после – Вистина.мк

Што не смеете да правите после секс?

Христина Ѓоргиевска — Wed, 16 Feb 2022 13:29:52 +0000

Однесувањето после сексуалниот однос може да има сериозно влијание врз вашето здравје. Сексуалната активност пружа задоволство, по што многумина се препуштаат на уживање, без да размислуваат за потезите што ги прават. Однесувањето после интимни односи игра голема улога за вашето здравје. Има голем број здравствени фактори кои треба да се земат предвид после сексуалната активност. За да се заштитите себеси и личноста со која сте имале однос, важно е да не го правите следново:

Спиење во долна облека

По сексот, вашата кожа е топла и влажна благодарение на потта, вагиналниот секрет и спермата. Спиењето во долна облека ја задржува влагата, што ве става на ризик од габични инфекции. Доколку не ги забележите и не ги лекувате навреме, тие можат да бидат причина за посериозни болести.

Користење влажни марамчиња

Ако сте чувствителни на хемикалии како алкохол, глицерин, мириси и одредени масла, користењето влажни марамчиња после секс може да предизвика иритација бидејќи сте поподложни на проблеми со кожата после секс. Подобро е да ги избегнувате и наместо тоа да користите обична вода.

Миење на вагината со сапун

Можеби сте во искушение да ја измиете интимната зона со сапун, но вистината е дека вагината е орган што сам се чисти. Едноставно нема потреба да користите сапуни. Чистата топла вода треба да биде доволна за да ги отстрани сите течности.

Бричење на интимната зона

Поголема е веројатноста да развиете иритација ако се бричите веднаш по сексот, бидејќи за време на сексот, жените доживуваат зголемен проток на крв во пределот на гениталиите, што ги прави навистина чувствителни. извор: Кајгана

Непрепознатлива: Вики Миљковиќ пред и после пластичните операции (фото)

Христина Ѓоргиевска — Mon, 06 Jul 2020 08:19:39 +0000

Популарната пејачка и член на жирито на „Ѕвездите на Гранд“, Вики Миљковиќ веќе некое време е на естрадното небо. За неа можеби многумина слушнале и знаат барем една нејзина песна. Сепак, и покрај тоа што е ѕвезда, и на неа и се случува камерата да ја улови кога таа не е подготвена за тоа. Токму таква фотографија кружи низ социјалните мрежи. Имено, пејачката не крие дека имала интервенции, а на интернет се појави фотографии од 90тите на која пејачката изгледа непрепознатливо. „Никој од нас не е совршен, па така и јас. Кога би почнала да ви кажувам се’ што променив, списокот ќе биде долг. Но, знам добро да се средам и тоа да не се забележи“, изјави пејачката во една прилика. Погледнете како некогаш изгледаше Вики и колку се променила по пластичните операции.

View this post on Instagram

A post shared by @hvala_plasticaru on Apr 20, 2016 at 7:02am PDT

Храна која треба да ја избегнувате после тренинг

Љупчо Најчевски — Mon, 13 Aug 2018 12:53:44 +0000

Тоа што редовно трчате и вежбате е многу корисно и здраво за вашето тело, но не вреди ништо доколку веднаш по тренингот изедете храна која ќе ги анулира бенефитите од него. Откако ќе истрчате десетина километри и ќе направите неколку тешки вежби, веројатно првото на што помислувате е храна. Воопшто не е погрешно да јадете по тренинг, но мора да знаете што треба, а што не треба да јадете. Еден од најдобрите британски нутриционисти, Ријанон Ламберт, вели дека храната по тренинг е и тоа како потребна, најмногу за да помогне да закрепнат мускулите. Таа напомена дека јаглехидратите се подеднакво важни за исхраната како и протеините. „Комбинацијата од двата типа на храна ќе помогне мускулите побрзо да заздрават и да се развијат правилно“, рече Ламберт. Според неа, не смеете да пиете алкохол по тренингот, па дури ниту пиво. Иако многумина велат дека пивото е многу здраво за пиење по тренинг, тоа нема да ви помогне при хидратацијата на телото и нема никаква нутриционистичка вредност. Наместо пиење на било каков алкохол, таа предлага да пиете вода по тренингот, бидејќи тоа ќе ве освежи и ќе го хидрира телото. Ламберт вели дека треба да почекате околу 45 минути откако ќе заврши тренингот, за телото да се смири и да може да се врати во состојба во која правилно ќе ја вари храната. Таа предлага да не јадете мрсна храна или тестенини, бидејќи телото дополнително ќе се напрега да ја свари храната, иако е веќе уморно. Сепак, тоа не значи дека треба да се опуштите целосно и да изедете неколку парчиња сиров зеленчук, бидејќи ниту тоа не се препорачува. Зеленчукот е одличен како дел од јадењето, но не смее да претставува целосен оброк, бидејќи едноставно не е доволно хранливо. Кога ќе заврши тренингот најдобро е да јадете јајца, сирење и житарици, бидејќи овие храни лесно се варат, а имаат доволно калории за да ги закрепнат мускулите.