поранешен партнер – Вистина.мк

Зошто повторно се враќаат поранешните партнери по раскинувањето?

Слободанка Илиева — Thu, 09 Nov 2023 13:52:34 +0000

Долгите разговори со пријателите, непроспиените ноќи и постојаното прашување: „Зошто не успеа?“ – важно е воопшто да не се размислува на овие прашања по раскинувањето. Потоа, следува фазата на закрепнување во која полека учите да живеете без партнерот, да се смеете, да уживате во секој нов ден. Но, одеднаш една навечер пристигнува порака или повик од поранешниот партнер. Некои веднаш ќе го прекинат контактот, додека некои одново ќе ги почувствуваат старите пеперутки во стомакот. Психолозите веруваат дека во рок од две години по раскинувањето, мнозинството мажи кои самоиницијативно раскинале се обидуваат да го вратат поранешниот партнер. Зошто се случува ова? Постојат неколку причини: 1. Разочарување во самечкиот живот Психата на мажите е подредена поинаку. Тие веќе еднаш го поминале моментот на разделба од жена, и тоа за време на разделбата од мајка си. Откако ќе го преминат прагот на стариот дом, тие размислуваат за нов живот, слобода, без ограничувања. Иднината им изгледа како среќна приказна. Но, реалноста е далеку од фантазија: празен стан, осаменост, празнина. Наскоро мажите почнуваат да се сеќаваат на предностите на заедничкиот живот, а негативните моменти се бришат од нивните сеќавања. Ова обично се случува седум месеци или година и пол по раскинувањето. 2. Чувство на поседување Додека вие ја оплакувате вашата изгубена љубов, страдате и мислите само на него, мажот чувствува дека има огромно влијание врз вашиот живот. Но, кога ќе станете независни и ќе научите да бидете среќни, можно е наеднаш да доживее чувство на љубомора. Затоа, по шест месеци или една година, поранешните избраници се обидуваат да ја „испитаат“ ситуацијата, да сфатат дали тие влијаат на вас емотивно. Ако не одговарате на повици и пораки, возбудата само расте. Му се чини дека е заљубен, дека е подготвен да ја врати избраната, но штом таа ќе даде шанса, мажот губи интерес, оставајќи ја девојката повторно со скршено срце. 3. Љубов Да, и тоа се случува. Понекогаш, за да ги разберете вашите чувства, треба да изгубите или да бидете на растојание. Честопати ни се допаѓа чувството кое се јавува кога сме во нечија близина, но го сфаќаме само кога сме во сосема поинаква ситуација. Ако парот раскинал, но подоцна успеал да разговара и да ги надмине разликите, тоа значи дека чувствата не исчезнале и дека парот има добра шанса да започне одново и, конечно, да изгради силна врска која не се плаши од криза. Откако прочитавте за правилото со седум месеци, можеби ќе сакате да прочитате и какво значење имаат соништата со вашиот поранешен партнер. Извор: sensa.mondo.rs

Пред да се вратите на поранешната љубов, поставете си ги овие шест прашања

Христина Ѓоргиевска — Thu, 05 Nov 2020 14:30:38 +0000

Зошто раскинавте? Дали навистина ви недостасува или сте осамени? Ова се само некои од прашањата што треба да си ги поставите пред повторно да го понудите срцето на поранешната љубов. Раскинувањето не е лесно да се преболи, но ако размислувате да му се вратите на бившата љубов пред првиот чекор, треба да се запрашате зошто го правите тоа. Расчистете со самите себе дали ви недостасува вашиот партнер или едноставно се чувствувате осамено и не сакате да бидете сами. Пред да реинвестирате во таа врска, поставете си шест прашања бидејќи повторно ризикувате да го скршите срцето.

1. Дали вреди да се спаси оваа врска?

Ова е многу важно прашање – само треба да ја запомните причината и да утврдите дали вреди да се спаси врската. Размислете дали можете да ги надминете работите што ве разделија, да ги решите проблемите и да се издигнете над работите што ве мачеа.

2. Можете ли да започнете одново во таа врска?

Ако одлучите да се смирите со бившиот, најдобро е да започнете од почеток, советуваат брачните терапевти. Така, ќе започнете нова врска без незадоволство и емотивен багаж што може да ве спречи. Обидете се да не му судите на бившиот врз основа на старата врска, туку фокусирајте се на новата врска.

3. Дали се сакате доволно за да не си дозволите повторно?

Ова е важно прашање, особено ако имало некаква навреда или омаловажување во врската. Дали се сакате доволно за да не си дозволите повторно вакво однесување или се согласувате на нови манипулации.

4. Дали бившиот е навистина она што го сакате или тој ја има таа титула со причина?

По раскинувањето, луѓето носталгично се сеќаваат на врските и лесно забораваат на тешките моменти. Ова е причината зошто тие често сакаат да се вратат на бившиот. Сепак, важно е да не дозволите розовите очила или страста да ви го замаглуваат видот, предупредуваат брачните терапевти.

5. Дали сте сигурни дека не правите грешка?

Враќањето назад во неговите раце му дава надеж дека работите може да се променат, и тоа не е најдобриот избор ако не сте целосно сигурни во која насока сакате да одите.

6. Дали го правите тоа за да се усреќите себеси или другите?

Најдобро е да се обидете повторно ако го правите тоа од вистински причини, во спротивно ќе повредите некого. извор: убавина и здравје

Имајте ги на ум доколку ве контактира поранешниот партнер

Христина Ѓоргиевска — Wed, 10 Jun 2020 13:30:22 +0000

Може да биде многу чудно кога поранешниот партнер ќе се појави од никаде и се обидува повторно да воспостави контакт со вас, но со овие совети научете како да се справите со таква ситуација. Вашиот поранешен партнер одеднаш започна да ви праќа пораки и повеќе од очигледно е дека тој сака да оствари контакт? Веројатно сте шокирани и не ви е лесно – не знаете дали треба да одговорите на пораките и повиците или да ги игнорирате. Ова се неколку совети и работи што треба да ги знаете пред да одлучите повторно да се дружите со таа личност.

Размислете каква трага ќе остави тоа врз вас. Ако боли затоа што се сетивте на лошите и грдите моменти и најдовте среќа по раскунувањето, најдобро е да ја игнорирате пораката и да продолжите понатаму. Запомнете, вие не должите објаснување.
Ако сè уште имате чувства, веројатно ќе сакате веднаш да одговорите. Не правете го тоа, добро размислете и дајте си време. Дали моментално се гледате со некого? Размислете за нивните чувства пред да „скокнете“ назад во старата врска и да одговори на поранешниот.
Ако врската заврши коректно, тогаш можете да одговорите на пораката веднаш и учтиво, без премногу да се прашувате. Неговите намери ќе ги дознаете многу брзо во секој случај.
Дури и ако сакате повторно да започнете врска со таа личност, дајте си време – оставете ги работите да одат бавно, за да се одвиваат работите подобро овој пат. Задолжително зборувајте за нештата што не беа добра минатиот пат.
Осигурете се дека и двајцата ја сакате истата работа, а тоа најдобро ќе откриете во еден отворен и искрен разговор.