посреќни – Вистина.мк

Според науката: Паровите во отворени врски се посреќни

Христина Ѓоргиевска — Wed, 15 Sep 2021 13:30:37 +0000

Научниците од Универзитетот во Мичиген ги анализираа односите на 2.100 актери на возраст над 25 години со околу 1.500 од тие луѓе во моногамни врски и околу 600 во немоногамни врски. Кога станува збор за тоа колку сакаат и колку се задоволни, истражувачите не откриле никаква разлика помеѓу моногамни парови и оние во отворени врски. Сепак, нивото на љубомора беше помало, а довербата беше повисока кај оние кои беа во отворени врски. Покрај тоа, истражувањето откри дека паровите во отворени врски имаат пострастен љубовен живот од моногамни парови, но исто така се и помалку под стрес. Ако и се верува на науката, се чини дека изборот на отворена врска е вистинскиот пат ако сакате помалку љубомора и поголема доверба – вистинска основа за секоја романтична врска. Има ли смисла луѓето во отворени врски да се посреќни? Според истражувањето, постојат неколку причини. Најочигледно: имаат почесто секс, а се покажа дека сексот придонесува за среќа. Втората причина е онаа што е поважна, а тоа е дека луѓето во отворени врски честопати комуницираат повеќе. Од друга страна, истражувањето откри дека луѓето во отворени врски чувствуваат поголема љубов и доверба кон својот примарен партнер отколку кон својот секундарен партнер, па се поставува прашањето дали е можно да се сакаат повеќе луѓе подеднакво и дали резултатите од ова истражување се точни , пренесуваат медиумите. извор: Попара.мк

Жените кои се сингл подолго време се посреќни во животот

Христина Ѓоргиевска — Tue, 13 Apr 2021 13:30:28 +0000

Дали се чувствувате како сите околу вас да се во врска? Дали семејството и пријателите постојано ви вршат притисок и ве прашуваат „Кога брак? А деца?“ Уште од рана возраст жените ги учат дека единственото нешто што ќе ги направи среќни е да најдат животен партнер, но тоа воопшто не е точно. Всушност, жените кои остануваат сингл подолг период од животот, на долг рок завршуваат посреќни - со или без партнер. Еве шест причини зошто самостојноста ќе ви помогне да се реализирате во животот и да бидете среќни засекогаш. Нема да се откажете од кариерата или други цели во животот поради љубовна врска и партнер Повеќето жени целосно ги игнорираат своите аспирации во животот и ги ставаат на прво место потребите на своите партнери. Ако сте слободни, ова не е ваш проблем и никогаш нема да биде. Вие сте посветени на своите цели и желби во животот и постапувате во согласност со вашите сопствени интереси. Не мора да прифаќате никакви компромиси и го живеете животот од вашите соништа. И во никој случај, никогаш не ставајте го животот во мирување затоа што го чекате Господин совршен! Ќе научите пред сѐ да се сакате и цените себе си Сите сакаме да добиваме афирмации од саканата личност, но најсреќните жени се оние кои сами на себе си се најголем обожавател. Кога сте сингл подолго време, учите како да зависите само од себе и секогаш да се потпирате на себе. Знаете како да си го подобрите расположението по лош ден, како да си дадете комплимент и да се охрабрите пред големите предизвици. Ако навистина ви е потребна дополнителна поддршка, вашите пријатели и семејство се тука за вас. И тоа е повеќе од доволно! Ќе научите да уживате во сопственото друштво Да се биде во врска со себе може да биде подеднакво убаво како и да сте во врска со друга личност. Колку повеќе се дружите со себе, толку поудобно се чувствувате во вашата кожа, што е неверојатно моќно за вас. Дури и кога подоцна ќе влезете во романтична врска, ова чувство на самодоверба ќе го задржите засекогаш! Нема ништо лошо во тоа да одите на кино сами, да патувате сами и да имате хоби - сами. Ќе имате повеќе време да изградите односи со луѓето околу вас Веројатно сте забележале дека луѓето кои стапуваат во врска одеднаш поминуваат значително помалку време со пријателите и семејството. Ова е неизбежно затоа што новиот партнер го бара целото ваше време. Ако сте слободни, имате можност да остварите подлабоки и посилни врски со пријателите и членовите на семејството. Овие врски ќе ви користат со години, па и децении, без оглед на љубовниот статус. Ќе знаете како сами да донесувате одлуки Некои жени целосно го губат здравиот разум кога ќе влезат во врска и ги оставаат сите одлуки на својот партнер, дури и оние што ќе ги обележат нивните животи засекогаш - како што се местото на живеење, инвестициите или изборот на кариера. Со текот на времето, ова може да резултира во целосна зависност од партнерот. Сепак, една жена што поминува некое време сингл, не се плаши да ги преземе тие одговорности и да ги носи тие одлуки. Оттука, таа знае точно што сака и што ѝ треба од партнерот и врската. Ќе научите дека е во ред да се биде поинаков Сите ги знаеме стандардните социјални норми - да се забавуваме со неколкумина, да го избереме „вистинскиот“, да се омажиме, да имаме деца и да живееме среќно засекогаш. Жените кои не се држат до оваа „норма“ може да се најдат изложени на остри коментари и осуди. Сепак, гледајте на тоа како благослов. Кога го живеете животот на неконвенционален начин, се навикнувате на мислењата на другите луѓе. Научете да живеете со мислењата и идеите на други луѓе за тоа како треба да го живеете животот - но не ги слушајте! Вие најдобро знаете што е добро за вас. Оваа самодоверба ќе ви се пренесе и во други области во животот, како што е кариерата. Извор: кајгана

Потребни ви се само 10 минути дневно: Направете ги овие работи и ќе бидете поздрави и посреќни

Христина Ѓоргиевска — Wed, 29 Apr 2020 12:00:29 +0000

За будење на организмот и зајакнување на вашиот имунитет потребни ви се само 10 минути дневно. Затоа заборавете на изговорите и почнете да мислите на вашето здравје. Една минута за смеење: Само 60 секунди му се доволни на мозокот за да почне да лачи ендорфин, кој ги опушта мускулите. Три минути за појадок: За брз и здрав појадок спремете јајца. Тие се богати со хранливи состојки, лесно се подготвуваат, а се погодни и за оние кои сакаат да ослабат. Пет минути за физичка активност: Само пет минути вежбање дневно можат да имаат позитивно дејство на вашето здравје и да го покренат метаболизмот. Познатиот тренер Бен Гринфилд советува секое утро да правите 25 кратки скокови, 20 стомачни, 10 лесни склекови и 15 сквотови. Една минута за заблагодарување: Научете да кажувате благодарам. Не само што ќе му го подобрите расположението на оној што му ја упатувате благодарноста, туку ова магично зборче ќе има многу позитивно влијание и на вашето здравје. Разбирањето и вреднувањето има позитивен ефект на срцето и го зајакнува имунолошкиот систем. Извор: Курир.мк