последици – Вистина.мк

Последиците се долгорочни! Ова се причините зошто не треба да седите со скрстени нозе!

Слаѓана Атанасова — Fri, 08 Mar 2024 13:05:24 +0000

Кога станува збор за седењето, многу жени, но и мажи, имаат едно заедничко нешто – прекрстувањето на нозете. Најверојатно на овој начин ги спречуваат несаканите погледи под здолништето. Но иако изгледа елегантно, овој начин на седење е сè освен безопасен по здравјето. Погледнете зошто.

Страдаат нервите

Доколку сметате дека при овој начин на седење трпи само долната нога, се лажете. И двете нозе страдаат. Имено, во областа на колената се наоѓа важен нерв, кој доколку предолго и преинтензивно се притиска, ќе го умртви долниот дел на ногата и стапалото. Доколку се оштети неповратно, може да предизвика дури и парализа на стапалата и ножните прсти.

Се зголемува крвниот притисок

Покрај нервите, со овој начин на седење ги притискате и крвните садови, па можно е да се намали дотокот на крв до срцето. Поради ова, другите крвни садови мораат да ја преземат задачата и поради тоа преоптоварување, се зголемува крвниот притисок. Притисокот можеби ќе се намали брзо, но тоа не значи дека крвните садови ќе останат неоштетени.

Проширени вени

Само од прекрстувањето на нозете нема да ви се појават проширени вени. Но поради другите фактори, како напнатост, генетски предиспозиции или бременост, би требало да бидете внимателни. Притисокот што го трпат крвните садови во оваа положба на седење може да предизвика оштетување.

Влошено држење на телото

Седењето со прекрстени нозе не е природната положба на телото. Доколку секојдневно седите на овој начин, ризикувате да го искривите вашиот грб. Сигурно не сакате целиот живот да го поминете со болки во грбот. Извор: Попара

Имате долготрајна и хронична кашлица – ова се можни причини и поттикнувачи

Слободанка Илиева — Mon, 15 Jan 2024 13:26:42 +0000

Брзо дејствување по одредени симптоми, може да помогне за брзо надминување на кашлицата. Исто така, спречувањето, т.е. превенцијата е многу важна. Долготрајната, односно хронична кашлица може да биде непријатна, но може да значи и посериозна здравствена состојба. Во случај на хронична кашлица, важно е стручно да се проверат причините за тоа. Само лекар може со сигурност да каже зошто некој има постојана кашлица. Следат дел од можните причини. Астма Се работи за хронична болест што ги погодува белите дробови, предизвикува повторени епизоди на отежнато дишење (познати како напади на астма), стегање во градите и ноќна и / или утринска кашлица, истакнуваат стручњаците. Таа е една од најчестите болести која ги погодува децата, но и возрасните лица. Предизвикувачите на астма се различни за секого – вежбање, одредена храна, чад од цигари и други надразнувачи во воздухот што ги предизвикуваат нападите. Идентификувањето и избегнувањето на предизвикувачите (или барем минимизирање на изложеноста на нив) е клучно за управувањето со астмата. Алергии Зиме, минуваме повеќе време во затворени простории, па така човекот е и поизложен на алергени. При алергии на влага, прашина и други вообичаени поттикнувачи, може да дојде до постојана кашлица. Во случајов се препорачува разговор со алерголог и тест за алергија. На овој начин ќе се дознае на што лицето е алергично и како да се држи подалеку и настрана од тие алергени. Загадувањето на воздухот И воздухот може да предизвика постојана кашлица. Дури и краткотрајно изложување на некои гасови може да доведе до и иритација на белите дробови. Испарувањата, исто така, може да ги влошат симптомите на алергија или астма. Истото важи и за мувла во и околу домот. Последици од потешка болест или зараза По тешко заболување на дишните органи, како што се пневмонија и грип, по заздравувањето може да остане постојана кашлица. Тоа може да трае со недели и месеци. Оваа продолжена кашлица може да укажува и на тоа дека може да има долготрајна инфекција во телото и се советуваат дополнителни тестови за овие случаи. Пушење Луѓето кои пушат често развиваат кашлица предизвикана од природниот одговор на телото да се ослободат од хемикалиите што навлегуваат во дишните патишта и белите дробови. Може да почне како сува кашлица, но на крајот неизбежно има и слуз. Научен труд објавен во списанието „Медисин“ (Medicine) ја разгледува преваленцата на хронична кашлица и можните причини кај општата популација. Испитувањата засновани на Корејското национално истражување за испитување на здравјето и исхраната, опфатиле 119.280 возрасни лица на возраст над 40 години, и покажуваат дека 47,7 отсто од испитаниците со хронична кашлица биле пушачи во тој миг. Секако, најлесниот начин за пушачите да се ослободат од кашлицата е откажување од цигарите. Па така, доколку треба помош во тоа, советот гласи – матичниот лекар може да Ве упати во вистинската насока. извор:курир.мк фото:Freepik

Ова се штетните последици од предолгата употреба на цуцла

Слободанка Илиева — Wed, 27 Sep 2023 11:30:25 +0000

Бебињата и малите деца се речиси незамисливи без цуцла. Многу родители ги користат за да ги смират своите деца и да им пружат своевидна удобност, но стручњаците сѐ почесто предупредуваат на последиците што може да ги предизвика прекумерното користење цуцла. Некои од последиците од предолгата употреба на овој омилен детски предмет за џвакање, може да бидат деформација на непцата, неправилна положба на јазикот, поткаснување или различен начин на голтање, што на крајот може да доведе и до тешкотии со говорот. Затоа е важно да се осознаат методите што можат да му помогнат на детето да се одвикне. Така, според порталот „Веб-МД“ (WebMD), еден од најдобрите начини за постепено ограничување на употребата на цуцли – е да му ја дадете на Вашето дете само кога ќе спие. Исто така, подобро е да се користи пофалба наместо критика. Имено, пофалете го дете кога не носи цуцла, на пр. давајќи му хартиена ѕвезда како награда. Она што е важно да се напомене е и дека многу деца посегнуваат по цуцла поради здодевност. Во тој случај, најдобро е ако малечкото е зафатено со други „задачи“ и занимливости. Подарете му/ѝ играчка што му/ѝ се допаѓа или смислете некои образовно-забавни игри за да им го одвлечете вниманието од цуцлата. За целосно отфрлање на цуцлата, се користат и други смирувачки начини како што е заспивање со нишање, со приказна за тоа како „цуцлата треба да оди на друго место“. Децата ја сакаат креативноста, па мислата „да бидат подалеку од цуцлата“ може да помогне полесно да се збогуваат со дотогашната нивна омилена занимација. Важно е родителот да биде трпелив при одвикнувањето и да ги информирате за тоа оние кои секојдневно се во контакт со Вашето дете. Конечно, важно е и времето кога ќе се почне со одвикнувањето од цуцлата. Тоа на пр. не треба да се случува кога детето е во тежок период, ако има уште еден, помал член во семејството, кога детето тргнува во градинка или на училиште и други битни промени во животот на детето во развој. извор:курир.мк

Го напаѓа целиот нервен систем: Една од најубавите жени на светот се бори со последиците од инфективното заболување

Слободанка Илиева — Mon, 03 Apr 2023 08:53:25 +0000

Супермоделот Бела Хадид (26) на својот профил на TikTok објави видео во кое ја откри состојбата на лицето по претрпената инфекција на забите. Покажала отечено око, поради што лицето и било неправилно. - Поправка на забите. Имав мала инфекција под забот каде што имав корен канал пред една година. Продолжи да се шири предизвикувајќи инфекција во вилицата. Со месеци чувствувам дека треба да го извадам за да го излечам остатокот од забот. Ве молам слушајте го вашето тело – рекла манекенката која се бори со последиците од Лајмската болест. Пред еден месец таа коментираше дека сфатила дека нешто не е во ред со нејзиното здравје.

@babybella777i straight up brawl with myself in my sleep♬ som original - 𝐽𝐽

- Чувствувам дека нешто не е во ред. Нешто лошо се случува, оваа болка, ја чувствувам долго време - изјави Бела. Манекенката додала дека боледува од Лајмска болест која, според неа, „пламнува“. Таа истакна дека оваа болест „ги напаѓа забите, вилицата, мозокот, 'рбетот, коските и целиот нервен систем“. - Секоја помала траума, без разлика дали е физичка или психолошка, може да ја влоши болеста. Вилицата ми се воспалува секогаш кога сум под стрес или преморена. Некои денови е добро, но некои денови е тешко. Но сега ми боли вилицата. Утре ќе го извадам овој заб - додаде Бела, која доби поддршка од многу фанови. Во 2012 година, кога открила дека боледува од Лајмска болест, имала симптоми на главоболки, мозочна магла, несоница, збунетост и дезориентација. Таа исто така развила вртоглавица и анксиозност.

View this post on Instagram

A post shared by Bella 🦋 (@bellahadid)

Доживеала и оток на зглобовите, вкочанетост и проблеми со одење. Сега знае дека треба да реагира на првото нешто, кога нешто не е во ред со нејзиното тело, и на крајот решила да го прифати секој ден како што е, но во исто време да се трудиме да дадеме се од себе. Инаку, Бела Хадид е прогласена за најубава жена на светот, па многу следбеници се воодушевени што таа отворено зборува за своите проблеми и споделува немонтирани видеа кои ја покажуваат вистинската состојба на нејзиното лице. фото:TikTok/babybela777/Instagram

Што се случува со телото ако немате секс со месеци или години

Слаѓана Атанасова — Thu, 09 Feb 2023 12:54:20 +0000

Недостигот од секс може да има здравствени последици, а тоа е затоа што сексот има голем број здравствени придобивки. Некои од овие придобивки вклучуваат намалување на стресот, олеснување на спиењето и подобрување на здравјето на срцето. Но, што всушност се случува со вашето тело кога ќе престанете да имате секс, без разлика дали правите пауза намерно или поради комбинација на околности? Експертите објаснуваат што може, а што не може да му се случи на телото кога ќе поминете низ период без секс.

Вагината нема да се затвори

Урбаниот мит е дека вагината ќе се затвори, запечати или ќе израсне нов химен ако немате секс некое време. Дури и кога немате секс, вашето тело сè уште произведува естроген и прогестерон, а овие хормони ја одржуваат вагината отворена и флексибилна, вели д-р Кристин Гривс, гинеколог од Флорида. Исто како што лосионот ги смирува сувите раце во зима, естрогенот помага во навлажнување и одржување на вагиналните набори кои овозможуваат вагината да се прошири кога сте сексуално возбудени. Можно е вагиналниот отвор да се намали во големина, но тоа се случува по менопаузата и по долга сексуална пауза. „Со текот на времето, жените во постменопауза кои имаат намалено снабдување со естроген може да забележат дека дијаметарот на вагината станува помал ако немаат сексуален однос. Но, според моето клиничко искуство, тоа обично се случува до околу 5 години или повеќе“, вели д-р Гривс.

Недостаток на влажност

Дури и кога жената не е возбудена, вагината е влажна и еластична. Сепак, д-р Гривс објаснува дека ако не сте имале секс неодамна, вашата вагина може да се чувствува посува, но сувоста сама по себе нужно не е проблем, но може да направи да се чувствувате непријатно.

Либидото може да биде засегнато

Според д-р Гривс, можно е вашето либидо малку да се намали во периодот на апстиненција. Ова може да објасни зошто: ако немате секс, веројатно не се чувствувате толку сексуално како кога имате редовен секс, а тоа може да влијае на вашиот сексуален нагон. Добрата вест е дека штом ќе се вратите во акција, најверојатно ќе почнете да се чувствувате сексуално, што ќе го поттикне вашето либидо да се зголеми.

Може да се појави анксиозност или депресија

Сексот ослободува хемикалии во мозокот, окситоцин и серотонин, кои се одговорни за доброто чувство и го подигаат расположението, вели д-р мед. Гејл Салц, вонреден професор по психијатрија во презвитеријанската болница „Веил-Корнел“ во Њујорк. Кога вашиот систем не ги произведува овие мозочни хемикалии во исти количини, тоа може да влијае на вашето ментално здравје.

Можеби ќе ви треба подолго време за да се возбудите

„По паузата можеби ќе ви треба повеќе време за вагината да се навлажни доволно или целосно да се опушти“, истакнува д-р Гривс. Кога имате редовен секс, вашата вагина автоматски оди во фаза на возбуда. Меѓутоа, кога имате долга пауза, потребно е повеќе загревање за да се опуштите. Истото важи и за пенисот, проблемите со ерекцијата не се невообичаени по сушен период. Извор: Кајгана.мк

Дали имате утрински секс? Еве ги сите позитивни последици што ги носи на врската…

Слаѓана Атанасова — Thu, 15 Dec 2022 12:57:40 +0000

Кога сте во можност, започнете го денот со секс за добро утро и осигурајте се дека часовите кои ви претстојат ќе ви бидат многу подобри. Ова се десет одлични придобивки од утринскиот секс кои можеби не сте ги знаеле: Веќе сте во кревет А кога сте веќе тука… Емили Морс, експерт за сексуалност и автор на поткастот „Секс со Емили“, тврди дека вашиот партнер речиси сигурно нема да одбие секс кога веќе сте заедно во креветот. Инстантно го подобрува расположението Заблагодарете се на ендорфините и другите хормони кои се лачат за време на сексот и за приливот на енергија што ќе го чувствувате во текот на денот. Против болка и стрес Веќе споменатиот ендорфин по природа е сличен на ибупрофен, лек против мигрена и други болки. Зошто да не се ослободите од непријатноста и да уживате во денот? Пред да го започнете бурниот ден на работа, дозволете вашите утрински активности во креветот да ви го ублажат стресот. Посилна врска Сексот произведува хормон окситоцин, кој пак создава чувство на топлина и поголема поврзаност со вашиот партнер. Без лаги, без маски Утринскиот секс е „поранлив“ и поинтимен од ноќниот секс. Без шминка и на дневна светлина, во вашето утринско издание му се покажувате на партнерот токму онакви какви што сте. Секси време за вас пред да се разбудат децата Ако имате деца, утринскиот секс во период пред да се разбудат и да започне работниот и училишниот ден, е одлична идеја. Имате време да бидете интимни со партнерот без страв дека некој ќе ви налета. Не сте уморни Можеби не сте најенергични неколку моменти откако ќе ги отворите очите наутро, но сигурно сте повеќе одморени отколку после долгиот работен ден. Имунитетот ќе ви биде благодарен Дали знаевте дека сексот го зајакнува вашиот имунолошки систем со производство на антитела во различни делови од вашето тело? Природен сјај и подобар сон Естрогенот што се лачи за време на сексот го подобрува тонот и текстурата на вашата кожа и коса, на овој начин можеби ќе можете да прескокнете некој чекор од вашата утринска рутина на кожата. Навечер, окситоцинот и мелатонинот му помагаат на вашето тело да заспие побрзо без стрес. Подобри когнитивни функции Еден од начините да си обезбедите добра меморија во текот на денот е токму утринскиот секс. Извор: Попара

Претепаната ѕвезда на Гранд, призна дека чувствува страшни болки и сè уште живее во страв (фото)

Слаѓана Атанасова — Mon, 05 Sep 2022 10:07:55 +0000

Поранешната учесничка на „Ѕведите на Гранд“ Марина Маки Радосављевиќ преживува вистинска агонија. Таа беше нападната и претепана од нејзиното поранешно момче, а според сите тоа имало големи последици, па сè уште не се опоравила. Марина потоа се здобила со сериозни повреди - прстот и бил скршен, имала исеченици и набиеници по лицето, потрес на мозокот, а брзата помош од местото на настанот на носилки ја однела во автомобил и ја однела во медицинска установа. Напаѓачот четири дена подоцна и се предал на полицијата, му била изречена забрана за задржување, но допрва ќе му се суди. Пејачката сега проговори и ја призна својата моментална состојба и како се чувствува после се: - Сè уште се чувствувам ужасно. Стресот ме зафати, немам апетит... Тешко се поднесувам, особено затоа што не разбирам зошто се случи сето тоа. Имам ужасни болки и сега. Одам на лекар, ја собирам потребната документација за процедурата, одам и на психолог - вели пејачката, а потоа признала дека дома се затворила. - Доста се затворив во себе, но морам тоа да го надминам, да продолжам понатаму, да најдам решение, што е најдобро за сите - рече таа. Марина истакнува дека сега има проблеми со психата и се прашува како ќе надмине сè и дали повторно ќе биде нејзиното старо јас: - Јас сум исплашена. Нон стоп сум само во кругот на семејството и пријателите, со сите имам намалена комуникација. Се трудам што побрзо да оздравам и да се издигнам од ова, еднаш засекогаш да го решам овој проблем и да се вратам на нормалниот живот - изјави Марина. Фото:Принтскрин/Приватна Архива/Фејзбук

Сандра Решиќ ја осуди Маја за аферата со Пеца: „Таа не ја доживеа најстрашната осуда од народот“ (фото)

Слаѓана Атанасова — Thu, 14 Jul 2022 09:17:28 +0000

Јавноста не престанува да го коментира скандалозниот потег на Маја Маринковиќ која го „украде“ сопругот на Александра Суботиќ. По тој повод зборуваше и ријалити ѕвездата и пејачка Сандра Решиќ. Каков е вашиот коментар за тоа што Маја и направи на Александра? - праша Милан Милошевиќ во емисијата „Народ пита“. - Не бев во шок, Маја е Маја. Маја е некој што ми е драг, но не може да ме шокира. Воопшто не ми се допаѓа тоа што го направи. Колку и да ја поддржуваа љубовта со Јањуш, луѓето наоѓаа разбирање, бидејќи тоа беше голема љубов. Мислам дека сега треба малку да се смири. Ајде, кога ќе го земеш мажот на сопствената другарка, која има бебе дома, тогаш Маја те Е*е! - рече Сандра. - Не сум баш запознаен со односот меѓу нив двајца... Ако е се како што е, тогаш е премногу. Ми се допаѓа Маја, можам се да очекувам од неа. Прави некои работи кои се само... Малку е премногу, реално – додаде Анџело. - Луѓето ја правдаа како: Маја е, очекувано е. Можеби затоа што не ја доживеала најстрашна осуда. Кога луѓето не ги чувствуваат последиците од нивните врски, нема ништо полошо – изјави Сандра во емисијата „Народ пита“.

ТВ водителката Николина Пишек се соочува со страшни проблеми: „Имам вртоглавици и го губам помнењето…“ (ФОТО)

Антонио Димитриевски — Fri, 04 Jun 2021 09:35:57 +0000

ТВ водителката Николина Пишек и нејзината шестгодишна ќерка Уна трпат страшни последици од труење со јаглерод моноксид! Четири месеци откако едвај преживеаја по пукањето на цевката за гас, двете сè уште имаат сериозни здравствени проблеми. „Сè уште ги трпиме последиците. Имам вртоглавица, проблеми со меморијата, на моменти го губам помнењето, мојот вид е заматен... Се' уште постои опасност од добивање на белодробна емболија. Лекарите ми рекоа дека ми се оштетени белите дробови, иако сум непушач и спортувам. Имам отежнато дишење и дишам плитко. Исто така, треба да го проверам срцето затоа што добивам тахикардија. Јаглерод - моноксидот прави трајно оштетување на органите“ - вели водителката. Таа додава дека и нејзината ќерка претрпела сериозни последици: „На Уна и се установени промени во мозокот. Тој ќе мора да се подложи на третмани во хипербарична комора за време на која се вдишува 100 процентен чист медицински кислород, кој може да го обнови организмот. Се надевам дека на крајот сè ќе биде добро“ - раскажува загрижената водителка. Фото: Инстаграм принтскрин/nikolina_pisek

5 најчести проблеми кај жените кои се јавуваат како последица на нередовен секс

Христина Ѓоргиевска — Tue, 02 Mar 2021 13:19:12 +0000

Доколку постарите жени немаат редовен сексуален однос, вагиналните ѕидови се опуштаат, а доколку повторно одлучат да имаат сексуален однос, тоа може да биде многу болно. 5 најчести проблеми како последица на нередовен секс:

1. Губење на либидото

Кај сексуалниот нагон важи правилото „користи го или пак изгуби го“. „Луѓето се воздржуваат од сексуален однос со текот на времето, а желбата за секс полека исчезнува. Некои од моите клиенти таа состојба ја опишуваат со поговорката „далеку од очите, далеку од срцето““, објаснува д-р Сари Купер, сексуална терапевтка.

2. Вагиналните ѕидови се опуштаат

Овој проблем воглавно се однесува на жените кои што влегуваат во менопауза. „Доколку постарите жени немаат редовен секс, вагиналните ѕидови се опуштаат, а доколку повторно одлучат да имаат сексуален однос, тоа може да биде многу болно“, напоменува Купер.

3. Се намалува вагиналната лубрикација

Уште една нуспојава која што се однесува на постарите жени е проблемот со лубрикацијата на вагината по апстиненција. Покрај неа се појавуваат и проблеми со стегнување на ѕидовите на вагината, а последиците се поради недостаток на хормонот естроген. „Младите жени кои имаат 20 или 30 години имаат многу естроген кој што ќе обезбеди ткивото да биде здраво, еластично и подмачкано за време на апстиненција. Кај постарите жени кога естрогенот ќе исчезне, не се враќа“, вели д-р Лорен.

4. Зголемени болки во текот на менструацијата

Со недостатокот на сексуалните односи кај жените се влошуваат и болките при менструација. „Матката е мускул, а многу од жените за време на оргазмот всушност доживуваат контракција на матката, што предизвикува побрзо исфрлање на крвта. Грчевите се намалуваат, а менструалната крв полесно излегува од телото. Исто така може да дојде до зголемено ниво на ендорфин, што исто помага при менструалните грчеви“, објаснува д-р Роберт Шнајдер.

5. Помал ризик од полови болести

Не само што ќе го намалите ризикот од добивање полова болест, туку и од инфекции на уринарниот тракт. „Сексуалниот однос е виновник за зголемен ризик од инфекции на уринарниот тракт“, објаснува д-р Стречер. Поголемиот дел од уринарните инфекции се појавуваат во рок од 24 часа по половиот однос, а семејните доктори откриле дека „почестиот сексуален однос кај партнерите е најдбар показател за тоа кои од нив ќе имаат почести воспаленија на уринарниот тракт. извор: точка.мк