кои почнале зеднички живот откако се венчале. Истражувачите исто така откриле дека по четвртата година од бракот овие проблеми исчезнуваат. Во истражувањето во кое биле опфатени 113 хетеросексуални двојки, била следена стапката на сексуално задоволство во првите четири години од бракот. Истражувањето ги опфати и факторите кои влијаат врз сексуалниот живот на партнерите, како заеднички живот или добивањето деца пред брак. Двојките кои биле испитувани во просек биле во нивните доцни дваесетти, со разнолика етничка припадност. Исто така, истражувачите дошле до заклучок дека двојките кои живееле заедно пред брак имале помалку секс во првата година од бракот, а исто така и дека сексот им бил помалку квалитетен. Имањето деца немало значително негативно влијание врз сексуалниот живот на двојките. Разликата во тоа колку често имале секс двојките кои биле во врска подолго време и/или живееле заедно пред брак и оние кои биле заедно пократко време и почнале да живеат заедно во брак, исчезнува по четири години во брачна заедница. Кај двојките кои имале деца пред да се венчаат било забележано дека во четвртата година од бракот почнува да зачестува сексуалната активност, што не било случај кај двојките кои немале деца. Според авторите на ова истражување, потребно е да се спроведат понатамошни истражувања за да се сфати подобро на кој начин сексуалниот однос на двојките се менува во првите неколку години од бракот и како тие промени би можеле да доведат до оддалечување на партнерите или развод. извор: Кајгана