помина – Вистина.мк

„Зошто пееш на бугарски кога си Македонец“? – Дарко Ѓорѓески во „Ѕвездите на Гранд“ за малку не доби директна дисквалификација од Саша Поповиќ (ВИДЕО)

Антонио Димитриевски — Mon, 05 Jun 2023 06:25:47 +0000

Младиот македонски пејач кој живее во Грац, Австрија, Дарко Ѓорѓески од тимот на Цеца, во последната емисија на „Ѕвездите на Гранд“ настапи во дуел со Амна Јусиќ од тимот на Марија Шерифовиќ. Тие настапија последни во емисијата, а Дарко најпрвин се претстави со баладата „Тајно моја“ од Тоше Проески и на изненадување на многумина, па и на самиот Саша Поповиќ, следна песна што ја испеа беше „Сен Тропе“ од популарниот бугарски пејач Азис. И двајцата кандидати освоија по пет гласови што не беше доволно директно да се пласираат во следниот круг. Но она што ги изненади сите во студиото беше коментарот на Саша Поповиќ наменет за пејачот од Македонија. „Што си ти по националност?“ -го праша креативниот директор Поповиќ нашиот натпреварувач. „Македонец“ - му одговори Дарко кој има гостиварско потекло. „Па, зошто тогаш пееш на бугарски? Ова е дисквалификација затоа што го прекрши правилото“, заклучи Поповиќ по што во разговорот се вклучија и останатите претставници на жирито. Босанац му се придружи на Поповиќ во мислењето, но, на Дарко „главата му ја спасија“ другите членови на жирито кои се спротиставија велејќи дека ние на Балканот сите сме слични и се разбираме?! Ја поддржувам идејата тука да се пее на сите балкански јазици. Кај мене на Милиграм ми гостува Азис со една интересна песна, но тој инсистираше да пее на српски. Тоа го поддржувам, додаде Александар Милиќ Мили. Ставот на Мили веднаш го подржа Вики Миљковиќ, но дискусијата околу јазиците ја прекина Поповиќ кој им кажа на кандидатите: „Добро, повеќе не мора да дискутираме, и двајцата кандидати одите во бараж и нека ви е со среќа“, им порача тој на Дарко и Амна, а Цеца затоа што го пушти нејзиниот кандида да се бори понатаму го награди Поповиќ со бакнеж... овој пат во образ! Но затоа во баражот беше густо и напнато до самиот крај, но Дарко и Амна сепак успеаја да поминат во следниот, седми круг. Настапот на Дарко погледнете го во видеото во продолжение на 2 часа 39 минути и 30 секунди (02:39:30):

Милена Антовска пред некое време прележа Ковид 19, а сега повторно ја нападна вирус кој ja „утепа“ повеќе од корона

Христина Ѓоргиевска — Wed, 21 Jul 2021 07:19:07 +0000

Koронавирусот или Ковид 19 веќе повеќе од една година демнее во светот, а бројките на позитивни, заболени, починати, постојано варираат, па на пандемијата како да и нема крај. Короната не бира кој ќе биде заразен, а многумина од јавните личност го прележаа вирусот. Некои со полесни симптоми, некои со потешки, а некои за жал ја изгубија битката. Водителката Милена Антовска поради својата професија и контактот со голем број на луѓе уште од самиот почеток беше изложена на ризик. Антовска пред неколку месеци прележа корона. Имено, како што обзнани тогаш на социјалните мрежи таа беше во изолација. Тогаш не откри дали имала потешки или полесни симпотми и дали имала контакт со некој позитивен... Вирусот ја оддели од најблиските: Милена Антовска во изолација (фото) – Вистина.мк (vistina.com.mk) Меѓутоа, деновиве нов вирус ја нападна водителката поради кои заврши на инфективно. Во кусите приказни на „Инстаграм“, Милена откри дека добила стомачен вирус и поминала многу полошо отколку кога имала корона. Како што објасни, освен таа, стомачен вирус добиле и нејзиниот сопруг Гордан, ќерката Лана Марија, а Антовска завршила и на инфузија. Како што раскажува Милена во „Инстаграм стори“, Брзата помош не дошла бидејќи наводно немала што да прави, па водителката морала да се обрати во приватна клиника и да ја прими соодветната терапија. Откако примила инфузија и не и било подобро, таа заминала на Инфективна во Скопје, а како што вели таму немало жив човек освен чуварот кој внатре пушел цигара. „На инфективна немаше ниту еден човек, ниту доктор, ниту медицинска сестра, ништо ништо, освен чуварот кој што внатре си пушеше цигара“, вели водителката. Од инфективно, водителката заминала во друга клиника каде што и ги направиле потребните испитувања за да и кажат дека се е во ред. Милена преку својот „Инстаграм“ апелираше да се подобрат нештата. „Да не биде дека само се фотографираме и објавуваме фотографии и само фини нешта“, вели водителката. Таа истакна дека ги разбира здравствените работници дека се изморени поради пандемијата со коронавирусот, но вели дека на секој човек треба да му се укаже здравствена помош. „Јас разбирам дека докторите се преморени, јас лично сум уверена бидејќи на терен, посебно лани, снимав кога беше најтешко и знам колку се посветени и колку беа растрчани насекаде. Но, тоа не значи дека луѓето кои имаат потреба од здравствена помош треба да трпат затоа што во моментот нема здравствено лице на некоја од клиниките. Не сакам својата позиција, професија да ја користат и да барам „врски“. Тоа не треба така да биде. Некој ќе каже „де стомачен вирус“. Но, верувајте јас стомачниот вирус го поминав 10 пати потешко и ми беше полошо отколку кога имав корна“, вели Антовска. За среќа, ситуацијата заврши среќно, водителката оздраве, па се врати на својата работа и пред ТВ екраните на утринската програма на Канал 5 телевизија. фото: Принтскрин/инстаграм/милена антовска

Ѓорѓе Давид откри низ што поминал додека беше заразен со корона: „Некои луѓе сакаа да цркнам“

Христина Ѓоргиевска — Wed, 29 Apr 2020 07:45:48 +0000

Ѓорѓе Давид неодамна се излече од коронавирусот, а сега во „Амиџи шоу“ откри што му се случувало додека бил болен. „На 20 март сфатив дека немам сетило за мирис и вкус. Почнав да чувствувам зуење во ушите. Температура која иде нагоре. Потоа почнав да чувствувам како целото тело да ме боцка, како некој од глава до пети да ме штипе, температурата се зголеми на 39....Имав чувство како да ме нападнале демони“ вели рокерот и додава: „На 24 имав прекинување на филмот, се разбудив со чувство дека сум спиел 45 минути, а часот беше 12 попладне. Измерив температура и сфатив дека не може да се лажем себеси, тоа е тоа“ вели пејачот Тој објаснува дека кога заминал во болница го задржале на одделнието за пулмологија. Исто така пејачот вели дека имало луѓе кои не му верувале дека е болен, па по оние кои плукале по него „Само да кажам дека имаше и оние кои ми порачаа да цркнам, ми рекоа дека сум продадена душа, да сум добил пари. Јас има 50% да преживеам. Бане Обрадовиќ сега е добро, но на почетокот имаше 80% да преживее“ вели рокерот. Пејачот исто така ги пофали здравствените работници кои цело време се грижеле за пацинетите и им ги исполнувале сите желби.

Пејачката со емотивна порака за детството: „Јас сум Весна Ѓогани, бев сиромашно девојче и живеев под мост“

Христина Ѓоргиевска — Tue, 14 Apr 2020 08:27:18 +0000

Српската пејачка Весна Ѓогани имала тешко детство, а нејзината мајка Сретана била принудена да ја остави во дом за деца. По краткиот престој во домот, Весна била посвоена од страна на брачен пар, а таа често комуницирала со нејзината мајка. Весна на своите следбеници одлучи да им покаже каде живеела пред неколку години. „Јас сум Весна Ѓогани, Облаковска 43. Ова е улицата на моето детство. Тука пораснав. Во мојот двор беа моите први концерти. Тука започна мојата кариера, тука започна мојот сон“, напиша Весна и додава: „Ова е мојот мост, мостот на моето детство. Тука се игравме. Се шетавме. Секоја недела поминуваа Ѕвезда и Партизани и навиваа. Се слушаа и трамвајите, а на нас ни изгледаше како да слушаме музика. Ја сакавме таа врева“ вели Ѓогани. „Сега некој го уништи мојот мост, моето детство. Да бев сиромашна девојка, со големи соништа. Сиромашно девојче со голема фантазија“ напиша Весна и продолжува: „Зарем некој може да те осуди што си живеел под мост, си имал парче леб и парче небо. Тажна сум поради тоа и затоа дојдов тука. Не заради себе, туку поради девојчето кое плаче во мене. Да се извинам на мојот мост бидејќи знам дека го боли. Затоа што само тој знае која сум јас, кои се моите соништа. И дека никој не ме собра туку ми го по покажа патот по кој да одам. И деенс да бидам се што сум. Успешна и мирна жена. Со многу љубов околу себе. Со публика која се весели со мене, која понекогаш плаче. Тие не даваат да ми течат солзи. Ви благодарам предобри луѓе. Сега сум мирна бидејќи ги добив сите одговори, мојот мост, мојата љубов, моето детство“ завршува Ѓогани.