позитивен на корона – Вистина.мк

Мишо Ковач повторно завршил во болница: Пејачот позитивен на коронавирус

Христина Ѓоргиевска — Wed, 15 Dec 2021 10:03:47 +0000

Пејачот Мишо Ковач (80) пред неколку недели беше пуштен од сплитската болница каде беше хоспитализиран поради воспаление на белите дробови и висока температура. Сега познатиот пејач повторно заврши во болницата во Сплит, бидејќи е позитивен на коронавирусот. Освен пејачот, на корона е позитивна и неговата сопруга Лидија како и ќерката Ивана, пренесува „Слободна далмација“. Имено, на Мишо одеднаш му се слошило и пред неколку дена бил однесен во болница каде што бил приклучен и респиратор. Откако примил кислород тој се чувствувал многу подобро и бил пуштен на домашно лекување. Инаку, Мишо Ковач неодамна беше хоспитализиран на Одделот за пулмологија на Клиничкиот болнички центар Сплит, а лекарите се сомневале на пневмонија. На крајот се испоставило дека нема пневмонија, па музичарот по антибиотска терапија бил пуштен дома. По излегувањето од болница, Мишо се чувствувал добро и со семејните пријатели Томија и Вања Божиковиќ заминал во Строжанац. Заедно со ќерката и сопругата престојува во изнајмен стан бидејќи се реновира неговата куќа. фото: Инстаграм/принтскрин/јутуб

Македонскиот пејач и учесник во „Ѕвездите на Гранд“ e во изолација поради позитивен тест на коронавирус – откри како се чувствува

Христина Ѓоргиевска — Fri, 19 Feb 2021 08:37:17 +0000

Пандемијата со коронавирусот покажа дека не бира млади, стари, познати, непознати, богати, сиромашни... Короната владее од март претходната година, а бројот на заболени постојано е во континуитет. Многу познати беа заболени од Ковид 19, некои поминаа со лесни симптоми, други со потешка клиничка слика, а некои ја изгубија битката со чумата на 21век. Македонскиот пејач и учесник во „Ѕвездите на Гранд“, Гоце Бошковски – Чоки на својот „Фејсбук“ откри дека е позитивен на коронавирус и дека веќе 10ти ден е во изолација. =10ти ден во изолација поради позитивен ковид тест.... Уште малку остана... Добар сум фала му на Бога.... Чувајте се“, напиша тој покрај селфито. Инаку, Гоце го помина и четвртиот круг во „Ѕвездите на Гранд“, а како ќе се претстави во следниот круг останува да видиме,.

Се чувствува лошо: Роби Вилијамс позитивен на корона

Христина Ѓоргиевска — Wed, 20 Jan 2021 11:25:51 +0000

Пејачот Роби Вилијамс е позитивен на коронавирус и заедно со семејството се во карантин на Карибите. Тие кон крајот на декември заминале на одмор, а по доаѓање на Карабите пејачот се чувствувал лошо. „Роби прилично е лошо“ изјави извор за „Тhe Sun“. Тој е сместен во вила и не смее да оди на плажа. 46 годишниот пејач и порано веруваше дека има корона кога се самоизолира од своето семејство во Лос Анџелес.

Таткото на Ѓоковиќ загрижен за синот: „Новак не се чувствува добро“

Христина Ѓоргиевска — Wed, 24 Jun 2020 08:15:17 +0000

Веста дека најдобриот тенисер на светот, Новак Ѓоковиќ е позитивен на коронавирус го потресе спортскиот свет. Во текот на вчерашниот ден, Новак преку јавно соопштение потврди дека е позитивен на корона, исто како и неговата сопруга. Новак и Јелена се чувствуваат добро, немаат никакви симпотоми, а следните 14 дена ќе бидат во самоизолација. Потсетуваме, на иницијатива на Ѓоковиќ изминатите два викенди во Белград и Задар беше одржен хуманитарен турнир „Adria Tour“ на кој учестуваат најголемите тениски асови од светот. Бугараскиот тенисер Григор Димитров учествуваше на двата турнира, но по натпреварот во Задар се повлече бидејќи не се чувствуваше најдобро. Тој замина во Монако и веднаш на социјалните мрежи објави дека е позитивен на Ковид 19, а турнирот веднаш беше прекинат. Голем број на учесници заминаа на тестирање, а Новак се врати во Белград каде што се тестираше и дозна дека е позитивен. Таткото на Новак, Срѓан Ѓоковиќ смета дека бугарскиот тенисер со своето однесување нанел голема штета на Србија и Хрватска. „Зошто се случи тоа? Затоа што човекот дојде болен кој знае од каде. Не се тестираше тука, се тестираше на друго место. Мислам дека тоа не е во ред....Добро, што да се прави. Нанесе голема штета на Хрватска, а и на Србија и на нас како семејство“ изјави Срѓан. Срѓан вели дека е загрижен за тенисерот бидејќи физички се чувствува добро, но психички.... „На никој не му е добро, па и на него. Никој не се чувствува добро поради оваа ситуација. Секако дека не се чувствува добро, но ситуацијата е таква каква што е. Од ова мора да излеземе посилни, да се заштитиме“ изјави таткото на тенисерот за РТЛ.