порака – Вистина.мк

Даниел Кајмакоски и сопругата Марина славеа годишнина од бракот: „Ти си најдобриот човек што го познавам“ (ФОТО)

Антонио Димитриевски — Mon, 22 Jan 2024 08:02:55 +0000

На Даниел Кајмакоски дефинитивно му цветаат рози во приватниот живот. Додека неговата бивша жена Кристина Димитри „пуштена на најсилно“ брка кариера, пејачот својот семеен „Х - фактор“ се чини конечно го пронајде во вториот брак со неговата избраничка Марина, со која животот му е претворен во семејна хармонија во која нотите на љубовта се чини сами се редат... Овој пат, без никој да диригира! Ако пред да се ожени по вторпат беше повеќе од резервиран кога е приватноста во прашање на социјалните мрежи, сега Даниел е се поактивен на социјалните мрежи. Особено откако со сопругата го добија синчето Стефан. Пред новогодишните празници ја сподели сета домашна убавина и семеен спокој огледани во новогодишната атмосфера и украсениот дом, а сега пејачот сподели нешто што претходно не го правеше, што доволно говори дека дефинитивно е среќен и исполнет со љубов. Имено, на своите Инстаграм приказни, Кајмакоски ја споделил љубовната благодарница на неговата сопруга Марина, која во вид на посвета на социјалните мрежи му ја напиша, јавно честитајќи му ја и нему и себе си годишнината од нивниот брак! А Даниел, сето тоа го зачинил со видео во кое налик на чинот кога младата за прв пат стапнува во новиот дом на денот на свадбата, ја бакнува и ја зема својата сопруга в раце, на која претходно и подарил огромен букет цвеќе и ја пренесува преку семејниот праг! Призор кој симболизира дека љубовта на пејачот и неговата избраничка и денес им блеска со истиот сјај како и првиот миг, првиот ден... И дека ништо не е променето, напротив, истата таа љубов е само посилна, поцврста, а семејната хармонија поскладна! „Ти благодарам на безусловната љубов, огромото почитување, и секојдневната поддршка. Ти благодарам што си најдобар татко на нашиот син, ти благодарам што толку ја сакаш и чуваш Нера ( нивниот пес - Кокер Шпаниел - н.з). Ти си најдобриот човек што го познавам. Среќна годишнина од бракот. Те сакам“ - напишала сопругата Марина во јавно објавената порака. А, нејзините споделени зборови заедно со кусата видео приказна се повеќе од доволна потврда дека во семејството Кајмаковски, љубова и буквално цвета! Фото: Инстаграм/daniel_kajmakoski

Неодамна се оперираше, а сега испрати моќна порака: Теодора Џехверовиќ со овие зборови им се обрати на своите следбеници

Слаѓана Атанасова — Mon, 15 Jan 2024 13:05:32 +0000

Пејачката Теодора Џехверовиќ беше оперирана на 6 јануари на Бадник поради циста која и пукна на јајникот, а сега за многумина имаше јасна порака. Таа сега објави слика од автомобилот на која позира насмеана, а потоа порача: -Што би рекол народот „не удира молња во коприва“. Да потсетиме, Теодора по операцијата и излегувањето од болница покажа како нејзината мајка се грижи за неа. Гордана и се налутила на пејачката бидејќи не ги земала лековите на време. - Испи четири, а вчера ти реков да испиеш едно. Лаже бре, само купува апчиња и не ги пие - се налути мама Џехва додека Теодора се смееше во позадина. Фото: printskrin/instagram/teodoradzehverovic

„Те сакам најмногу и засекогаш“: Огнен Здравковски се потсети на неговиот починат вујко, музичарот Зоран Џорлев

Слаѓана Атанасова — Wed, 10 Jan 2024 08:13:15 +0000

Пејачот Огнен Здравковски на неговиот Инстаграм профил на кратките приказни низ фотографии долови колку е тажен поради загубата на неговиот починат вујко, музичарот Зоран Џорлев. Тој секоја година на денот на неговиот роденден споделува колку му недостига, а така беше и сега. Зоран Џорлев почина на почетот на 2021 како последица од коронавирусот, а Огнен најпрво покажа колку таа година го „скршила“. Сега во моментите исполнети со тага тој седнал и составил една емотивна порака која јавно ја сподели. - Среќен роденден вујче мој... Мирно и со светол пат патувај кон вечноста и имај вечен спомен! Те сакам најногу и засекогаш!!! Фалиш најмногу... Потоа го отвори албумот со спомени и објави заедничка стара фотографија од нив двајцата додека свират виолина. За потсетување, Џорлев беше еден од најпознатите виолинисти. Најпознат е по обработките на македонските народни и забавни композиции, обработки на филмски, џез, етно теми. Џорлев беше професор по виолина и директор на ДМБУЦ „Илија Николовски - Луј“ во Скопје. Во јануари 2011 тој беше назначен за директор на ансамблот за народни игри и песни „Танец“, каде остана до август 2017 година. Почина на 53 годишна возраст откако ја изгуби битката со короната. Фото: PrintskrinInstagram/ognenzdravkovski

Ана Бекута на гробот на Мрка најде порака која ја изненади: „Ја барам личноста што го остави ова“ (фото)

Слободанка Илиева — Mon, 11 Dec 2023 12:40:28 +0000

Пејачката Ана Бекута се уште тагува по Милутин Мркоњиќ Мрка, политичарот во кој беше вљубена, а кој почина пред две години. При посетата на гробот на Мрка, Ана пронашла мистериозна порака, а на неа и нејзиното име и сето тоа го објавила на својот Инстаграм профил. - Пред некој ден ги најдов овие цвеќиња на гробот на Милутин, пораката „Ти благодарам што толку ја сакаше Ана“ и оддалеку ја видов девојката што го остави. Би сакала да ме контактира овде или да ми прати порака лично да и се заблагодарам, бидејќи не можев да видам кој е. Ти благодарам што ме сакаш сите овие години, особено последните две – напиша пејачката.

View this post on Instagram

A post shared by Ana Bekuta (@anabekuta1)

Да потсетиме дека Ана и Милутин важеа за многу хармонична двојка, а пејачката и по две години од смртта е неутешна. Мркоњиќ еднаш откри како се запознале и како се родила љубов меѓу нив: -Кога ја видов Ана на концертот на Шабан, не знаев која е. Пред тоа запознав многу нејзини колешки како Цеца, Снежана Ѓуришиќ, Лепа Брена, тоа е моја работа, ние политичарите постојано се среќававме со пејачки ѕвезди, но не со неа. Беше во наша близина, а јас само го прашав Шабан дали ја пее „Златиборорске зоре“, инаку навистина не знаев која е - рече тогаш, па додаде:

View this post on Instagram

A post shared by Ana Bekuta (@anabekuta1)

- На забавата по концертот на Шабан и нарачав песна на Ана и и дадов бакшиш, а таа ми рече да ја извадам бурмата. Јас ѝ одговорив: „Ќе го направам, ако ми ги вратиш парите“, што, се разбира, таа не го направи. Сите добро се смееме, изјавил тогаш тој. фото: Instagram printscreen/ anabekuta1

Не речи два пати: Од објавата на Теодора Џехверовиќ ќе ви се „преврти“ желудникот! (ФОТО)

Антонио Димитриевски — Mon, 20 Nov 2023 12:31:58 +0000

Теодора Џехверовиќ, една од најпознатите пејачки кај помладата генерација, повторно предизвика бура со своите објави. Таа секојдневно е активна на својот Инстаграм профил, а не недостигаат и провокативни содржини, иако често е мета на осуди поради ова, но тоа воопшто не и пречи. Неодамна беше на столбот на срамот поради провокативната облека на нејзиниот настап, по само неколку дена реши повторно да ги „шокира“ своите следбеници. Теодора повторно реши да се пошегува на себесвојствен начин. Таа на Инстаграм објави фотографија со пилинг на лицето и додаде во коментарот: „Само уште го*но не си ставил на лицето...“, на што допишала: „Не речи два пати!“ од што на многумина им се „преврте“ желудникот. Фото: Инстаграм/teodoradzehverovic

„Секоја девојка би паднала на неговите манири“: Александра Младеновиќ, сѐ уште под стрес поради поранешниот, испрати важна порака до сите (фото)

Слаѓана Атанасова — Wed, 01 Nov 2023 07:33:06 +0000

Пејачката Александра Младеновиќ на самиот почеток во емисијата „Амиџи шоу“ проговори за инцидентот што го имала со сега веќе поранешното момче Стефан Черчар. Имено, Александра предизвика вистинска бура во јавноста кога откри дека Стефан и крадел и се заканувал дека ќе си го одземе животот ако го остави. - Жал ми е што се се случи така. Не ми требаат овие скандали. Беше прекрасен на почетокот, тоа се случи наеднаш, се префрли во еден момент и го покажа своето вистинско лице. Апелирам до девојките да внимаваат со кого се во врска – рече таа и додаде: - Секоја девојка би паднала на неговите манири. Секому може да му се случи. Мора да запознаете некого за да стапите во врска. Не сакам мажи, ми треба време да го заборавам сето ова. Сè уште не ми е добро, тешко ми е да зборувам за тоа. Не ми треба медиумско внимание, целосно сум резервирана до крајот на годината, ова ми помогна во кариерата и работата. Не сме во контакт и не се слушаме. Цел живот се заљубувам во погрешни. Сега ја научив лекција до крајот на мојот живот. Фото: Принтскрин/Инстаграм/Амиџи шоу/ Ата Имаџес

Откако Марија Луиса ги извади гаќичките среде емисија, а жените „ја распнаа“ на социјалните мрежи, за да не креваат џабе ѓурултија, пејачката им возврати со среден прст и нова голотија: „Им го разубавив денот на моралните теткици“ (ФОТО)

Антонио Димитриевски — Wed, 18 Oct 2023 11:05:51 +0000

Без Марија Луиса Тодоровска дефтивно нема забава... И кога пее на сцена, ама и кога микрофонот и е „паркиран во лер“, фолкерката мора да смисли нешто што ќе ја распамети јавноста. Или барем дел од неа, како што тоа го направи со последното нејзино гостување седната на „Жешко - то столче“. Не само што „без влакна на јазикот“ пејачката одговараше на незгодните прашања, туку „око да не и трепне“, тврдењата ги поткрепи и со факти и докази... Како на пример во одговорот на прашањето дали навистина на настапи не носи гаќички? За да нема дилеми, претпоставки, нагаѓања и недоумици, Марија од чантата извади и ги покажа нејзините „специјални гаќички“ кои се наменети и за специјални прилики... Најмногу за настапи, на кои кажа дека секогаш ги носи, а истите се лепат однапред и одзади, па изгледа како да ги нема, иако секогаш на себе ги има. Фолкерката дури истите и ги подари на некоја дама од гледачите на емисијата... Арно ама гледачките или поточно читателките на социјалните мрежи, барем дел од оние оние повозрасните или потрадиционалните, не само што не и се заблагодарија, туку пејачката само што не ја „распнаа“! Коментарите „кој од кој - дабетер“ па Марија Луиса не можеше да премолчи и за да „не остане покуса“, веднаш им возврати. До душа најпрвин објави дел од коментарите „на нејзина сметка“, посебно именувајќи секоја тетка, па напиша: „Им го разубавив денот на моралните теткици“! А, за да не креваат џабе ѓурултија, пејачката им возврати со високо кренат среден прст и нова голотија?! Така барем изгледа или може да се протолкува дел од новата еротска фотосесија на Марија, чии сегменти пејачката ги споделила. Топлес поза и високо кренат прст со порака до оние, на кои баш не им се допаѓа нејзиното однесување: „Бакнеж за мразачите“! Патем тоа не е се'... Марија Луиса не би била македонската Северина, ако нема што што да (по)каже и тоа многу повеќе од другите... А, има! И тоа уште нешто најново, по се' изгледа истото повторно како одговор на хејтерите, да им е наменето!? Истиот тој среден прст, само од задна песрпектива... Па сега вие видете дали зад прстот пејачката нема гаќички... Или сепак ги има? Фото: Јутјуб/Zesko Stolce/Инстаграм/luisa.todorovska/Драган Ристовскаи - D.R.D._media

Ситуацијата излезе од контрола: Мајката на Раста жестоко кон Ана Николиќ – „Мрзелива си, не ти давам ништо!“ (фото)

Слободанка Илиева — Tue, 17 Oct 2023 10:40:01 +0000

Бурата која се крена околу односот на Ана Николиќ и нејзиниот поранешен сопруг Стефан Ѓуричиќ Раста со денови никако да стиши. Пејачката пред неколку дена изнесе жестока оптужба на сметка на поранешниот сопруг, а неговата мајка не можеше да издржи и да не се вмеша во целата оваа драма. Поранешната свекрва наводно ја контактирала Ана за да ги избрише пораките од Раста која ги објави јавно на својот Инстаграм профил. На неговата мајка и засметало тоа што поранешната снаа направила целосна драма и ситуацијата излегла од контрола. -Во нашата врска/брак ниту една сметка за струја немаш платено, ти го реновирав станот и се уште е во иста фаза, бидејќи ти си навистина емотивен и функционален инвалид. Немаш ниту ден работен стаж, секоја турнеја, албум, во животот го помина на лекување и откажување само бидејќи си мрзлива. А сега добро запомни ме, никогаш во животот нема да ти дадам ништо, стои во дел од нејзината објава. По ова Ана сепак ја испочитувала својата поранешна свекрва и го избришала постот од пораката која и ја испратил Раста. Инаку родителите на Раста се образовани и успешни луѓе во своите професии, а двајцата важат за академски граѓани. Неговиот татко е доктор по филозофија и професор по класична германска филозофија на Филозофскиот факултет, а е и автор на бројни стручни студии. Додека пак неговата мајка е професорка на Факултетот за безбедност во Белград. извор: АТА Images/ Nikola Tomic/Instagram printskrin

Таткова љубов на далечина: Шеф Марк испрати емотивна порака до ќерка си – „Овој ден нека не’ биде за ништо друго освен за тебе“ (фото)

Слободанка Илиева — Fri, 13 Oct 2023 07:51:32 +0000

Врската помеѓу татковците и децата е единствена и посебна. Тоа е љубов која нема крај, трае вечно и е незменлива. Ова непишано правило е исклучително за шеф Марк, кој оваа врска ја негува на далечина. Познато е дека пред неколку години Марк се пресели во Македонија од каде потекнува неговата мајка, додека наследниците, синот Микел и ќерката Кимберли останаа да живеат во Белгија. Секој ден да се живее без важно делче од срцето кое е киломентри далеку, сигурно не е лесно, но емоциите особено преплавуваат на специјалните- посебните денови. Овој пат тоа беше роденденот на Кимберли за која тато Марк посвети емотивна објава на својот Фејсбук. -Бубулина, ти посакуваме среќен роденден... Нека овој ден не биде ништо друго освен за тебе и се’ што посакуваш да ти се исполни!!! Те гушкаме силно! Тато и Василка. Инаку, наследничката на Марк пред две години беше во Македонија за денот на венчавката на татка си и неговата избраничка Василка. На оваа семејна свадбена веселба со најблиските роднини и пријатели, која ја одржаа на едно од најелитните скопски гастромномско-вински локалитети пристуствуваа и децата на Марк, видно возбудени за големиот ден на својот татко. фото:Фејсбук/Марк Де Јонг

По крајот на бракот и големата промена Анета екс – „Молика“ има кристално јасна животна девиза: „Моли го Бога…“ (ФОТО)

Слободанка Илиева — Sat, 16 Sep 2023 08:00:19 +0000

Социјалната мрежа Инстаграм е сигурна зона за фолк пејачката Анета Љумаковска која народот е навикнат да ја поврзува со „Молика“, иако таа сега преферира да ја знаат како Љумаковска- моминското презиме со кое и ја почна музичката кариера. По разделбата од сопругот и колега Џими Мицевски, Анета и музичарот се во бракоразводна постапка, но поради договор остануваат да функционираат со група „Молика“ се до следниот месец август. Анета се штеди од коментарите на Фејсбук, бидејќи како што вели тешко со носи со истите, но затоа пак е активна и гласна на Инстаграм каде често ја има со нешто ново. Овој пат на ум имаше само едно - едноставна животна девиза која веројатно ја следи и почитува, па сакаше да го акцентира својот пат кој го следи за благосостојба и мир на душа, а гласи: -Моли го Бога никогаш да не зависиш од никого. Бог да ти даде здравје и среќа. Да ти ги чува очите, рацете, нозете, да имаш чувства и разум. И додека е така, среќен си. Здравјето ја носи и независноста, па и се’ останато, а пејачката потенцираше која е нејзината секојдневна водилка. Е сега, кому сакаше да му се докаже, дали ова на некој начин беше индиректна порака или пак едноставно се пронајде во истата, најдобро знае самата. А вие? Кој знае и умее, нека „чита меѓу редови“! Фото: Инстаграм принтскрин/anetaljumakovska123