Како да ги препознаете луѓето кои може да ве повредат?

Слободанка Илиева — Wed, 03 Jun 2020 13:40:11 +0000

Лошите односи резултираат со незадоволство на крајот. Шармот, романтиката и подароците се убави, но веднаш штом ќе забележите некои од првите знаци на себичност, подобро би било да ја барате среќата на друго место. Таквите личности не се фокусирани на вас, туку на самите себеси, а вие би можеле да бидете колатерална штета на таа врска. Иако на почетокот сè може да изгледа убаво и розово, вистинското лице излегува на виделина порано или подоцна. Кога луѓето ќе забележат алармантни знаци, обично ги игнорираат сметајќи дека тоа е само фаза. Но, како што одминува времето, овие мали знаци може да прераснат во сериозни проблеми. Никој не е совршен, но игнорирањето на некои знаци може да ви предизвика само болка и повреда. Откријте кои личности треба да ги избегнувате. 1. Не го оставил минатото зад себе Врската со ваков партнер може да ве повреди емоционално. Тој често може да ве споредува со некого од своето минато, а вие може да страдате поради тоа. 2. Не знае што сака Без разлика дали станува збор за чувствата, за поврзувањето, за минатото или за што било друго, за добар однос е потребна јасност за да се постави цврста основа. Изјавите како „да не брзаме“ може да бидат многу опасни, особено ако забележите дека партнерот го прави тоа и во други ситуации. 3. Не ги исполнува вашите очекувања Лесно е да шармирате некого и да глумите дека сè изгледа прекрасно. Но, кога е време за конкретни работи и дејства, партнерот има еден куп изговори. 4. Тој е опседнат со себе Лесно е да забележите личност што се врти околу својата оска затоа што таа зборува само за своите проблеми и треба некој да ја слуша. Кога треба да ги слушате или да им помогнете, тие се тука, но кога ситуацијата е обратна, тие се повлекуваат или исчезнуваат. 5. Мисли дека никогаш не прави грешки Прифаќањето вина е нормално и покажува дека сте човечко суштество. Но, оние што постојано наоѓаат оправдување, не се најискрените луѓе и имаат големо его. 6. Никогаш не е тука за вас Треба да чекате со часови за да добиете повратна порака или повик. Овие личности се себични и стапуваат во контакт само кога тие сакаат. Со таков партнер нема никогаш да се чувствувате посебно и сакано. извор:кафепауза.мк

Немате намера да го правите тоа, но несвесно го повредувате вашиот партнер

Моника Манасиевска — Wed, 12 Dec 2018 13:45:23 +0000

Својот партнер го сметате за своја сродна душа и никогаш не би направиле нешто што би го повредило или изнервирало. Барем не намерно. Сепак, постојат некои потези кои вие ги работите без премногу размислување, а на вашиот партнер тие многу веројатно му пречат. На следните пет работи ви требало да обрнете внимание ако сакате да задржите цврст и здрав однос со партнерот. Го чистите она што веќе тој го исчистил Во ред е, ако е потребно да му објасните нешто што никогаш не го правел. Но ако баш зборувате за секоја ситница погрешно свртена тоалетна хартија или погрешно наместени садови.. Со тоа само ќе предизвикате нервоза и тензија, па би било подобро таквите работи да ги занемарите или барем да не ги поправате пред него истовремено говорејќи дека погрешно ги прави. Непрестајно сте лошо расположени Иако тој е вашето рамо за плачење и вистинска личност на која треба да и упатите убави зборови, понекогаш тоа може да биде многу исцрпувачки и фрустрирачки ако се повторува од ден во ден. Сетете се за три работи кои сте благодарни тој ден и кажете му го тоа со голема насмевка. Можеби понекогаш и нему му е потребен некој да се потрпе, но тоа нема да ви го каже бидејќи вие непрестајно се жалите поради своите проблеми. Не го подигнувате погледот од мобилниот Можеби ви се чини дека тој тоа не го приметува, но верувајте ни, и тоа како е забележително. Посебно ако истовремено разговарате со него и куцкате со пријателката, постои можност да предизвикате лоша расправија бидејќи кога тогаш ќе ја прелиете чашата. Поради тоа, кога ќе разговарате со партнерот, оставете ја настрана технологијата. Не го слушате Иато како и со претходната точка, немојте никого да омаловажувате со помало внимание. Насочете се кон разговор и момент во кој се наоѓате. Не одговарате на пораки Игнорирањето и не одговарањето на пораките никому не му е драго. Дури и ако не сте љубител на долги допишувања, тоа искрено кажете му го на партнерот без да го довете во ситуација да се грижи каде се наоѓате и дали сте добро.

повредување – Вистина.мк

Како да ги препознаете луѓето кои може да ве повредат?

Немате намера да го правите тоа, но несвесно го повредувате вашиот партнер