политика – Вистина.мк

Бугарската пејачка Марија Донова која живее и работи во Македонија им ја плесна вистината в лице на политичарите: „Две години живеам во Скопје, не сум чула лош или навредлив збор затоа што сум Бугарка!“

Антонио Димитриевски — Mon, 31 Jul 2023 07:07:17 +0000

Марија Донова е по потекло Бугарка, пејачка која последниве години живее и работи во Македонија. Полека се интегрирала во македонското општество и домашната естрада на која е се поактивна со своите појавувања во разни емисии и шоу на различни телевизии, учество на фестивали, разни манифестации, настапи по различнио поводи. Веројатно испровоцирана од последните немили настани за и по натпреварот Шкупи - Левски во Скопје, но и сето она што ни се случува, што го гледаме и слушаме, сите лаги, провокации и уцени кога се во прашање македонско-бугарските односи и сите вета и условувања на источниот сосед за наша интеграција во ЕУ, пејачката со свој Фејсбук статус ја кажува својата вистина. Реалната слика која ја искривоколчуваат поедини провокатори, одредени политичари и медиуми од обете страни, заради лични, партиски и некакви квазинационални интереси. „Не можам а да не се вклучам и да не коментирам што пренесуваат на бугарските и македонските медиуми! Не можам да молчам овој пат затоа што темата веќе влијае на мене лично! Со целата моја почит кон сите оние фудбалски навивачи, клубови и фанови! Речиси две години живеам во Скопје! Повеќето мои пријатели и роднини знаат што правам и што работам во Македонија. За овие две години, како Бугарка никогаш не се чувствував лошо третирана од луѓето кон мене… Никогаш не сум слушнала лош или навредлив збор против мене, затоа што сум Бугарка! Од други Бугари што доаѓаат во Македонија никогаш не сум слушнала дека биле лошо пречекани од Македонците, или на граница или во некој естаблишмент. По настаните на претепаниот Бугарин во Охрид (кој испадна Македонец со бугарско државјанство), свиркањето на бугарската репрезентација на скопскиот стадион пред извесно време и гледањето на денешниот настан со Левскарите, се прашувам само едно…. Кој ве плаќа да ги правите сите овие провокации и циркуси и да создавате слична тензија меѓу братски народи? Што добивате од целата оваа вештачки создадена омраза едни кон други? Ако Македонците навистина тепаа Бугари по улиците во Охрид и кршеа коли со бугарска регистрација по скопските улици, тогаш две години ќе ме тепаа и малтретираа психички и мене. Само едно последно нешто ќе кажам од секојдневната комуникација со Македонците низ цела Македонија, а тоа е дека не ги мразат Бугарите како народ, тие ги мразат бугарските политики, како што ние самите ги мразиме. Уште еднаш, убедена сум дека денес, овие фудбалски навивачи се платени од друга политичка партија да поттикнуваат уште една тензија меѓу нашите народи, чисто медиумски, затоа што во реалност оваа тензија не постои. И секако, кога ќе бараш беља и проблем, ќе ги најдеш! Ниту еден нормален човек не би отишол во туѓа земја и да провоцира. Можеби да правев постојани провокации, ќе ме дадеа и на вести! Не можам да изберам од што повеќе да се срамам.. Дали од моите „образовани“ и „културни“ сонародници или од нашата историја? Знам само едно – сакам да живееме во мир, разбирање и меѓусебна почит!“ - споделила пејачката на социјалните мрежи.

View this post on Instagram

A post shared by 𝑀𝑎𝑟𝑖𝑗𝑎 𝐷𝑜𝑛𝑜𝑣𝑎 (@marija.donova)

Нејзиниот статус разбирливо, веднаш наиде на лавина од различни реакции... Дел позитивни, дел, негативни, но оние што навистина ја разбраа што сака да каже - ја сфатија правилно! Затоа токму на нив Марија уште еднаш јавно им се заблагодари, дополнително потенцирајќи дека само интилигентните сфатиле дека не зазема ничија страна... Освен онаа, на правдината.

View this post on Instagram

A post shared by 𝑀𝑎𝑟𝑖𝑗𝑎 𝐷𝑜𝑛𝑜𝑣𝑎 (@marija.donova)

„Ви благодариме за поддршката и разбирањето! Читајќи ги коментарите, изгледа дека само интелигентни луѓе разбрале дека не заземам ничија страна! Ги сакам двете мои земји, на овој или оној начин! Има добри и лоши луѓе во двете земји! Вака светот блеска низ целата земја! Искрено ми е жал за засегнатите луѓе кои некако завршија на погрешно место во погрешно време! Го споделив со вас она што го гледам цело време кога сум таму! Некои ме нападнаа во коментари, но ова се луѓе кои едноставно не сакаат да ја прифатат другата вистина! Останатите, широкогради и здравомислечки луѓе ме разбраа уште од прва! Ви благодариме за поддршката!“ - дополни пејачката на својот Фејсбук! Па кој ја разбрал - разбрал, кој не... ќе остане да живее во заблуда! Фото: Фејсбук и Инстаграм/marija.donova

Српската пејачка призна: Поради политиката го напушти пеењето, а сега горко се покаја што го заменила микрофонот со фотелја! (фото)

Слаѓана Атанасова — Tue, 29 Mar 2022 09:20:31 +0000

Јелена Лаловиќ позната како Јелена, наеднаш се повлече од естраната сцена и тоа кога беше на врвот на кариерата. Јелена и се посвети на дипломатијата, а после долги години откри дека се покајала што го заменила микрофонот со фотелјата. „Мило ми е што успеав да се грижам добро за децата, ништо не би сменила. Но, за жал, работата не ми донесе ништо освен што некои луѓе ме замразија, или добија поинакво мислење за мене. Бев строга и кон самата себе. Сега не можам да се препознаам. На сцената ми е подобро, се опуштам и пеам“. Сега не и е лесно на некогашната пејачка по долга пауза да глуми дека ништо не се случило, во меѓувреме. „Ниту напуштањето на фотелјата не е лесно, но никој не се родил во фотелја“ - се пожалила Јелена. Фото: Принтскрин/ инстаграм/jellena.lalovic

На српскиот избор за Евровизија нов скандал, во кој Аца Лукас обвини за местење, па го „подбра“ Бајага: „Стутканиот Бајага, со онаа фарбана коса што не смее да излезе на дожд, под итно да си го смени дилерот“! (ФОТО)

Антонио Димитриевски — Sat, 05 Mar 2022 08:48:52 +0000

Фолкерот Аца Лукас одржи прес-конференција по повод учеството на фестивалот „Песна за Евровизија 22“. Во музичкото натпреварување Лукас се пласираше во финалето кое ќе се одржи во сабота. Сепак, првата вечер дошло до инцидент меѓу него и Момчило Бајагиќ Бајага. На самиот почеток на пресот, Лукас го подбрал рокерот. „На овој конкурс се пријавивме со причина, но, не знаевме дека ќе биде наместен. Можеме да го победиме и тоа. Срамота е тоа што го прават овде. Никој не е глупав. Го ставивте стариот, стуткан Бајага, кој е страшен уметник, а почна да се однесува како будала, да раскажува приказни за политика среде фестивал, шокиран сум. Со таа бојадисана коса што не може да излезе на дожд... Ова е трагедија, шокиран сум“ - рекол Лукас, па објаснил и како се случил инцидентот со музичарот. Имено кога се сретнале пред почетокот на српскиот избор за „Песна за Евровизија 22“ се поздравиле, но Бајага, му забележал дек во некоја емисја Лукас пеел негова песна, а при тоа гостин бил и еден познат политичар од актуелната власт, со која Бајага не се согласува бидејќи е опозиционо настроен. „Не може тоа така, не ги пеам јас твоите песни, је*о те...“ - му рекол Бајага, што веднаш го изнервирало Лукас, кој после се тврди дека наводно тоа и му била целта на рокерот: Да го изнервира и испровоцира за Аца Лукас да има лош настап. при тоа Лукас тврди дека бил и цело време изминиран на сцената со звукот, светлото, ТВ кадрите...! „Стутканиот Бајага под итно мора да си го смени дилерот“ - јавно му порачал Лукас на рокерот, асоцирајќи дека овој користи опијати! Фото: Принтскрин Курир.рс/Ана Паунковиќ

„Ѕвездата на Гранд“ влегува во политика – се кандидираше за пратеник на локалните избори

Христина Ѓоргиевска — Tue, 06 Oct 2020 09:21:22 +0000

„Ѕвездата на Гранд“, Белма Каршиќ одлучи да ја промени професијата и се кандидираше за пратеник на локалните избори во Сараево. „Драги мои пријатели, во оваа прилика сакам да ве известам дека одлучив да се приклучам на Назависната Боснохерцеговска листа, за подобро Сараево. На локалните избори во 2020 година сум на списокот за Совет на општината под број 9. Време е ние младите да бидеме активно вклучени во создавањето на нашата иднина со цел да останеме во нашата прекрасна Босна и Херцеговина - стои во соопштението на убавата пејачка, пишува „Grandonline“. Потсетуваме, Белма пред пет години се прослави во „Ѕвездите на Гранд“, а пред една година стана мајка.

Сузана Манчиќ влегува во политиката: „Сакам да бидам градоначалничка на Белград“ (ФОТО)

Антонио Димитриевски — Wed, 17 Jun 2020 09:54:03 +0000

Некогашната лото девојка, ТВ водителка и пејачка внимателно ги следи настаните на политичката сцена и е убедена дека доколку влезе во политиката, добро би се снашла на некоја одговорна позиција. „Моите родители ме тераа да се зачленам во Сојузот на комунистите на млада возраст. Сепак, сфатив дека тогаш тоа не ме интересира, па им се посветив на музиката, естрадата и телевизија, но ја следам политиката бидејќи е составен дел од нашите животи. Јас би сакал да бидам градоначалничка на Белград! Го сакам мојот град и тоа би го покажала на многу начини кои на сите ќе им бидат од полза, кога би ми се укажала таква можност. Тоа е многу одговорна функција, но верувам дека би правела само добро“ - вели познатата водитлка и додава дека редовно оди на гласање: „Ми се лоши кога слушам некој да рече: „Не ми е гајле за изборите“, или: „Не одам на гласање“. Се ежам од тоа! Само ако одиме на гласање, можеме да се избориме за некои промени. Би сакала да влезам во политиката, но во овој момент немам многу време затоа што сум на релација Грција - Србија. Политиката бара цел човек, тоа е многу сериозна и одговорна работа. Барем јас така ја сфаќам“ - вели Сузана.

Боки 13 со нова шок изјава ја запрепасти јавноста: „Пред вас стои идниот лидер на оваа земја“ (ФОТО)

Антонио Димитриевски — Fri, 08 May 2020 08:29:44 +0000

Бојан Јовановски, познат како Боки 13, првоосмничениот во случајот „Рекет“, на последното рочиште во судот во Скопје даде шокантна изјава со која ја запрепасти јавноста. Имено, на крајот на сведочењето тој рече дека по завршувањето на овој судски процес, тој планира да се занимава со политика, затоа што мета дека е политички затвореник. „Можеби ќе звучи банално за вас, некои аналитичари можеби ќе се смеат мислејќи дека сум луд, но во овој момент велам дека следниот лидер на оваа земја е пред вас и дека планирам да се занимавам со политика“ - рече Јовановски. Ако е Боки сериозен, тогаш бившиот премиер и лидер на СДСМ - Зоран Заев, половина влада, како и еден куп други политичари и јавни личности веќе имаат фотографија за паметење со новиот „македонски цар“! А, баш ги личи - селфи со „кинг Боки Тредичи“!

Александра Буковчан како Чичолина: Бивша хрватска порно актерка влегува во политиката (ФОТО)

Антонио Димитриевски — Mon, 30 Sep 2019 10:21:39 +0000

Хрватската порно глумица Алекса Вајлд, чие вистинско име е Александра Буковчан, ја остава зад себе кариерата во филмовите за возрасни за да и се посвети на политиката, пренесува , пренесува ТВ Пресинг, велејќи дека дамата влегува во партијата Алијанса за промени . Александра за хрватските медиуми ги открива нејзините желби дека сака да се реализира на политички план. „Би сакала да видам конкретни промени, а тие може да се наметнат само на национално ниво. Нема да бидам лажно скромна, мојата амбиција е да бидам кандидат како прв на списокот за изборна единица два, значи, во парламентот на Хрватска“ – вели Александра, која не гледа зошто нејзиното минато би застанало на нејзиниот пат да го оствари тоа. Таа смета дека нејзината поранешна професија, за која вели дека уживала додека ја работела, ако е причина зошто медиумите ја следат, тогаш и е многу мило заради тоа. „Интересот на јавноста за порнографијата е голем. На самиот почеток кога имав настапи по телевизиите јавно говорев за тоа, отворено и без задршка одговарав на прашањата кои ја интересираа јавноста, а кои без причина се сметаа за табу“ - вели Буковчан. Поголема корист од неа и нејзината популарност, објаснува таа, имаат партиите. Како ќе го искористи тој потенцијал зависи, вели, од нејзиниот однос кон медиумите и секако со јавноста. „Политичката партија може од мене да има корист, не јас од неа. Реално гледано, за личен став за одреден проблем, макар бил и радикален, јас можам да бидам само добитна за политичката сцена. На мене ќе гледаат поинаку и ќе бидам во состојба да допрам до луѓето кои се пасивизирани заради „епидемијата“ од политичките елити“ - уверерува Александра.

„СМАТ“ потсетија и им посветија песна на децата жртви на политиката – „Во мојот град“ (ВИДЕО)

Антонио Димитриевски — Thu, 22 Nov 2018 13:23:16 +0000

Македонската метал-кор група „Смат“ (SMUT) го промовираше својот нов видео-спот за песната „Во мојот град“, кој е објавен на „Јутјуб“ каналот.

Владимир Митревски - Ѓуле ја потпишува режијата на видеото „Во мојот град“ кој е воедно и прв видео-запис од новиот албум на „Смат“ насловен: „Тие се насекаде“. Овој албум e петто студиско издание во досегашната, повеќе од 20-годишна кариера на бендот кој е основоположник на таканаречениот метал-кор стил и и важат за една од најценетите групи во овој дел од Европа.

Песната, како што велат, е посветена на луѓето кои сакаат да прикриваат убиства и ги користат тие убиства за своите маркетинг кампањи, а во нив невини жртви се децата.

„Запомнете ги Мартин, Тамара и децата од Смилковско езеро“ - порачуваат „Smut“.

Во видеото како специјална гостинка се појавува и македонската актерка Виолета Шапковска, а како е сето тоа спакувано проследете во продолжение. https://www.youtube.com/watch?v=Py0EkXpmszk

Скандали, афери, местенки, измами, секс, дрога, криминал… Сораја објавува автобиографија – никој нема да биде поштеден!

Антонио Димитриевски — Tue, 06 Feb 2018 12:18:23 +0000

Српската старлета Сораја Вучелиќ ќе пишува книга за скандалите од својот живот во кои се вмешани голем број на бизнисмени, политичари, спортисти, пејачи и актери.

Српската естрада е во паника бидејќи популарната старлета Сораја пишува автобиографија. Таа одлучила да ја заинтригира јавноста со детали од својот живот за кој официјално не се знае речиси ништо, а низ анегдоти ќе спомене и бројни јавни личности.

Познато е дека таа се дружи со најмоќните и најпопуларни лица во Србија. Со сите минала низ разни ситуации за кои ќе пишува во својата автобиографска книга. „Толку многу се пишуваше и зборуваше за мене што мислам дека е жално да не објавам книга. Некогаш не бев во ситуација да одговорам на некои прозивки или трачеви, па така сега вистината за сите нив ќе биде обелоденета“ - најви Сораја.

Таа планира да открие кој стои зад палењето и уништувањето на нејзините скапи автомобили, за врските со многу контроверзни лица од политиката, криминалот, подземјето, бизнисот, естрадата... Сораја е свесна дека книгата ќе предизвика вистински хаос, но вели дека воопшто не ја интересира што јунаците од нејзините приказни не сакаат некои тајни да се дознаат.

„Навистина ми е жал што некои нема да можат мирно да спијат пред, а и откако книгата ќе ја здогледа светлоста на денот. Ќе има и такви на кои нема да им биде добро кога ќе се промовира романот. Секој по заслуга. Постојат личности кои многу ми згрешиле, па редно е некои работи да бидат разјаснети. Ќе има и случки и личности кои само ќе бидат споменати, за читателите самите да погодуваат за која личност станува збор. За оние кои преку мојот грб сакаа маркетинг ќе има посебно поглавје“ - додава Сораја.

Сораја вели дека уште на самиот почеток се соочува со „проблем“ бидејќи имала доволно материјал за два романи, па доколку се’ се смести во еден, ќе останела недокажана. Затоа можни се и неколку продолженија на нејзините автобиографски случки, кои како што самата Сораја тврди, никој жив нема да може да го сопре нивното издавање или да ги цензурира.

„Јас сум самата господар на својот живот и го живеам како што сакам, никој не може да ми се меша“ - децидна е старлетата.