постар – Вистина.мк

Кога се запознале, таа имала 12, а тој 38: Селин Дион никогаш не бакнала друг маж, а љубовта ја криеле со години (фото)

Слаѓана Атанасова — Wed, 23 Aug 2023 08:24:21 +0000

Сопругот на пејачката Селин Дион почина пред неколку години, а пејачката се заколна дека никогаш нема да сака некој друг. Рене Анџелил, сопругот на светски познатата Селин Дион, почина во 2016 година во нивниот дом во Лас Вегас. Двајцата имаа несекојдневна приказна, а нивната врска беше исполнета со безусловна љубов, почит и меѓусебна поддршка. Сепак, често беа критикувани во јавноста поради начинот на кој се запознаваа. Имено, нејзината мајка му го испратила спотот на Селин на музичкиот продуцент и менаџер Рене, кој подоцна изјавил дека уште тогаш го видел нејзиниот голем потенцијал за музика. Набргу по оваа судбоносна снимка, Рене ја поканил на аудиција во Квебек. „Почнав да пеам, а тој почна да плаче. Во тој момент знаев дека си ја завршив работата“, открила Селин која со присуство на мајка си и новиот менаџер заминала на турнеја низ Европа, Јапонија и Канада. Како што процвета нејзината професионална кариера, така и во неа се појави ново чувство. Сепак, Селин инсистираше на тоа дека мора да биде полнолетна за да влезе во емотивна врска со менаџерот. Така било, двајцата „официјално“ почнале да излегуваат кога Селин наполнила 19 години, а нивната љубовна приказна наводно започнала кога таа имала 18 години. Рене бил дваесет и шест години постар од Селин, а нивната врска ја криеле од очите на јавноста додека не се венчале. „Луѓето нека кажат што сакаат за нас. Се сакаме и ќе се сакаме засекогаш“, изјави пејачката на свадбената церемонија. Во 1990-тите, Рене почна да се соочува со сериозни здравствени проблеми (му беше дијагностициран рак на грлото), а Селин тогаш одлучи да направи пауза од кариерата. Рене ја доби битката со ракот, а по неговото простување, парот ги обновил своите завети за да го одбележи неговото закрепнување. Наскоро, легендарната пејачка започна петгодишно музичко шоу во Лас Вегас, а нејзините успеси само продолжија. По долг период на среќа се вратија здравствените проблеми. Во 2014 година, Рене повторно се разболел од рак на грлото, а Селин решила да одмори една година од своите настапи. Меѓутоа, сопругот ја убедил да се врати и, како што еднаш рече пејачката, достоинствено да си ја заврши работата. Битката со ракот земаше замав и Рене почина на 14 јануари 2016 година на 74-годишна возраст. Фото: Принтскрин/ЕПА-ЕФЕ/Профимедиа

24-годишничка се верила со 44 години постар маж: „Не сум со него поради пари и секс“

Христина Ѓоргиевска — Fri, 02 Jul 2021 13:15:33 +0000

24-годишната Кони Котон се запознала со 44 години постариот Херб Дикерсон во засолниште за бездомници во нивниот роден град, каде што двајцата волонтирале и брзо се заљубиле и почнале да живеат заедно, пренесува „Дејли мејл“. Минатата година и се вериле, а Кони тврди дека причината не се парите ниту сексот. „Луѓето беа шокирани кога јас и Херб ја објавивме врската. Најчестите коментари се дека со него сум поради парите или дека тој е со мене бидејќи сака секс со помлада, но ние се сакаме“, заклучила таа. „Двајцата бевме на рехабилитација и тоа е она што ме привлече кон него. Ме запроси минатата година кога прославував 18 години како сум трезна. Инаку за тоа добиваш медал, но тој дојде со прстен. Кога се запознавме, веднаш ме привлече“, рекла таа. „Почнав да флертувам со него, а тоа многу го изненади. Почнавме повеќе време да поминуваме заедно, а потоа работите почнаа да се одвиваат брзо“. „Моето семејство беше во шок на почетокот и не ја одобруваше врската. Беа загрижени за мојата сигурност, но со текот на времето го прифатија бидејќи видоа колку ме усреќува и дека можам да му верувам. Херб сега е дел од семејството“, објаснила таа. „Размислував за тоа дека Херб нема да биде толку долго како мене, но попрво би поминала време со него отколку да се откажам од врска. Постојат многу предности во врска со постари мажи. Сакам едноставен живот без игри и компликации. Само сакам да живеам со моето семејство во среќа“, заклучила девојката. извор: точка.мк

Беше голема фолк ѕвезда, па се повелече и го снема: Дадо Полумента денес изгледа многу постар и посериозен, но дали се враќа на сцената? (ФОТО)

Антонио Димитриевски — Thu, 05 Nov 2020 10:42:26 +0000

По долгата пауза и турбулентниот период низ кој помина, но и големите животни промени што ги доживеа, Дадо Полумента е подготвен да се врати на музичката сцена со проект што никој досега од фолкерите го нема направено. Овој пат, Дадо подготви два албума кои наскоро ќе бидат промовирани пред публиката. Според новите фотографии, ќе забележите дека Дадо Полумента сега изгледа многу постар и посериозен. „Требаше да се поклопат сите коцки во мојот живот, да се знае кој сум бил, кој сум сега и да и го претставам сето тоа на публиката преку песни“ - вели пејачот. Мотивација за враќање на музичката сцена по повеќе од две години пауза секако се неговата сопруга Ивона и нивната ќерка на кои им е максимално посветен. „Тие го сменија целиот мој свет, ми ја внесоа енергијата и инспирацијата што ми беа потребни за да го создадам она што наскоро ќе го претставам пред публиката. Ми недостасуваше да работам на нови песни, да се дружам со публиката и нивната реакција. Овој проект, кој ќе се состои од два албума, ќе го прикаже Дадо што публиката го знае од порано, но и новиот кој реши да ја отвори душата како никогаш пред тоа и да раскаже сè што не направил порано“ - рече пејачот.

„Тој не ми е спонзор, ние сме сродни души“: Сексапилната манекенка открива како се заљубила во 28 години постар маж кој е висок 147 центиметри

Христина Ѓоргиевска — Tue, 11 Jun 2019 13:35:25 +0000

Љубовта делува на мистериозен начин. 20-годишната манекенка Сара Руси, вели дека не е во врска со многу постар маж од неа, но и понизок затоа што е богат и ѝ плаќа многу работи. Сара тврди дека веднаш почувствувала поврзаност со него поради неговата атрактивна личност и дека таа нема никаков проблем со неговиот изглед и висина која изнесува 147 цантиметри. Овој среќен, заљубен пар тврди дека им требало многу време за да се навикнат на туѓите погледи кога тие се појавуваат во јавноста. Сè започнало преку допишување на Фејсбук, а после тоа Мејсон и Сара се запознале во живо. Набрзо почнале да се забавуваат, а сега се заедно 7 месеци.

View this post on Instagram

Who watched our episode of Love Don’t Judge on @barcroft_tv? Three months later, we are still together and very happy! ?

A post shared by Sarah Russi (@sarah_russi) on Jun 6, 2019 at 7:12am PDT

Двајцата веруваат дека заедничките интереси и забавни разговори помогнале во нивното брзо поврзување. „Кога ќе запознаете некој и со него разговарате три часа без некаков напор или прекин, непријатни моменти или паузи, тоа е невообичаено, а мислам дека и таа го почувствува истото“ - објаснува Мејсон. А со него се согласува и Сара. И покрај тоа што овој пар мисли дека се совршени еден за друг, сепак во текот на нивната врска тие поминуваат преку грубите коментари од луѓето. извор: точка.мк