поминат рок – Вистина.мк

Еве зошто никогаш не треба да користите креми со истечен рок на траење

Христина Ѓоргиевска — Wed, 26 Aug 2020 13:00:19 +0000

Кога станува збор за лекови и храна, секој обрнува внимание на рокот на траење на производите што ги користат или јадат. Кога станува збор за козметика, луѓето честопати ги игнорираат броевите на пакувањето. Но, факт е дека шминка, креми за лице и тело и други производи за убавина по истекот на нивниот рок на траење стануваат плодни почви за штетни бактерии кои можат да му наштетат на вашето здравје. Повеќето козметички производи доаѓаат со рок на траење, по што тие стануваат нездрави. Органските производи се расипуваат многу побрзо, но скоро целата козметика со текот на времето станува вистинска ризница на бактерии, мувла, габи, па дури и прашина. Сето ова е ужасно нездраво за здравјето на луѓето, особено за кожата на лицето, што е еден од почувствителните делови на телото. Што се случува ако користите козметика за лице со истечен рок на траење? Опасностите од употреба на креми за лице и други козметички производи се пред сѐ алергиски реакции, акни, инфекции на кожата на лицето, црвенило и сувост на лицето, па дури и хиперпигментација. Но, покрај фактот дека таквите производи можат да му наштетат на здравјето на кожата на лицето, расипаната козметика, која ја апсорбира кожата, може да доведе до инфекција на целото тело. Како да се избегне употребата на козметика со истечен рок на траење? За да избегнете употреба на козметика што ќе предизвика бактерии и други штетни материи на вашето лице, прво погледнете го датумот на истекување на пакувањето. Ако нема датум на истекување, запомнете кога сте го отвориле производот. Голем број на производи на пакувањето имаат изразен број на месеци погодни за употреба. Исто така, обрнете внимание на текстурата и мирисот на производот. Ако вашиот крем или друг производ мириса или изгледа различно, време е да го замените со нов. извор: Убавина и здравје

Фрлете ги веднаш: Овие работи ги имате дома, а не знаете дека им поминал рокот на траење

Христина Ѓоргиевска — Fri, 20 Mar 2020 13:45:04 +0000

Некои предмети од домот кои ги користиме мора веднаш да ги исфрлиме од употреба или да ни останат само за спомен, затоа што нивниот рок на траење одамна завршил и не смееме повеќе да ги користиме. 1. Дрвен прибор за готвење Рок на траење: до 5 години или кога ќе забележите напукнувања, промена на боја или почувствувате дека површината на одредени делови неповратно омекнала. Не заборавајте дека дрвото е порозен материјал кој впива мирис, влага, но и бактерии. Затоа дрвениот прибор треба веднаш да се мие по употреба, не треба предолго да стои воден меѓу нечисти садови и не треба да се суши на влажно место. 2. Гумена или силиконска шпатула Рок на траење: до 2 години или кога ќе променат боја, напукнат или кога ќе почнат да се кинат. Мистријата има еден голем хигиенски проблем. Повеќето од нив се направени од 2 дела – дршка и глава. Спојот меѓу тие два дела е местото во кое влегуваат остатоци од намирници кои ги користиме и тој дел тешко се чисти. Кога ќе забележите дека има талог кој не може да го отстраните, тогаш е време за нова мистрија. 3. Садови со нелеплива површина Рок на траење: до 3 години или кога ќе забележите дебели гребаници, кога површина почнува да се лупи и да влегува во храната. Ако сакате да го продолжите векот на траење на ваквите садови, задолжително покријте го со хартија пред да ставите други садови во него. Ако сте во можност, држете ги обесени на ѕид или на некоја друга површина. 4. Пластични даски за сечење Рок на траење: до 3 години или кога траговите од ножот ќе станат толку длабоки што веќе од нив не можете да ги исчистите остатоците од храна. Не заборавајте дека за секој вид производ ви треба посебна штица. На онаа за риба или месо не приготвувајте овошје или зеленчук и обратно, за можните бактерии од месото и рибата да не ги заразат и другите производи. 5. Мали кујнски ножици Рок на траење: до 5 години или кога ќе за`рѓаат, имаат климава дршка или кога нема да можете да ги наострите повеќе. Овие повеќенаменски ножици често се во употреба, скоро секојдневно ги користиме и поради тоа лесно се трошат – особено оние со назабена острица. За да им го продолжите векот на траење, еднаш неделно задолжително брусете ги. извор: Курир.мк

Цела година јадел храна со поминат рок: Ова што има да го каже треба сите да нè замисли

Христина Ѓоргиевска — Fri, 05 Jul 2019 12:10:02 +0000

Скот Неш е основач и сопственик на американските маркети „Мамс органик“ и одлучил една година да јаде „расипана“ храна за да докаже дека роковите на траење не значат ништо. -Пиев јогурт на кој му беше истечен рокот. Изгледаше и мирисаше добро. Рокот му имаше поминато пред дури 6 месеци, па помислив дека тука нешто не е во ред. Потоа почнав да го правам тоа и со месото, јајцата, млекото, истакнува Неш. Тој се одлучил за едногодишниот експеримент бидејќи сметал дека многу храна пропаѓа токму поради роковите на траење. Истражување од 2016 година покажало дека 84 отсто од потрошувачите фрлаат храна поради роковите. -Ако сакате да го намалите проблемот со фрлање храна, најлесниот начин е паметно да купувате храна. Роковите на траење не гарантираат сигурност на храната и се збунувачки. Има толку многу што во најмала рака мислам дека се хаотични, вели Неш. Тој смета дека системот на рокови на траење е застарен. – Мислам дека производителите тукутака ги ставаат датумите, а тие обично немаат никаква врска со реалноста, квалитетот и безбедноста. Откако ќе го фрлиме производот, ќе купиме нов, што придонесува за профит на нивните корпорации. Мислам дека проблемот со фрлањето храна едноставно може да се реши со нов систем за истек на храна, рече тој. извор: Курир.мк