полина тасева – Вистина.мк

Васил Ангелов би сакал таа да биде негово – „3 во 1“ (ВИДЕО)

Антонио Димитриевски — Wed, 14 Dec 2022 13:46:50 +0000

Некогаш ова младото момче толку веродостојно ги пееше кавер верзиите на хитовите на Тоше Проески како „По тебе“ или „Надеж“на Лозано, за потоа Васил Ангелов кој потекнува од музичко семејство посериозно да заплови во музичките води. Негов татко е академскиот музичар и долгогодишен член на групата „Арија“, Здравко Ангелов, па не е ниту чудно, ниту изненадување што музиката од хоби на Васил му станува идна професија. По пауза од цели четири години кога во декември 2018 ја издаде првата солистичка песна проследена со видеоспот, насловена „Музика“, младиот музичар се враќа на естрадната сцена со нова тема. Овој пат истат е во диско - фанки стил, со танцов ритам и носи наслов „3 во 1“ (Три во едно). Музиката на новата песна покрај самиот Васил ја потшишува и Иван Петровски кој го напавил и аранжманот, а стои и зад музичката продукција, додека стиховите ги напишала Тања Соколовска. Придружните вокали ги испеала Полина Тасева, а темата „3 во 1“ е визуелизрана и со видеоспот кој го снимал и режирал Дарко Јовановски. Во видеото покрај останатите статисти и танчерките од денс студиото „Break A Leg“, како главен женски лик се појавува и едно добро познато ТВ лице, кое го гледате секојдневно на ТВ екраните. Имено, заедно со пејачот главната женска ролја во видеото ја има новата водителка на најгледаниот естраден ТВ магазин, „Бекстејџ“, младата и атрактивна Ева Јовановска. Како звучи и изгледа кога Васил Ангелов бара „3 во 1“ проследете од видеото во продолжение (КЛИКНИ ТУКА):

Снежно а капела изненадување од Sarah Mace & The Christmas Girls – „Santa Claus is Coming to Town“ (ВИДЕО)

Антонио Димитриевски — Tue, 28 Dec 2021 09:50:39 +0000

Освен како сезона на споделување убави нешта и зближување со најблиските, зимскиот период е познат и како време за уживање во звуците на најубавите празнични евергрини, достапни низ целиот свет со илјадници изведби во различни стилови и јазични верзии од голем број на пејачи и музичари. Сара Мејс, заедно со Полина Тасева, Калина Велковска, Теа Богатинова и Емилија Колоска, на прагот од 2022ра година, на македонската јавност ѝ подготвија вистинско празнично музичко изненадување. Новата изведба на познатата „Santa Claus is coming to town“, во оригинална а капела преработка, е дел од новогодишниот проект на Sarah Mace & the Christmas Girls, насловен како „A Cappella Christmas Carols“. Аранжманот е на Теа Богатинова, песната е снимена во студиото „Алшар“, а видео записот е снимен за време на снимањето на албумот, кој што брои вкупно 8 песни. Истите ќе бидат откриени до крајот на оваа година и дополнително ќе ги разубават празниците на сите генерации. Проследете во продолкжение како звучи изгледа новогодишната и божиќна магија кога дедо Мраз доаѓа во градот, а таа среќна вест Sarah Mace & The Christmas Girls ќе ви ја соопштат низ песна:

Полина Тасева умее да ви го покаже сопствениот одраз во – „Огледало“ (ВИДЕО)

Антонио Димитриевски — Tue, 02 Nov 2021 13:31:04 +0000

Атрактивната пејачка Полина Тасева изминатиов викенд повторно нè почести со нов видео запис, овој пат за баладата „Огледало“ со која настапи на годинешниот „Макфест 2021“. Иако не освои награда, таа остави силен впечаток со раскошниот глас, убедливиот сценски настап и раскошниот стајлинг. Музиката и текстот за песната се на Полина и Иван Петровски, кој ги потпишува и аражманот и продукцијата. Видеоспотот е креативна идеја на Полина и Владислав Гавриловски со кого ова и е трета соработа, по "Игра" и "Сè се врти во круг" кои јавноста одлично ги прифати. Видеото е дополнително збогатено со танчерката Ангела Богатинова, која го доловува "одразот" на Полина. И кога ќе се спојат убавината и креативноста на едно место, резултатот е симпатично спакувана видео приказна која ве тера да ја погледнете и по неколку пати. Како сопствениот одраз во огледало. Како она што сакаме да го видиме, кога гледаме во него... Секој во своето „Огледало“ !

Полина Тасева очигледно многу добро знае дека лезбо е во мода… особено пред „Огледало“ (ФОТО)

Антонио Димитриевски — Thu, 14 Oct 2021 09:01:51 +0000

Македонската поп пејачка Полина Тасева е едно од оние нови имиња кои важат за вистинско откритие на македонската естрадна сцена. Згодна, стројна, атрактивна, телесно и пред се' музички и вокално надарена, од својата прва појава па се' до денес Полина внесе свежина во етерот. Како вокално, така и визуелно со својата маркантна појава, раскошниот вокал и необичните видеа, во кои атрактивната пејачка не се срами да ги сподели и сиот свој телесен раскош. Се разбира онолку, колку што дозволуваат границите на дозираната уметничка слобода, без да навлезат во водите на „бестијалниот невкус“. Ако на претходниот „Макфест“ блесна како дебитант, на годинешниов фестивал на забавни мелодии во Штип, Полина својот музички израз го завери и како (ко)автор и изведувач со сопствениот одраз во „Огледало“, тема која говори за сопствената индивидуа која реалноста за себе ја гледа во огледалото соочувајќи се со неа. Откако остави одличен впечаток иако не доби награда, младата пејачка како по обичај деновиве се впушти во визуелизација на макфестовската песна. Она што по првите кадри, овековечени во фотографиите споделени на социјалните мрежи може да се забележи, е дека Полина многу добро знае дека лезбо сцените се во мода... Особено пред „Огледало“! Така, по примерот на македонската пејачка со српско потекло и бугарска адреса на живеење и градење кариера, Марина Тошиќ... ...Или мегаѕвездата на “Гранд“, Милица Павловиќ, чии нивни нови песни изобилуваат со лезбо сцени... ...и Полина или некој од авторската екипа решил естетиката на „еротскиот лезбо тренд“ да го преточи во уметнички момент и во видеото на „Огледало“! А во него, бареме според најавните сцени полни со убавина, да ти е милина да ги гледаш „медените“ Ангела и Полина. Уметничкиот момент се разбира максимално запазен, еротската компонента доволна да ги заскокотка мечтите и на мажите и на жените. Но, дури откако ќе се појави видеото секако, допрва ќе видиме кај кого фантазијата ќе биде пуштена на... најјако!? Вака, две доволно разголени атрактивни убавици една до друга, се доволна провокација за визуелна „еротска имагинација“ на целата популација! Впрочем, не се сомневаме дека Полина многу добро знае и што прави, а и како тоа се прави пред „Огледало“... Поточно, во одраз пред „Огледало“!

View this post on Instagram

A post shared by Polina Taseva (@polinatas)

Фото: Инстаграм принтскрин/polinatas

Полина со својата публика однеодамна е на… – „Ти“ (ВИДЕО)

Антонио Димитриевски — Fri, 14 May 2021 06:50:24 +0000

Деновиве излезе новото видео на младата и талентирана пејачка Полина Тасева во кое таа повторно го покажа својот неисцрпен талент. Песната насловена „Ти“ е нејзина трета песна која може да ја најдете на нејзиниот YouTube канал. “Ти” е визуелизирана и со видео запис кој Полина го работеше со талентираната Христина Трајкоска на три одбрани локации. Замислата доби свој печат со посебните препознатливи модни креации на Андреј Ѓорѓиевски Папаз. Музиката и текстот се на Полина заедно со Иван Петровски, додека аранжманот и продукцијата ги работеше Иван. „Процесот е долг, но, прекрасен, се осврнуваш на идеите и стекнатото знаење, потоа чекориш само напред додека не стигнеш до реализација и готовиот производ. Тогаш веќе си среќен со тоа што си го направил, а задоволството е огромно. Благодарност до целиот тим кој ме следеше во подготовките и ме поддржуваше за овој проект да излезе успешен. Со Иван работиме и на останатите песни кои во иднина ќе го заокружат мојот прв соло албум... следете не, ќе бидеме повторно со вас за скоро време со нови музички освежувања“- порачува Полина! Погледнете го видеото за „Ти“ на Полина во продолжение: https://www.youtube.com/watch?v=niVkA2esveE

Полина Тасева смени професија? (ФОТО)

Антонио Димитриевски — Mon, 29 Mar 2021 11:59:40 +0000

Сите знаеме дека пандемијата најмногу им наштети на музичарите. Веќе цела година не се слуша жива музика од кафулињата, клубовите и рестораните, нешто по што бевме препознатливи. Па така голем дел од нашите музичари во изминатава година се трудат да го задржат духот и формата, а некои сменија и професија.

Младата и талентирана пејачка Полина Тасева е една од нив. Во отсуство на живи настапи почна да се занимава со еден малку поинаков вид на уметност, вајарство.

Но, не као нова професија, ниту пак како дополнителна дејност, туку тоа беше само за потребите на новото видео кое Полина деновиве го снимаше на неколку локации во Скопје.

Видеото е всушност визуелизација на песната „Ти”, за која музиката и аранжманот се на Иван Петровски, а текстот заедничко дело на Полина и Иван.

Што се изваја од вештите раце на атрактивната Полина, останува да видиме наскоро!

На Полина Тасева, најдобриот дебитант на „Макфест 2020“ многумина ќе и гледаат во грб по – „Се се врти во круг“ (ВИДЕО)

Антонио Димитриевски — Tue, 22 Sep 2020 11:44:46 +0000

Пејачката Полина Тасева е релативно ново име на македонската естрада. По неодамнешната промоција на на нејзината втора песна во кариерата насловена „Игра“, Полина зеде учество и на 35-то издание на фестивалот на забавни мелодии „Макфест 2020“ во Штип. Таму талентираната и атрактивна пејачка ја изведе композицијата „Се' се врти во круг“ и за неа се закити со наградата за најдобар дебитант на фестивалот. Овој пат младата пејачка се потпре врз креативноста, знаењето, умеењето и искуството на веќе проверен авторски тим, па музиката и аранжманот за песната се на Роберт Билбилов, а за текстот се погрижи Робин Зимбаков. Производот очекувано, повеќе од добар и заради мајсторството на искусните музички волци, но и заради вокалните квалитети, енергијата, експресијата и душата која Полина и ја вдахнала на песната. Во текот на фестивалскиот викенд, песната на Полина „Се' се врти во круг“ доживеа и премиера на видеозаписот за истата, зад кој се потпишува режисерот Владимир Гавриловски. Видеоспот кој на музичката тема и дава поинаква мистика, друга димензија, еротско-психолошки набој кој созадава амбиент кој апсолутно кореспондира како со музиката, така и со стиховите, а камерата, монтажата и самата режија на видеото уште повеќе ја доловуваат суштината на приказната. Во неа секако Полина не само вокално, туку и со своите естетско-телесни квалитети, природен сексапил и вродена дарба за актерство, брилијантно ја одиграла ролјата која ги спојува двата света: минатото и сегашноста, музиката и сликата. Како сето ова спакувано звучи изгледа, проследете во видеото во продолжение: https://www.youtube.com/watch?v=qG0wVEr4fqA

„Игра“ првата авторска песна на Полина Тасева (видео)

Слободанка Илиева — Thu, 27 Aug 2020 10:27:09 +0000

Младата македонска пејачка Полина Тасева го промовира својот втор сингл „Игра“, но прв авторски со пoмош за музиката и аранжманот од Иван Петровски кој го напиша и текстот. Песната ја претстави во целосен пакет, односно со видео спот кој го изработи Владислав Гавриловски. За продукцијата пак, беше задолжен Роберт Билбилов. „Следете си ги чувствата и впуштете се цеосно во животот“ е пораката која ја носи ова музичко видео. Погледнете: