посна – Вистина.мк

Посна мусака: Рапсодија од соја која ќе ве освои на прв залак, ќе полудете кога ќе видите колку е вкусна

Слаѓана Атанасова — Thu, 01 Feb 2024 13:00:40 +0000

Ви треба: 6-7 компири 1 главица кромид 2 dl млеко од соја 4 лажици соја снегулки масло за подмачкување 2 лажички сув билен зачин половина лажичка копар 1 домат сол Подготовка: Младиот кромид пропржете го со соја, која претходно била натопена во топла вода, па потоа била процедена. Потоа додадете една лажичка сув билен зачин и добро измешајте. Во подмачкан огноотпорен сад наредете ред компири исечени на прстени, па нанесете половина од филот од соја, ред компири, фил од соја и на крај покријте со компири. Врз компирите наредете ги исечените домати. Печете ја мусаката 15 минути во рерна загреана на 180 степени. Во млекото од соја додадете една лажичка суви билни зачини, сол и копар. Отстранете ја мусаката, прелијте ја со млеко и печете уште 45 минути. Извор: Попара

Водителката Сања Савеска се пофали дека и нема рамна за торти, а за она што го направи може да и позавидат дури и шефовите од „Брза кујна“(фото)

Слободанка Илиева — Fri, 14 Apr 2023 05:40:54 +0000

ТВ водителката на кулинарското шоу „Брза кујна“, Сања Савеска, гледачите секој работен ден ја следат како домаќинка на популарното шоу за готвење каде е заедно пред камерите со шефовите Никола и Бобан. Оние кои се во трка со времето и снаодливоста во кујната, се учесниците и шефовите, додека Сања е онаа која им сугерира за изминатите минути, а понекогаш и асистира во подготовката на спцецијалитетите. Дека не само како водителка, туку е умешна и таа во готвење, се пофали на својот Инстаграм со здрава и посла овошна торта која ја направила со свои раце. -Не ме бива за сликање, ама затоа за посни и здрави торти без шеќери и брашно сум врв! – си поласка самата. Парчето торта изгледа ултра примамливо и го мами апетитот, а веруваме дека и само од поглед кон фотграфијата многумина посакаа да го пробаат, особено оние што постат. Сепак, за целината да беше комплетна недостигаше само едно- рецептот. Дали Сања заборави или пак не сакаше да го сподели и го чува како своја тајна од домашната кујна, останува дилема. А дали оваа вредна домаќинка можеби ќе го сподели и ќе се покаже и пред камерите во „брзата кунна“, останува само како сугестија од нас.

Посна салата со макарони: Одлична како предјадење или комплетен оброк, а толку брзо се спрема што ќе ја правите постојано!

Слаѓана Атанасова — Wed, 07 Dec 2022 11:47:43 +0000

Посна салата со макарони е одличен прилог со друго јадење, а може да биде и комплетен оброк кој брзо се подготвува и ќе ве држи сити долго време. Може да биде одлично предјадење и за празничната трпеза, а рецептот е повеќе од едноставен. Состојки: половина праз 200 гр печурки 200 гр посни макарони 300 гр посен мајонез 1/2 лажичка оригано сол бибер Подготовка: Сварете ги макароните 6-7 минути во зовриена вода со малку сол. На умерена температура во 2-3 лажици масло се динста ситно сечканиот праз. Додека тој се динста, исчистете ги печурките и исечете ги на помали парчиња. По околу 10 минути динстање на празот, додадете ги печурките, 1/4 лажичка сол, оригано и биберот и динстајте уште 10-15 минути додека да испари водата што ја испуштаат печурките. Во исцедените макарони додадете ја смесата, измешајте и поклопете и оставете целосно да се изладат. Протресувајте ја тавата на секои 15 минути за да не се залепат макароните. Ако го правите тоа со лажица, постои шанса макароните малку да се издробени. Во изладените макарони додајте го мајонезот и нежно измешајте за да биде рамномерно распореден, па префрлете во садот во кој ќе ја чувате салатата. Извор:Курир.мк

Оброк направен за миг – посна проја со ајвар

Слободанка Илиева — Mon, 22 Mar 2021 14:46:26 +0000

Вкусно, здраво, евтино и готово за час! Можете да го направите во тава, или како мафин. Време е за пост, а посната проја со ајвар е идеален оброк или ужина. Ќе уживате во секој залак. Потребни состојки: - 400 мл. вода - 100 мл. масло - 1 лажица сол - 4 лажици ајвар (лут или благ, по избор) - 300 гр. пченкарно брашно - 150 гр. бело брашно - 1 прашак за пециво Подготовка: Измешајте вода, масло, ајвар, сол, брашно и прашак за пециво. Истурете во калап за проја. Доколку калапот е од метал, намачкајте го со масло и брашно или ставете хартиени корпи, за пројата да не се залепи. Загрејте ја рерната и печете на 200 степени околу 25-30 минути. Пројата ќе ја задржи свежината и неколку дена по подготовката. извор:точка.ком.мк