повреда – Вистина.мк

Немања Гудељ опериран, еве каква е неговата состојба (фото)

Слободанка Илиева — Thu, 11 Jan 2024 12:09:47 +0000

Немања Гудељ, играч од средниот ред на „Севиља“ и сопруг на Анастасија ражнатовиќ се здоби со сериозна повреда на теренот пред два дена. Лекарите добро ја процениле ситуацијата, па веднаш бил опериран, но тоа го доведе во прашање продолжението на сезоната и неговиот настап за српската репрезентација на претстојното Европско првенство во Германија. Успешниот фудбалер го раскина менискусот на левото колено за време на натпреварот со Атлетскиот Билбао и веднаш го напушти натпреварот. Иако во првите моменти се претпоставуваше дека повредата не е сериозна, управата на „Севиља“ најави дека тој сепак ќе мора да оди во операциона сала.

Good news Nemanja Gudelj has had successful surgery.
He is expected back in 2-3 months according to Sevilla & shouldn't miss the Euro's. pic.twitter.com/Z0seardN9P — Serbian Football (@SerbianFooty) January 10, 2024

Драган Стојковиќ Пикси, тренерот на Србија, се фати за глава, затоа што без Гудеj, одбрамбената линија на орлите не е иста. Сите со нетрпение го чекаа првата прогноза на докторот. За среќа, нема причина за страв.

View this post on Instagram

A post shared by Nemanja Gudelj (@nemanjagudelj)

Немања вчера претрпе успешна операција и, според првичните информации, тој ќе се врати на теренот за два до три месеци. Ова е добра вест и за неговиот клуб и за српската репрезентација, бидејќи подготовките за Европското првенство започнуваат во април. Најновата фотографија направена по операцијата, како и расположениот фудбалер влеваат надеж дека закрепнувањето ќе биде брзо и успешно. фото:Instagram printscreen/ nemanjagudelj/ Twitter

Анастасија Ражнатовиќ се огласи по повредата на Гудељ: Сама и без шминка веднаш ги спакува куферите (фото)

Слаѓана Атанасова — Wed, 10 Jan 2024 08:46:27 +0000

Ќерката на Цеца се огласи преку Инстаграм само неколку часа откако како бомба одекна веста дека Немања Гудељ ќе се оперира. Српскиот фудбалски репрезентативец Немања Гудељ е тешко повреден и треба да биде опериран во наредните денови. Оваа вест привлече огромно внимание и ги загрижи фудбалските фанови, а многумина се запрашаа што прави неговата сопруга Анастасија Ражнатовиќ. Ќерката на Цеца сега се огласи на Инстаграм и откри каде се наоѓа во моментот. Таа преку „story“ објави видео од железничката станица, и куферите и покажа дека заминува. После тоа сподели и фотографија од книгата која деновиве ја чита. Сепак, сега засега не се знае каде отшла. Фото: Принтскрин/Instagram/raznatovicanastasija

„Мојата сопруга реагираше“: Чола се присети на нападот врз неговата жена и ги откри сите детали (фото)

Слаѓана Атанасова — Tue, 09 Jan 2024 12:07:45 +0000

Здравко Чолиќ во текот на целата кариера беше миленик на женската публика, а имаше и голем број обожавателки. За жал, понекогаш може да има и друга, помрачна страна, а пред многу години се случи инцидент на кој Чола и ден денес се сеќава. - Сум поминал и доживеав многу во животот. Еднаш една обожавателка ја нападна мојата сопруга со нож и и го расече лицето. Сандра се извлече, малку ја фати, за среќа без поголеми последици. Тоа беше многу одамна, но сè уште се сеќавам на тоа до ден-денес. - Мојата сопруга немаше други поголеми непријатности, бидејќи не се експонира, не е таков тип, а верувам дека сопругата и децата треба да бидат далеку од очите на јавноста - изјави Чола во едно интервју, пишува Express.ba. Тој, исто така, смета дека тоа е среќа во несреќата што неговата законска сопруга не е љубоморна и драмата завршила многу брзо. - Мојата сопруга реагираше соодветно. Таа ја разбира мојата работа – објаснил пејачот. Фото: Printskrin/Instagram/zdravko.colic

Некогаш беше симбол за природна убавина, а еве како денес на свои 65 години изгледа славната Мишел Фајфер (фото)

Слободанка Илиева — Mon, 04 Dec 2023 13:08:24 +0000

Мишел Фајфер важеше за една од најубавите жени на светот, а и денес може да се пофали со таа титула. Познатата холивудска актерка има 65 години и не се срами да покаже како изгледа без шминка на лицето, што редовно предизвикува восхит и кај постарите и кај помладите генерации. Меѓу најголемите ѕвезди ретко се случува да немаат направено пластична операција за да го „сопрат“ стареењето, но тоа не е случај и со ѕвездата од филмот „Лице со лузна“.

View this post on Instagram

A post shared by Michelle Pfeiffer (@michellepfeifferofficial)

Русокосата актерка лесно им одолева на трендовите за разубавување, па не користи фотошоп или разни апликации или филтри, поради што се уште е на врвот на листата на омилени холивудски личности. Иако со најновата објава сакаше, всушност, да се пожали на модринката на окото која ја доби додека играше пинг-понг, таа воодушеви со својот сосема природен изглед, па објавата беше проследена со бројни комплименти.

View this post on Instagram

A post shared by Michelle Pfeiffer (@michellepfeifferofficial)

„Невозможно е некогаш да остариш. Ти си навистина убава и неверојатна жена. Мило ми е што постоиш на овој свет“, „Сепак убава“, „И со тоа си најубава“... овие се само дел од коментарите за славната убавица. фото: Instagram printscreen / michellepfeifferofficial

Водителот на „Јади бурек“ јавно го сподели ужасот од повредата по која за малку ќе му беше ампутирана ногата: Јанко Илковски со потресен статус и страотни фотографии (ФОТО 18+)

Антонио Димитриевски — Wed, 29 Nov 2023 07:57:55 +0000

Македонскиот ТВ водител Јанко Илковски, најпознат по своето долгогодишно ТВ ток шоу – „Јади бурек“ како што е познато неодамна доживеа тешка повреда на ногата. Стапалото на десниот екстремитет му беше речиси сосема уништено, па постоеше голема опасност заради инфекција и други компликации, водителот да остане со траен инвалидитет, односно за малку да му биде ампутирана ногата или делови од неа. За среќа, тоа не се случи... Неговата Фејсбук објава сите ги шокираше кога на 13 септември 2023 година, Јанко ја сподели непријатната информација. Тогаш водителот се огласи од болничкиот кревет на Универзитетската клиника за пластична и реконструктивна хирургија при Клиничкиот центар „Мајка Тереза“ во Скопје, откривајќи дека доживеал тешка повреда на ногата, каде прстите за среќа, едвај му ги спасиле. Сподели фотографија од преврзаната во завои повредена нога, покрај која со кус пост појасни за што се работи, без да прецизира кога, од што и како дошло до тешката повреда?! Тогаш заради преживеаната траума се' до денес не сакаше јавно да говори за деталите на повредата. Сепак, два и пол месеци по немилиот настан, Јанко Илковски сега се огласи со нов статус на социјалните мрежи. Водителот на „Јади бурек“ јавно го сподели ужасот од повредата по која за малку ќе му беше ампутирана ногата со потресен статус и страотни фотографии кои ги споделил на своите Инстаграм и Фејсбук профили. Она што може да се види на фотографиите е навистина ужасно, а за тоа како течел целиот процес од моментот на тешката повреда, ризикот да го ги изгуби прстите или целото стапало, преку хируршите зафати на познатиот хирург, па се до ден денес кога водителот е веќе во поизмината фаза на успешно опоравување тој ги раскажа деталите. „Ветив дека ќе ви покажам прогресот на моето заздравување, просто чудесија, за месец дена. Еве моја благодарност до професорката др. Смиља Туџарова Ѓоргова. Моето десно стапало... Пред пар месеци доживеав тешка повреда од која се опоравувам, но чувствувам потреба, после се, да напишам пар зборови за мојата школска другарка, која ме оперираше, ми ги спаси прстите и стапалото и направи се да мојата нога заздрави спектакуларно брзо, просто неверојатно. >Од сликите гледате како беше стапалото среде зафатот откако беше исчистено оти беше преполно со разно ѓубре и имав тешка инфекција. Имав толку несносна, силна болка и пред да почувствувам благодетот на локалната анестезија и силните аналгетици и реков, на мојата докторка, да не се мачи и се што е ампутирано да не крпи, да пресече, до толку бев очаен. Имам 61 година, дијабетичар сум + инфаркт и знам какво мачење на луѓе во моја состојба е заздравување на долен екстремитет. Доктор Туџарова рече – Не, не мрдам од операционава и од тебе додека не те средам и спасам секое делче и потполно заздравам. И успеа! Ние сме генерација , школски, учевме во Јосип Броз, потоа јас новинарство, она вредно се образуваше и стана позната и призната не само кај нас туку и во светот. Професор др Смиља Туџарова Ѓоргова е хирург и пластичен хирург и тоа од светска класа. Додека бев на една преврска, ме посети др од Јужна Кореа, свестски признат и познат, кој беше дојден да држи предавања за специфични хируршки зафати. Влезе со загрижено лице, ме погледна, а потоа виде дека др Туџарова ме преврзува, искрено ми се насмевна и ми рече ВО ДОБРИ РАЦЕ СИ ... јас му реков, благодарам...за Самсунг .. се изнасмеавме. Нејсе, јас навистина бев во предобри раце. Мене преврските ми беа прилично болни, целиот процес беше многу многу тежок за мене. Секој ден доаѓаше кај мене во болничка соба, смирена, позитивна, мислам дека во миговите кога имав тешки напади на болка (одбивав да пијам аналгетици оти не сакав после да имам последици и од нив – навлекување) толку зрачеше со спокој и кога јас не гледав светлина таа ни ја осветлуваше собата и мене и на детето што лежеше до мене. Мислам дека родена мајка така не ме тешела и смирувала. Каков човечки, благ однос имаше, не само кон мене, туку кон сите пациенти, но во исто време таков голем професионалец и беше уживање да ја гледаш како оркестрира додека раководи со тимот околу неа. Неверојатна жена, со неверојатна енергија и еден од најголемите професионалци кои сум ги запознал. На фотографиите ја гледате ногата каква беше, а ова, заздравеното, е сликано пред 3 недели. Нејзините колеги специјализанти беа со уста полна пофалби како ме санирала и постојано ја фотографираа ногата со искрено одушевување колку добро и брзо зараснува. Секако, нејзината стручност не беше само во хируршките зафати, туку и како ме водеше како пациент низ процесот на заздравување. Еден од најголемите адути е што др Туџарова е одговорна за активирање на хипербарната комора, медицински третман кој ако го опишам ќе мислите дека раскажувам приказни од фантазијата или некој футуристички филм. Најлошото помина, се движам нормално, трпам болки кои се норамлен дел од процесот на заздравувањње и наскоро се враќам во полна форма на работа. А за хипербарната кислородна терапија, ќе направам посебна емисија. Благодарам докторке за се што направивте за мене, а оваа земја, Македонија, треба да се гордее со вас. Со искрена и длабока почит твојот школски“ - напиша Јанко во своето јавно обраќање на социјалните мрежи. Фото: Facebook/Janko Ilkovski

Софија Лорен хоспитализирана: Страшна несреќа се случи во нејзиниот дом во Женева (фото)

Слаѓана Атанасова — Mon, 25 Sep 2023 11:28:02 +0000

Актерката Софија Лорен наводно била хоспитализирана во текот на викендот по тешката несреќа дома. Странските медиуми јавуваат дека 89-годишната актерка во неделата била на итна операција откако паднала во својот дом во Швајцарија. Беше кажано дека за време на инцидентот се здобила со неколку скршеници, а бидејќи ја скршила и бутната коска, морала итно да оди на хируршка процедура. Нејзиното закрепнување ќе вклучува кратко опоравување пред долга рехабилитација. Извор близок до актерката откри дека тие се оптимисти, но сепак стравуваат од исходот на операцијата и како Софија ќе се опорави од оваа тешка повреда. Тој додава дека со неа во болница се и нејзините синови Карло и Едоардо. Веста ја пренесе и синџирот ресторани кои го носат нејзиното име, кој ја објави веста на Инстаграм. Во соопштението се наведува: „Денешниот пад во нејзиниот дом во Женева резултираше со фрактура на колкот на г-ѓа Лорен. Таа беше оперирана со позитивен исход, сега и претстои период на опоравување и е на пат кон рехабилитација“. - За среќа, се помина добро и Софија брзо ќе се врати на сцената. Целиот тим во ресторанот „Софија Лорен“ и посакува брзо закрепнување. Децениската актерска кариера на Софија започна во нејзината родна Италија, а потоа следеа водечки улоги во меѓународни проекти како што се „Желба под брестовите“ (1958) и „Хумански брод“ (1958). Таа доби Оскар за улогата во филмот „Две жени“ (1961). Други признанија во нејзината кариера вклучуваат добивање на почесна награда Оскар за животно дело во 1991 година и награда БАФТА. Фото: Принтскрин/Профимедиа/Шутерсток

Кејт Мидлтон во јавноста се појави со повредена рака, а еве како дошло до тоа (фото)

Слаѓана Атанасова — Wed, 13 Sep 2023 07:29:07 +0000

Принцезата од Велс Кејт Мидлтон го посети машкиот затвор во Сари, Англија. Секогаш скромна, принцезата, облечена според протоколот, разговарала со првите луѓе на затворот. Покрај совршениот стајлинг, многумина веднаш забележаа дека Кејт носи гипс на десната рака, на два прста и веднаш се запрашаа што и се случило. Наскоро британскиот печат откри дека принцезата претрпела „лесна повреда“ за време на омилената семејна активност. Кејт си ја повреди раката додека си играше на трамболина со своите деца принцот Џорџ (10), принцезата Шарлот (8) и принцот Луис (5). Портпаролот на палатата Кенсингтон потврди дека се работи за „лесна повреда, ништо сериозно“. Трамболината е омилено место за играње на принцезата и нејзините деца, а во една прилика откри дека често скока во неа со Џорџ, Шарлот и Луис. - Секогаш кога можам, сакам да скокам на трамболина со децата и да се забавуваме заедно пред училиште - изјави Кејт претходно за „Dailymail“. Во неколку наврати Кејт и Вилијам зборуваа за тоа како сакаат нивните деца да имаат нормално детство, како и сите други семејства. Затоа Кејт не се однесува како принцеза во удобноста на нејзиниот дом, туку како мајка која сака нејзините деца да ја чувствуваат топлината на вистинскиот дом и да имаат родители кои не се идниот крал и кралица, туку само мама и татко на Џорџ, Шарлот и Луис. Фото: Принтскрин/Профимедиа

Кевин Харт заврши во инвалидска количка: Славниот актер и комичар и се обрати на јавноста за неговата состојба (видео)

Слободанка Илиева — Fri, 25 Aug 2023 11:50:48 +0000

се здобил со сериозни повреди како резултат на тркање со неговиот пријател, поранешниот играч на „НФЛ“ Стивен Ридли. „Дами и господа, 40-тите се вистинска возраст. За сите мажи и жени кои имаат 40 или повеќе години, тоа не е игра. Почитувајте ја таа возраст или таа возраст ќе ве натера да ја почитувате“, објасни Харт на почетокот на видеото. Харт бил убеден дека е способен да се натпреварува на трката на нешто помалку од 40 метри и да биде побрз од својот помлад пријател, но на крајот завршил со повреди.

View this post on Instagram

A post shared by Kevin Hart (@kevinhart4real)

Комичарот решил да сподели дека е во инвалидска количка, за неговите обожаватели да не се грижат кога ќе го видат во јавност. Тој изјавил дека го повредил долниот дел од стомакот и внатрешниот дел на нозете и дека поради тоа не можел да оди.

View this post on Instagram

A post shared by Kevin Hart (@kevinhart4real)

„Зошто се тркам на оваа возраст? Што правам?“ Во коментарите добил пораки од своите колеги и пријатели Двејн Џонсон, Стив Харви, Вил Смит, Џејми Фокс кои му посакале побрзо опоравување, но му упатиле и по некоја шега за неговата ситуација. фото/видео: Инстаграм

Луна Ѓогани потресена: Ќеркичката Миа се повреди и ја извади мама од памет

Слободанка Илиева — Tue, 02 May 2023 11:50:29 +0000

Луна Ѓогани чека второ бебе со сопругот Марко Миљковиќ. Додека се грижи за бременоста, Луна не се дели од својата прва ќерка Миа. Повеќе извори потврдија дека таа е несебична мајка и дека животот го посветила на тоа да ја води својата наследничка на вистинскиот пат. За родителите најважно е нивните деца да се здрави, а за секоја мајка е вистински хорор кога детето е тешко повредено, а Луна доживеала ваква непријатна ситуација во септември 2022 година, кога малата Миа паднала и ја повредила раката. поради што таа потоа мораше да носи лонгета. Миа тогаш имала само една година и три месеци, а Луна била многу потресена, па морала да ги откаже телевизиските настапи. - Бебето има една година и три месеци. Сакав да го сокријам, но ќе го откријам. Минатата недела требаше да гостувам во оваа емисија, но моето бебе имаше лоша среќа. Се повреди, падна на рака... Сега мора да одмори, има лонгета. Палава е, немирна, мало ѕверче, остана една минута сама и не знам како успеа да падне и да се повреди. Многу сум приврзана за неа и внимавам ништо да не и недостига и ми беше многу тешко – открила Луна, а потоа се навратила на неодамнешната операција која ја направила на градите. - Апелирам до сите девојки и жени редовно да одат на прегледи. Многу е важно навреме да се открие и отстрани. Ми извадија бениген тумор на левата града и ми беше отстранет, фала богу беше на време. Се чувствувам одлично, никогаш не сум се чувствувал подобро. Сакам да почнам да тренирам, да изгледам добро... Немам дадилка - изјави Луна. фото:Принтскрин Инстаграм

Јелена Бачиќ Алимпиќ доживеа несреќа – водителката мора да се оперира (фото)

Слаѓана Атанасова — Wed, 12 Apr 2023 08:28:37 +0000

Позната писателка и поранешна водителка Јелена Бачиќ Алимпиќ на својот Фејсбук профил сподели фотографија на која се гледа како целата рака и е во гипс. Јелена Бачиќ Алимпиќ откри дека во брзање прескокнала скала и во таа прилика ја скршила надлактицата поради што има големи болки и дека поради целата ситуација најверојатно ќе мора да оди и на операција. - Ги знаете тие глупави ситуации, кога од нигде никаде ќе се случи несреќа? Па добро, во брзање пропуштив скала, ја скршив надлактицата, сега се борам со болки оваа насмевка е очајна затоа што толку многу сакав да ја „нишам“ мојата внука за Велигден, а уште не знам дали ќе се оперирам во сабота - изјавила Јелена Бачиќ Алимпиќ во својата објава и додала: - Како и да е, главата сѐ уште е на рамениците и продолжуваме понатаму. Нема предавање, нема пораз! – напиша таа на социјалните мрежи од својот дом во Нови Сад. Фото: Принтскрин/Фејзбук