политичари – Вистина.мк

Моника Јовановска – македонската учесничка во „Задруга“ ја шокираше јавноста со Инстаграм објава: „Ќе ги објавам сите политичари што ми праќаат непристојни предлози и недолични фотографии“ (ФОТО)

Антонио Димитриевски — Sat, 09 Sep 2023 07:15:00 +0000

Моника Јовановска, јавноста ја запозна како уште една македонска ученичка во најгледаното ријалити „Задруга“, поточно во неговата петта сезона. Нешто подоцна дознавме дека е и една од најдобрите другарки на фолк пејачката од Битола со скопска адреса на живеење, Марија Луиса Тодоровска. Во „Задруга“ Моника можеби беше малку повеќе во сенка на ултраскандалозните старлети како Миљана Кулиќ, Далила Драгојевиќ, Сандра Решиќ, Дениз Дејм, со која патем беа блиски, како и останатите ријалити ѕвезди од кои не можеше до крај да дојде до израз. Неодамна ријалити дамата и самата во едно свое интервју обзнани дека би отворила сопствена „Only fans“ страница за возрасни. „Јас поддржувам се што е во границите на нормалата и ги бодрам девојките кој се креатори на OnlyFans страницата за возрасни, зошто и тоа е легитимна работа како и секоја друга каде што земаш плата. Кога станува збор за тоа дали јас би отворила OnlyFans страница секако дека би го направила тоа доколку ги задоволи моите финансиски апетити“ - кажа Моника. Но затоа надвор од реалното шоу, Моника по се' изгледа и тоа како им ги зголемува апетитите на мажите и тоа дури и на оние од нај високиот политички врв... Очигледно контроверзната убавица и самата знае да предизвика лудница... Барем на социјалните мрежи, како што тоа и го направи со една од последните објави на своите Инстаграм приказни. Имено, Моника преку својот профил на Инстаграм се закани дека ќе ги објави сите политичари кои ѝ пишуваат незгодни пораки и ѝ праќаат разни понуди во вид на непристојни предлози и недолични фотографии и... Какви уште не, „вирални перверзии“. Таа во своето „стори“ објави дека поедини политичари ѝ нуделе пари, вечери, автомобили, дека ѝ праќале фотографии (веројатно интимни), „кули и градови... - како што самата вели, а истите се срам за Македонија. „Овие нормалниве луѓе ги објавувам затоа што е смешно, ама овие некои од политичариве што ми даваат понуди, праќаат слики, пари, вечери, кули и градови за една вечер со нив како јас да сум којзнае што, наскоро ќе ги објавам со слики и скриншоти… Зашто мислат дека се многу паметни и дека со пари можат се да направат. Жив срам за Македонија” - објавила Моника. Што се однесува до нејзиниот моментален љубовен статус вели: „Имам страствена „летна“ авантура, но ќе видиме што ќе се случи понатаму, уште е прерано да кажам нешто повеќe“. Кој е среќникот во чии прегратки разменува страсти и воздишки и дали наскоро ќе бидеме сведоци на политичко-сексуален ријалити мегаскандал во Македонија? Сепак, оттогаш мина доста време, а она што го ветуваше и кажуваше, Моника до ден денешен никако и да го покаже и докаже!

Фото: Инстаграм принтскрин/monnaa.jo

Говор на кој би му позавидел секој македонски политичар: „Промената ќе дојде… од Подмочани!“ (ВИДЕО)

Антонио Димитриевски — Fri, 03 Dec 2021 08:29:16 +0000

„Браќа... Сестри... Македонија 30 години крвари... И ние крвариме со неа. Не може веќе вака. Цело време зборуваме ова нечини, она нечини, се' едни луѓе не водат... А кога ќе дојде време за промени што правиме ние? Ништо... Се криеме како пи*ки под кошули...“! Ова можеби ви звучат како зборови од говор на некој лидер на политичка партија во Македонија иако не се, а всушност е говор на кој би му позавидел секој македонски политичар. До душа кажан само декларативно, наменски, со цел... Иако и нашите политичари тоа истото го прават, па дури некои од нив и со раката на срце колнејќи се во таковината и фамилијата, а потоа излегува дека едно кажале, друго мислеле, а сосема трето направиле. И пак никому ништо, „кучињата си лаат - карванот си врви“... И така со години, додека не ни дојде „водата до уши“, не ни „догори до нокти“, па наместо да се криеме како, знате веќе што под кошули, нема да го чекаме времето за промени, туку веднаш ќе ги спроведеме. Арно ама, има ли ден? Има ли јунак или постојано ќе се најде некој Јуда да ја уништи надежта, да ја спречи промената и за тоа дебело да си ја наплати цената? Но, за да не испадене дека ова е политичка колумна иако она што ќе го слушнете во продолжение не е далеку од вистината, поголеднете го и внимателно слушнете го говорот на најголемото лидериште во пансион „Преспав“ Коста Бузалевски... Говор на кој навистина секој политички лидер би му позавидел. Инаку новата, 6-та сезона на телевизискиот ситком „Преспав“ започнува да се емитува од 20 декември 2021 година, секој работен ден од 20:15 часот на МРТВ. Дотогаш, слушнете го говорот на Коста Бузалевски кој ги гарантира промените... А промената ќе дојде... од Подмочани!

View this post on Instagram

A post shared by Преспав (@pansionprespav)

Уредничката и ТВ водителка Јована Јеремиќ проговори за непристојните предлози од политичари за да добие работа: „Ми понудија сè, само да спијат со мене“ (ФОТО)

Антонио Димитриевски — Wed, 10 Feb 2021 11:24:34 +0000

„Малечката која прави чуда“ - така себе си се опишува водителката и уредник на ТВ Хепи, Јована Јеремиќ. Водителката вели дека зборувала кога имала само шест месеци, секогаш била најдобра студентка, на 14 години уредувала тинејџерска емисија на локалната телевизија во Лазаревац, дипломирала на Правниот факултет со просек од 9,6... Таа го водеше реалното шоу„Парови“, а на 29 години стана уредник на „Утринската програма“ во Хепи телевизија. Сепак, нејзината животна приказна не е како од бајка. Јована за открива дека пред нејзината кариера во Хепи, година и пол била без работа затоа што не прифаќала непристојни понуди од поедини политичари! „Секојдневно гледав од дома лица кои водат програми на телевизија, а немаат врска со она за што зборуваат. И плачев. Со сите мои успеси и дипломи, не можев да најдам работа. Добив ненормален број непристојни понуди во замена за вработување. Ми понудија сè само да спијат со мене. Имав голем проблем со еден политичар. Веќе не е на јавната сцена, но е сериозен кретен. Затоа го кревам мојот глас против елитната проституција во водителството! Бидејќи реков „не“, долго време бев без работа, токму поради ваквите „колешки“ кои дојдоа да работат преку креветот!“ - ја започнува приказната Јована и забележува дека и се гади еод жени кои сè уште добивааат работа преку кревет: „Има елитни проститутки во ТВ водителаството и новинарството, но тие не го продаваат телото за пари, туку за подобра позиција. Не може да биде пред камера само затоа што е убава или е нечија девојка или швалерка. Ова не е „Фешн ТВ“! Сигурна сум дека на крајот ќе опстанат само оние кои знаат вистински да работат, како што се Мира Адања Полак, Оливера Ковачевиќ, Весна Дедиќ ... Јас успеав само благодарение на упорноста и работата. Не ме туркаше љубовник туку работата“ - објаснува Јована Јеремиќ!

Игор Џамбазов вака им го честиташе Денот на Македонскиот јазик на сите, а најмногу на политичарите: Од А до Ш и малку понатака… по ново! (ВИДЕО)

Антонио Димитриевски — Wed, 06 May 2020 07:43:31 +0000

Вчера, 5-ти мај беше Денот на македонскиот јазик. АСНОМ, на своето Прво заседание на 2 август 1944 година, донесува решение за воведувањето на македонскиот како службен јазик. Со објавувањето на македонската азбука на 5 мај и со усвојувањето на македонскиот правопис на 7 јуни 1945 година од Народната влада на Федерална Македонија, се случува кодификација на современиот македонски литературен јазик. Македонија го одбележа својот празник, па бројни видни личности упатија честитки по тој повод. Директно од Стар Дојран, каде „со врски“ е дислоциран во изолација за време на корона пандемијата, македонскиот актер, водител, пејач, пистал, шоумен... и се' друго што го бива да биде, Игор Џамбазов, исто така упати честитки по повод празникот. На сите, вклучувајќи се и себе си, ама најмногу на политичарите. До душа со скриена порака, ама кој знае да чита „меѓу редови“ - ќе ја разбере. Иако многумина се посмневаа дека малкумина од нив ја разбрале, уште помалку ги допрела, ама сепак... Не допира нас, зашто ние на крајот секогаш ја плаќаме цената од цехот што тие ќе го направат. Така, Џамбаз по честитката, прво набрзина вербално ја изрецитира македонската азбука... Од А до Ш, а, Бога ми и малку понатака... по ново! Погледнете и слушнете како звучи македонската азбука... и по старо и по ново, според Игор Џамбазов:

View this post on Instagram

Честит нека ни е денот на азбуката наша македонска! Видео бај @ilina_arsova .

A post shared by Игор Џамбазов (@igordzambazov) on May 5, 2020 at 5:23am PDT

Сашко Коцев ги „поздрави“ политичарите: Им упати новогодишна честитка, а всушност ги „уби во поим“ (ВИДЕО)

Антонио Димитриевски — Tue, 17 Dec 2019 08:39:19 +0000

Наближува Нова Година, највеселата и најлуда ноќ во годината, а со неа и вообичаените работи: подароци, поздрави и честитки... Сите некому честитаат, а народот особено е среќен и очекува покрај тоа што ќе му донесе Дедо Мраз да слушне какви честитки и пораки имаат да кажат јавните личности и кому му ги упатиле познатите и популарни македонски фаци. Еден од најпопуларните актери и одвреме-навреме водители е секако Сашко Коцев! Естрадниот магазин „Бекстејџ“ го најде популарниот кумановец, каде на друго место, ако не во театар, па го прашаа има ли новогодишна честиткиа за македонските политичари или можеби новогодишна порака која сака да им ја упати?! А Сашко како од топ им порача нешто, на што тешко дека некои од нив ќе му се израдуваат...Та биле позиција или во опозиција. Им честиташе Нова Година со порака, а всушност ги „отепа“! Ги уби во поим! А пораката е толку вообичаена и едноставна: И во новата 2020 година да си поминат како што си поминааа оваа, и новата да им биде онакава, каква што им беше и годинава! Што по некоја логика би значело опозицијата да си остане во опозиција, а на власта да и се случува она што и се случуваше годинава: Дузина скандали, грст афери, криминал, корупција, рекет, насилство, сиромаштија, бесправно владеење, тотална анархија... И после пак некој од нив нека рече дека Коцев им е виновен за новогодишната честитка? А човекот само сакаше да ги поздрави македонските политичари! Ама, ете...

View this post on Instagram

@sashko_kocev со новогодишна честитка до политичарите, во негов стил⬇️⭐️ . . . Целото интервју гледајте го вечерва на Канал 5 - 22:30 часот.

A post shared by ????????? ????????? ???????? (@backstage_macedonia) on Dec 16, 2019 at 8:27am PST

Погледнете го и целиот муабет: Фото: Фејсбук/Насловна „Машки магазин“

Политичари, ТВ водители, актери, естрадни лица… Ова се само дел од гостите на Цеца, кои дојдоа на свадбата на нејзиниот син (ФОТО)

Антонио Димитриевски — Mon, 25 Nov 2019 09:38:58 +0000

Повеќе од 500 гости присуствуваа на свадбената веселба на Вељко Ражнатовиќ и Богдана Родиќ, од кои повеќе од 350 беа гости на свекрвата Цеца. Синот на фолк дивата вчера го кажа судбоносното „да“ во храмот „Свети Сава“ во центарот на Белград, а сватовите и гостите се собраа во хотелот „Хајат“ каде се одржува „свадбата на деценијата“, како што многумина па и српските медиуми ја нарекоа. Меѓу познатите личности, новинарите ги уловија и Жељко и Јована Јоксимовиќ, Милан Калиниќ, Сања Маринковиќ, Саша Матиќ, Снежана Ѓуришиќ, Аца Лукас… ...И многу други познати политичари, ТВ водители, актери, јавни лица и естрадни фаци кои беа поканети и дојдоа на свадбата. На веселбата присуствуваше и министерот за надворешни работи на Србија, Ивица Дачиќ, кој им посака среќа и благосостојба на малдите. На прашањето дали и тој ќе запее, Дачиќ кој е познат по тоа што често се фаќа за микрофонот, на новинарите им одговорил: „Искрено и мене тоа ме интересира“!

Ни Трамп, ни Обама: Нема место за политичари на кралската венчавка

Кристина Петрушевска — Wed, 11 Apr 2018 11:42:25 +0000

Британскиот принц Хари и неговата свршеница Меган Маркл не ги поканија на свадбата Тереза Меј и Џереми Корбин. Одлуката да нема „официјален список“ со политички лидери на кралската венчавка значи дека ни американскиот претседател Доналд Трамп нема да добие покана. Одлуката била донесена поради ограничениот број на места во црквата и фактот дека Хари е само петти во редот за наследување на престолот. Исто така е потврдено дека поранешниот американски претседател и првата дама Барак и Мишел Обама, кои се блиски пријатели на принцот, не се поканети на венчавката. На кралската венчавка на 19 мај во замокот Виндзор ќе има 1.200 „обични смртници“ од јавноста. Двојката веќе најави дека не сака класични свадбени подароци, туку објави листа на добротворни организации што двајцата ги поддржуваат и ги повикаа заинтересираните и гостите да донираат на нивните сметки.