посета – Вистина.мк

Трајче Толевски и Душко Георгивски со донации и песна дојдоа да ги израдуваат згрижените во домот за стари лица во Злокуќани, но како: „Има ли некој што денес може да запшее и заигра?“

Антонио Димитриевски — Tue, 05 Dec 2023 09:47:31 +0000

Трајче Толевски со прекар Мајка, познат македонски музичар, фолк изведувач и скопски угостител, е познат и како главниот „човек за штимунг“ во „Мерак меана“. Во истто шоу еден од естрадните фолк уметници кои неодамна гостуваа беше и пејачот Душко Георгиевски. Токму овие двајца естрадни уметници решиле да ги израдуваат згрижените во домот за стари лица „Мајка Тереза“ во Злокуќани, како претставници на ним омилената забавно-музичка фолк емисија. Мајка и Душко посетата ја закажале токму за понеделник, 04. декември, кога како двајца распеани и разиграни дедомразовци сакаа да ги израдуваат старите лица со своето присуство. Арно ама... Она што се случи, страшната тарорна вест за убиството на малата Вања и велешкиот фризер која пристигна претходната вечер не остави простор за радост, која беше заменета со тага на секој нормален граѓанин на оваа земја. Естрадните уметници посетата не сакаа да ја откажат, но радоста и дружбата со згрижените лица во домот не можеа да ја споделат на оној начин, на кој замислуваа и посакуваа. „Новогодишниот базар“ полн со сувенири и украси подготвен од вредните раце на пензионерите не изостана, како ни дружбата со нивните омилени изведувачи, но не и песната и забавата... А како? Тој ден, а и деновиве потоа имаше ли душа некој воопшто да се радува, а камо ли да пее, игра, да се весели... Токму затоа Трајче - Мајка сподели само неколку фотографии од рачно изработените ескпонати за „Новогодишниот базар“ на старите лица од домот „Мајка Тереза“ во Злокуќани, па заедно со својот статус ги објави на личниот Фејсбук профил со едно големо ветување. „Фотографиите се од вредните раце на пензионерите од установата 'Мајка Тереза' - Злокуќани, каде денес како дел од програмата 'Новогодишен базар' како гости од нивната најгледана емисија 'Мерак меана' на Сител ТВ, да бидеме јас и Душко георгиевски, да го опфатиме музичкиот дел. Но, како? Има ли некој што денес може да го отвори срцето и да запее, заигра...? ветивме дека ќе дојдеме наредна прилика“ - споделил музичарот. А згрижените во домот за стари лица во Злокуќани го држат за збор! Фото: Фејсбук/Trajce Tolevski/Dusko Georgievski

Јелена Ѓоковиќ со јасна цел дојде во Скопје: Сопругата на Ноле по работната посета го прошета и центарот на градот (фото)

Слободанка Илиева — Fri, 22 Sep 2023 09:54:47 +0000

Сопругата на Новак Ѓоковиќ, Јелена, бешее во „Синеплекс“ во трговскиот центар „Сити мол“ во Скопје каде присуствуваше на премиерата на документарниот филм „Мудроста на траумата“, по што ќе учествуваше во панел дискусија, како претставник на Фондацијата која го носи името на нејзиниот сопруг и ја промовира фондацијата пред македонската публика. Инаку, Јелена која дојде во Скопје од Ниш при „Караванот на љубовта и среќата“, со кој изминатиов период таа ја обиколи речиси цела Србија, а сега дојде и кај нас. Имаше време малку и да прошета низ главниот град на Македонија, објави и некои фотографии, како онаа со споменикот на Кирил и Методиј во центарот на Скопје, до Камениот мост. Инаку, Новак Ѓоковиќ е еден од најпопуларните спортисти и во Македонија, има многу фанови тука, но уште ја нема посетено нашата земја, иако има изразено желба да го стори тоа. фото:Инстаграм приннтскрин/Јелена Ѓоковиќ

Миланка Рашиќ им беше домаќинка во Скопје на Павле и Ружа, родителите на Даниел Кајмакоски: Остана нејасно кој честеше ручек, водителка за добредојде, или гостите за новото внуче?! (ФОТО)

Антонио Димитриевски — Tue, 25 Jul 2023 07:25:58 +0000

Последниот ден од месец април, стана еден од најзначајните во животот на пејачот Даниел Кајмакоски и неговата новопечена сопруга Марина, поради раѓањето на нивното првенче, синчето Стефан. По првичната семејна радост и грижата околу малечкиот првите денови, пејачот полека им се враќа на своите работни обврски, односно на вечерните ангажмани, најмногу во елитниот ноќен кабаре клуб „Ла Фајет“ во Белград. Во меѓувреме неговите родители кои се уште живеат на релација Австрија - Македонија, летото го користат како и секоја година за посета на родната земја. Павле и Ружа Кајмакоски што заради патриотиските чувства и носталгијата кон татковината, што заради пејачките ангажмани на таткото на Даниел, кој запотсетување исто така е естраден уметник, односно фолк пејач. „Во есенскиот период секогаш имаме доста работа, заклучно со зимскиот. Летото пак, го поминуваме во Македонија, бидејќи тука се случува се’: Како за одмори така и за свадби, крштевки...“ - ќе изјави во една прилика Павле кајмакоски,чие лице можеби „не ви звучи така познато“ како лицето на син му Даниел, ама затоа неговите песни звучат многу патриотски! Како и секое лето така и ова родителите на Даниел повторно се вратија во родната грутка, но најдоа и време да ја прошетаат Македонија, а со тоа неизбежно да дојдат и во нејзината престолнина - Скопје. А тука, ги пречека никој друг, туку нивната домаќинка, добропознатата долгогодишна ТВ водителка и новинар, Миланка Рашиќ. Можеби некој и ќе се зачуди од каде пак сега ваквата спојка и што имаат тие со неа, но оние кои добро ги познаваат приликите на естрадата знаат дека Миланка долго време го работи ПР менаџментот на Даниел Кајмакоски, со кого е исклучително и приватно блиска. Па покрај пејачот таа близина се пренесува и на семејството, со што водителката станала еден вид и семејна пријателка со фамилијата. Токму затоа на родителите на Кајмакоски во Скопје добредојде прва им посака русокосата Миланка. Разбирливо, неколку фотографии за вечни спомени во центарот на престолнината беа неизбежни. Секако, „семејниот ручек“, ако така може да се нарече, исто така неизоставен во еден угледен скопски ресторан. Едно видување, сто муабети и илјада спомени, меѓудругото овековечени и со заедничка фотографија од летната средба на водителката и семејството на Х-фактор ѕвездата. Повеќе од очигледно средбата била топла и средечна, емотивна и блиска, исополнета со муабети, прикаски, планови, евоцирање спомени и едно ветување... За повторно, скоро видување. Единствено едно остана нејасно: Кој честеше ручек? Водителката за добредојде на гостите или родителите на Даниел Кајмакоски за новороденото внуче Стефан? Впрочем, не и ни важно, важно е да е за арно! Фото: Инстаграм/daniel_kajmakoski/ Фејсбук/Milanka Rasic

Лондон на нозе: Хари и Меган се вратија во Англија, а позната е и причината…

Слободанка Илиева — Tue, 06 Sep 2022 10:13:44 +0000

Хари и Меган се вратија во Велика Британија. Во Лондон пристигнале во саботата, во раните утрински часови, но децата не биле со нив. Како што претходно беше најавено, ова патување е од деловен карактер. За време на краткиот престој, ќе ги посетат седиштата на хуманитарните организации со кои соработуваат, а предвидена е и посета на Манчестер, каде ќе учествуваат на „One Young World Summit“, заедно со претставници од 190 земји. Таму ќе бидат и канадскиот премиер Џастин Трудо, познатиот готвач Џејми Оливер, Сер Ричард Бренсон и многу други. Планиран е и еден ден во Германија, каде што следната година ќе се одржат игрите Invictus, чиј покровител е Хари. Не е познато дали парот ќе има време да отиде во Шкотска, поточно замокот Балморал, за да ја посети кралицата Елизабета, која традиционално таму го поминува својот летен одмор. Инаку, ова е нивна прва посета на Велика Британија по платинестиот јубилеј одржан на почетокот на јуни. фото:getty images/profimedia

Констракта пред „Евровизија“ на посета кај патријархот Порфирије: Таа нему му донесе необичен подарок, тој неа и подари уште понеобичен (ФОТО)

Антонио Димитриевски — Thu, 21 Apr 2022 10:50:08 +0000

Претставничката на Србија на годинешната Евровизија, Ана Ѓуриќ - Констракта го посети патријархот Порфирие и по тој повод му ги подари мошне необичен подарок: своите сценски реквизити - леген и бокал, а за возврат доби вреден подарок од него. Констракта на своите приказни на Инстаграм сподели заедничка фотографија со патријархот на која си ги разменуваат подароците. „Имав чест да дадам и да добијам на подарок триптих. И задоволството да се слушне и да се разбере приказната за потенцијалот на граничната ситуација, за поддршка и почит - напиша Констракта. Таа симболично од патријархот доби икона од три дела, која претставува триптих, исто како што е насловен и нејзиниот албум „Триптих“ на кој е вклучена песната „In corpore sano“ со која ќе настапи на Евровизија 2022 во Торино, Италија. Фото: Инстаграм принтскрин/konstrakta

Синот на Аки во Крушево: Кристијан Рахимовски ги посети гробот и спомен куќата на Тоше (ФОТО)

Антонио Димитриевски — Wed, 02 Feb 2022 07:48:06 +0000

Кристијан Рахимовски, синот на неодамна починатиот пејач Аки Рахимовски, допатува во Македонија. Штом стапна на скопскиот аеродром како што самиот рече, пристигнал во земјата на неговото потекло, во татковината на неговиот татко, Аки: „Боже јас си дојдов дома, во земјата на мојот татко“! Дојде за да ја посети неговата тешко болна баба, за која неговиот татко Аки толку се грижеше до последниот ден од својот живот, но и да го запознае поблиското и пошироко семејство, Скопје и Македонија, во кои неговиот татко израсна и ја започна својата музичка афирмација, се' додека подоцна не се вивна високо во естрадните височини во Загреб станувајчи познат, признат, ценет, сакан и популарен целиот регион на бивша Југославија. Кристијан вчера, 01 јануари 2022 во Крушево заедно со министерката за култура на Република Македонија, Бисера Костадиновска-Стојчевскаго и крушевскиот градоначалник, Томе Христоски го посети гробот на и спомен куќата на Тоше Проески. „Со министерката за култура Бисера Костадиновска Стојчевска и синот на покојниот Аки Ракимовски во посета на спомен куќата „Тодор Проески“. Заедно положивме свеќе на гробното место на Тоше и оддадовме почит на големиот пејач, а не изоставивме да поразговараме и за Аки Ракимовски кој го почитуваше нашиот Тоше и постхумно посвети неколку песни“, напиша меѓудругото Христовски на Фејсбук. Кристијан, кој и самиот музичар, ги запозна министерката и крушевскиот градоначалник со својата професионална кариера, која, како што рече тој, е под силно влијание од неговиот татко. Во татковината на Аки, Кристијан доаѓа по 35 години, и освен во Крушево, престојува и во Скопје, запознавајќи ги градот и улиците од детството на неговиот татко, како и неговите пријатели. Министерката Костадиновска-Стојчевска изрази жалење за смртта на Аки и порача дека тој и неговиот „Парни ваљак“ одамна го пробија патот до незаборавот. Таа додаде дека нашата држава секогаш ќе биде благодарна и ќе ја негува почитта кон неговото дело и кон сето она што тој со својата енергија и полудецениската кариера го направи за промоција на културата на нашата држава и на македонската музика. „Крушево, 1 февруари 2022 година - Македонија вчера на свој начин му оддаде почит на никогаш непрежалениот „македонски славеј“ - Тоше Проески (кој на 25 јануари ќе го прославеше својот 41 роденден, а почина на 16 октомври. 2007 година). Имено, дојдов на иницијатива и на покана на министерската за култура на Република С. Македонија и градоначалникот на Крушево да ја посетиме спомен куќата на Тоше Проески во Крушево и таму да запалиме свеќи за никогаш непрежалените (над) национлен музички херој. Во интимна и многу достоинствена атмосфера, со молитви на гробот на Тоше, заедно се потсетивме на ликот и делата на вистински музички великан од нашите краишта, кого со години и години ќе го славиме и оплакуваме слушајќи и пеејќи ги неговите песни. Овој крајно неочекуван гест на министерот за култура на Македонија - дека по само неколку дена откако се простив во Алејата на великаните во загребски Мирогој и го погребав мојот единствен „татко“ - особено ме трогна веста која ја дознав при посетата: дека веќе постои иницијатива да се именува една улица во Скопје, главниот град на Македонија по името на татко ми. Затоа, во име на целото семејство Рахимовски, сакам да им се заблагодарам на градоначалничката на Скопје, Данела Арсовска и на Република С. Македонија за оваа исклучителна чест“ - напиша на својот инстаграм профил синот на Аки, Кристијан Кики Рахимовски за кого многумина веќе тврдт и очекуваат, дека токму тој ќе го замени неговиот татко на местото пејач во „Парни Ваљак“?!

View this post on Instagram

A post shared by Kristijan Rahimovski (@kiki_rahimovski)

Фото: Инстаграм и Фејсбук принтскрин/kiki_rahimovski/Томе Христоски/Danela Arsovska

6 шпански градови кои вреди да ги посетите барем еднаш во животот

Христина Ѓоргиевска — Wed, 03 Nov 2021 14:00:56 +0000

Знаеме дека Мадрид, Барселона, Валенсија и Севиља веќе ви се добро познати, но Шпанија изобилува со мали гратчиња кои се всушност вистински бисери. Погледнете во продолжение за кои градови станува збор.

1. Саламанка

Архитектурата што се одликува со грациозност како и прекрасната атмосфера го прават овој град неизбежна дестинација на рутата од Мадрид до Лисабон. Градот има дури две катедрали и впечатлива универзитетска зграда што датира од 15-ти век. Додека шетате по улиците, ќе се чувствувате како да сте на снимање на некој филм. Во текот на денот ќе ги прочитате имињата на улиците врз рачно насликаните табли, а навечер можете да го почувствувате младешкиот амбиент на градот кој врие од студенти.

2. Замора

За да влезете во овој град ќе треба да поминете по средновековниот мост што поминува преку реката Дуеро, една од најголемите реки на Пиринејскиот Полуостров. Повеќе од 20 романескни цркви, средновековен замок како и згради во арт деко стил се доволна причина да ја посетите Замора, а тука се наоѓа и познатиот музеј на скулптури на Балтасар Лобо. Поворката по улиците на градот што се одржува за време на Светата недела е особено впечатлива.

3. Сеговија

Сеговија се наоѓа на еден час возење северозападно од Мадрид и е позната по својот римски аквадукт што датира од 1-ви век и Алказар, кој наликува на замокот од цртаните филмови на Волт Дизни. Градот може да се пофали и со преубава готска катедрала. Доколку ја посетите Сеговија, ќе се изненадите од совршената комбинација на архитектура и гастрономија што навистина би било штета да се пропушти.

4. Ронда

Нема турист кој не бил воодушевен од Ронда. Градот се наоѓа на околу 100 км северозападно од Малага и е еден од најубавите градови во Андалузија. Едно од највпечатливите обележја на градот е мостот Пуенте Нуево што се издига на 120 метри и преминува преку реката Гуадалевин. Архитектурата на градот е совршен спој од влијанијата на Арапите и Римјаните, а старите, калдрмисани улички водат кон една од најстарите арени за борба со бикови во Шпанија.

5. Толедо

За многумина, Толедо е еден од најомилените шпански градови. Тука ќе се чувствувате како да сте зачекориле во некој друг век. Импресивните ѕидини и градските порти се првото нешто што ќе ве воодушеви, а по еден час прошетка низ градот ќе стигнете до Мирадор, место со панорамски поглед на целиот град.

6. Виго

Раздвижениот пристанишен град е полн со љубезни жители и врвни деликатеси. Локален специјалитет е октоподот што не е за чудење со оглед на тоа дека градот е сместен на брегот на Галиција и секој ресторан може да се пофали со сопствена верзија на јадења со октопод. Она што го прави посебно привлечен за туристите е тоа дека цените се пристапни и фактот дека е оддалечен на само 45 минути возење со траект од островите Циес што се одликуваат со едни од најубавите плажи во Шпанија. извор: Кафепаауза.мк

Прекрасен европски град кој ќе ве маѓепса со своите знаменитости, а во кој кафето и пивото се за џабе

Слободанка Илиева — Fri, 27 Nov 2020 13:00:01 +0000

Лавов го има еден од најубавите плоштади во тој дел од Европа. Куќите и зградите на тој простор изградени се во различни стилови - од ренесанса до модернизам. Лавов е град во западна Украина, близу границата со Полска. Лежи на реката Полтва и го зазема првото место во Украина по бројот на зачувани културно-историски споменици, а со својата убавина и широката лепеза на различни градби се истакнува меѓу градовите во средна и источна Европа. Тој е и под заштита на УНЕСКО. Што да посетите таму? Поради своите културно-историски споменици тој го има еден од најубавите плоштади во Европа, составен од 44 куќички кои што се изградени во различен стил - од ренесанса до модернизам. Една од најубавите куќи таму е „Црната куќа“ која што е прекрасен пример за ренесансната украинска култура. На плоштадот се наоѓаат и четири фонтани, скулптури кои што симболизираат митолошки суштества - Нептун, Дијана, Амфитрит и Адонис. Голем број споменици доминираат и во средишниот дел од градот кој што датира од 16 и 17 век, а многу од историчарите го сметаат за „музеј на отворено“. Севкупната архитектура на градот ја дополнуваат и црквите. На плоштадот на слободата се наоѓа и Оперскиот театар со останатите девет театри и 60 музеи, а овој град го прават престолнина на културата. Што да јадете и пиете и какви се цените? Најпознатото украинско јадење „вареники“ - кнедли т.е. топчиња од тесто без квасец, полнети со пире, кисела зелка, сирење, варени јајца... Таму има и превкусни украински палачинки од компир „deruny“, пробајте и грузиски „knachapuri“, леб полнет со сирење и јајца. Во овој град ќе може да се опуштите малку повеќе од останатите популарни туристички дестинации. Цените понекогаш се „смешни“. На пример, пиво може да добиете за 50 денари, а кафе за 30 денари. извор:точка.ком.мк

Радоста и задоволството да бидат обострани: Сузана Турунџиева сподели уште една „убост“ од посетата кај Атиџе (видео)

Христина Ѓоргиевска — Tue, 22 Sep 2020 07:33:25 +0000

Иако поради коронавирусот оваа година нема вообичаени летни одмори, Сузана Турунџиева го искористи ова лето за да ужива во убавините на Македонија и да ги посетува природните македонски убавини. Така, Сузе неодамна оствари средба со македонската хероина од „Медена земја“, Атиџе Муратова, а како што истакна самата ова е најдоброто нешто што и се случило во 2020та година. Турунџиева преку фотографи и видео на кое ја пејат „Македонско девојче“ објасни како изгледала нејзината посета кај Атиџе. https://arhiva.vistina.com.mk/radio-mileva/suzana-turundzieva-na-gosti-kaj-atidze-ova-e-najdobroto-koe-mi-se-sluchi-vo-2020-godina-foto-video/ Дека оваа средба поставила впечаток кај македонската водителка и писателка покажува и тоа што Турунџиева деновиве повторно сподели еден момент од оваа гостување кај хероината кој беше номиниран на „Оскарите“. Имено, Сузе на својот „Фејсбук“ им се обрати на оние кои ја критикуваа дека ја посетила Атиџе поради маркетинг, а на оние кои се израдуваа на нејзината посета им подари видео на кое заедно со Муратова ја пејат „Чекор по чекор“. Знам дека многумина се израдувавте на сликите и видеата со Атиџе, ама добро знам дека има и такви кои превртувавте очи и коментиравте дека сум отишла таму за да си правам маркетинг... Е па вам (на вторите) не чувствувам никаква потреба да ви објаснувам зошто бев и како стигнав до таму, а за оние првите, кои се радуваат на се што е добро и кои ја сакаат Атиџе им го подарувам хитот на Атиџе "Чекор по чекор". Радоста и задоволството да бидат обострани“. Меѓутоа, тоа не беше се, па Сузана продолжи да споделува убави моменти од средбата, а овој пат сподели како Атиџе пее турска песна. „Сакам со вас да споделам уште една убост за Атиџе. Кога и реков дека ми е многу интересно што како Турчинка сите песни кои ги има компонирано (Чекор по чекор и Јас ќе одам мајко“) се на македонски јазик, таа веднаш посака (за сите пријатели Турци) да испее една стара турска песна“, пишува водителката во описот, а како изгледаше тоапогледнете во видеото подолу.

Војвотката од Кембриџ, Кејт Мидлтон заврши во затвор, еве ја и причината

Христина Ѓоргиевска — Fri, 31 Jan 2020 11:51:08 +0000

Војвотката од Кембриџ и сопругата на принцот Вилијам уште еднаш покажа дека знае да се облече во согласност во приликата. Имено, Кејт Мидлтон го посети женскиот затвор „Сенд“ каде се одржува програм за одвикнување на дрога и алкохол на затвореничките. Овој програм е под покровителство на "Forward Trust Charity чиј ментор е Кејт Мидлтон. И Кејт Мидлтон е во фоксуот на вниманието поради актуелните случувања во кралското семејство кога Меган и Хари одлучија и да не бидат дел од кралското семејство. Ова не е првпат Кејт Мидлтон да го посетува овој затвор, а за ова прилика одбра долг капут во комбинација со здолниште со леопардски принт. За потсетување, неодамна снаата на Кејт, Меган Маркл се повлече од кралското семејство, а во медиумите се проширија шпекулации дека наводно тие веќе не разговараат.