Вистинско време е за вкусни и посни кифли – ова е најдобриот рецепт

Слаѓана Атанасова — Fri, 24 Mar 2023 12:30:07 +0000

Вистинско време е да споделиме рецепт за посни кроасани, кога трае постот. Лесни се за правење, а многу се вкусни. Што ви е потребно? околу 1 килограм брашно пола литар топла вода (пола минерална, пола обична) една чаша од 2 децилитри масло 2-3 лажичиња шеќер 1 лажица сол 1 коцка квасец (40 гр) 1 посен маргарин (коцка) Подготовка: Во пола чаша топла вода и 1 лажичка шеќер се става квасецот и 3-4 лажичиња брашно да надојде. Се промешува и пак се остава да надојде. Се замесува средно меко тесто од брашното,маслото, водата, останатите состојки и надојдениот квасец. Се остава на топло да одмара и при тоа неколку пати се премесува. Се дели на 4 дела. Секој дел се дели на по 8 топчиња, се сукаат кифли и се премачкуваат седум со маргарин, осмото се става одозгора, се притиска малку и се става настрана. Постапката се повторува со останатите топчиња. Се развлекува кора од осумте катмерчиња и се дели на 16 дела. Се виткаат кифлички, се редат во тава за печење премачкан со малку маргарин. Се оставаат да надојдат убаво покриени со платнена салфета, но не на многу топло, за да не се стопи маргаринот. Бидејќи се посни не се премачкуваат со ништо, се ставаат во загреана рерна (250 степени), а по некое време се намалува температурата и убаво се печат. Од оваа количина излегуваат две тави кифлички, кои по желба можат и да се смрзнат. Извор: Курир.мк

Брз рецепт за посни, неутрални кифли што можете да ги јадете со сè

Христина Ѓоргиевска — Tue, 23 Mar 2021 14:00:08 +0000

Вкусни, едноставни и посни кифли можете да ги јадете солени или благи.

Состојки: 400 мл млака вода
1 лажичка шеќер
1 лажичка куркума
2 лажички сол
1 лажичка оцет
20 гр свеж квасец
700-750 гр брашно
1 прашак за пециво

За мачкање:

100 мл вода
1 лажица брашно
малку сол

Подготовка: Измешајте го квасецот и шеќерот со малку млака вода. Додадете куркума, преостаната вода и оцет. Истурете половина од брашното, прашок за пециво и сол во сад, а потоа започнете да го месите тестото, постепено додавајќи го остатокот од брашното. Оставете го тестото 30 минути. Промешајте, поделете на два дела и истегнете. На истегнатото тесто исечете ги триаголниците и завиткајте ги во ролни. Наредете ги пецивата во плех за печење и оставете ги уште половина час. Варете вода, сол и брашно, и додека е жешко, премачкајте ги ролатите, па печете ги 30 минути на 200 степени. Пријатно!

посни кифли – Вистина.мк

Вистинско време е за вкусни и посни кифли – ова е најдобриот рецепт

Брз рецепт за посни, неутрални кифли што можете да ги јадете со сè