поткаст – Вистина.мк

Водителот Миро Кацаров се исповеда кај Лазаров за најтешкиот период: „Трипати завршив во болница, помислував и на самоубиство!“ (видео)

Слободанка Илиева — Tue, 05 Mar 2024 10:12:40 +0000

Ако во ТВ емисии и во пишани интервјуа, многу ретко можете да сретнете исповед на познатите во однос на нивната приватност, кога поткастите се во прашање, се случува сосема спротивното. Па така, како да стана во мода јавните личности да се исповедаат како во црква на поткаст, а овој пат дознаваме каков проблем го мачел водителот Миро Кацаров кој се исповедаше кај Стефан Лазаров.

View this post on Instagram

A post shared by Miro Kacarov (@miroslavkacarov)

Миро без заддршка кажа дека во 2018 година додека работел во Дубаи и печалел за подобар живот, се соочил со анксиозност и панични напади за кои вели дека биле како ѓавол кој влегол во него, па не го гледал спасот освен да си се врати во родниот Штип каде си го нашол чарето, а денес зборува како победник кој излегол од ваквата психолошка состојба.

View this post on Instagram

A post shared by Lazarov Podcast (@lazarovpodcast)

– Се разболев од анксиозност. Јас бев болен од анксиозност и панични напади. Затоа се вратив, вели Кацаров, а на прашањето од што била предизвикана ваквата состојба, тој додава: – Од ноќна смена, немав сонце, немав Витамин Д и ми се промени биоритамот. Работев 5-6 месеци само трета смена, од 12 ноќеска до 10. И почнав веќе со депресивни мисли, не можев дома да спијам и почнав да се мачам. Почнаа веќе големи панични напади. Тие панични напади не ги чувствував, само чувствував дека ми се ближи смртта, ми се потат рацете, нозете ми се блокираат. Јас завршив 3 пати во болница, многу тежок период ми се деси пред да заминам од Дубаи. Толку јако мава, што дури некогаш те тера и на самоубиство. Две недели јас не излегов, се плашев од сите луѓе, од секој звук се плашев, од секоја храна се плашев. Многу чудно, многу тешка анксиозност, вели Кацаров. Инаку, за спроблемот со анксиозноста досега јавно проговорија и водителката Милена Антовска Станковска, Панчо Шорти (ДНК), Миа Костова, Адријана Ацеска, како и повеќе ѕвезди од регионот. фото:instagram printscreen/ lazarovpodcast

Весна Бејби во поткастот кај Лазаров откри детали за ќерката Мина која беше жртва на педофил (видео)

Слаѓана Атанасова — Wed, 21 Feb 2024 06:29:22 +0000

Македонската актерка Весна Бејби Петрушевска беше гостин во најновиот поткаст кај Стефан Лазарав, каде меѓу опуштениот муабет откри и нови детали околу ќерката Мина која во 2016 година беше жртва на педофилија. Актерката зборуваше за тој настан од аспект како таа реагирала на сето тоа но и за храброста на Мина да ја каже вистината. „Мина многу сакаше да вози точак и возела, но саат ипол ја снемало. Тука се работеше само за допири, тоа било во гаража. Ѝ рекол само „утре пак ќе те барам“ и се претставил како Сашо, иако тоа не му беше името. Јас одма провалив сè. Ѝ дал 500 денари за да ќути“, кажа Весна во поткастот кај Лазаров.

View this post on Instagram

A post shared by Lazarov Podcast (@lazarovpodcast)

Мина тогаш имала само 11 години и полна од тој страв што го насобрала, веднаш кажала на брат ѝ затоа што седел тука. „Кирил ми се јави, отидов да ја земам, тоа беше во Капиштец, и само ја седнав во кола и ја гледав дека цела беше лом направена. И викам „океј, сега ќе одиме во полиција. Јас точно знаев дека ѝ се случило тоа“. Потоа Мина на полицијата и раскажала сѐ а за тоа Бејби вели дека тоа е најголемото херојство што го направила Мина. Раскажа и за ситуацијата кога Бејби го видела тој човек во судницата и изгубила секаква контрола, бидејќи тоа е посилно од неа. „Мене ме држат двајца полицајци, јас ќе го задавев. Ти немаш тука контрола“, изјави таа. На крај сторителот добил 12 години казна затвор за овој немил настан, а пред неколку месеци од неговиот адвокат дознала дека починал. Разговорот за Мина можете да го слушнете од видеото на 2:07:10 Фото: printskrin/vesnapetrushevska

„Кога веќе прашуваш да си кажам!“: Ирена Спасовска откри каков маж може да ја освои (видео)

Слаѓана Атанасова — Tue, 28 Nov 2023 10:39:08 +0000

Македонската пејачка Ирена Спасовска беше гостинка во неодамнешниот поткаст кај јутјуберот Стефан Лазаров. Интересните прашања успеаја да ја вратат назад во годините па се потсети на успехот од почетокот на кариерата, но проговори и за љубовта и врските. Но, она што остави впечаток беше одговорот на прашањето „Какви мажи сакаат жените?“, па кога веќе ја прашаа, Ирена јасно кажа какви мажи сака лично таа. Пејачката одговори малку описно и речиси сериозно навлезе во тоа за да долови точно каков маж може да ја освои. „Каков маж може да те освои, ме интересира?“ - директно ја праша Лазаров. „Тој маж јас би го препознала и кога ќе ми светнат очите тогаш тоа е тоа! Да прави муабет, со внимание да те слуша додека правиш муабет, да не му бега вниманието на друга страна. Нема полошо од маж кога ќе седне со жена и мисли на спортска прогноза. Ние жените сакаме да зборуваме, малку да ни се даде почит“. Сепак, најмногу го привлече вниманието со описот што го даде за тоа кој според неа е идеалниот физички изглед на мажот на со кој „може да падне“. -„Не мора да биде премногу убав, единствено што не сакам тоа е маж со тесни рамења и со многу тенки усни... тоа не сакам“! - потврди Ирена.

@lazarovfanpage5 KAKVI MAZI SAKAT ZENITE! #zeni #maz #ljubov ♬ original sound - lazarovfanpage

Инаку, фолк пејачката Ирена Спасовска официјално е слободна жена, а од бившиот бракот ја има ќерката единица, нејзината наследничка Тамара. Фото: Принтскрин/TikTok/lazarovfanpage5

Што и рекла Јелена Карлеуша на Софија Шашиќ по глсините дека и го украла мажот?

Слободанка Илиева — Wed, 01 Nov 2023 12:19:03 +0000

Софија Шашиќ и Јелена Карлеуша порано беа многу блиски. Имено, Јелена и Соња биле пријателки, а Јелена, како што вели Софија, и помогнала на ќерката на својата пријателка да го прослави својот бренд за облека. - Имам голема почит кон таа жена. Таа ми помогна многу. Без претерување, кога се фотографираше во нештата и ги објави на „Инстаграм“, мојот бренд порасна 100% - изјави ќерката на Жељко Шашиќ и Соња Вуксановиќ при гостување во подкаст. Но, оваа блиска врска беше нарушена, кога пред година ипол во медиумите како бомба изби веста дека Софија Шашиќ излегува со Душко Тошиќ. - Тоа беше катастрофа за мене, како може да биде за мене - изјавила Софија дека тоа бил еден од најтешките периоди во нејзиниот живот. - Разговаравме и жал ми е што беше расположена: „Не знам дали е вистина“. Тоа веројатно најмногу ме погоди од сето она што било кога било напишано за мене, бидејќи бев во комбинација со маж кој има семејство - искрено изјави таа во подкастот „Постер“. Софија Шашиќ и Јелена Карлеуша потоа ставија точка на пријателската врска, но Софија не престана да има почит кон пејачката и жената која многу и помогна. фото:Инстаграм принтскрин

Џамбазов во поткастот кај Лазаров откри детали за „Преспав“ и даде одговор на многуте прашалници од верните гледачи (видео)

Слободанка Илиева — Sat, 21 Oct 2023 08:00:45 +0000

Македонскиот шоумен Игор Џамбазов беше гостин во најновиот поткаст кај Стефан Лазарав, а во повеќе од два часа опуштен муабет, Игор очекувано остана недокажан. Теми за разговот имаше за уште од неговото рано детство, па се до денес, а меѓу долгите разговори не беше заобиколен ниту неговиот последен и актуелен телевизиски прект „Преспав“. Прашања од гледачите за оваа тема имаше доста, а Џамбазов со дадените одговори ги задоволи сите. За почеток веднаш кажа дека седма сезона на популарниот македонски ситком ќе има многу набрзо. -Преспав почнува со снимање на новата сезона и се планира да се заврши на почетокот на ноември и веќе во декември да почне со емитување. Ќе има и новогодишна која секогаш била атрактивна, истата екипа, многу добри сценарија, штом ние се смееме... Одеднаш губиш критериум кога си со истата екипа, значи треба да е ептен нешто добро за да се насмееме, вели тој и се надоврза дека „Преспав“ на некој начин направи револуција за рушење табуа и бариери. -Знаеш... Преспав е серија која победи неколку за*бани предрасуди. Па еве, тоа за ЛГБТ тоа го дипломиравме, кој албански актер пред Дритон Вејсели или Талат го знаеш? Нема... Па зарем тоа не е рушење на бариери? Дури и него не му се верува. Предрасудите се и кај нас уметниците кои немаме никаква врска со политика, додава тој и се надобрза во врска со сценариото од ноевите емизоди кое ќе биде доста возбудливо. -Преспав ќе биде хаос. Не знаат што да му прават, а оваа сезона ќе биде ексклузивен ресорт. Ула ќе биде главна, Марио и Тони се во кавга, Исаура е трудна од Талат. Преспав повторно се обидува да стане светски хотел, а не може да се помири со судбината дека е еден обичен пансион, завршува Игор. За бате Миле не спомена ништо, но покрај толку детели кои звучат доста возбудливо, со нетрпение ги очекуваме и јасно е дека секој еден сегмент ќе биде причина плус за позитивна атмосфера во домот и се разбира многу смеа. Разговорот за „Преспав“ можете да го слушнете од видеото на 2:40:45 фото: Instagram printskrin pansion prespav/ You tube Lazarov

Платформата „Спотифи“ го затвори подкастот на Меган Маркл, а договорот од 20 милиони долари што таа и Хари го потпишаа со компанијата пропаѓа како кула од карти (фото)

Слаѓана Атанасова — Fri, 16 Jun 2023 11:32:54 +0000

Меган Маркл, сопругата на принцот Хари, доживеа удар од платформата „Spotify“, која и се заблагодари за соработката по само една сезона. Меган имаше свој подкаст „Archetypes“ на овој сервис, но по само една сезона „Spotify“ објави дека нема да има следна. „Се договоривме да ја прекинеме нашата соработка и горди сме на серијата што ја создадовме заедно“, соопштија Меган и компанијата во заедничката изјава. Но, британските медиуми пишуваат дека разделбата не била толку „обостран“, туку дека „Spotify“ решил да го откаже шоуто на Меган Маркл. Меган и Хари потпишаа договор од 20 милиони долари со компанијата на крајот на 2020 година, но добро информирани извори велат дека не успеале да го испорачаат она што се очекувало од нив. „Волстрит журнал“ еднаш објави дека „нивото на продуктивност неопходно за целосна исплата на договорената сума“ не е постигнато. Меган, сепак, планира да продолжи со снимање на подкастот и најверојатно ќе го понуди на друга платформа. Неодамна, извори блиски до парот изјавија дека Меган и Хари, по документарната серија за Нетфликс, која јавноста ја дочека „на нож“, планираат да се повлечат од забавната индустрија. „Ќе престанат да ги отвораат срцата во интервјуа и документарци, бидејќи едноставно немаат што повеќе да кажат“, изјави извор близок до Меган и Хари. Инаку, „Spotify“ неодамна објави дека ќе отпушти околу два отсто од своите вработени. Отпуштени се околу 200 работници, кои работат токму во тимовите задолжени за подкасти. Фото: Принтскрин/Јутјуб