полициски час – Вистина.мк

1-ви и 2-ри мај без полициски час

Антонио Димитриевски — Sat, 01 May 2021 09:40:44 +0000

Според одлуката на Комисијата за заразни болести, која беше усвоена на владина седница, полицискиот час нема да важи за време на празниците Велигден и Бајрам, односно на 1-ви и 2-ри мај, како и ноќта меѓу 12 и 13 мај. Забраната за движење останува на сила во останатите денови, и според последната одлука таа почнува еден час подоцна, во 21:00 часот.

Од денеска до понеделник нов полициски час, се забранува и посета на гробишта

Христина Ѓоргиевска — Thu, 04 Jun 2020 11:24:22 +0000

По зголемениот број новодијагностицирани случаи со Ковид-19 во земјава и за ефикасно спречување на ширењето на коронавирусот, Владата донесе одлука да се воведе целосна забрана на движењето на сите граѓани во Скопје, во сите сите скопски општини и во Куманово, Липково, Штип, Карбинци, Тетово, Боговиње, Брвеница, Теарце, Желино и Јегуновце. Забраната на движењето почнува вечер, од 21 часот и ќе важи се до понеделник, до 05:00 часот. Во сите останати градови се забранува движење на сите граѓани од вечер, од 21:00 часот до наредниот ден, до 05:00 часот наутро. В петок, сабота, недела во овие градови забраната започнува од 16:00 часот и трае до следниот ден до 05:00 часот наутро. Петок е прогласен за неработен ден за сите граѓани. Владата ја донесе оваа одлука на вчерашната 60-та седница, согласно препораките на Комисијата за заразни болести. Од вечер, од 21:00 часот до понеделник, до 05:00 часот, се забранува посета на гробиштата на територијата на цела држава, освен за погреби. Отстапките од овие забрани се однесуваат за земјоделските активности, поради што е дозволено движење во рамки на територијата (атарот) на селата, исклучиво за работните потреби. Аптеките ќе работат непречено, а Министерството за здравство ќе изработи план за непречена работа и на здравствените установи. Исклучоците од забраната за движење важат за полицијата, армијата, здравствените работници (во ЈЗУ и ПЗИ, како и матичните лекари) и за маркетите и рестораните кои вршат достава на производи, при што тие своите ангажмани ќе ги реализираат непречено. Остануваат да важат сите издадени дозволи за движење за време на претходните забрани за движење кои беа воведени, особено за економските оператори и за работа организирана во смени. Прошетката на милениците ќе биде во веќе востановените термини во периодите 08:00 до 8:30, 15:00 до 15.30 и 20:00 до 20:30 часот. Забраната за движење не важи за лицата со попреченост и за нивните придружници доколку имаат соодветна документација. Министерот за здравство Венко Филипче вели дека групирањата, непочитувањето на мерките и неказнувањето се причина за раст на заболените и враќање на полицискиот час. -Овој нов бран е директна последица на непочитување на јасно пропишаните мерки, но и задоцнета или слаба активност за казнување од страна на наделжното министерство. Се надевам дека конечно и на последните скептици ќе им стане јасно дека вирусот не е шега. Вирусот нема да замине додека сите не прифатиме дека претставува закана за секој кој не ги почитува мерките за заштита. И после одржани речиси 100 прес-конферении и илјадници пати повторени апели и пораки еден дел од граѓаните се уште одбиваат да ја прифатат реалноста, да прифатат дека одговорноста е на секој поединец, рече Филипче на синоќешната прес-конференција. Повторното воведување на рестриктивните мерки следува по зголемениот број новодијагностицирани случаи со Ковид-19 во земјава во изминатите денови. Само вчера беа регистрирани 101 случај со Ковид-19, од кои најголемиот дел се од Скопје – 59. Заразени има и во Куманово-12, Штип-седум, Струга – шест, Тетово – пет, во Гостивар и Кочани има по три случаи, Пробиштип – два, а по еден случај во Прилеп, Велес, Охрид и Кавадарци. Институтот за јавно здравје вчера регистрира 10 оздравени пациенти и четворица починати. Вкупниот број на Ковид дијагностицирани во земјава од почетокот на епидемијата изнесува 2.492, бројот на оздравени пациенти е 1.605, а на починати 145. Во моментов во земјава има 742 активни случаи. Досега се направени вкупно 32.161 тестирања на Ковид -19.

Уште една позната српска пејачка приведена заради кршење на полицискиот час: Бившото момче ја пријавило во полиција! (ФОТО)

Антонио Димитриевски — Mon, 27 Apr 2020 09:50:30 +0000

Познатата српска поп-рок пејачка од 80 и 90 години, Слаѓана Милошевиќ, наводно, била приведена од полицијата, па однесена во Судот за прекршоци во Сремска Митровица, каде и се судело по таканаречена кратка постапка, за повреда на донесените владини мерки за кршење на полицискиот час. По сослушувањето, Слаѓана Милошевиќ била ослободена, а пресудата ќе и биде изречена дополнително. Слаѓана, наводно, вчера била приведена затоа што пристигнала од Белград во Сремска Митровица за време на полицискиот час, кај нејзиниот поранешен емотивен партнер Игор С. Но за шокот да биде поголем, тој наводно не сакал воопшто да комуницира со неа и самиот ја пријавил во полицијата во Сремска Митровица.

По синоќешното апсење на Северина во Белград: Иако пејачката три пати го менувала исказот, откриена причината зошто го прекршила полицискиот час и колкава казна платила (ФОТО)

Антонио Димитриевски — Thu, 16 Apr 2020 09:42:32 +0000

Пејачката Северина Којиќ вчеравечер била уапсена во Белград поради кршење на полицискиот час. Северина била запрена од полицијата во Нов Белград, каде управувала автомобил БМВ со хрватски регистарски ознаки на град Загреб, објави српски Информер. Според наредбата на судијата на должност, Северина била осудена во т.н. скратена постапка. За прекршување на полицискиот час, судијата за прекршоци ја казнил пејачката со најниската парична казна од 50.000 динари (околу 439 евра) иако казната може да достигне и до 150.000 динари. Севе се согласила да ја плати казната и тоа веднаш го сторила. Патем, Северина неколкупати го менувала своето сведочење, најпрвин кажувајќи дека тргнала само до аптека, а потоа ја променила нејзината приказна, велејќи дека само излегла за да го препаркира автомобилот, но, на крајот се покажало дека таа планирала да го напушти Белград. „Северина вечерва се пакуваше, бидејќи утрово заминуваше во Загреб и излезе со автомобилот без да размисли за полициски час. Таа го призна делото и ја плати казната. После еден месец непланиран престој во Белград во пресрет на средбата со нејзиниот син, не е ни чудо што таа ги изумила строгите ограничувања на движењето во Србија, кои ги нема во Хрватска, а и Србија се среќава со нив за прв пат. Имено, вчера, по 32 дена изолација, пред да се врати во Загреб, неговиот татко и дозволи да го види својот син на 15 минути“ - стои во соопштението на П.Р. тимот на пејачката, наведувајќи што е причината што Северина „заборавила“ на времето за полицискиот час. Сепак, медиумите шпекулираат дека вистината е малку поинаква, и дека Северина наводно имала жолчна расправија со сопругот Игор Којиќ, за што се претпоставува дека е главната причина за за прекршокот што го направила пејачката.

Северина покажа непослушност за време на полициски час во Белград!

Слободанка Илиева — Thu, 16 Apr 2020 07:30:42 +0000

Како што пренсеуваат српските медиуми, Северина Којиќ го прекршила полицискиот час. Имено, пејачката застанала околу 21 часот во близина на Трговскиот центар Оков на улицата “Partizanske avijacije”во Белград. Полицијата го запрела БМВ-то со загребски регистарски таблици и по проверките откриле дека на пејачката не и било дозволено да се движи за време на полицискиот час и била казнета со 50 илјади динари. „Пинк“ посочува дека пејачката наводно решила да ја плати казната на лице место. Во Србија, во моментов на сила е полициски час кој трае од 17 часот до 5 часот наутро и граѓаните мора за тоа време да останат во своите домови.

ОФИЦИЈАЛНО: Од среда полицискиот час ќе трае од 16 до 5, за викендите 24 часовна забрана за движење!

Антонио Димитриевски — Wed, 08 Apr 2020 05:59:10 +0000

Полицискиот час од среда ќе почнува во 16 часот, а ќе завршува во 5 часот следниот ден на територијата низ цела Македонија.

Во викендите полицискиот час ќе биде активен 24 часа, односно од петок од 16 часот, до понеделник до 05 часот наутро.

Дополнителни ограничувања на движењето за граѓаните на територијата на целата држава, за време на работните денови и викендите, со важност од среда, 8.4.2020, од 16 часот

Владата на Република Македонија на предлог на Комисијата за заразни болести во рамки на Министерството за здравство и Генералниот кризен штаб, донесе дополнување на Одлуката за забрана за движење на граѓаните во целата територија на државата, односно за продолжување на полицискиот час на целата територија на Северна Македонија.

Се забранува движењето за сите граѓани на ниво на целата територија, секој работен ден, од понеделник до петок, од 16:00 часот до 05:00 часот наредниот ден.

Дополнително,

За лицата над 67 годишна возраст се забранува движењето во текот на сите работни денови, од понеделник до петок, освен во периодот од 10:00 до 12:00 часот.

За младите лица до 18 години се забранува движењето во текот на сите работни денови, од понеделник до петок, освен во периодот од 13:00 до 15:00 часот.

За време на викендот се забранува движењето за сите граѓани од петок во 16:00 часот до 05:00 часот во понеделник.

Според Одлуката, се забранува движењето на граѓаните на јавни места и јавни површини во групи поголеми од две лица, при што тука не се вбројуваат лицата помали од 14 години, доколку се деца на родител кој е дел од групата од двајца.

Новите ограничувања стапуваат на сила во среда, 8 април 2020 година во 16 часот.

За земјоделските активности, дозволено е движење во рамки на територијата (атарот) на селата, исклучиво за работните потреби.

Аптеките ќе работат непречено, а Министерството за здравство ќе изработи план за непречена работа и на здравствените установи.

Исклучоците од забраната за движење важат за полицијата, армијата, здравствените работници (во ЈЗУ и ПЗИ, како и матичните лекари) и за маркетите и рестораните кои вршат достава на производи, при шти тие своите ангажмани ќе ги реализираат непречено, стои во соопштението од Владата.

„Гранд ѕвездата“ со секси фотка покажа дека не го крши полицискиот час: Сите што се надвор ги бара полиција, само таа ја бара полицијата… довикувајќи ја од балкон! (ВИДЕО)

Антонио Димитриевски — Thu, 02 Apr 2020 11:02:50 +0000

Фолк пејачката Сања Стојановиќ строго го почитува полицискиот час и не ги крши мерките преземени од државата за време на вонредната состојба. Тоа, таа најпрвин го покажа со фотографија од спалната соба, која цицлестата „Гранд ѕвезда“ ја сподели на својот Инстаграм профил. За не биде дека ова е само про-форма, Сања реши да докаже на дело дали и како го почитува полицискиот час. И додека сите што се надвор за време на полицискиот час ги брка и бара полиција, пејачката - обратно: Во ноќните часови таа излезе и почна да ја бара полицијата... довикувајќи ја од својот балкон!

View this post on Instagram

#policijskičas #ostanikodkuće

A post shared by Sanja Stojanovic (@sanja.stojanovic.official) on Apr 1, 2020 at 11:12am PDT

Милица Тодоровиќ објави хит снимка како вози за време на полицискиот час: „Луѓе бре, не можам веќе вака…“!

Антонио Димитриевски — Mon, 30 Mar 2020 10:01:03 +0000

Пејачката Милица Тодоровиќ замина во родниот Крушевац, за време на пандемијата на коронавирусот да биде заедно со семејството. Се шпекулира дека тоа била и една од причините заради што раскинала со своето момче Петар Стругар, кој наводно инсистирал да останат заедно во Белград. За да ја разбие досадата, доцна сношти, за време на полицискиот час, Милица влегла во својот автомобил и тргнала да се вози... но само во својот двор. Со себе ги земала мајка и' и своето куче на нејзионото „лудо возење“, па сето тоа го снимала и споделила на Инстаграм. „Осумнаесетти ден од карантинот... Се возиме низ дворот, напред - назад, од куќата до влезната капија и назад... И кучето кука, и тоа не може да издржи повеќе. Луѓе, аман... Ајде мајко, ајде уште малку да се повозиме низ дворот ... Барем до портата, што е - тоа е. „Ајде да се вратиме сега рикверц... Веќе не можам да седам дома, спобудалев. Вози Мицо...“ - коментирала Милица за цело време додека се возела со автомобилот напред-назад низ нејзиниот двор во родната куќа во Крушевац.

Пензионерка од Белград стана хит на социјалните мрежи: Вака го прошета своето куче среде полициски час (ВИДЕО)

Антонио Димитриевски — Mon, 23 Mar 2020 11:57:16 +0000

На најстарите граѓани на Србија им е забрането да излезат од дома заради вонредна состојба поради пандемија на коронавирусот. За нив, полицискиот час важи 24 часа на ден, односно можат да се движат надвор од своите домови само во периодот помеѓу 04 и 07 часот изутрина, кога одат да ги пазарат своите животни потребштини. Во таква ситуација, една белградска пензионерка најде себесвојствен и оригинален начин да го прошета кучето и тоа среде бел ден, кога за неа е полициски час. Видеото стана вирален хит, а начинот на кој кучето го враќа дома е особено интересен. Погледнете го видеото:

View this post on Instagram

A post shared by Neguj mo srbski jezik (@negujmosrbski) on Mar 22, 2020 at 7:50am PDT

„Вака не било од бомбардирањето“: Славица Чуктераш се обрати за време на полициски час (фото)

Слободанка Илиева — Thu, 19 Mar 2020 09:51:02 +0000

Пејачката Славица Чуктераш е во изолација во нејзиниот стан заедно со братучетка. Двете добро се забавуваат во карантин, а таа ја искористи оваа можност да одговори на некои од од нејзините фанови, по што покажа снимка од улицата преку нејзиниот балкон. Улиците се напуштени на почетокот на полицискиот час во Србија, при што полицискиот автомобил кружи околу нејзината зграда на секои пет минути. Во еден момент, таа исто така снимила автомобил како се движи по нејзината улица: „Секогаш имало мајмуни“, рече пејачката, а потоа додаде дека се уште не доживеала да гледа вакви празни улици, дури ни за време на бомбардирањето. „Ова е полошо од воена состојба. Ми се чини дека короната ме исфрли“, коментираше Славица за нејзиниот изглед.