поранешна сопруга – Вистина.мк

Сè пука од луксуз: Ѕирнете во станот кој Аца Лукас и го остави на поранешната сопрyга (фото)

Слаѓана Атанасова — Tue, 27 Feb 2024 07:59:15 +0000

Пејачот Аца Лукас, по разводот со сопругата Соња Вуксановиќ, се пресели во стан во Вождовац, а неговата поранешна и ќерката останале да живеат во семејната вила на Бежанијска коса. Со оглед на тоа што Соња е многу активна на Инстаграм, често објавува детали од својот дом каде ужива во друштво на ќерките. Омилен детаљ и е огледалото кое се протега по целиот ѕид, а во кое покрај совршените аутфити кои ги фотографира пред него, можете да ја видите и целата дневна соба, украсена како во бајка. Домот е украсен со уметнички дела, скапи детали, но и убави цвеќиња во кои Соња посебно ужива. Да потсетиме, пејачот Аца Лукас крена голема прашина со автобиографската книга „Ова сум јас“ во која откри непознати детали од неговиот бурен живот. Најголема врева се крена околу неговиот живот со Соња Вуксановиќ. По детално опишаните кавги и навреди и нападите дека Лукас наводно ја изневерувал , се појавија нови детали од книгата во која пејачот открил дека Соња наводно го изневерувала со кошаркар. Како што напиша Лукас по бројните расправии, нивниот однос бил исклучително лош, а се се сведувало на заеднички живот поради нивната ќерка и медиумите. Потоа планирале и патување во Америка, но Лукас бил одбиен за виза и Соња решила да оди сама. Фото: printskrin/instagram//SF__FASHION__STYLE

Првата сопруга на Жељко Јоксимовиќ привлекува големо внимание: Атрактивната црнка се фотографираше во проѕирна мрежа и шорцеви (фото)

Слаѓана Атанасова — Fri, 10 Nov 2023 12:06:24 +0000

Првата сопруга на пејачот Жељко Јоксимовиќ, Весна Јоксимовиќ, привлекува бројни коментари со интригантните фотографии на социјалната мрежа Фејсбук. Весна овој пат се фотографирала во многу предизвикувачка поза, облечена во плетена маичка со големи шлицови и тексас шорцеви кои ги истакнаа нејзините затегнати нозе. Неспорно е дека Јоксимовиќ и на оваа возраст добро го одржува изгледот. Нема сомнеж дека напорно тренира и се грижи за своето тело, а тоа новите фотографии можат да го потврдат. Инаку, Жељко Јоксимовиќ ретко зборува за својата прва сопруга, а еднаш направи исклучок, кога рече дека се во добри односи. - Весна е мајка на моето дете и има посебно место во мојот живот. Би било грдо да беше поинаку. Всушност, ние никогаш не се разделивме. Секојдневно разговараме и имаме одличен однос – изјави еднаш тој. Фото: Принтскрин/Фејзбук/Весна Лалиќ

Првата сопруга на пејачот Кнез и мајка на Ксенија Кнежевиќ сè уште мами воздишки, а еве како сега изгледа (фото)

Слаѓана Атанасова — Tue, 01 Nov 2022 11:36:32 +0000

Ксенија Кнежевиќ, поранешна членка на групата „Хурикајн“, привлекува големо внимание кај јавноста и со талентот за музика и со својот изглед. И додека пејачката често зборува за врската со нејзиниот татко Ненад Кнежевиќ Кнез, малку се знае за нејзината мајка. Во 2013 година, Кнез се разведе од поранешната сопруга Нина, со која имаше две ќерки. А како што велат многумина, Ксенија многу личи на Нина. Иако талентот за музика го наследила од својот татко, се чини дека убавината ја наследила од мајка си, а доказ за тоа се фотографиите на Нина објавени на Фејсбук. Ненад Кнежевиќ Кнез и Нина се венчаа во ноември 1995 година во Белград, додека мајката на Ксенија била бремена со неа во осмиот месец. Нина важеше за една од најубавите жени во тоа време, многумина ја сметаа за најфатална белграѓанка, но таа избегнуваше да се појавува во јавноста, што е случај и сега. Инаку, Нина и Кнез беа во брак со години, во кои покрај Ксенија добија уште една ќерка - Андреа. Пејачот еднаш изјави дека разводот дошол како резултат на долгогодишно несогласување во карактерот. Фото:Принтскрин/Фејзбук

Таткото на актуелната задругарка Супер Цвета е во врска со кумата: Лазар живее со поранешната сопруга на Рамбо Амадеус (фото)

Слаѓана Атанасова — Fri, 23 Sep 2022 10:08:02 +0000

Актуелната задругарка Цвета Жарковиќ, која сите ја знаат како Супер Цвета, ја загуби мајка си пред речиси шест години, а нејзиниот татко, белградскиот златар Лазар Жарковиќ, по неколку месеци почна да живее заедно со поранешната сопруга на неговиот кум Рамбо Амадеус. Маќеата на Цвета е Карин Пушиќ, која своевремено беше мажена за популарен музичар. Добро упатен извор близок до семејството Жарковиќ откри детали од животот на таткото на Цвета и неговата партнерка. - Лазар и Карин живеат заедно речиси пет години. Кога мајката на Цвета починала, тој по неколку месеци ја донел Карин во својот стан. Тие двајца се познавале долго време пред да стапат во врска, преку нејзиниот поранешен сопруг Рамбо Амадеус. Музичарот и Лазар биле долгогодишни пријатели, а подоцна и кумови - раскажал изворот и објаснил како Лазар стапил во врска со некогашната кума. - Рамбо и Карин се разделија и се помирија. Колку што знам не го изневерила со Лазар, се развела пред сегашната врска. Двајцата имаат слични интереси, тоа го знаеле и кога Карин била во брак. Кога се во Србија, живеат во неговиот стан во центарот на Белград, во близина на Славија, а често го поминуваат времето и во Белгија. Тој е познат златар од Белград и е доста богат, често патуваат, а заедничка страст им е возењето мотори - објаснил тој. Додека, нејзината пријателка Анѓела, не сакала да коментира за нејзините родители: - Со Цвета сме пријателки, но не би коментирала за нејзините семејни работи бидејќи не сум добро информирана за деталите од врската со Карин - објаснила кратко. Фото: Принтскрин/М.Митровиќ/М.Павковиќ

Мистериозната жена со која се ожени кралот на попот, делумно се обвинува за смртта на Мајкл Џексон (фото)

Слаѓана Атанасова — Mon, 05 Sep 2022 06:51:42 +0000

Поранешната сопруга на Мајкл Џексон откри неколку детали за смртта на кралот на попот. Во американскиот документарен филм „TMZ Investigates: Who Really Killed Michael Jackson“, Деби Роу низ солзи вели дека требало да направи нешто кога видела дека пејачот е зависен од лекови против болки. Во еден клип од документарецот, Деби вели: "Тоа е делумно моја вина. Требаше да направам нешто, а не направив. Има многу луѓе кои умреа од зависност и јас бев дел од тоа на некој начин". Имено, Мајкл Џексон почина од срцев удар во јуни 2009 година, а во телото имаше од моќниот седатив Пропофол доволно за да убие носорог, изјавил во документарецот поранешниот судски вештак, ЛАПД-а Ед Винтер. Роу се омажи за Џексон во 1996 година и беше сурогат мајка на децата Принц и Парис. Таа беше асистент на врвниот дерматолог Арнолд Клајн, кој почина во 2015 година, и кој даваше моќни лекови против болки на Џексон и на други познати личности. Во една прилика Роу призна на ТВ Фокс: „Всушност бев лоша како Клајн и многу ми е жал што бев дел од тоа“. Поранешната сопруга на пејачот одби да зборува конкретно за Џексон во документарецот и избра да се фокусира на Клајн, познат и како татко на ботоксот. Исто така, со децении, таа зборуваше во медиумите дека му била медицинска сестра на Џексон и помошник на Клајн додека тој го лекувал музичарот. За време на судењето за смртта на Џексон во 2013 година, таа го обвини нејзиниот поранешен шеф за хранење на навиката за дрога на Џексон. Клајн, кој исто така беше познат по тоа што лекуваше други ѕвезди како Елизабет Тејлор, почина на 70-годишна возраст во Калифорнија во 2015 година. Нејзината врска со Мајкл беше обвиткана во тајност. Само неколку луѓе присуствуваа на нивната необична венчавка, која се одржа во хотелот Шератон на Парк на 13 ноември 1996 година, додека Џексон беше на неговата турнеја „по повод албумот „HiStory“. Впечатливо е и тоа што Роу носеше нетрадиционална црна венчаница. Тајноста околу венчавката била толку силна што никој не ја потврдил ниту негирал откако се случила. Вработените во Шератон дури се заколнале дека Џексон не ја напуштил својата соба, објави „Ајриш тајмс“. Поранешната двојка наводно се запознала 15 години пред свадбата, кога Мајкл бил на третман за кожна болест. Се шпекулираше дека Роу всушност го тешел Џексон по раскинувањето со ќерката на Елвис Присли, Лиза Мари, а Роу и Џексон од тогаш станале големи пријатели. Фото:Принтскрин/Профимедиа

Тешка исповед на поранешната сопруга на Мишо Ковач за ноќта кога го загубиле синот и распадот на некогаш среќното семејство (фото)

Слаѓана Атанасова — Mon, 15 Aug 2022 09:49:57 +0000

Љубовната приказна на мисицата Анита Батурина и музичарот Мишо Ковач започнала кога таа имала само 18 години, а тој бил во брак со Љубица Ковач. Веста за оваа афера одекна како бомба во 1971 година. По две години парот се венча, набрзо се роди синот Еди, а потоа и ќерката Ивана. Живееле во Загреб, во луксузен стан во Горњи град, го обиколиле речиси целиот свет, а медиумите ги хранеле со приказни за мирен семеен живот без конфликти и афери. Сликата на идеално семејство траеше до почетокот на 90-тите, кога нивниот син Еди беше убиен во војната. Батурина ја раскажа приказната за тоа што точно се случило и како семејството се распаднало. Анита сега во голема исповед за „24 sata.hr“ раскажа за трагичната ноќ кога го загубиле синот. - Јас и Мишо ги воспитувавме да бидат секогаш добри со другите деца и да им помагаме, па секогаш беа опкружени со своите врсници. Потоа дојдоа 90-тите. а Еди стана „Bad Blue Boy“. Се сеќавам дека почна да гледа воени филмови со своите пријатели. Почна да зборува дека сака да војува, иако имаше само 16 години. Му реков на Миша дека тоа воопшто не ми се допаѓа и дека мораме да направиме нешто за да го фокусираме на училиштето, но Еди не попушти, се присетува Анита на настаните пред трагедијата. - Мишо тогаш имаше добар пријател кој водеше воена единица, па кога виде дека Еди сака да го доживее воениот живот, го замолил пријателот да го земе. Бевме убедени дека по неколку дена ќе му здодее строгата дисциплина, но се случи спротивното. Еди прв станувал, правел се што му било кажано, спиел на подот, и се покажал како примерен војник. Беше маѓепсан од идејата дека еден ден ќе биде како филмските херои. Се врати дома и продолжи да сонува за војна, вели Анита за деновите пред смртта на Еди. - Мишо тогаш направи глупост. Купил пиштол и му го дал на Еди. Го молев да не го прави тоа, да му става оружје во рацете на детето, но Мишо имаше огромна доверба во Еди и ми тврдеше дека нашиот син е доволно одговорен и знае што има во рацете. И Еди повеќе не се одвојуваше од пиштолот. Го носеше и на состаноци. До таа кобна вечер, Еди секогаш се јавуваше ако останеше подолго и секогаш знаевме каде е и што прави. Но, тој не одговори вечерта и не дојде дома дури во 22 часот, дури во 23 часот, ни до полноќ. Се шетав низ станот луда од грижа, со лошо чувство. Го молев Миша да направи нешто, да оди да го бара. И тој беше надвор од себе од грижи, но не знаеше кому да се јави, каде да оди. Излегував пред куќата, гледав по улицата, чекав од некаде да се појави Еди. Околу три и пол по полноќ ни заѕвони телефонот. Мишо одговори и остана без зборови. Полицијата го известила дека Еди е во Драшковиќева, во Трауматолошката болница и му рекле дека Еди „има полесна повреда на мозокот“. Тие веднаш отишле во болница и тогаш за последен пат го виделе својот син. - Смртта на дете е со сигурност најлошото нешто што може да им се случи на родителите. Дотолку повеќе што првичните прогнози беа охрабрувачки и ништо не навестуваше таков крај. Мишо бил целосно скршен човек, а како што вели Анита, веднаш видела дека нема да може да се справи со тагата поради губењето на синот. - И јас се распаѓав, но на Миша му реков дека мора да се стегнеме поради Ивана. Беше на чувствителна возраст, имаше 14 години, го загуби својот сакан постар брат, а потоа гледаше како ние двајца само плачеме и молчиме. Нашето девојче страдаше сама - ги опишала Анита најтешките денови во нејзиниот живот, кои доведоа до целосен распад на некогаш среќното семејство. Фото:Принтскрин/YT/Јутјуб

„Ако ви кажам дека таа жена ми помогна околу погребот на мајка ми, тогаш ви кажав сè“: Карлеуша откри непознати детали за бившата сопруга на претседателот на Србија

Христина Ѓоргиевска — Tue, 01 Feb 2022 10:39:20 +0000

Ксенија Вучиќ, поранешната сопруга на претседателот на Србија изненадно почина на 56 години. Тажната вест за нејзината смрт на социјалните мрежи ја сподели Александар Вучиќ. Бројни личности преку социјалните мрежи се простија од познатата новинарка. Една од нив и е пејачката Јелена Карлеуша која на „Инстаграм“ стори откри детали од разговор со Ксенија. Во пораката таа ја откри и најголемата тајна на бившата сопруга на Вучиќ. -Ксенија Вучиќ беше жена која многу пати ми помогна во животот. Од големи работи до ситници...За жал, често пати бев на мета, а тоа на неа и пречеше...Ако ви кажам дека ми помогна околу погребот на мајка ми, тогаш се ви кажав. Таа беше која ја побарав за помош. Од толку мажи, јас неа ја имав. И секој пат ќе ми пружеше рака од срце. Многу сум тажна поради нејзината смрт. Ќе откријам и една виситна за неа за која мислам дека нема да ми забележи. До последниот ден беше заљубена во бившиот сопруг и зборуваше само за него и децата. Почивај во мир драга Ксенија, секој кој те знаеше е многу тажен, напиша Јелена на „Инстаграм“. фото: стефан стојановиќ/инстаграм/karleusastar

Милутин Мркоњиќ Мрка неколку години е врска со Ана Бекута, а еве како изгледа неговата претходна сопруга и со што се занимавала (фото)

Христина Ѓоргиевска — Thu, 21 Oct 2021 09:04:04 +0000

Поранешната сопруга на Милутин Мркоњиќ Мрка е Драгана Даша Мркоњиќ која со години работела како адвокат, а подоцна како и судија. Тие беа во брак повеќе од 30 години, а бидејќи се зборуваше дека Мрка и за време на бракот бил и со други жени, неговата сопруга изјави: „Слушајте, мојот сопруг е швалер и не се лутам“, порача тогаш сопругата на Милутин. И покрај разводот, Даша и Марка останале во добри односи. Медиумите пишуваа дека Мрка се уште се грижи за неа, а и дека таа е фан на Ана Бекута. Исто така тие се пишуваа дека тие се и во добри односи. „Навистина немам ништо против тоа што се гледаат. Јас го почитувам неговото минато, како што и тој го почитува моето. Ние од самиот почеток ги поставивме работите на свое место. Не ми паѓа на памет да му забранувам да се гледа со неа. Таа е сама и нема никој“ изјави Бекута во една прилика. „Никогаш не бев љубоморна, а немам причина и сега да бидам. Јас сум свесна жена. Ние не калкулираме во љубовта. Се однесуваме како се чувствуваме. Ни годи што нон – стоп сме заедно“, изјави Ана за „Блиц“: Еве како изгледа претходната сопруга на Мрка. фото: приватна архива/рас србија/рас србија

Со новата љубов и нови проблеми: Поранешната сопруга на Бен Афлек забранила на Џенифер Лопез да се приближува на нивните деца

Христина Ѓоргиевска — Tue, 01 Jun 2021 10:05:18 +0000

По вестите дека Џенифер Лопез и Бен Афлек ја обновиле романсата по 17 години, парот не престанува да биде главна тема во регионалните и светските медиуми. Неодамна, двојката повторно беше уловена на романтичен одмор во Мајами, но веста дека Џенифер и Бен повторно се заедно изгледа не им се допаѓа на нивните поранешни партнери. Имено, како што пишува „National Enquirer“, Џенифер Гарнер, поранешната сопруга на Бен Афлек со која има три деца, забранила Џенифер Лопез да се приближува на нивните деца. „ Џен за сето ова со Џеј Ло е многу тажна затоа што е свесна колку Бен е нестабилен во моментот и колку мора да му биде збунувачко за ова обновување на старата љубов. Тој е изгубен веќе некое време и тоа се гледа од ваквите несовесни и ненадејни одлуки. Но, како и секогаш, Бен не сака ничија помош, па овој пат ќе мора да се изгори на сопствена кожа, но на Џен ѝ е доволно“, вели извор извор. ‘Кога Бен беше со Ана де Армас, на Џенифер не и пречеше да биде вклучена во животот на нивните три малечки, пред се затоа што чувствуваше дека врската е сериозна и води кон заедничка иднина. Но, откако раскинаа, таа одлучи дека повеќе не сака да ги вовлекува децата во љубовниот живот на нејзиниот татко, па му забрани на Бен да ги запознае децата со Џеј Ло. Таа е свесна дека ова е само минлива авантура и на нејзините деца не им треба друга личност која ќе влезе во нивните животи преку ноќ и ќе ги напушти исто толку брзо “, вели изворот. Џенифер и Бен Афлек досега не се огласија по повод пишувањата дека повторно се заедно.

Милица Тодоровиќ се запознала со поранешната сопруга на Петар Стругар, па откри што мисли за неа

Христина Ѓоргиевска — Wed, 19 Feb 2020 10:19:25 +0000

Пејачката Милица Тодоровиќ вели дека ја познава поранешната сопруга на нејзиното момче, актерот Петар Стругар. Петар беше во брак со неговата колешка Ивана, а заедно имаат син Зари, а Тодоровиќ имаше само пофални зборови за екс сопругата на својот партнер. „Се знаеме. Ивана е прекрасна, феноменална личност и цар. Ние сме во супер односи. Синот исто така е прекрасно и препаметно дете. Тоа е реткост, но со мене тоа не е проблем. Кога ќе запознаеш нормални луѓе, ништо не е тешко“ вели Милица. За потсетување, Милица неодамна призна дека Петар е грижлив татко. „Да, да. Петар е многу добар татко, се грижи за Зари“ изјави Милица. За потсетување, Милица и Петар ја обелоденија својата врска во „Амиѓи шоу“, а заедно се повеќе од 3 месеци.