пораснал – Вистина.мк

Уживаат на плажа среде зима: Jeлена Јованова покажа колку потпораснало синчето (фото)

Христина Ѓоргиевска — Fri, 04 Feb 2022 08:33:41 +0000

Актерката Јелена Јованова публиката ја освои со нејзинита улога на Јелена од Драчево во „Преспав“ . Изминатиот период Јелена често беше во Скопје поради снимањето на шестата епизода на „Преспав“ кој заврши неодамна, а веќе сите се прашуваат дали ќе има и седма сезона. Јелена e актина на „Инстаграм“ , но најчесто споделува фотографии од професионалниот живот. Кога станува збор пак за нејзината приватност, Јелена ужива во брак со актерот од Хрватска, Стјепан Периќ. Македонската актерка со хрватска адреса на живеење многу ретко, речиси никогаш не споделува приватни моменти со сопругот со кој го има и синот Јаков. Нивната љубов се случи пред камери во 2014 година кога заедно ја снимаа серијата „Тајни“, каде Јелена ја имаше главната улога. Таа ужива во семејната идила зад камерите. Меѓутоа, овој пат Јованова направи исклучок и сподели фотографија со синчето. Имено, додека многумина среде зима уживаат на некоја планина, таа ужива на плажа во Хрватска. Во кусите приказни на „Инстаграм“ сподели фотографија на која позира заедно со наследникот на плажа покрај море. Нема сомнеж дека актерката ги полни батериите и ужива во љубовта со своето детенце. За потсетување, Јелена и Стјепан во 2020 првпат се реализираа во улогата на родители. фото: Инстаграм/jelenajovanovaperic

Животната тајна на Шабан Шаулиќ: Вонбрачниот син Роберт и синот Михајло за прв пат се сретнаа на погребот на нивниот биолошки татко!

Антонио Димитриевски — Mon, 25 Feb 2019 09:53:48 +0000

Роберт Шаулиќ, вонбрачниот син на Шабан, присуствуваше на погребот на неговиот биолошки татко каде за прв пат се сретна со своите полубрат и полусестра. Иако со години не го имал видено Шабан и немал контакт со него и неговото семејство, Роберт Шаулиќ тешко ја поднел веста за смртта Шабан, кој почина на 17 февруари во сообраќајна несреќа во Германија. На погребот на легендарниот пејач тој влгол во капелата и на семејството му изразил сочувство, а според очевидци му пришол на неговиот полубрат Михајло и со насолзени очи се поздравил со него, што официјално била нивна прва средба во животот, пренесува српски Курир. Шабан Шаулиќ Роберт го добил во 1972, како вонбрачно дете со една Србинка, која тогаш работела во Германија. Неколку години подоцна, тој се сретнал со својот сопруга Гордана, со која ги има ќерките Санела и Илда и синот Михајло. Нена, мајката на Роберт работела во Германија и го оставила уште како бебе кај својата тетка во Батајница. Еден ден тетката одлучила да го однесе во Зрењанин, кај баба му и дедо му, бидејќи неговата мајка Нена не испраќала пари за неговото издржување. „Тогаш, мојот покоен сопруг и јас поминавме пред куќата каде што живееа родителите на Нена и го видовме бебето на улица. Тогаш имаше само 10 месеци. Јас веднаш го одведов во нашата куќа, и малиот Роберт веднаш ми легна на срце“ - вели сосетката радованка, попозната како баба Сека, жената која го одгледала и пораснала и со која и ден денес живее Роберт, вонбрачниот син на Шабан. „Шабан и Гоца редовно доаѓаа да го посетат Роберт. Шаулиќ ми даде златни обетки, кои ги носам и денес, и ми подари скапи вазни. Тој ми даваше пари за сè што му е потребно на Роберт, а го одведов во бањаРусанда кај Меленци на терапија за да прооди. Додека работев во градината, го носев Роби на грб и копав. Сепак, тој наскоро прооде, но и ден денес сé уште крив на едната нога“- ќе изјави Радованка за српскиот Телеграф. Таа вели дека Шабан редовно ја повикувал за да праша дали на Роберт му треба нешто. „Тој кришум доаѓаше да го видам во мојот двор. Тоа го правеше со години. Речиси половина од животот на Роби беше така. Кога го прашав Шабан зошто не му посветува поголемо внимание на Роберт, тој само молчеше“ - заклучила Радованка. Фото: Владимир Спорчиќ/Филип Плавчиќ/ Немања Николиќ

Tрошна куќа на село: Вака изгледа домот во кој пораснал Топалко (фото)

Христина Ѓоргиевска — Sun, 29 Apr 2018 09:54:42 +0000

Кога се појави на сцената на Гранд во регионалното музичко шоу „Ѕведите на Гранд“ сите беа воодушевени од неговиот глас. Некои го критикуваа дека е „стар“ за да гради кариера, но тој сепак успеа да се покаже на музички пат. Милан Топалковиќ Топалко денес важи за еден од подобрите пејачи на српската естрада и има многу настапи од кои заработува и може да си дозволи удобен живот. Милан се родил во селото Трудoву, општина Нови Варош. Вака изгледаш домот во кој пораснал познатиот пејач.

фото: принстскрин/јутуб