Сопругата на голманот на „Црвена Ѕвезда“ знае како се живее: 48.000 евра за 4 дена уживање во хотел во Црна Гора (ФОТО)

Антонио Димитриевски — Mon, 20 Mar 2023 10:49:57 +0000

Снежана Борјан отпатувала во Црна Гора каде изнајмила многу скап претседателски апартман во кој престојуваат претежно странци. Тренирала секое утро, јадела суши, пиела сокови и одела во спа. Снежана Борјан потрошила 48.000 евра за четири ноќевања во хотел во Црна Гора. Сопругата на голманот Милан Борјан престојуваше во претседателскиот апартман во Портонови, каде ноќевање чини неверојатни 12.000 евра. „Со оглед на тоа што е голем хедонист и не штеди пари, изнајмила апартман со поглед на море од дури 300 метри квадратни. Таа е една од ретките Србинки кои престојувале во тој стан, бидејќи поради превисоките цени најмногу е резервиран за луѓе од странство“ - ја започнува приказната извор близок до семејството Борјан. Соговорничката вели дека, иако имала на располагање цела армија луѓе кои и биле на услуга, од готвачи до батлери, таа не барала ништо од никого. „Снежана беше главно надвор од станот, бидејќи имала состаноци. Денот и започнал со кафе и овошје, а за ручек јадела суши и пиела цедени сокови. Воопшто не се пофали како што многумина доаѓаат во претседателскиот апартман. Тренираше секој ден, а низ комплексот се шеташе во хеланки, качулка и без грам шминка“ - вели изворот. „Најмногу ја фасцинираше бањата и кадата, кои се разликуваат од кој било друг хотел. Таа уживаше во топлите бањи и во воодушевувачкиот поглед кон морето. Отиде и во бањата, која е една од најдобрите во Европа. Има неколку сауни, солена соба, турска бања и џакузи со бројни масажери. Иако четири дена во хотелот платила мало богатство, секојдневно доплаќала за масажи. „Снежана имаше толку состаноци што ја болеше грбот од седење, па секоја вечер одеше да ја масираат. Давала и по 100 евра по масажа. Но, таа не се покаја, бидејќи по масажата беше добра како нова. Соговорничката ни откри и дека Снежана гледала во вилите лоцирани во имотот на Портонови, а особено ѝ привлекла една што била до куќата на Новак Ѓоковиќ. „Цел ден ги посетуваше становите со некои луѓе, а во рацете држеше голема папка со куп хартии. Луксузните станови ги коментирала на англиски со своите деловни партнери. Им кажала дека и се допаѓаат две вили - едната до куќата на Ноле, а другата во близина на станот на Јанко Типсаревиќ. Цело време ги фотографирала, но не кажала дали планира да купи вила за изнајмување или за себе и за семејството“ – заклучува изворот. Фото: Инстаграм принтскрин/snezanafi

Благој Блаж Маротов има нова песна во која можеби ќе се пронајдете и вие – „Лаго моја“ (ВИДЕО)

Антонио Димитриевски — Fri, 21 Oct 2022 11:17:51 +0000

Познатиот македонски музичар, композитор и пејач Благој Блаж Маротов деновиве промовираше нова песна. Откако лани летото го промовираше својот последен албум насловен како „Среќа барам“ на која работеше две години, музичарот годинава одново е активен. Новата песна носи наслов „Лаго моја“ и во неа уметникот ги демонстрира сите свои музички и авторски способности, како и свиречката виртуозност. Станува збор за уште една негова песна, на која тој е потпишан како автор на музиката, аранжманот, продукцијата и секако негова е изведбата, а свири “живи инструменти” како гитари, бас, клавир и самиот ги пее придружните вокали. Стиховите се дело на стариот добро проверен мајстор на лириката, текстописецот Огнен Неделковски. „Текстот на Огнен го имав уште на почетокот на пандемијата, ама поради редот на нештата и работата на многу други обемни музички материјали, пред се албумот со забавни песни “Среќа барам” и албумот со етно преработки “Класика М”, оваа песна почека и редот на “Лаго моја” и дојде сега. Малку е во во изменет стил, за разлика од првата сосема различна верзија, но сепак на мое и на задоволство на Огнен. Во песната учествува и мојот колега професор Петар Колевски на кларинет. Мастерингот го направи Диџеј Партимен“ - открива авторот и изведувач. И спотот е снимен според негова идеја и замисла. „Во спотот се користени материјали од преубавиот “Ресорт Портонови” во близина на Херцег Нови, и некои скопски локации, како “Хантерс Лоуџ Камник”, Градски парк, Автокоманда… Во спотот како мои гости се појавуваат и Дамјан Ѓоргиев и Петар Колевски“ - вели Блаж промовирајќи ја новата песна која овој пат е отсвирена во џезиран поп - свинг манир. Како звучи „Лаго Моја“ на Блаж Маротов, проследете во видеото за песната во продолжение (КЛИКНИ ТУКА):

портонови – Вистина.мк

Сопругата на голманот на „Црвена Ѕвезда“ знае како се живее: 48.000 евра за 4 дена уживање во хотел во Црна Гора (ФОТО)

Благој Блаж Маротов има нова песна во која можеби ќе се пронајдете и вие – „Лаго моја“ (ВИДЕО)