помалку – Вистина.мк

Сте се запрашале ли: Зошто убавите жени бираат помалку атрактивни мажи?

Христина Ѓоргиевска — Wed, 05 Feb 2020 13:35:16 +0000

Научниците тврдат дека убавите луѓе намерно бираат помалку атрактивни партнери за да може помалку да се трудат околу нив. Имено, оние кои се сметаат за убави се уверени дека помалку убавиот партнер дополнително ќе се труди да ги задржи, додека тие тоа нема да мора да го прават, бидејќи нивниот изглед е сосема доволен за врската. Како што пренесуваат медиумите, истражувањето од овој тип го направил Џошуа Олтманс од Универзитетот во Кентаки во САД. Пронашол 73 пара кои биле подготвени да учествуваат во истражувањето. Помеѓу останатото, проучувал што секој партнер презема за врската да биде стабилна. Некои го прилагодувале своето однесување, за нивниот партнер да не го изгуби интересот за нив и побара некој друг, се труделе околу се, биле внимателни и чувствителни. Олтманс потоа ги замолил да го оценат физички изгледот на партнерите. Потоа ги споредил со нивното однесување и со тоа колку се трудат да го задржат партнерот. Се испоставило дека помалку атрактивните повеќе се трудат околу своите партнери, бидејќи стравуваат дека ќе ги изгубат, односно се уверени дека тие многу полесно ќе си најдат партнер. Освен тоа, доколку наиде на потенцијална закана во вид на маж или жена која би можела да се допадне на атрактивниот партнер, оној кој се смета за помалку убав знае да им даде до знаење дека нема што да бара тука. извор: Курир.мк

Годините и сексот: Колку е доволно, а колку е многу?

Христина Ѓоргиевска — Mon, 29 Jul 2019 13:15:27 +0000

Дали имате премногу секс или премалку? Проблемот е во тоа што имаме се помалку време за да поминете квалитетно време со партнерот, на сето тоа додадете го стресот, но и фактот колку сме различни. Голем број луѓе се загрижени – дали имаат доволно секс? Некому му е доволно два пати секс неделно, додека на некоја трета личност тоа и’ е или премалку или премногу. Истражувањето спроведено на Институтот Кинзи открило колку често поединците имаат секс, ако се земат во предвид нивните години, а еве што покажуваат резултатите: 18-29 години: Во просек 112 пати годишно; 30-39 години: во просек 86 пати годишно; 40-49 години: во просек 69 пати годишно. Инаку, 13 отсто брачни двојки имаат секс само неколку пати годишно, 45 отсто од нив неколку пати месечно, 34 отсто два до три пати неделно, а 7 отсто од нив четири и повеќе пати неделно. Вебстраницата „Your Tango“ потоа го спроведе сопственото истражување меѓу читателите што се во брак, за да се дознае минималниот, просечен и идеален број на сексуални активности во период од еден месец. Минимум: Еднаш месечно; Просек: Еднаш неделно; Совршено: Три до пет пати неделно. извор: Курир.мк

Најдоброто решение за проблемот поврзан со помалку секс во врската?

Христина Ѓоргиевска — Fri, 22 Feb 2019 14:10:15 +0000

Обично од жените може да се слушне: „не вечерва, душо“, бидејќи е врежано мислењето дека мажите цело време сакаат секс, нели? А бидејќи го сакаат цело време, не е возможно вие да сакате секс повеќе од него? Но возможно е! Сексологот Ники Голдстејн ве советува да направите нешто доколку посакувате повеќе секс во вашата врска, притоа, без да создавате притисок врз вашиот сакан. Изберете го вистинското време Ако вашиот партнер е изморен од работа или мора рано да стане, можеби нема да биде подготвен да се откаже од сонот заради оргазам. Научете како да го прочитате неговото расположение и да повлечете потег кога не е премален или под стрес. Не се фрлајте на него штом ќе влезе низ вратата, дајте му време малку да се одмори. Опуштете го Ако е уморен или мора да стане рано, викнете го заедно да се истуширате и измасирајте го под туш за да се опушти малку. Откако ќе се релаксира, сè ќе се одвива во насока во која сакате. Ласкајте му Никогаш не се сомневајте во моќта на ласкањето. Бидете сигурни дека тој знае колку го посакувате и направете сè да се чувствува како најсексапилниот маж на светот. Со него однесувајте се со внимание И мажите сакаат со нив да се однесуваме како да се посебни, па затоа пригответе му вкусна вечера, изненадете го со интересен подарок, облечете секси долна облека специјално за него… Преземете ја контроларата над ситуацијата и доведете го во вистинското расположение. Започнете со предиграта надвор од домот Предиграта може да почне уште пред да се соблечете. На пример, кога сте во поголемо друштво, наведнете се над него и шепнете му што ви е на ум. Или за време на работно време испратете му провокативна СМС. Можностите се бесконечни! Дајте му малку чоколадо Во попладневните часови каснете малку чоколадо и испијте чај од ѓумбир. Ова растение илјадници години се смета за афродизијак, а црното чоколадо стимулира создавање на хормонот на среќата во мозокот. извор: пулс24.мк

Како помалку да го мразите понеделник?

Љупчо Најчевски — Mon, 09 Jul 2018 09:09:51 +0000

Ах, веќе е понеделник. Забавата и слободното време ви се ограничуваат, а работните обврски ви грабаат огромен дел од денот. За жал, понеделникот секогаш доаѓа, не можете да избегате од него. Но, можете да ги промените своите чувства кон овој „омразен“ ден. Еве неколку предлози како да го засакате почетокот на работната седмица:

Користете ги викендите максимално. Мала е веројатноста дека ќе имате одличен понеделник ако сте имале мизерен викенд. Колку и да сте амбициозни и посветени на кариерата, мора викендите да ги користите за максимално да уживате и да се релаксирате. Посетувајте нови и нови туристички места, испробувајте нови специјалитети, организирајте семејни и друштвени прослави без повод. Кога имате убави спомени во главата од викендот, ќе се чувствувате позадоволни од животот и ќе ги потиснете на дното негативните емоции кои се раѓаат од помислата на омразениот понеделник.
Припремете си привлечна/нова модна комбинација. Изгледајте блескаво во понеделник и така и ќе се чувствувате. Припремете си модна комбинација во која се чувствувате комотно и модерно и самоуверено чекорете низ денот. Подгответе ја облеката во недела навечер за да го прескокнете утринското висење пред плакар со мислата „Што да облечам денес?“. Ако имате ново парче облека, резервирајте го за понеделник. Со нетрпение ќе чекате да видите какви ќе бидат реакциите на колешките.
Понеделнички наместете го алармот половина час порано. Колку и да ве мрзи да станете од креветот, вложете напори во понеделник да станете порано. Ако не брзате при подготовките и пристигнете на работа некоја минута порано, ќе бидете порелаксирани во текот на целиот ден.
Одете на фризер или на маникир токму во понеделник. Кога знаете дека на крајот на работниот ден ве очекува третман за разубавување, со поголема леснотија ќе минувате низ обврските. Друга позитивна страна на понеделничкото разубавување е што нема толку многу раздвиженост низ салоните за убавина, па ќе ви посветат повеќе време вам.
Престанете да живеете за викендот. Сигурно сте прочитале куп статуси „Мразам понеделници“, „Едвај чекам да дојде петок“, „Јеее, викенд е“. Ваквиот начин на размислување ги засилува негативните емоции. Да, вистина е дека викендите се најзабавни, но никој не ве спречува да имате мини авантури и во текот на работната седмица. Сѐ зависи од вас и вашиот став.
Помислете на невработените и бидете благодарни и среќни што имате работа. Размислете на следниов начин: Додека вие ги мразите понеделниците, многумина копнеат да имаат работа и да бидат на вашето место.
Одолејте му на искушението да го преспиете викендот. Лесно е да потонете во креветот и да спиете 12 часа во сабота и недела, но така нема да го надоместите сонот кој ви го одзема работната седмица. Напротив, во понеделник на вашето тело ќе му биде тешко да се прилагоди на новиот распоред на спиење и станување. Потрудете се за време на викендот да се будите приближно во исто време како и во текот на работната седмица и ќе ја победите понеделничката мрзеливост.
Сокријте си мало слатко изненадување. Секој петок оставајте си во фиоката од бирото по едно мало чоколадо или од омилените бонбони. Секој понеделник ќе ви се појавува насмевка на лицето кога ќе го здогледате малото изненадување.
Правете го понеделничкиот распоред во петок, но не вметнувајте премногу обврски. Наместо да оставате дел од незавршените обврски за понеделник, завршете колку што е можно повеќе од нив во петок, а потоа испланирајте што мора да биде на дневен ред во понеделник.
Купете карти за театар, концерт или кино за среда вечер. Луѓето се многу порасположени во четврток отколку во понеделник. Причината е очигледна – наближувањето на викендот и идејата за забавни активности ни ја зголемуваат радоста. За да го направите понеделникот поподнослив, купете си „карти за забава“ за среда. Кога знаете дека ве очекува нешто интересно за два дена, ќе бидете пооптимистички настроени и ќе го прескокнете „плукањето“ по понеделниците.
Усреќете некој друг. Ветете си дека секој понеделник ќе правите барем по едно добро дело. Телефонски направете донација, почестете бездомник, купете му кафе на ваш драг колега, однесете колачи за колегите или опсипете ги со комплименти, пратете му многу мила порака на саканиот... Среќата се враќа, понекогаш двојно, понекогаш тројно.
Гледајте на понеделникот како на шанса за нов почеток. Понеделниците се одлични за сонување и постигнување. Имате нова идеја или план како да подобрите нешто во својата работа? Сакате да започнете нова диета, затоа што бевте неуспешни во старата? Понеделниците ви нудат можност да започнете од почеток, да свртите нова страница од животот и да направите нешто кое одамна го посакувате. Можете да напишете едно цело ново поглавје од вашиот живот, започнувајќи во понеделник.