попова шапка – Вистина.мк

Ана Стојанова е поборник не само на здрав, туку и на ноќен живот: „Кој вечера вотка, појадува кисела чорба… и тоа доцна напладне“

Антонио Димитриевски — Mon, 18 Dec 2023 10:13:01 +0000

Македонската фитнес инструкторка и мотиватор за здрав живот Ана Стојанова, покажа дека не е поборник само на вежби и витамини, туку здравиот живот знае да го замени и со ноќен. Е сега, дали е тоа инцидентно и константно знае само таа самата?! Во последниот случај заедно нејзината исто толку згодна и атрактивна разголена женска придружба, очигледно ја почувствувале предновогодишната еуфорија, зачинета со магијата на урбаниот ноќен живот. [video width="720" height="1280" mp4="https://arhiva.vistina.com.mk/wp-content/uploads/2023/12/4941067A7BAF1DF87CD42CCAD10CA2A6_video_dashinit.mp4"][/video] Расположението без понекоја голтка алкохол не би било на посакуваното ниво, арно ама по се изгледа малку се пивнало повеќе од пропишаното, па другот ден фитнес инструкторката заврши на рехабилитација на воздушна бања? Или посетата на оснежената Шапка претходно била веќе планирана, па на Ана добро и дојдоа свежиот планински воздух и прошетката. До душа за да се симнат подзамрзнатите скали беше потребна помош на гелендерот, ама така е тоа кога се' уште те држи „течната вечера“ од ноќниот рај, па нозете не ги слушаат командите до крај! Арно ама, Ана не би била тоа што е да не знае како да ја надмине секоја ситуација, па затоа инструкторката кога веќе не скија или не е во позиција тој ден тоа да го прави, реши да се да се ревитализира со малку поинаква течна храна... До душа појадокот поместен како замена за ручек, ама така е тоа кога претходната ноќ ти била баеги весела... Тогаш чорбата мора да биде покисела. Зашто кој вечера вотка, појадува кисела чорба! Откако дојде на себе и ја задоволи гладта, фитнес инструкторка штом застана „на сигурни нозе“ веднаш реши своето рефреширање да го надополни со витамини од кисела зимница. Ц и Д, како цвекло и кисела туршија како дополнение за трезен ден и комплетно уживање на Ана во зимските убавини на македонските планини и нивните врвови, во случајов Попова Шапка. Фото и видео: Инстаграм/annstojanova

„Да се затвори сезоната“: Катарина Ивановска и кажа „чао“ на зимската идила (фото)

Слаѓана Атанасова — Fri, 10 Mar 2023 07:03:45 +0000

Дека е крајно време да заминете и да направите прошетка на некоја дестинација доказ и доволен мотив е познатата убавица Катарина Ивановска, која веќе објави дека доаѓа крајот на волшебствата што ги нуди зимата. Познато е дека македонскиот топ модел заедно со децата и пријателите годинава често ги посетуваше ски - центрите за да одмара, ужива, но и за да дише почист и незагаден воздух. Таа годинава најпрво престојуваше со нејзината пријателка, пејачката Тамара Тодевска заедно со децата во Маврово за да уживаат во зимските лудории, но и во природните македонски убавини, затоа што тогаш снегот сѐ уште не беше доволно добар за скијање. Катарина потоа повторно отпатува на зимување но, на една од најпосетуваните планини во Србија, Копаоник. Таму таа уживаше во снежната убавина која владееше на убавото место, а тогаш сподели и се пофали на нејзините фанови како го поминува времето. Таа обожава да патува, а секој слободен момент го користи за дружба со пријателите како на далечните дестинации така и во Македонија. Но како сѐ и тоа има крај па, така и периодот за скијање на планина за 2023 полека привршува. Додека, манекенката која редовно објавуваше нови моменти од нејзиното уживање на снегот на социјалните мрежи, овој пат позираше и со тоа ја затвори зимската ски сезона за оваа година. Таа и овој пат ја откри локацијата на која престојува, а со камерата го долови амбиентот кој владее во моментов за да ги инспирира нејзините следбеници да го направат истото за крај на сезоната. Имено манекенката моментално престојува на Попова Шапка каде ужива во зимската магија, па фотографираше дел од убавите моментите кои со задоволство ги сподели со нејзините обожаватели на „Инстаграм“. За Катарина заврши сезоната за скијање и забава на снегот но, секако таа обожава да патува па во скоро време очекуваме повторно да не изненади со некое пролетно патување. Фото: Принтскрин/Инстгарам/Катарина Ивановска

Информативно-едукативен центар на Попова Шапка и две соларни еко-зони за одмор во две бачила

Антонио Димитриевски — Sat, 12 Jun 2021 11:51:42 +0000

Здружението Планинарски клуб „Шара-Ски“ од Тетово денеска го промовираше новоизградениот Информативно-едукативен центар на Попова Шапка во непосредна близина на манастирскиот комплекс, како и двете еко-зони опремени со фотоволтаични панели и простор со маси и клупи за одмор. Овие еко-зони за одмор се наоѓаат на високо-планински терен, по должината на познатата „High Scardus Trail” патека и се сместени во бачило„ Извори на река Пена” и бачило „Грагор –Љуботен“. „Целта на едукативното катче е да обезбеди информации за сите посетители за историјата, флората и дивиот свет на Шар Планина, информации и едукација за различни активности и можности за спорт на планина, вклучувајќи патеки за пешачење и велосипедизам, скијање, алтернативни форми на туризмот во текот на целата година, безбедносни протоколи, капацитети за сместување и услуги. Исто така, Центарот нуди простор за организирана посета на поголеми групи, основци, средношколци и студенти. Во Центарот, посетителите ќе најдат разновидна печатена, фото и видео документација за Попова Шапка, а на располагање на посетителите е Водич кој ќе може да им ја објасни на посетителите содржината на едукативниот агол. Ќе овозможи подобра промоција на постоечките маркирани велосипедски патеки, потоа на „High Scardus Trail“ патеката, можностите на Шар Планина и понудите од засегнатите страни. Центарот е отворен за сите посетители бесплатно“ - изјави Никола Балоски, претставник на Здружението. Александар Кирковски, кој се занимава со планински спортови и планинарење вели дека на овој начин Попова Шапка ќе ги привлече и оние кои досега не дошле на овој планински центар. Сите нови посетители преку Информативно-едукативниот центар ќе имаат можност да ги добијат сите потребни податоци за да поминат квалитетно време таму. „Ние сме планинска земја и планините се она што нивниот потенцијал треба да го користиме, сега и во иднина. Со вакви центри ќе се смени сликата дека имаме многу малку инфраструктура во планините. Тоа е еден од основните фактори за привлекување на што поголем број на луѓе, запознавање со планински туризам и планински спортови. Попова Шапка и Шар Планина имаат голем потенцијал и сигурно еден ваков едукативен центар ќе ја доближи на посетителите, бидејќи немаме толку долга традиција во планинскиот туризам како што имаат Словенија за пример. Ова се мали чекори во таа насока кои ќе бидат од голема корист“ - изјави Александар Кирковски, планинар и планински тркач, член на клубот „Македон“ од Скопје. Едукативниот центар е прилагоден на околината и опкружувањето и е изграден од природни материјали, изолација и сопствен извор на електрична енергија, преку инсталација на фотоволтаични панели. Центарот е опремен со предавална, пулт, дрвени штандови, места за напојување со електрична енергија, простор за одмор на отворено, ТВ, компјутер, проектор. „Целта на проектот е подобрување на атракциско-мотивирачките фактори на Попова Шапка ио регионот, да се создаде дополнителна туристичка понуда на Шар Планина во „отворен простор“, со цел да се зголеми интересот за посета на планините во ситуација на пандемија, да ги ублажи негативните економски последици од кризата Ковид-19 и да придонесе за зголемена еластичност и одржливост на секторот за планински туризам во прекуграничниот регион Шара. Овој проект ќе придонесе за подобрување на туристичката инфраструктура, овозможувајќи подолго користење на дигитални уреди и еколошко снабдување со електрична енергија. Се очекува поинтензивна соработка помеѓу бројни засегнати страни и зголемување на нивните приходи“ - потенцираат од Здружението. Еко-зоните во бачилата им овозможуваат на планинарите и посетителите: место за одмор, пристап до електрична енергија за полнење на своите уреди, топли пијалоци, дегустација на традиционална храна (сирење, качамак, ајвар, домашен леб). Исто така, поставени се информативни табли во Ски – центарот „Попова Шапка“ и на локациите со детални информации за посетителите за еко – зоните. МИА

Дарко Димитров ретко споделува приватни моменти, но сега се пофали како со семејството уживаат на снегот (фото)

Христина Ѓоргиевска — Sat, 13 Feb 2021 08:04:57 +0000

Македонските јавни личности, но и мнгоубројни познати од регионалнта музичка сцена често доаѓаат на адреса кај македонскиот мајстор за уметничко дело, композиторот Дарко Димитров. Тој често на социјалните мрежи знае да сподели објави од своето студио во кое создава многу хитови за македонската и регионалната естрада. https://arhiva.vistina.com.mk/radio-mileva/darko-dimitrov-progovori-za-sorabotkata-so-anastasija-raznatovikj-natasha-bekvalac-kaj-mene-nema-dzvezdi-jas-sum-dzvezda-video/ Меѓутоа, Димитров многу ретко односно речиси никогаш не споделува фотографии од својот приватен живот. Сепак овој пат пушти срце и покажа како ужива во зимските лудории. Со оглед на тоа дека надвор владее зима и зимски температури, познатите го искористија периодот да уживаат во зимските авантури. Некои од нив за дистаниција го одбраа Копаоник, други Маврово, а некои ја одбраа прекрасната Попова Шапка. Димитров се одлучи за Попова Шапка, каде што во зимските игри уживаше заедно со своето семејство односно сопругата и ќерките. Овој момент тој го овечковечи со неколку фотографии и реши да ги сподели со своите пријатели на социјалните мрежи. Облечени во зимска опрема, Дарко и неговите сакани уживаа во заедничкото поминато време и во убавините на снегот. Под објавата се нижеа коментари, а и пејачката Емина Јаховиќ која соработува со Димитров, под фотката остави срциња.

Црнокрак традиционално во зимска авантура: Светлана е снежна убавица на планинската белина (фото)

Слободанка Илиева — Wed, 10 Feb 2021 08:08:41 +0000

Секој има своја пасија кога е во прашање спортувањето и рекреацијата, а кога тоа го прават заедно сите членови на семејството, тогаш задоволството е уште поголемо. Семејството Црнокрак традиционално секоја зима заедно ја негува оваа љубов, а освен што Мики и Светле секоја сезона се редовни скијачи, тоа го прават и нивните две ќерки, Моника и малата Нина која допрва има да учи за скијањето од тато, мама и дада. Календарски се уште е зима и надвор еден ден владеат зимски температури, а еден ден наликува на пролет. Меѓутоа, сезоната за скијање веќе одамна е отворена, па многу од јавните личности ги подготвија скиите и сноубордите и заминаа во некој ски центар за да уживаат на снегот, Годинава поради пандемијата, децтинациите најчесто се Попова Шапка или Маврово. Некои го направија тоа веднаш по новогодишните празници, а некои сега се одлучија да заминат на зимско уживање. Црнокрак повторно заедно се качија на скии, овој пат на Попова Шапка, а оввие среќни семејни моменти ги објавија на Фејсбук. Мама Светле,некогашната манекенка и сегашна сопственичка на модното студио „Црнокрак“ и ТВ презентерка, мајката природа ја дарила да има се што може да посака една жена, а таа самоуверено и гордо да се носи со сите епитети. Фит, спортски активна и вешта на скии, Светле изгледа фантастично, а тоа го потврдија и нејзините следбеници. На планините има доволно снег да уживате во зимата, па не мора ни да скијате или бордате, едноставно препуштете се на планинската убавина во зима.

Отпорна на студ: Кристина Димитриевска со нова разголена фотка од Шапка (фото)

Слободанка Илиева — Wed, 03 Feb 2021 07:41:46 +0000

Оние што се љубители на снегот , релаксацијата, спортувањето и одморот на планина, оваа зима не пропуштија да видат и почувствуваат снег на македонските планини каде единствено го има. Македонската мисица Кристина Димитриевска неодамна објави разголени фотографии од Попова Шапка на својот Инстаграм и рреши да биде во тренд со познатите светски и српски ѕведи на чии профили редовно осамнуваат вакви моменти на снегот. https://arhiva.vistina.com.mk/radio-mileva/mora-da-se-bide-vo-trend-i-kristina-dimitrievska-pozirashe-po-gakjichki-na-snegot-foto/ Очигледно нашата убавица направи една фотосесија, но истата не ја објави во целост, туку дел по дел, за да им биде поинтересно на следбениците и да има со што ново да го полни својот профил. Првиот пат позираше по бели гаќички, топ на горниот дел и бели планински чизмички, држејќи „сноуборд“ во раката. Овој пат, трендот мора да биде запазен, па седна да позира во истиот стајлинг на моторна санка, но сега откри дека ова специјално издание е по повод нејзината нова песна која ја најави.

View this post on Instagram

A post shared by MISS BALKAN 2019 👑 (@kristina.dimitry)

Неспорно е дека изгледа атрактивно и секси, а тоа го потврдија и бројните следбенци кои редовно ги коментираат нејзините објави на социјалните мрежи.

Мора да се биде во тренд: И Кристина Димитриевска позираше по гаќички на снегот (фото)

Слободанка Илиева — Fri, 22 Jan 2021 08:20:54 +0000

Секојдневно од познатите Србинки осамнуваат разголени фотографии на снегот на минусни температури кои станаа незаобиколен тренд во зимската сезона. Но, и наши простори не го заобиколија ова, па се почесто осамнува некоја секси фотографија каде позираат во вакво издание на задоволство на следбениците на социјалните мрежи. https://arhiva.vistina.com.mk/radio-mileva/kako-angel-na-viktorija-sikret-na-adelina-tahiri-nitu-karleusha-ne-i-e-ramna-koga-pozira-gola-na-snegot-foto/ Последна во низата ја видовме пејачката Аделина Тахири во црвена долна облека како позира во центарот на Скопје, а сега на ред е нова локација и ново секси издание, овој пат од атрактивната мисица Кристина Димитриевска. Таа не отиде многу далеку од своето родно Тетово, па реши да се фотографира по бели гаќички на снегот на Попова Шапка.

View this post on Instagram

A post shared by MISS BALKAN 2019 👑 (@kristina.dimitry)

Со сноубордот во раце, и кадар од кој се истакнаа нејзините долги и витки нозе, Кристина очекувано ги собра сите пофалби. Дека е оган на снегот и дека го топи со својот сексапил се согласија многумина, а тоа е евидентно од приложеното.

Јана и Ана Стојановски уживат во природа со наследникот Ненад кој е потпораснато бебенце (фото)

Слободанка Илиева — Mon, 18 May 2020 07:25:17 +0000

Со потоплото веме и типично летни температури, ограниченото движење поради корона вирусот на сите ни паѓа тешко. Изминатиот викедн многумина се решија за рекреација надвот од градот, а меѓу тие беа и сестрите актерки Јана и Ана Стојановски. Нивнта дестинација беше убавата и разеленета Попова Шапка каде ги полнеа градите со чист воздух, а духот со позитивна енергија. За тоа дополниутелно придонесе малиот Ненад, кој веќе е потпораснато бебенце кое личи на мама. -Сестри и бебе во време на корона, напиша тета Ана во описот за фотографијата. За потсетување, македонската актерка Јана Стојановкса во септември претходната година се породи во седмиот месец од бременоста и со сопругот, кошаркарот Андрија Бојиќ станаа родители на нивниот син Ненад кој го носи името на неговиот дедо.

Разголен и потемнет како среде лето: Ќе позавидите како Мики Црнокрак ги минува деновите(фото)

Слободанка Илиева — Fri, 10 Apr 2020 08:05:02 +0000

Календарски дојде пролет, надвор еден ден владеат зимски температури, а еден ден наликува на пролет, потоа паѓа снег, па дожд... Меѓутоа, снегот кој наврна, особено повеќе на планините, ја продолжи сезоната за скијање, па иако е време на пандемија, љубителите знаат да уживаат во авантурата на снег, чистиот воздух и мирот без гужва како вообичаено, а особено уживаат оние со викендички на такви места. Познато е дека Мики Црнокарак е голем љуботел на скијање, планина и снег, па не го пропушти ова гратис ужување во април од природата. Тој деновиве скијше на Попова Шапка, а сега е на убавото снежно и сончево Маврово од каде објавува фотографии на социјалните мрежи. Работата со манекенките, изборите за убавина, патувањата низ светот, како дел од работата на Мики, ќе почекаат. Сончање, јакнење имунитет, позитивна мисла и здрав живот, ова е девизата на Мики.

Промовирани осум маркирани планинарско-велосипедски патеки на Попова Шапка

Антонио Димитриевски — Sat, 30 Nov 2019 10:52:40 +0000

На Попова Шапка викендов (30.11.2019, сабота) беа промовирани осум маркирани крос кантри планинско-велосипедски патеки кои гравитираат околу скијачкиот центар, проектна активност спроведена од планинарскиот клуб Шара Ски. Во изминатиот период е извршено обележувањето и маркирањето на патеките. Станува збор за веќе постоечки, но запустени патеки, а дел од нив се нови. „Проектот „Попова Шапка – cross country trails" има два аспекта. Со проектот ги обновивме и дополнивме постоечката маркација на патеките, подготвени и поставени се патокази, маркирани се патеките со ГПС уред, впишани се координати и карактеристики на патеките, одредени се места за пауза долж патеката, исцрани се мапи од секоја патека со сите поодатоци. Овие места се поставени и пред платото на терасата на Конак, како и во флаерите и брошурите. Вториот аспект е подготовка на Инфо – пакет/брошура за cross country trails на Попова Шапка. Брошурата ќе содржи информации за името, локацијата и должината на cross country патеките, како и висинската разлика, потребното време за возење на секоја од патеките, инфраструктурните објекти долж патеката и слично“ - изјави Јован Јовановски од Шара Ски. „За користење на патеките на потенцијалните корисници на располагање ќе им бидат повеќе алатки. -Освен патокази на самите патеки, имаме создадено ГПС рути, апликација за мобилни телефони, можност за изнајмување велосипеди, ангажирање на лиценциран велосипедски или планински водич, воспоставени мерки за безбедност и медицинска помош и слични потреби“ - рече Горан Миловановски, лиценциран водич од Шара Ски. Планинско велосипедската патека наречена „Репетитор МРТ" е најкратка со три километри и просечно времетраење за поминување од еден час. Патеките „Вакуф" и „Голема Смрека" имаат иста должина од по 17 километри. Најдолга е патеката „Шарски води" или 90 километри и времетраење од 8 до 10 часа. Останатите патеки се наречени „Шарпланинско бачило", „Вргањ", „Лешница" и „Јелак".