последна песна – Вистина.мк

„Нема збогум“ – ова е последната песна што Ламбе Алабакоски ја испеа непосредно пред да биде притворен (ВИДЕО)

Антонио Димитриевски — Wed, 08 Jun 2022 13:04:45 +0000

Македонскиот пејач ламбе Алабакоски кој ја шокираше јавноста откако како осомничен за опожарување на влезната врата на културниот центар на Бугарите во Битола, „Иван Михајлов“ беше приведен, а потоа доби и седумдневен притвор. Јавноста е поделена околу чинот и неговото приведување, повеќето сметајќи го за херој, патриот, гемиџија кој единствен имал храброст да го направи она што сите го помислувале, додека оние другите кои се бројно значително помалку, го нарекуваат хулиган, вараварин, пироман... кој е само обичен починител на кривично дело. Додека се чека разврската на случајот и неговата судска завршница, Ламбе останува во седумдневен притвор. Нешто пред да биде приведен, на општо изненадување Ламбе Алабакоски кој цел живот кариерата ја градеше како поп пејач, реши да запее фолк песна на реномираниот фестивал на новосоздадени фолк песни, „Фолк фест Валандово 2022“! Песната со која тој настапи како 19-ти изведувач по ред на фестивалската вечер во Валандово, на 5-ти јуни (недела) е насловена ,,Нема збогум”. Автор на истата е познатиот композитор Миле Барбаровски кој го направил и аранжманот, а пак текстот е на Ѓеорги Барбаровски. Во своето последно интервју дадено за време на фестивалот за „Свет-Австралија“, Ламбе меѓудругото ќе изјави: „Повеќето од она што го слушав за време на живеењето во САД беше македонска музика. Човек кога е далеку од својата земја сфака и разбира и се раѓаат едни нови чувства на носталгичност, на емотивност, на љубов кон татковината, на некои вистински вредности и корен на целиот живот и суштината и животот на секој човек. Ние со семејството сме веќе година и половина преселени тука, во Македонија. Планираме тука и да останеме. Мојот дом е тука, во Македонија“. Проследете како звучеше и изгледаше последниот настап на Ламбе Алабакоски пред да биде приведен и притворен, на годинешниов Фолк фест Валандово 2022:

Во чест на Аки во 15 часот на 150 радиостаници ширум регионот ќе се емитува последниот сингл на „Парни ваљак“ – „Поново“

Христина Ѓоргиевска — Thu, 27 Jan 2022 13:53:22 +0000

Во чест на Аки Рахимовски денеска во 15 часот, во време кога во Загреб ќе се одвива церемонијата на неговото испраќање, 150 радио станици од регионот во исто време ќе го емитуваат последниот сингл на „Парни ваљак“ – „Поново“. „Поново“ е последната песна на Аки Рахимовски и кај нас ексклузивно ќе се емитува во 15 часот на националното радио Метрополис Радио Мрежа, на радио Бубамара, Скај радио, Супер радио од Охрид, како и на две интернет-радио станици – Анторис радио и радио Мост. Синглот „Поново“, авторско дело на Хусеин Хасанефендиќ Хус, требаше да претставува најава за новиот албум на Парни ваљак, и за нивната скорешна голема турнеја… Аки почина во саботата на 22 јануари 2022 година. фото: Hrvoje Jelavic/PIXSELL

Последната песна на Мерима Његомир е објавена еден ден пред нејзината смрт, еве со кој снимила дует (видео)

Христина Ѓоргиевска — Mon, 22 Nov 2021 08:42:00 +0000

Пејачката Мерима Његомир почина на 20 ноември на 69 години по кратката борба со опасната болест. Таа зад себе остави бројни хитови, а нејзината последна песна е претставена само еден ден пред нејзината смрт. Станува збор за песната „Љубав траје“ која Мерима го сними во дует со групата „Легенди“. Дуетот го снимале во студиото на РТС, а песната беше објавена на 19.11.2021, еден ден пред да почине Мерима. Автор на музиката и текстот е Зоран Дашиќ Даша. Мерима Његомир снимила повеќе од 25 албуми, а освен новокомпонирани, таа пееше и традиционални народни, страградски песни. фото: принтскрин/јутуб

Ја напишала пред да почине: Оваа пејачка ќе ја отпее последната песна на Марина Туцаковиќ

Христина Ѓоргиевска — Thu, 07 Oct 2021 08:58:24 +0000

Текстописецот Марина Туцаковиќ ја изгуби битката со опасната болест на 19 септември, а беше погребена на 29 септември. Таа напиша многубројни хитови, а некои текстови кои ги напишала сė уште не се објавени. Марина секогаш кога имала инспирација пишувала песни за пејачите со кои соработувала, а последната песна која ја напишала ќе ја отпее Наташа Беквалац. Песната е насловена „Излечена“, а се однесува на љубовниот живот на Наташа Беквалац и нејзините три разводи. „Леле, не знаев дека тоа ќе го дознаете. Се наежив. Не можам да кажам дека таа песна ја лечи душата, подобро би кажала дека зборува за душата“ истакна Наташа во емисијата „Ексклузивно“. Потсетуваме, Марина Туцаковиќ почина по борбата со опасната болест откако и се влоши состојбата, а и беше позитивна на коронавирус, па заврши на распираторот и за жал ја изгуби битката. Погребот беше десет дена по нејзината смрт, бидејќи нејзиниот сопруг исто така беше позитивен на корона и беше во изолација. На последното испраќање на Марина во вечниот дом присуствуваа само најблиските членови на семејството и соработници, меѓу кои Јелена Карлеуша, Цеца Ражнатовиќ, Дејан Матиќ, Мина Костиќ.. фото: ата имагес/ инстаграм/наташа беквалац

Како да претчувствувал: Ова е последната снимка на починатиот тапанар на „Амадеус бенд“, на која Бојан само пред еден месец во кафеана пее – „Кога еднаш ќе ме нема, штом засекогаш ќе склопам очи…“ (ВИДЕО)

Антонио Димитриевски — Tue, 24 Nov 2020 13:08:40 +0000

Тапанарот Бојан Златановиќ, член на „Амадеус бенд“, кој почина на 45-годишна возраст од последиците од коронавирусот, на неговата последна снимка покажува како неговиот глас ги допирал и топел срцата на сите што го слушале. Пред само еден месец, Бојан ќе ја сподели последната снимка на својот Инстаграм профил, во која се слуша како во кафеана ја изведува песната на покојната Љубиша Стојановиќ - Луис „Кога еднаш ќе ме нема“. Токан како да претчувствувал дека за жал, набргу ќе го стигне судбината од стиховите во кои се пее: „Кога еднаш ќе ме нема, засекогаш штом склопам очи, кога од овој свет како снег ќе се стопам, ќе се сетиш ли дека те сакав, од голема љубов се разболев. Кога еднаш ќе ме нема, кога небо ќе постанам, дали во тебе како љубов ќе останам?“ - се пее во стиховите од оваа, за жал последна испеана песна од него.

View this post on Instagram

A post shared by Bojan Zlatanovic - TOKAN (@tokandrums)

Семејството донесе одлука: Дувачкиот погребен оркестар ќе ја испрати Дивна Карлеуша со оваа песна

Слободанка Илиева — Wed, 06 Mar 2019 11:24:13 +0000

Дивна Карлеуша почина во својот стан на 61 годишна возраст, по тешката борба со болеста. Семејството на радиската водителка одлучи да ја испрати со песната „Била је тако лјепа“, која ќе ја изведе Белградскиот дувачки погребен оркестар. Погребот е закажан за денес во 15:20 часот на Новите бежански гробишта во Белград. Оркестарот покрај таа песна ќе изведе уште неколку.

Инаку, како што се пишува, Јелена Карлеуша е во лоша емотивна состојба откако дозна за трегичната вест. Постојано била на лекови за смирување, за да може да ги помине тешките моменти пред себе. Српските медиуми пишуваат дека гледа во една точка, нема апетит и не пие ништо. Исто така, откажани се сите нејзини настапи во наредните шест месеци.

Не била намената за него: Откриена тајната за „Игри без граници“ на Тоше Проески!

Христина Ѓоргиевска — Tue, 24 Apr 2018 08:14:11 +0000

Песната „Игри без граница“ која Тоше ја издаде неколку месеци пред неговата смрт ја обележа еден важен дел од неговата кариера. Многумина ги толкуваа скриените пораки во песнита, а посебно зошто во неа е опишан неговиот живот, а оваа песна не му била намената, туку тој судбински ја одбрал. „Тоа е песна која ја напишав пред да го запознам Проески. Кога го сретнав Никша Братоша му кажав – имам една песна која не ја давам на никој. На никој. Тоа е толку добра песна, ќе ја пејам сам, па макар да ја уништам. Но, поради нашата соработка, од тебе барам да ми ја аранжираш и тоа без пари. И тој прифати. Ме праша како се вика песната, јас реков – „Игри без граница“, изјави Мирослав Дрљаќ Рус, човекот кој ја напишал оваа песна. После некое време Рус и Тоше се возеле во автомобил, па Тоше го прашал текстописецот за песните кои ги пишувал само за себе и дали може да ги слушне. -Тоа се тешки песни, не е популарна музика, одговорил Рус. Тоше почнал да бара по работите на Рус и пронашол ЦД на кое пишувало „Мирослав Рус – песни кои не ги давам на никој“. Тој го пуштил ЦД- то и прва била „Игри без граница“. И кога ја слушанал песната не дозвоил на Мирослав да ја чува за себе. Кога пристигнал во студиото да ја снима песната сите му велеле дека е премлад за таа песна. - Не размислуваа дека станува збор за вонсериски пејач. Кога ја отпеја песната сите беа воодуешевени. Има пејачи кои вокалите ги снимаат повеќе дена.Тоше песната ја отпеја од прва. А кога заврши, ме повлече на страна и ми рече: Рус добро ли отпејав? - Господи Боже, ти подобро ја отпеја отколку што јас ја напишав, вели Рус. https://youtu.be/0ZD08-zGPDE