политичар – Вистина.мк

Осамнаа експлицитни снимки на Маријана Зоњиќ: Еве кому пејачката и ријалити ѕвезда му ги испраќала (ФОТО+ВИДЕО)

Антонио Димитриевски — Thu, 08 Sep 2022 09:50:05 +0000

Пејачката и поранешна ријалити учесничка Маријана Зоњиќ јавноста ја памети и како бивша девојка на пејачот Игор Костиќ. Меѓутоа, во текот на романсата со екс-сопругот на фолкерката Мина Костиќ, накогашната „задругарка“ флертувала и со други мажи.

View this post on Instagram

A post shared by MARIJANA ZONJIC💓 (@_marijana_zonjic_star)

Како што се дознава, Зоњиќ му испраќал експлицитни снимки и фотографии на поранешното момче на Миљана Кулиќ, Лука Радивојевиќ. Лука истакна дека извесно време бил во контакт со Зоњиќ, но дека ништо повеќе од тоа не се случило, бидејќи, како што вели, бил разочаран од нејзиното раскалашено однесување.

View this post on Instagram

A post shared by Marijana Zonjic (@marijanaa_zonjic)

„Со Маријана извесен период разменувавме пораки, таа ми испраќаше свои секси клипови и фотографии, а да биде уште полошо, сето тоа го правеше додека беше во сериозна врска со пејачот Игор. Освен со фотографии, ме опсипуваше и со пораки чија содржина не би ја откривал, доволни се овие видеа за да се покаже која е всушност и колку е евтина, што можете и самите да видите. Покрај мене, таа се допишуваше и правеше многу работи и со еден политичар, кој и обезбеди покрив над главата. Да потсетиме, Маријана по раскинувањето со Игор истакна дека врската ја прекинала поради кариерата!?

View this post on Instagram

A post shared by Marijana Zonjic (@marijanaa_zonjic)

Мајката на Тања Савиќ проговори за врската на пејачката со политичарот: „Од тоа нема ништо вистина“

Христина Ѓоргиевска — Tue, 23 Nov 2021 12:40:46 +0000

Некое време се пишува дека Тања Савиќ е во врска со познат политичар, градоначлникот на Бања Лука, Драшко Станивуковиќ. Пејачката во „Инстаграм лајв“ ги демантираше овие пишувања. Иако се уште се пишува дека се во емотивна врска, мајката на Тања за блиц.рс вели дека нема ништо од тоа. Имено, таа од портата на нивниот дом таа изјавила дека не сака да зборува за нивната романса. -Најдете ја, па зборувајте за неа. Никој не видов, имав корона, бевме во изолација. Порано купував весници додека Тања се напреваруваше во „Ѕвездите на Гранд“, а сега имам телефон да читам“, вели мајката на пејачката. =Ништо не е точно. Каков Драшко? Едвај се ослободив од еден, сега не и е потребен друг маж. Не можам на никој ништо да забранам, но сега децата се тука и не и треба никој. Сега треба да ги чува децата, изјави мајката на Тања. За потсетување, сопругот на Тања, Душан Јованчевиќ во април претходната година без знаење на пејачката ги зема децата и ги однесе во Австралија. Пејачката во април оваа година ги врати своите наследници и живеат со неа во Смедерево. фото: принтскрин/инстаграм/тања савиќ

Се огласи бабата на политичарот кој наводно е во врска со Тања Савиќ: „Нека се држи подалеку од мојот внук, таа не е жена за него“

Христина Ѓоргиевска — Thu, 18 Nov 2021 09:59:34 +0000

Главна тема во медиумите периодов е врската на Тања Савиќ со градоначалникот на Бања Лука, Драшко Станивуковиќ. На оваа тема сега проговори и бабата на Драшко, Госпава. -Не се во врска, а не ни сакам да бидат. Едноставно, таа не е за него. Таа има деца, има сė, вели Госпоава за блиц.рс и додава: -Не е за него да жени жена која има две деца. Дај Боже нејзините деца да се добро, но таа нека биде подалеку од мојот внук. Бабата на Драшко вели дека многу се вознемирила поради заканите од мажот на Тања, Душан. -Нејзиниот сопруг изјави се и сешто. Не ја знам лично, ја познавам од порано како пејачка. Драшко баш сношти ми кажа: „Бабо, тоа е една голема глупост, немој да се грижиш, нема ништо од тоа. Тие мора да пишуваат“, вели бабата на политичарот и додава дали би сакал да се ожени нејзиниот внук. -Уф, тоа ми огромна желба. Тој сега има девојка, но не сакам да зборувам за детали. Тоа нема врска со Тања Савиќ. Треба да најде некоја помлада која ќе му роди деца. Неговиот возач ми вели дека има убава девојка. Тоа што пишуваат за Тања нека пишуваат“, вели баба Госпова. Инаку,Тања Савиќ не сакаше да ги коментира пишувања дали е во врска со Драшко, а на прашањето каде и е момчето, таа одговори: Вие знаете каде е, мислејќи на Бања Лука. фото: ата имагес/принтскрин/инстаграм/тања савиќ

Сандра Миљaковиќ е минато: Виктор Живојиновиќ е во врска со поранешната девојка на овој политичар?

Христина Ѓоргиевска — Wed, 27 Oct 2021 09:40:03 +0000

Синот на Лепа Брена, Виктор Живојиновиќ беше во врска со Сандра Миљаковиќ, а сега медиумите пишуваат дека подолго време не се видени заедно. Се пишуваше за нивното раскинување, но тие не се огласија по повод овие пишувања. Меѓутоа, сега се шпекулира дека наследникот на Брена, русокосата девојка ја заменил со бринета која на јавноста и е позната по врска со еден политичар. Викор и Сандра беа на чекор да запловат во брачните води, но наводно на нивната љубов им дошло крај. Имено, парот кој не се разделуваше со месеци не е виден заедно, а не ги ни демантираа пишувањата за раскинувањето. Меѓутоа, деновиве во медиумите се шпекулира дека новата девојка на Виктор Живојиновиќ исто така е многу убава, но и дека претходно била во била во врска со градночалникот на Бања Лука, Драшко Станивуковиќ. Имено, Кристина Бероња објави стори со Виктор од кафана, па токму поради тоа се појавија гласини дека меѓу нив има нешто повеќе од пријателство. Дали тие навистина се во врска останува да видиме. фото: Бошко Карановиќ/инстаграм

Тања Савиќ се огласи по написите дека имала афера со политичар: „Јас сум среќна жена“

Христина Ѓоргиевска — Fri, 22 Oct 2021 08:20:27 +0000

Српските медиуми неодамна пишуваа дека пејачката Тања Савиќ во текот на летото наводно била во врска со политичар. Овие гласини започнаа кога во емисијата „Папарацо лов“, водителката Јована Јеремиќ откри екслузива односно изјави дека пејачката имала афера со политичар. „Тања Савиќ беше во тајна врска со зафатен политичар“: Водителката Јована Јеремиќ откри шокантни детали за пејачката – Вистина.мк (vistina.com.mk) По овие написи, Тања првпат се појави во јавност и ги прокоментира овие шпекулации. На прашањето дали се точни инфорациите, таа изјави: „Кога веќе пишувавте за тоа....“ започна Тања, а на прашањето дали е заљубена, порача: „Не знам дали тоа се гледа? Јас сум само среќна жена“ изјави Савиќ. Инаку, Тања и претходната година во април се најде во центарот на вниманието кога нејзиниот се уште законски сопруг Душан Јованчевиќ ги зема нејзините деца без нејзино знаење и ги однесе во Австралија. Пејачката ги немаше видено нејзините наследници една година, а пред неколку месеци судот донесе одлука децата да се вратат кај неа во Србија. фото: принтскрин/инстаграм/тања савиќ/инстаграм/прес србија

По написите дека Тања Савиќ е во врска се политичар, се огласи и нејзиниот се уште законски сопруг: „Ако тоа е вистина, тогаш таа е жена без морал“

Христина Ѓоргиевска — Fri, 15 Oct 2021 08:32:41 +0000

Водителката Јована Јеремиќ во емисијата „Папарцо лов“ изјави дека пејачката Тања Савиќ е во врска со политичар од Босна. По оваа нејзина изјава започна да се пишува за тоа кој е тој политичар, а наводно станува збор за градоначалникот на Бањалука, Драшка Станивуковиќ. По овој повод, за телеграф.рс се огласи и сопругот на Тања Савиќ кој бил изненаден од веста за наводната афера меѓу пејачката и политичарот. „Првпат слушам од вас. Тања и јас се уште сме во брак. Мислам дека прво требаше со мене да расчисти, па тогаш да започне нова врска. Ако тоа е вистина, тогаш тоа многу зборува за нејзиниот карактер, тоа се жени без морал. Се останато ви е јасно“, изјави Душан. Инаку и Тања Савиќ се огласи по пишувањата дека имала нешто со Драшка. „Не сакам да коментирам ништо. Ништо. Ни да демантирам. Мене тоа ми смешно. Само „no comment“, мислам дека тоа е најпаметно. Ако повторно нешто изјавам, знаете тоа ќе биде ова....Навистина немам коментар за ова Јована Јеремиќ“ изјави пејачката. На конкретното прашање дали била во врска со Драшко, Тања вели: „Господе, какво е тоа прашање, имам ли јас право да ја зачувам својата приватност и да не изнесувам детали за мојот приватен живот? Не морам да одам на полиграф. Вие пишувајте, тоа ви е работа. Ако имате докази – почитувам, ако немате – и тоа го почитувам. Што и да кажам ќе биде разберено на друг начин, а кој зборува за туѓиот живот, зборува за себе. Посебно ми беше интересна она нејзина реченица: „Симни се од Курт, качи се на Мурт“. Тоа е некое нејзино мото? Тоа сакав да кажам, но сепак не сакам со никој да бидем во конфликт“, изјави Савиќ за телеграф.рс фото: Никола Томиќ/јутуб/вести српске/инстаграм/тања савиќ/

„Тања Савиќ беше во тајна врска со зафатен политичар“: Водителката Јована Јеремиќ откри шокантни детали за пејачката

Христина Ѓоргиевска — Thu, 14 Oct 2021 11:01:34 +0000

Водителката Јована Јеремиќ во емисијата „Папарцо лов“ откри дека Тања Савиќ била во тајна врска со млад, босански политичар. Водителка сега откри повеќе детали за наводната афера на пејачката. „Слушнав дека еден млад политичар бил во тајна љубовна врска со Тања Савиќ“, изјави Јована. „Не е од Србија, од Босна е“, додаде водителката и ја заинтрегира јавноста. Таа не запре тука, па откри уште детали. „Се тоа се случи на Јахорина додека тој беше во врска со друга жена, но пукна тиквата кога политичарот започна трета врска. Летна авантура“, објасни водителката. Тања Савиќ не се огласи по повод овие пишувања. За потсетување, пејачката се најде во центарот на вниманието кога претходната година нејзиниот сопруг без нејзино знаење ги зема децата и ги однесе во Австралија. Пејачката тогаш се огласи и откри шокантни детали од бракот со сопругот, па поднесе барање за развод и барање да добие старателство над децата и да ги врати во Србија. По една година, таа го доби сопругот на суд и ги врати децата да живеат со неа во Белград. фото: Владимир Шпорчиќ/рас србија/јутуб/инстаграм/тања савиќ

Приватниот живот на потпретседателот на ВМРО-ДПМНЕ и пратеник Александар Николоски: Охриѓанец во Скопје, а најмногу Македонец (ВИДЕО)

Антонио Димитриевски — Thu, 26 Aug 2021 10:09:58 +0000

Тој во политиката е речиси целиот свој живот. Во не влегува уште како многу млад, за на свои 22 години да стане најмладиот пратеник во Македонскиот парламент. Родум охриѓанец, од својата 17-та година скопјанец, а најмногу Македонец. Така барем вели дека најмногу се чувствува. Охрид се' уште му е во срцето, за посета на родителите, роднините, средба со пријателите, за одмор, за прошетки покрај езерото, по Галичица... Но, ги сака сите убавини на Македонија. Како мал тренирал теквондо, а е и бивш баскетџија, па откако ја скинал ахиловата тетива постојано води борба со килограмите, најмногу со пешачење и внимавање на исхраната, за која вели дека е клучна. Го обожува спортот, НБА, тенисот, многу го почитува Ѓоковиќ, но повеќе е за Федерер, го сака боксот, особено пред неговата комерцајилазација и ракометот кој е спорт број еден во Македонија. Мајка му посакувала да стане лекар, зашто бил првенец на генерацијата во средното училиште, но нему политиката му била прва и се' уште актуелна љубов, ја работи со исклучителна посветеност и не зажалил што се определил да се занимава со неа професионално и со стручна наобразба како дипломиран на Факултетот за политички науки. Каков е како домаќин, како функционира во бракот со сопругата, дали пере, пегла, готви, му пречи ли постојано да е во костум и вратоврска, каква музика сака да слуша, рок ен рол или електронска музика, техно и ДЈ -и, има ли анегдоти кои му се случиле, а јавноста не ги знае и уште многу нешта од приватниот живот, денес на ТИ, во утринскиот Магазин на ТВ Сител со гледачите и јавноста ги сподели потпретседателот на најбројната македонска партија ВМРО-ДПМНЕ, Александар Николоски. Овој пат политиката и политичките збиднувања ги остави зад себе, па ја отвори душта за она што за него го знаат само најблиските... Слушнете од него, од прва рака, како изгледа неговата „друга страна“ од животот, надвор од политиката, во видеото во продолжение:

Владо Јаневски има нов имиџ со кој е ист како еден македонски политичар: Кој доби двојник, пејачот или екс – функционерот? (ФОТО)

Антонио Димитриевски — Sat, 03 Apr 2021 06:53:37 +0000

На социјалните мрежи човек може се' да види... Само отворете ги и полигонот за забава, понекоја информација и помалку едукција е тука. Широко ќе ви ги отвори своите видици, а во непрегледното поле на лаги и вистини, на трачеви и озборувања, на потврдени информации и спинови, на агенциски и лажни вести... буквално можете да наидете на се' и сешто! Инстаграм во главном шокира со фотографии, понекое кусо видео и споделен пост кој најчесто го појаснува визуелното доживување при перцепцијата на „воајерот“ на туѓи слики. Она што осамна во вид на неколку фотографии на профилот на еден од најпознатите македонски поп пејачи веројатно изненади многумина, а најмногу неговите обожаватели. Владо Јаневски ионака оддамна тера американски имиџ на „недопирлив среде паланка“, па со години или воопшто не комуницира со новинарите и медиумите или комуникацијата му е сведена на „нужен минимум“ и тоа само кога нему му треба. Кога има нова песна, спот или концерт и потреба истите да ги испромовира и изрекламира. Токму затоа посетителите на социјалните мрежи останаа вчудовидени од фотографиите кои ги затекнаа на неговиот Инстаграм профил, кој патем, пејачот ретко го ажурира. На нив Владо Јаневски со брада!? До сега никогаш невиден во јавноста во вакво издание... Или не барем во пошироката, зашто комшиите од маало не се бројат. Покрај фотографиите споделен и пост во вид на текстуална информација која дословно гласи: „Во инбокс нѝ стигнаа фотографии што датираат од пред неколку години. Ни ги испрати поранешен вработен во Хепи радио кој замоли да остане анонимен, а на сликите е #владојаневски со брада! Мислевме дека знаеме сѐ за него, но не и дека некогаш носел брада. Се испостави дека во годините кога бил партнер и директор во Хепи радио вработените секојдневно го гледале во вакво бајаги посериозно и бизнисменско издание. Што мислите вие за овој негов имиџ?“ Од она што се знае е дека пејачот навистина беше директор во некогашното „Хепи радио“, подоцна „преименувано во „Хит радио“, а сега со нов сопственик во радио „Лидер“, кое тогаш заедно со „Нова ТВ“ важеше за еден од медиумите на бизнисменот Сеад Кочан. Дали имал партнерски однос со него во бизнисот, знаат самите, но факт е дека Јаневски беше тоа што беше - директор на „Хепи радио“, кое беше лоцирано во истиот објект како и телевизијата. Ако подобро го загледате новиот имиџ на „чаирскиот пејач-бизнисмен“, особено оние кои ја следат и музиката и политиката веднаш ќе забележат дека Владо Јаневски вака „забраден“ неодоливо потсетува на еден доскорешен македонски политичар. Или што би рекле, чаирчанецот Владо Јаневски е ист со кумановецот Чедомир Чедо Краљевски, некогашен член на ВМРО-ДПМНЕ, потоа и на ВМРО-НП, инаку отприлика и врсник на пејачот по години. Роден 1956 година во Куманово, правник со правосуден испит и адвокат, кој работел во Управата за јавни приходи, бил претседател на Антимонополската управа, а своевремено беше и пратеник и координатор на пратеничката група на ВМРО-ДПМНЕ во еден од претходните парламентарени состави на Македонското собрание. Според споделените фотографии, не само што пејачот што е „плукнат во лик“ на политичарот, туку споделениот пост и поставеното прашање, се наметнуваат две нешта: Или Владо Јаневски прави штик проба за да го опипа пулсот на својата публика од која сака да го слушне нејзиното мислење дали да тера или не ваков „брадосан“ имиџ или дискретно дава до знаење дека промената на ликот е најава за нова „бизнис авантура“ на пејачот, која следува наскоро? Што и да е, како што и самиот прашува, најважно е само едно: Што мислите вие? Дали во вакво „белобрадо издание“, Владо Јаневски е „ист“ Чедо Краљевски?

Перо vs Петре: Перо – „Камиказа“ размислува да се кандидира за скопски градоначалник, а Шилегов уште сега му ги „краде“ идеите? (ФОТО)

Антонио Димитриевски — Fri, 19 Mar 2021 08:48:34 +0000

Чудна професија е тоа политиката... Или подобро речено, бизнис. Порано се велеше: „Нема бизнис како шоубизнис“, ама денес откако со коронапандемијата шоубизнисот го прогласија речиси за „умрено“, политиката царува... Впрочем, царувала отсекогаш, особено кај нас, каде од прв ден е бизнис број еден, што се гледа кај голем број политичири, кој во неа влегоа како „голтари“, а од неа излегоа како милионери! Дали можеби некои од наведените причини или познавајќи го, од чист каприц и инает што горенаведеното е токму така, па сака да покаже дека може и поинаку, една позната скопска фаца или поточно, познат македонски лик кој шоубизнисот го има во малиот џеб, а јавноста многу повеќе го знае токму од полето на културата и уметноста, актерот и музичар, Петар Георгиевски - „Камиказа“ најави дека размислува да влезе во политиката. Не дека и пред него немало такви обиди: Велибор Џаровски - Џаро, Игор Џамбазов, Јове Кекеновски, покојниот фолкер Војо Стојаноски, трагично загинатиот рокер Горан Николовски кој беше градоначалник на град Скопје... Позиција која ја пикира и на која токму познатиот лидер на групата „Меморија“ и сопственик на ивент фирмата „КЛС“ - Перо - „Камиказа“, размислува да се кандидира на престојните локални избори. Деновиве низ скопските кулоари, чаршијата, а и по социјалните мрежи тргна интересна приказна... Дека „Камиказа“ кој ионака е „долг на јазик“ кажувајќи им ја на некои луѓе својата размисла за градоначалничка кандиидатура и идеите кои ги има да ги вментне како проекти во својата програма, преку ноќ стигнале на маса во кабинетот на Петре Шилегов. На актуелниот скопски градоначалник кој има намера да бара и втор мандат од граѓаните му се виделе интересни, па Шилегов уште сега „си се послужил и присвоил“ со некои од наводните идеи на Перо - „Камиказа“. Така, Петар Георгиевски кој меѓудругото последниве години е и успешен маратонец трчајќи ги некои од најпознатите светски маратони во големите градови ширум Европа и светот, предлагал дека би било добра идеја рекреативната стаза покрај кејот на Вардар да се спои по целата нејзина должина без прекини, па македонската престолнина од крај до крај од влез на Скопје до самиот излез, да биде поврзана. И за рекреативно трчање и пешачење, натпревари, велосипедисти, ролање... И види чудо, не минало долго време , а граданочалникот Шилегов тргнал идејата да ја реализира! Наводно, истото важело и за идејата за најавениот трамвај на гуми, трамвај кој наместо по шини се движи по белите линии на патот, кои контролираат стотина сензори. Трамвајот користи гуми и возењето е како со автобус. Долг е 32 метри и висок 3.4 метри. Може да прими 307 патници и се движи со 70 километри на час. Литијум-титаниумските батерии овозможуваат возење долго 25 километри по само 10 минути полнење. Ем ефикасно и брзо, ем чисто и еколошки... А идејата на Перо - „Камиказа“ била неговата линија да води токму покрај стазата по кејот на Вардар, каде би се движел без пречки и не би го забавувал движењето на другите возила во сообраќајот, а би го поврзувал градот од еден до друг крај! Дури и идејата со таканареченото помагање на музичарите со купување на нивни изданија која Шилегов заедно со Радмила Шеќеринска деновиве ја промовираше, Петар Георгиевски - „Камиказа“ тврди дека е инспирирана од него и и неговата објава на социјалните мрежи за изданијата на македонски музички и естрадни уметници и групи кои Музичко-касетната продукција ги издаде во времето на неговото работење на една од раководните функции таму. А сепак не се работи за мала бројка, зашто во прашање се стотина изданија во вид на носачи на звук и слика. Очекувајќи и последното концертно видеоиздание на „Меморија“ од концертот во „Метрополис арена“ да го вклучат, како што „Камиказа“ вели, во „нивната поддршка“, тој ги прозва Шеќеринска и особено Шилегов во својот Фејсбук статус! Дали Петар Георгиевски - „Камиказа“ навистина ќе се реши за градоначалничка кандидатура на Скопје на престојните локални избори, која партија ќе стои зад него или ќе оди како независен „соло“ играч, или ова е само уште една „Донкихотовска борба со ветерници“- те на власта на „вечниот опозиционер“ во стилот: “Сам против сите“, ќе видиме наскоро. Зависи од тоа дали актерот и рокер има навистина серизони намери да вплови во политиката или... „маратонецот (само вербално) го трча почесниот (предизборен) круг“? „Камиказа“ ако е во нешто вешт, тоа е умешното менаџирање на „кревање прашина“, а Петре Шилегов засега молчи. И за наводно „присвоените туѓи идеи“ и за сопствените проекти кои одат во пакет со новата градиначалничка кандидатурата. Адвокатот против актерот, политичарот контра рокерот... Се случи ли тоа, ако не друго, ќе биде барем ... „весело“! Фото: Фејсбук принтскрин/Petar Georgievski - Kamikaza/Петре Шилегов