пораки – Вистина.мк

Најубавите пораки за Денот на вљубените кои ќе разгорат нови искри

Слободанка Илиева — Wed, 14 Feb 2024 13:20:53 +0000

Доколку сте вљубени и сакате некого, веројатно имате желба да го (по)кажете тоа на што е можно повеќе начини. Понекогаш не е доволно да се каже само „те сакам“. На крајот на краиштата, како можат тие два мали збора да ја доловат длабочината и значењето на тоа како навистина се чувствувате? Наместо класичното „Те сакам“, размислете да испратите некој љубовен романтичен цитат од изборот што го направивме подолу за Денот на вљубените: „Видов дека си совршен и затоа те сакав. Тогаш видов дека не си совршен и те засакав уште повеќе“ – Анџелита Лим „Знаете дека сте заљубени кога не можете да заспиете бидејќи реалноста конечно е подобра од вашите соништа“ – Д-р Сус „Љубовта е состојба во која ви е важна среќата на друга личност“ – Роберт А. Хајнлајн „Најдоброто нешто за кое треба да се држите во животот е еден за друг“ – Одри Хепберн „Ми требаш како што на моето срце му треба отчукување“ – Непознат автор „Те сакам за сè што си, за сè што си бил и за сè што ќе бидеш“ – Непознат автор „Не е важно кој ви недостасува во текот на денот. Важно е кој ви недостасува навечер. Кога ќе ги затворите очите“ – „Волшебен шепот“ „Да сакаш и да бидеш сакан е како да го чувствуваш сонцето од двете страни“ – Дејвид Вискот „Те гледам и го гледам остатокот од мојот живот пред мене“ – Непознат автор „Ти си мојот север, мојот југ, мојот исток и запад. Мојата работна недела и мојот неделен одмор“ – В. Х. Оден „Љубовта не бара двајца луѓе да се гледаат меѓу себе, туку да гледаат заедно во иста насока“ – Антоан де Сент Егзипери „Љубов е кога седиш до некого и не правиш ништо, а се чувствуваш совршено среќен“ – Непознат автор „Какви и да се нашите души, неговата и мојата се исти“ – Емили Бронте „Ми се допаѓа што си последната личност со која сакам да разговарам пред да си легнам“ – „Кога Хари ја запозна Сали“ „Љубовта е една душа живее во две тела“ – Аристотел „Незрелата љубов вели: Те сакам затоа што ми требаш. Зрелата љубов вели: Ми требаш затоа што те сакам“ – Ерих Фром „Ако љубовта не е лудост, тогаш не е ниту љубов“ – Педро Калдерон дела Барса „Значи, нема да биде лесно. Ќе биде многу тешко. Ќе мора да работиме на себе секој ден, но јас сакам да работам затоа што те сакам. Те сакам цела, засекогаш, јас и ти, секој ден“ – „Бележникот“ „Постојат само четири важни прашања на светот: Што е свето? Од што е направен духот? За што вреди да се живее? За што вреди да се умре? А одговорот на сите четири прашања е ист: Љубов!“ – Дон Хуан де Марко „Не те сакам поради твојот изглед или твоето тело, туку затоа што пееш песна што само јас ја слушам“ – Оскар Вајлд „Бакнежот е прекрасен трик што природата го смислила за да го запре говорот кога зборовите ќе станат излишни“ – Ингрид Бергман извор:попара.мк

Пејачката Ема Радујко во шоуто на „Ами Џи“ откри кои познати фудбалери и праќале пораки

Антонио Димитриевски — Wed, 31 Jan 2024 12:53:36 +0000

Не е голема вест дека пејачките сакаат спортисти и обратно. Се шпекулираше дека Ема Радујко е во врска со познат фудбалер. Некои тврдат дека се работи за „најскапиот“ српски фудбалер Урош Рачиќ (24). Таа во емисијата „Амиџи шоу“ откри дека пораки и пишувал фудбалерот Душан Влаховиќ. Огњен ја праша Ема кои двајца момци од локалната сцена според неа се најдобри. - Душан Влаховиќ и Лука Јовиќ, ако може - одговори Ема . - Дали ти пишал Душан Влаховиќ? - праша Огњен. - Да, но порано - рече Ема . - Што ти кажува? - праша Тијана. – Пораката повеќе не се отовра – рече Ема Радујко. - И како реагираш на тоа? - праша Огњен. - Не реагирам, што да одговорам на испратен емотикон - изјави Ема Радујко во емисијата „Амиџи шоу“. Фото: Инстаграм/emaradujko

Прекрасни пораки кои може да ги испратите за среќна Нова Година

Слободанка Илиева — Mon, 01 Jan 2024 09:07:21 +0000

Најчесто во ваквите еуфорични моменти исполнети со многу возбуда и очекувања од годината што ни претстои, не знаеме да составиме ниту една реченица. Баш за да не се најдете во таква ситуација, ние ви подготвивме неколку интересни пораки, со кои можете секому на кој што ќе посакате да му ја честитате новата година. Искористете некоја од идеите и бидете уникатни во честитките: Кога се менуваат години две, нека ви донесат сѐ. Секоја желба што во срце ви се кова, нека ви ја исполни годината нова! Среќна Нова Година! Среќата нека биде вечност во вашиот дом, љубовта вечен пријател, здравјето – непресушно богатство. Среќна Нова Година! Нека Новата година ти ја осветли душата, ја исполни со најубави чувства и нека Бог ти подари сѐ што немаш а сочуваш сѐ што имаш и сакаш. Среќна Нова Година! Во Новата 2024 ви посакуваме многу подароци под вашата елка, многу среќа во вашиот дом и уште повеќе љубов во вашите срца. Среќни празници! Ако здравјето е најважно, среќата најпотребна, а љубовта неопходна, искрено посакувам тоа да биде дел од вашиот живот во оваа Нова година! Во Новата 2024 година ви посакуваме многу незаборавни моменти на среќа, радост и успех заедно со вашите најблиски. Среќни празници! Нека Новата 2024 година ви биде бисер чија школка ќе го чуваат вашето здравје, љубов и спокојство во душата и домот. Среќна Нова Година! Спокоен сон, ведра мисла, добро здравје и љубов од саканите нека бидат само дел од убавите нешта кои ти ги посакувам во Новата година. Среќна Нова!

Ќерка им е богата принцеза, а тие во долгови до гуша: Родителите на Кејт Мидлтон на плакати со понижувачки пораки (фото)

Слободанка Илиева — Thu, 19 Oct 2023 10:00:32 +0000

Нов инцидент поврзан со британското кралско семејство. Додуша, не многу директен. Родителите на Кејт Мидлтон беа цел на прилично сурова кампања, со злонамерни пораки кои се појавуваа на уличните светилки и дрвјата во градот во Беркшир, каде што живееја во последните години. Џејмс, братот на убавата војвотка, е виден како симнува плакати со понижувачка содржина, што значи дека кампањата против Мидлтонови навистина започна. Што е тоа? Зошто мештаните се лути на родителите на сопругата на принцот Вилијам? Главниот виновник, како и секогаш, се парите. Керол и Мајкл Мидлтон ја водеа компанијата „Party Pieces“, која продаваше работи за разни прослави. Компанијата беше продадена на почетокот на годината, а набргу потоа пропадна. Сепак, локалните добавувачи кои работеа со Мидлтонови сè уште не се исплатени. Компанијата е основана од Керол Мидлтон во 1987 година. Наскоро стана профитабилен бизнис и главен извор на приход на семејството. Во еден момент имале 49 вработени. Суноврат започна во времето на корона, особено за време на заклучувањето, кога беше забрането организирање забави. Малку по малку и стечајот тропна на врата. Сепак, долговите не биле подмирени, што предизвикало револт кај некои жители на градот и кампања против Мидлтонови. Така, Кејт, ниту виновна ниту одговорна, се најде во центарот на скандалот. фото: Stefan Rousseau/Getty Images/chris-jackson-getty-images

Едита Арадиновиќ го „фатила“ момчето во неверство, па призна што му направила (фото)

Слаѓана Атанасова — Mon, 09 Oct 2023 10:59:54 +0000

Пејачката Едита Арадиновиќ гостуваше во подкаст, каде призна што е најлудото нешто што го направила во љубовта. Таа се присетила на моментот кога го фатила во лага еден од нејзините дечковци, по што му го скршила телефонот и ја изела сим-картичката. Имено, пејачката еднаш пронашла пораки од друга девојка во телефонот на нејзиниот партнер, а тој се обидел да се оправда дека не ја изневерил, а потоа излажал дека телефонот е изгубен. Меѓутоа, додека биле заедно, момчето на Едита добило порака од споменатата девојка, што ја збеснало. Најдов пораки во неговиот телефон, лажеше дека не ме измамил, му верував. Направил приказна дека му паднал телефонот, дека го нашле некои ватерполисти и го вратиле. Доби порака од неа, го зедов телефонот, го скршив и ја изедов сим-картичката, а не беше микро-сим, туку поголема, рече Едита. Оваа исповед на пејачката стана вирална на социјалните мрежи, а иако таа веќе зборуваше за ова пред неколку години, сите секогаш се смеат и неверуваат дека навистина ја изела сим картичката на дечкото. Фото: Принтскрин/Тв Пинк/Инстаграм/Едита Арадиновиќ

Какви сте во кревет според начинот на којшто пишувате пораки? (18+)

Riste Zdravkov — Tue, 08 Aug 2023 07:40:22 +0000

Ако често користите емотикони, најверојатно сте гласни во кревет и секогаш му кажувате на партнерот што сакате. Ако, пак, не обрнувате внимание на печатните грешки, веројатно не ви е многу важна интимноста помеѓу вас и партнерот. Можеби знаете дека начинот на кој ги пишувате пораките открива многу работи за вас, како екстровертност или познавање на граматиката. Но, веројатно не знаевте дека начинот на кој пишувате пораки зборува многу и за тоа какви сте во кревет. Па, што открива вашиот стил на допишување за вашиот секусален живот? Како користите емотикони? Дали користите многу емотикони? Ако вашиот одговор е „да“, ова е знак дека сакате да ги искажете емоциите на други начини, покрај зборовите. Ова значи дека најверојатно сте гласни во кревет. Ако емотиконите не се ваш начин на комуникација, голема е веројатност дека вашиот партнер не знае што навистина чувствувате додека водите љубов. Не користите проверка на правопис Ако не ви е важна граматиката додека пишувате пораки, веројатно не ви е важна интимноста помеѓу вас и партнерот за време на секс. Кратки или долги пораки? Ако сте љубител на долги пораки (како еден цел пасус), ова може да биде знак дека сакате долга предигра. Меѓутоа, ако сакате многу кратки пораки - оние со само еден збор, тоа значи дека сте многу директни. Користите многу кратенки Ова може да биде показател дека барате забава додека водите љубов. Ова е често добра особина, затоа што имате тенденција да создадете удобна и опуштена атмосфера. Бројот на пораки што ги испраќате секој ден Кој е вашиот број? 10? 50? Уште повеќе? Колку повеќе пораки испраќате секој ден, толку повеќе внимание навистина сакате во кревет. Испраќате слики во пораки Ако испраќате многу слики преку пораки, очигледно сте визуелен тип, што подразбира дека генерално ги држите очите отворени додека водите љубов, затоа што сакате да ја набљудувате и проучувате секоја реакција на партнерот. Ако, напротив, никогаш не испраќате слики, многу е веројатно дека сте срамежливи и водите љубов со исклучени светла. Пишување доцна во ноќта Некои луѓе сакаат да пишуваат пораки среде ноќ. Што значи ова? Ако припаѓате на групата луѓе кои не се двоумат кога да испратат порака, веројатно сте секогаш подготвени за акција - во секое време, на кое било место. извор: crnobelo.mk

Момчето на Анастасија Ражнатовиќ, Немања Гудељ и праќал пораки на Кија Коцкар која призна се’

Слободанка Илиева — Mon, 03 Apr 2023 10:50:00 +0000

Немања Гудељ, момчето на Анастасија Ражнатовиќ, и се додворувал наКија Коцкар. Гудељ и испратил пораки на Кија, што Коцкар го потврди тоа. Имено, Кија минатата недела го однела мобилниот телефон на сервис, а сервисерот додека го менувал нејзиниот екран влегол на Инстаграм профилот на Кија и веднаш известил одредени луѓе, а тоа се случило во периодот пред неговата врска со Анастасија. Кија на неговите пораки тогаш одговараше само „накратко ха-ха-ха“, а чудно е само што нејзиниот одговор дојде после толку време.

View this post on Instagram

A post shared by Nemanja Gudelj (@nemanjagudelj)

- Тоа што се случи е страшно. Не ми е баш гајле за пораките што ми ги праќаше, ниту за било кој друг, повеќе ме интересира тоа што ми е загрозена приватноста, како и приватноста на моите пријатели кои не се јавни личности. Тука е и мојата преписка со Каќа Живковиќ, во која е јасно дека многу сме озборувале. Секако, најмногу ме загрижуваше содржината што ми ја пратија пријатели кои не се дел од јавноста, но добро, на крајот се излезе во ред. Што се однесува до Гудељ, точно е дека му одговорив со ха-ха-ха, многу подоцна откако ги добив неговите пораки. Секако дека не е мој тип, а не ме интересираат активни фудбалери - низ смеа изјави Кија. Инаку, меѓу пораките во инбокс на Кија има и пораки од познати фудбалери, од кои некои се и во репрезентацијата, а имаат и девојки и сопруги, па ја прашаа Кија за тоа, а таа рекла: - Како што кажав , не ме интересираат активни фудбалери, но секако ме импресионираат комплиментите и фактот што мажите ми се додворуваат. Инаку, дознавме и дека Кија неодамна ја прекинала долгата врска која ја криела од медиумите, а се работи за човек кој е многу моќен во Шпанија. Всушност, сите нејзини патувања во последните две години беа за него затоа што не сакаше да дојде во Србија поради нејзината популарност, бидејќи не сака да се експонира. Тој е познат во Шпанија, на нејзини години е. - После два месеци од раскинувањето, можам да кажам дека бев во многу добри односи, па не чуди што сите пораки од моето сандаче беа само за коментар ха-ха-ха! Бев фокусирана на странство, затоа се пензионирав, навистина ми требаше ресетирање, но сега се вратив - изјави Кија. фото:Instagram printskrin

Фолкерката се пожали дека среде снимање емисија, Благоја Грујовски и ги чита пораките во телефонот: Да седеше откаршија, којзнае дали колегата ќе и ѕиркаше во мобилниот или во она што го споделила Сања Барбика? (ФОТО)

Антонио Димитриевски — Thu, 16 Mar 2023 09:06:00 +0000

За да ја освежи својата музичка кариера, пејачката Сања Цинцева - Барбика неодамна направи нова фотосесија која ги разбранува социјалните мрежи и видно возбуди нејзините следбеници на истите, по што на струмичката фолкерка веднаш и се зголемија музички ангажмани. И кога се во прашање настапите и оние медиумските, во кои спаѓаат и гостувањата во различни емисии на разни телевизии. Емисијата „Везилка“ на ТВ Алфа е една од оние која на најубав и најсоодветен начин го тертира македонскиот фолклор и нашата традиција, па да се биде гостин таму е вистински престиж. Таму, покрај сите други колеги и колешки - фолк ѕвезди, еден од водителите на истата е и стариот шмекер и нејзин колега, пејачот Благоја Грујовски. Познат како проверен женски шармер, Благоја уште од младоста го ставаа(т) во разно-разни комбинации со колешките, иако пејачот никогаш немал ниту една јавна афера. Овој пат, додека се чекало да почне или продолжи снимањето, расната Барби седнала да си го провери мобилниот, дали некој во меѓувреме ја барал или и пратил некаква порака. Во црно мини фустанче со длабоко деколте кое го оддава сиот раскош на бујната предница, чепкајќи по мобилниот русокосата убавица прекрстила нозе, без да забележи дека фустанчето се собрало и поткренало, па доволно се покажало она што е под него. Додека црните гаќички на пејачката срамежливо ѕиркаат под рефлекторите во студиото, пејачот - водител седнат покрај неа, (наводно) ѕирка во нејзиниот мобилен?! Моментот на вистината го овековечиле папарцо фотограф(и)ите, а расната Барби секси позата ја споделила на еден од своите профили на социјалните мрежи... И тоа со „посвета“ до колегата. Или поточно со „јавна опомена“, дека љубопиниот Благоја на Барби и ги чита пораките?! Останува дилемата дали ќе беше загледан баш во мобилниот на колешката, ако наместо покрај неа, Благоја да речеме седеше откаршија? Фото: Фејсбук и Инстаграм принтскрин/sanjacincevaa

Прекрасни честитки по повод 8-ми март, меѓународниот ден на жената

Христина Ѓоргиевска — Wed, 08 Mar 2023 12:45:22 +0000

Денес е 8-ми март, меѓународниот ден на жените кој се празнува секоја година. Овој празник настанал како резултат на борбата за економска, политичка и социјална рамноправност на мажите и жените. Сакајте ги, почитувајте ги и честитајте им го денешниот ден на вашите најмили со некои од овие пораки со кои ќе им го покажете вашето внимание, а истовремено ќе им го направите денот уште поубав и повесел. . Биди горда што си жена. Мудра, достоинствена, храбра и силна, а истовремено и нежна и внимателна. Биди таква уште долги години. Среќен 8-ми март! 2. Нека среќата стане твоја реалност, здравјето трајност, љубовта постојано да го грее твоето срце и нека ти се оствари сѐ што посакуваш. Среќен празник! 3. Уживај во среќата, а љубовта нека биде твој најверен придружник. Искусувај само пријатни моменти во животот, не само овој, туку секој нареден ден во годината. Среќен 8-ми март! 4. Што и да се случува, една жена никогаш нема да биде заборавена и вечно ќе живее во моите срце и душа. Среќен празник, мамо! 5. Нека овој ден ти биде посебен, сонцето постојано да те грее, не затоа што си жена, туку затоа што си единствена и поразлична од другите! Среќен 8-ми март! 6. Нека секој следен ден ти биде подобар, сите желби остварени, и не заборавај на сонцето дури и тогаш кога истура дожд. Среќен празник! 7. Те сакам затоа што си најдобра, полна со разбирање и издржливост. Горда сум што си ми мајка. Среќен 8-ми март, мамо! 8. Ти испраќам ѕвезда со најубав сјај, многу среќа и бакнежи исполнети со љубов. Најубави желби за овој ден, среќен празник! 9. Секоја добрина која ја даруваш нека ти се врати во поголема мера, нека љубовта биде твоја водилка низ животот и уживај не само денес, туку и секој нареден ден. Среќен 8-ми март! 10. Сѐ додека Земјата се врти, јас ќе те сакам. Сѐ додека сјаат ѕвездите, јас ќе внимавам на тебе, а секое наредно утро ќе ти покажувам колку повеќе ми значиш! Среќен празник! 11. Среќен празник на најубавата, најуспешната и најинтелигентната жена. Секогаш стреми се кон иднината и нека те пратат само убави моменти! 12. Уживај во сознанието дека ги имаш најблиските до себе и чувството дека некому си му целиот свет. Секогаш имај на ум дека некој те сака и внимава на тебе. Среќен 8-ми март! 13. Исполни ги годините со живот, а не животот со години. Запамети дека ти си достојна за внимание секој ден, а не само еден ден во годината. Уживај во својот живот, среќен празник! извор: Кафепауза.мк

Зошто личноста за која сте заинтересирани не одговара на вашите пораки? Можно е да е до вашиот пристап

Слаѓана Атанасова — Mon, 13 Feb 2023 12:15:23 +0000

Можеби има логично објаснување, а можеби се сведува на погрешниот пристап кон целата ситуација. Испраќањето пораки на личноста за која сте заинтересирани и чекањето со денови за одговор може да ве натера да се чувствувате вознемирено и загрижено за иднината на врската. Доколку постојано гледате во телефонот со надеж дека ќе видите порака од саканата личност и тоа е вашата единствена преокупација, тогаш навистина сте во неволја. Воздржете се од размислување за било што негативно, бидејќи има многу причини зошто некој не одговара со денови, а тоа не е секогаш поврзано со вас. Ако сте во слична ситуација, прочитајте за да дознаете кои се причините зошто луѓето за кои сте заинтересирани го прават тоа.

Преокупираност со работа

Урамнотежувањето помеѓу работата и личниот живот може да биде тешка задача за многу луѓе. Понекогаш постои преголем притисок на работа – присуството на состаноци, исполнувањето на рокови, држењето презентации итн. можат да го одземат целиот ден. Ако сте испратиле порака и не сте добиле одговор, тоа може да биде затоа што личноста е навистина зафатена на работа. А можеби се занимава со некои лични работи. Не го сфаќајте ова како лоша работа, особено ако сте биле на состанок само еднаш и не сте толку блиски.

Во режим на хибернација е

На некои луѓе им треба време со себе за да се подмладат и да се обноват. За интровертите, особено, е познато дека црпат енергија од себе, па често ќе ги видите како зјапаат во небото, читаат книга, гледаат филм или сами одат на прошетка за да се наполнат. Ако личноста не ви одговара, тоа може да биде затоа што и треба малку простор. Дајте ѝ го тоа и таа најверојатно ќе ви испрати порака во која ќе ја објасни ситуацијата.

Се прави неосвојлива

Ова може да биде точно ако неодамна сте почнале да се забавувате. Можеби сака да знае дали ви се допаѓа или не и како резултат ги игнорира пораките или остава долги празнини помеѓу одговорите. Покрај тоа, може да дава измешани сигнали како да сака да разговара со вас, но нема да иницира разговор или ќе исчезне со часови/дена пред да одговори. Тука исто така треба да играте паметно и да и дадете до знаење на личноста дека не сакате да играте топло/ладни игри.

Посветувате премногу внимание

Дали премногу се трудите да го привлечете вниманието на оваа личност? Дали сте ја бомбардирале со многу СМС пораки? Ако е така, тогаш тоа би можело да биде причината зошто не ви одговара. Природно е да бидете љубопитни да знаете сè за личноста што ја сакате, но ако сте премногу упорни, тоа може да оттргне некои луѓе. Можеби мисли дека сте премногу напорни и дека сето тоа се случува премногу брзо. Комуникацијата нека биде едноставна и избалансирана, не испраќајте пораки повеќе пати, не поставувајте премногу прашања во една порака, пишува „Pinkvilla“. Извор: Попара.мк