прашање – Вистина.мк

Нејзин обожавател посака да го „просветли“ каков „мајстор за бакнежи“ е Кристина Димитри, а таа за урнек му го посочи нејзиниот нов љубовник: До усните е, до јазикот или до нешто трето… многу „посвето“? (ФОТО)

Антонио Димитриевски — Wed, 28 Feb 2024 08:50:01 +0000

Кристина Димитри како и многу од естрадните пејачки, особено овие од „новата генерација“, уживаат секојдневно да споделуваат на социјалните мрежи работи за кои сметаат дека им ја „билдаат кариерата“, ама и „хранат суетата“. Како поинаку да се протолкуваат „внимателно селектираните“ извадоци од написите во порталите, строго цензурирани и споделени само оние делови во кои естрадната личност се воздигнува, фали и' се делат комплименти за изгледот, стајлингот, однесувањето, песната, видеото...Што и да е само да е позитивно срочено! Останатото е „како со ножички исечено“ и воопшто не се објавува на својот профил или на кусите приказни на социјалните мрежи. Истото важи кога е во прашање и комуникацијата со обожавателите, на кои самите естрадни фаци, па и атрактивната тетовка им даваат „необврзна задача“ да им поставуваат прашања на Инстаграм. И секако, објавени се само оние одговори кои ја воспеваат славата на пејачката и се' што попатно оди со неа. Другите се на „дилит“ и завршуват во канта! Последната преписка на Кристина Димитри со своите обожаватели беше опсипана со мноштво пораки и прашања, меѓу кои едно ја очигледно заскокоткало и самата пејачка, па решила да го искористи за уште една промоција на својот нов љубовник. Овој пат до душа, не на неговиот лик или карактер, туку на промоција на неговите љубовни способности. Имено, меѓу останатото Кристина доби прашање или подобро кажано молба да сподели дел од својата интима. Или поточно, од своите љубовно-еротски способности кога се во прашање сочните интимни бакнежи. „Малечка, сите се бакнуваме, па немама такви усни. Тогаш сподели каков вид на бакнување применуваш, еве просветли ме“ - побара фанот на Кристина од неа! Бидејќи практичната демонстрација дотичната личност разбирливо, лично е невозможно да ја осети, за да го „просветли“ останаа два начина на одговор за да се задоволи својот фан. „Со показна вежба“ на видео или фотографија или чисто само со вербален одговор преточен во писмено појаснување на „умешноста на нејзиното бакнување“. Но за чудо, Кристина како одговор на зададената загатка одбра сосема трета опција. Обожавателот посака да го „просветли“ како изгледа кога се бакнува со нејзините „сочни филер усни“, а Кристина Димитри за урнек му го посочи нејзиниот нов љубовник, па во одговорот му напиша: „Ха, ха, ха, еее сега гледате зошто толку многу го фалам моето момче“ - споделила расположената љубовџика. При тоа не објасни детали, но очигледно доволно појасни „во кого е магијата“! А за деталите... Дали е до усните, до јазикот или е... до нешто трето, можеби нешто уште „посвето“... Кристина на таа тема остана „нема“! Среќа што комуникацијата помеѓу пејачката и нејзиниот обожавател остана само на бакнувањето и усните, од кои се' започнува, а завршува со „љубовна екстаза“! Ако прашањето беше „проширено“, кој знае каков ќе беше одговорот за „останатите квалитети“ на љубовникот? Или тој дел од прашањето ќе влезеше во оние „цензурираните“, што „се сечат со ножики“ зашто кога се поставуваат, а не им одговараат на оние што треба да ги одговорат, не се ни објавуваат!? Како и да е, Кристина Димитри со одговорот на прашањето: „Каков мајстор е за бакнежи“ веројатно повеќе го растажи отколку што „го наежи“ љубопитниот прашувач! Фото: Јутјуб/Инстаграм/kristina.dimitry

Повеќе на vistina.mk

Дарко Лазиќ пред сопругата го прашаа за екс- девојката Барбара Бобак, на што тој нервозно одговори вака…

Слободанка Илиева — Wed, 24 Jan 2024 12:33:03 +0000

Пејачот Дарко Лазиќ синоќа гостуваше во „Амиџи шоу“ каде му беше поставено прашање за поранешната девојка Барбара Бобак додека во публиката седеше неговата сопруга Катарина. - Дали би снимиле дует со Барбара? - беше прашањето што го прочита Огњен. - Мислам дека нема потреба од тоа. Ниту јас би сакал, ниту таа - изјави Лазиќ во шото. Јасно беше дека Дарко беше изненаден од прашањето, но сепак успеа добро да се снајде. фото: Instagram printscreen/ amigshow/ darkolazicofficial

Повеќе на vistina.mk

Атрактивната “Гранд“ пејачка Тамара Радмиловиќ со разголена секси задница прашува: „Дали знаете која големина јас ја сакам“? (ВИДЕО)

Антонио Димитриевски — Wed, 06 Sep 2023 12:00:13 +0000

Атрактивната фолк пејачка Тамара Радмиловиќ неретко знае да ги измами воздишките на многу мажи кои ја следат на социјалните мрежи. Оваа натпреварувачка и учесник во „Ѕвездите на Гранд“ сподели неколку фотографии на „Инстаграм“ во кои, младата пејачка расоблечена во мини танга бикини покажа дека за сите пари со душа ужива во летото. Всушност, со овие жешки кадри, Тамара го рекламира својот профил на контроверзната апликација „Only fans“, каде и ги објавува своите експлицитни фотографии и видеа во различни разголени изданија. Тамара уживаше на еден отворен базен и во таа прилика позираше и за своите следбеници на социјалните мрежи, во чии глави ги врежа најпровокативните кадри, чиј фокус секако е на големата заоблена секси задница на оваа тетовирана убавица. А, фановите секако дека не останаа рамнодушни на она што Тамара им го понуди како за загревање... Она вистински „жешкото“ на поранешната учесничка на „Ѕвездите на Гранд“ за сите нив и сите вас, следуваше како многу поексплицитна понуда на нејзиниот „Онли фанс“.

View this post on Instagram

A post shared by Tamara Radmilovic (@malla_tacca)

Фото: Инстаграм/malla_tacca

Повеќе на vistina.mk

Семејството само за едно ја прашува, а Стојне Николова на нешто сосема друго мисли, планира и посакува (ВИДЕО)

Антонио Димитриевски — Fri, 25 Aug 2023 09:13:40 +0000

Ситна, динамитна, атрактивна, експлозивна, полна со енергија и сексапил… Македонско фолк мињонче ко бонбонче. Така отприлика до скоро ја опишуваа македонската фолкерка Стојне Николова. Но, до скоро срамежливата струмичанка со текот на времето и годините несомнено полека прераснува во една сосема поинаква убавица. Промените евидентни и во изгледот, однесувањето, облекувањето... Стајлингот на фолкерката сега многу пософистициран, изгледот исто така, а сексапилот и неодоливата привлечност мултиплицирани. Долгите нозе, витата става, извајаното га*е и симпатичниот лик, ја прават фатално примамлива и пожелна, што и ја зголемува и цената за на тезга и бројот на настапи. Едноставно Стојне е „Новата јас“ како што и гласи и насловот на нејзината нова песна, истоимената фолк балада на атрактивната струмичанка.

View this post on Instagram

A post shared by STOJNE NIKOLOVA (@stojne_official)

Една нова, поинаква Стојне која не случајно претендира да стане „неостварен сон“ за камионџии во претходната песна… Но, не само за нив, што седат зад воланот во возачките кабини, туку и за сите останати љубители на убавите пејачки и песни во фолк музиката. А новата Стојне, млада, убава, згодна, атрактивна, сексапилна, пожелна… е девојка која е „вистинска прилика“ за секој слободен ерген. Токму затоа Стојнето го облетуваат многу додворувачи, иако се’ уште, не барем јавно, не видовме дека младата фолкерка е во нечие срце, односно некој во нејзиното, поточно во сериозна љубовна врска. Арно ама како славата напредува, популарноста оди во нагорна линија, а со неа и приходите, на убавото Стојне, како и на секое младо моме се повеќе му се живее. А серизоната врска не е баш секогаш „компатибилна“ со слободниот уметнички живот, па оттаму на Стојне Николова некако повеќе и „пасува“ да биде слободна. До душа, семејството изгледа не мисли баш така, па ја прашува само за едно, а Стојнето планира, посакува и мисли на нешто сосема друго. На што - дознајте од видеото што самата го споделила како одоговор на „здодевните“ прашања на фамилијата! Фото: Инстаграм/stojne_official

Повеќе на vistina.mk

Неочекувано новинарско прашање го изненади Харисон Форд, а неговата реакција стана хит на социјалните мрежи (видео)

Слободанка Илиева — Tue, 23 May 2023 08:28:27 +0000

Славниот актер Харисон Форд ги насмеа присутните со својата реакција и одговор на коментарот и прашањето на новинарката во текот на медиумското појавување по премиерата на филмот „Indiana Jones and the Dial of Destiny“. Имено, во четвртокот во Кан се одржа премиерата на новиот филм на Форд, а по тој повод беше одржана и конференција на која присуствувале режисерот Џејмс Манголд, но и актерите од наведениот филм. Меѓутоа, вниманието го привлече една новинарка која му дала комплимент на Харисон Форд дека сè уште е згоден, а потоа поставила прашање кое дополнително го збунило. „Многу сте згодни и сите бевме воодушевени кога во една сцена во филмот ја соблекувате маицата. Уште го имате „тоа“ во себе. Како ја одржувате формата? Можете ли да јавате коњ?“, го прашала новинарката.

A reporter at #Cannes told Harrison Ford: "I think you're still very hot." Ford replied: "Look, I’ve been blessed with this body. Thanks for noticing!"https://t.co/c6p4UXtM4X #Cannes #IndianaJones pic.twitter.com/yuUfSQblOq
— Variety (@Variety) May 19, 2023

Харисон во тој момент чудно ја погледнал, па се замислил. Неговата реакција ги насмеала присутните, по што тој збунето ја прашал какво прашање поставила. „Дозволете ми да ви одговорам. Да, јас можам да јавам коњ, ако тоа ми го дозволат. Ви благодарам, не мислев да бидам суров“, ѝ одговорил Харисон, а потоа се пошегувал на сметка на коментарот за неговиот изглед, велејќи дека е благословен со своето тело. „Ви благодарам што забележавте“, ѝ одговорил Форд на новинарката. За потсетување, Харисон во четвртокот ја прими и наградата Златна палма, што ги воодушеви присутните на филмскиот фестивал во Кан. Најавено е дека петтото продолжение на франшизата за Индијана Џонс ќе започне со прикажување кон крајот на јуни во кината ширум светот. фото:Twitter printskrin

Повеќе на vistina.mk

На Маја Маринковиќ тешко и оди математика – старлетата не можеше точно да одговори на едноставно прашање од основно училиште (фото)

Слаѓана Атанасова — Fri, 20 Jan 2023 08:28:42 +0000

Маја Маринковиќ во „Задруга 6“ покажа дека не ја знае таблицата за множење. Филип Цар и постави прашање од основно училиште, но таа не можеше точно да одговори. - Колку е 8 по 8? - ја праша Цар. - 82...? - одговори таа. - Не, 81 - додаде таа потоа. - Не е - рече Филип. - Не можам сега... - рече Маја. - Еве, брои, 8, 16, 24, 32, 40, 48, 56, 64... - броеше Цар на прсти пред неа. - 64 значи? 64, тоа е тоа – рече таа со насмевка на лицето. - Така и мислеше, нели? - рече тој, додека таа цело време се смешкаше.

@vipnewsbalkan Maja Marinković i matematika- osam puta osam #majamarinkovic #filipcar #zadruga #foryoupage #fyp #foryou #balkantiktok ♬ original sound - VIP NEWS BALKAN

Фото: Принтскрин/Инстаграм/маја Маринковиќ/Задруга 6

Повеќе на vistina.mk

Ријалити ѕвездата Милјана Кулиќ донесе важна одлука, па следеше неочекувано прашање: „Омажи се за мене!“ (фото)

Слаѓана Атанасова — Mon, 19 Sep 2022 09:20:04 +0000

Миљана е активна на социјалните мрежи, па решила слободното време да им го посвети на следбениците на Инстаграм. Заедно со нејзиното момче Ненад Мачановиќ, Кулиќ излезе во живо на споменатата социјална мрежа, па поранешната членка на „Задруга“ одговараше на прашањата кои и ги поставуваа нејзините следбениции и во таа прилика ја откри важната одлука дека нејзиниот син Жељко конечно ќе добие татко – Ненад Мачановиќ Бебица. Миљана во еден момент добила предлог за брак од непознат маж. - Миљана, омажи се за мене - напишал тој , но Кулиќ не ја заинтересирала понудата, па само ја прочитала понудата, но не ја коментирала. Ријалити ѕвездата изјави дека нејзиното момче Ненад Мачановиќ Бебица во документите ќе биде запишан како татко на нејзиниот син Жељко, а откри и дека едвај чека да влезе во „Задруга 6“ и стави крај на сите шпекулации за неа и нејзиното семејство. - Ќе го напишам името на Ненад на документите каде што треба да стои името на таткото на Жељко, бидејќи тој го сака 100 пати повеќе - рече Кулиќ и се наврати на тешкиот период зад неа: - Знам дека ви беше жал, а дури сега сум свесна дека можев да умрам... Сега имам кошмари за тоа, но на крајот се помина добро. Ослабев 22 килограми и сè уште сум на специјална диета - изјави Миљана, а потоа му даде збор на Бебица, кој откри кој му бил најтешкиот момент: - Постојано бевме во болница, на сите ни беше тешко... Но, најлошо беше кога ќе погледнавме во нејзиниот кревет, кој во еден момент беше празен! Се отсековме, мислевме дека се случило најлошото, а потоа ни рекоа дека само сакале да и го сменат креветот и дека се е во ред со неа... - рекол Ненад. Фото:Принтскрин/Задруга/Инстаграм/Ненад Мацановиќ

Повеќе на vistina.mk

Драгана Мирковиќ откри какви пораки добива од ќерката и синот на настапите – „Деца, што ви е?!“ (фото)

Слаѓана Атанасова — Mon, 05 Sep 2022 09:42:39 +0000

Драгана Мирковиќ е многу горда на своите наследници, ќерката Мануела и синот Марко, а и тие се гордеат и со својата мајка. Музичката ѕвезда Драгана Мирковиќ летово беше многу зафатена со настапи, а еден од нив одржа и во Црна Гора. Таму се појави со сопругот Тони Бијелиќ, а иако многумина очекуваа да ги видат децата со нив, Мануела и Марко имаа некои други свои планови. - Тие се во Србија кај баба и дедо, кај моите, имаме некоја прослава во семејството и така“, изјави Драгана за емисијата „Премиера - викенд специјал“, и призна дека децата повремено доаѓаат да ја слушаат на настапи. „Тие уживаат, и се гордеат со мама, што е природно и нормално. Многу се внимателни, ми праќаат пораки, ме прашуваат дали сум уморна. А јас им велам: „Деца, што ви е, ја познавате мајка ви. Мама е карпа „Не е секогаш лесно, но горда сум на себе што се држам“, изјавила Драгана Мирковиќ. Фото:Принтскрин/Ата Имаџес/Премиера

Повеќе на vistina.mk

Неда Украден го прекина интервјуто поади прашање за Констракта: Пејачката излезе од контрола кога слушна една работа

Слободанка Илиева — Thu, 26 May 2022 11:36:15 +0000

Пејачката Неда Украден (71) на едно случување во Белград се појави во елегантно издание. - Настапувам многу, до крајот на месецот ќе имам уште три настапи. Во текот на мај дури 11 тезги – откри пред камерите на Блиц ТВ Неда Украден. На прашањето за Констракта, српската претставничка на „Евровизија“, таа бурно реагираше.

View this post on Instagram

A post shared by Konstrakta (@konstakta_official_fanpage)

Имено, членовите на седмата сила побараа од Неда да се произнесе за тоа што пред финалето на споменатиот натпревар ја поддржала Констракт, иако не и дала ниту еден поен на „Беовизија“ како член на жирито. - Ви благодарам, ме разбирате се’, нема причина да продолжиме да зборуваме - реагираше Неда и го прекина интервјуто. фото:Принтскрин Блиц ТВ/Инстаграм

Повеќе на vistina.mk

Скандал во „Бекстејџ“: Дијана – „Оу-Џи“ стана и го напушти интервјуто бидејќи не и се допадна прашањето (ВИДЕО)

Антонио Димитриевски — Sat, 14 May 2022 09:44:50 +0000

Од неодамна дело од македонските медиуми, меѓу првите и Вистина.ком.мк, како и нашите соработници од најгледаниот естраден ТВ магазин „Бекстејџ“ ја разработија темата за Онлифанс – платформата за возрасни, која најчесто ја користат анонимни или познати модели и инфлуенсери, но и други помалку или повеќе познати личности меѓу кои и музички артисти, со тоа што на неа објавуваат експлицитни содржини со нивни автентични фотографии. Времињата се такви какви што се – се’ потешки… Животот станува се’ поскап, трошоците се’ повисоки, стандардот се’ понизок, а можностите за зароботка речиси никакви. Токму тоа е причината зошто дел од нив се одлучуваат на овој чекор. На ова тема, новинарската екипа на „магазинот од зад сцената“ реши да поразговара со македонската (т)раперка Дијана ОГ, првиот музички артист кај нас кој отвори свој профил на споменатата страница. Зошто се решила да го отвори, но и колкава е нејзината заработка од „скокотливите“ содржини што ги споделува на својата „Онли фанс“ страница беа дел од прашањата за Дијана ОГ? Претходно, познатите одговараа на прашањето: Дали Онлифенс го сметаат за легална проституција, па на прашањето дали ваквиот начин на заработка можеби не е еден вид нешто слично, следувала бурна реакција на пејачката, која станала, револтирана го напуштила интервјуто и си заминала! Медиумите и новинарите се тука за да поставуваат прашања, а јавните личности треба да се навикнат дека не се тука само за фалење и комплименти, туку мора да бидат подготвени и на она што понекогаш ги погаѓа и како прашање или констатација не им се допаѓа. Дијана, а со тоа и продукцијата која стои зад неа, со нејзината постапка покажала дека се' уште не знае и не е „зрела“ за шоубизнис, иако со оглед на нејзините години можеби треба и да и се прости, но и да сфати дека е време да научи да се носи со професијата, со која самата избрала да се занимава! Однесувањето кон новинарите и воопшто односот кон медиумите, особено пред камера, е важна работа како за личноста, така и за нејзината кариера. Без оглед дали коментарот, написот, рецензијата или новинарското прашање понекогаш (не) ви се допаѓа... Умешноста на вашиот одговор е она, со што на „незгодното прашање“ другиот „ќе го спуштите на земја“ или „седнете во скутот“, а никако со „кукавичко“ бегање од интервјуто! Но, што всушност се случило, што тоа Дијана - Оу-Џи „ја извади од папучи“ за така изнервирана лутито да стане и замине, прекинувајќи го интервјуто, погледнете во видеото на „Бекстејџ“ во продолжение:

Повеќе на vistina.mk