Можеби четири дена порано, ама затоа пријателите на Весна – Бејби и направија волшебен роденден: Кафеана, торта и тамбураши за она: “половина век живот“ да не ја плаши (ФОТО)

Антонио Димитриевски — Sat, 07 Mar 2020 08:21:52 +0000

Весна Бејби Петрушевска... Има ли некој што не ја знае? И по она што го работи, (а што ли се' не сработе), до сето она што во животот приватно и се случуваше. Како и да е - само на арно да е, велат страите, а со сите животни премрежја, професионални и приватни растежи и падови, на Бејби засега добро и оди... И повеќе од тоа! Барем последниве 50 години! Да, да... нека не ве изненадува и чуди бројката, не е грешка... Иако Бејби воопшто не изгледа така и не ја личи за „средновечна“, туку повеќе за „вечна“ жена - годините се тие! До душа, на дамите не им се бројат годините, ама нејзе пријателите решија сепак да ја изненадат и да и го одбележат јубилејот. Иако (од веројатно разумни или изнудени причини?!) тоа го направија цели четири дена порано, ама сепак го направија. Балони, цвеќе, торта со свеќички (од кои една вреди за 5 , оти поинаку на тортата нема да ги собере), кафеана, музика, тамбураши... За она: „половина век живот“, да не ја плаши. Можеби четири дена порано, ама затоа пријателите на Весна - Бејби и направија волшебен роденден! Се разбира и таа не остана должна, па заедно сите славеа, се радуваа, наздравуваа... Со „Хепи брдеј“, барем за уште толку! А гостите одбрана дружина. Оние најблиските, најверните, најдрагите, најоданите... пријатели и блиски, меѓу кои и некои познати и популарни македонски лица, како Кролина Гочева со сопругот, уметникот Михаил Корубин или Никола Перевски попознат како Пере - „Нокаут“, на пример. Познати или не, сите еднакво драги, како што на Весна Бејби и роденденското изненадување и беше драго... И повеќе од тоа! „Половина век, мајко моја“ - напишала за годините? А, годините се всушност само бројка, зашто само небото е лимит!

половина век – Вистина.мк