полиција – Вистина.мк

Хит видео: Полиција ги сопре Кеба и неговиот син Игор, а наместо казна пејачот на крај си побара пари (видео)

Слободанка Илиева — Thu, 28 Dec 2023 10:52:22 +0000

Игор Којиќ, синот на пејачот Драган Којиќ Кеба, објави урнебесно видео од неговиот татко и припадниците на полицијата. Имено, Игор и Кеба биле запрени од сообраќајната полиција, а пејачот им ги испеал стиховите на големиот хит од 1996 година „Немам драге“. Сообраќајците со ентузијазам го слушаа и пееја со него, а кога заврши, пејачот се пошегува со нив и рече: -Вади пари, вади пари ајде! Игор успеа да го сними овој момент и да го стави на социјалната мрежа Инстаграм, а Кеба покрај сообраќајците секако ги насмеа и своите обожаватели.

видео: Instagram/ igorkojic фото: Instagram printscreen/ dragankojickeba

„Имаше пиштол, сакаше да си пука во глава“: Александра Младеновиќ го пријави своето поранешно момче во полиција (фото)

Слаѓана Атанасова — Tue, 24 Oct 2023 07:15:49 +0000

Пејачката Александра Младеновиќ во придружба на патрола отишла во полициска станица и дала изјава во врска со скандалот со нејзиното поранешно момче. Видно вознемирена раскажала што се случило. - Тој објави фотографии и видеа на Инстаграм. Не планирав да се занимавам со ваква работа. Планирав само тој да излезе од мојот живот, но очигледно тоа не беше возможно - започна пејачката. - Бевме заедно два месеци. Нормално не давам информации за мојот приватен живот, искрено ми се гади, после ова нема да давам никакви изјави! Три дена ми се закануваше со самоубиство, ми се јавуваше на видео каде ми покажуваше како да се убие. Првиот пат кога реагирав бурно, отидов да го барам кај кумата. Го најдовме и пиеше апчиња, имаше пиштол со себе, сакаше да си пука во глава. Денеска повторно разговарав со него, го замолив да се смири, му реков дека се ќе биде во ред. Дури и доктор му најдов. Денеска по трет пат сакаше да се обеси, и се јавив на мама. Тој спиеше пред мојот автомобил во автомобилот. - Се чувствувам лошо, тој е многу психички нестабилен. Сега се плашам за мојата безбедност. Не знам што е способен да направи во лутина – заклучила Александра Младеновиќ за „Информер“ Фото: Принтскрин/Инстаграм/А.Младеновиќ

Андријана Петрушовска толку ја разлутија на настап, што среде песна збесна па распали: „Помислив се снима филм, а тоа да ти било рација“… (ВИДЕО)

Антонио Димитриевски — Mon, 10 Jul 2023 07:44:39 +0000

Македонската „Гранд ѕвезда“, Андријана Петрушовска откако одлично се претстави во најгледаното регионално музичко талент шоу, кариерата и оди во нагорна линија. Тоа најдобро се огледа во бројот на настапи, зашто еден пејач е толку популарен колку што е баран, односно колку што има тезги ширум земјата и надвор од неа. Можеш да пееш и ваму и таму, ама кога треба да пееш во главниот град и тоа не во било каква биртија туку во елитен ноќен клуб, воопшто не е сеедно. Затоа расната убавица реши добро да се подготви, па „се скоцка“ како за на „Гранд“ сцената... Интересен, свечен бел фустан со „еротска кројка“... Зашто моделот што на себе го облече има ултра длабок шлиц... Не до препони, не до колкови, туку и над нив, што остава сериозни димилеми дали под ваков фустан воопшто можат да се носат гаќички, а долната облека воопшто и да не се види? Од фотографиите направени непосредно пред настапот на Андријана секој со добар вид би рекол дека под ова кројачко ремек дело има само голо тело... Зашто како и да го свртиш, од кој и агол да ја гледаш изгледа како да нема дилема - долната облека никаде ја нема!? Но, има или нема, дали тоа само така фиктивно изгледа, а фактички некаде под фустанот се кријата „невидливите“ гаќички, знаеше само пејачката... Она останатото сите останати се обидуваа да го дознаат откако Андријана се качи на сцената, запеа и заниша со колковите, а нејзиниот еротски танц почна да ја „жари и пали“ рајата. И таман атмосферата почна да се вжештува до усвитување, се случи хаварија... До душа на пејачката, како што самата вели, во прв момент и се причинило дека се снима филм, арно ама, во прашање не била ниту филмска сцена ниту скриена камера, туку полициска акција или таканаречена рација... А кога „џандари“ ќе влетаат среде забава, јасно е дека атмосферата од опуштена и лабава станува „издишана“, додека набргу сосема и не „умре“. После тоа неизводливо е враќање назад на „журката од кома“... Има само фајронт и сите по дома! Акцијата на „шерифите на Оливер“ пејачката толку ја разлутија, што среде песна Андријана збесна, па уште вечерта по анастапот што и го расипа МВР акцијата, распали по полицијата! Не дека МВР не треба да си ја врши работата, ама адруго прашање е како и на кој начин? Дали „покрај сувото треба да изгори и суровотото“, па заради неколкумина потенцијални дилери или малолетници во клубот, треба да им се расипе забавата на други стотици недолжни млади граѓани, кои чесно платиле и дошле да се забавуваат? Фото: Инстаграм принтскрин/andrijanapetrushovska

Запален автомобилот на Тијана Ајфон: Старлетата вознемирена побарала помош (фото)

Слаѓана Атанасова — Mon, 10 Jul 2023 06:50:30 +0000

Утрово околу 16 часот во близина на Авив парк на Звездара на паркингот бил запален автомобилот на српската старлета Тијана Ајфон. Според очевидец, осомничениот фрлил нешто кон нејзиното возило, кое неколку минути подоцна почнало да гори. Српската старлета од страв почнала да вика: „Помош, ми гори колата“. Нејзиното плачење ги разбудило соседите, а еден од нив веднаш притрчал да помогне и почнал да го гасне пожарот кој го зафатил автомобилот. Според очевидец, соседите се разбудиле вознемирени и во страв, а автомобилот бил во пламен. На местото на настанот веднаш пристигнале припадници на противпожарната единица кои го локализирале пожарот, а во меѓувреме пристигнала и полицијата. Фото: Принтскрин/Инстгарам/Тијанафанпејџ

Старлетата Тијана Ајфон и нејзиното момче нападнати од непознат маж кој им се заканил со нож

Слободанка Илиева — Wed, 10 May 2023 09:08:51 +0000

Старлетата Тијана Ајфон и нејзиното момче биле нападнати од непознат маж кој во еден момент им се заканил со нож. Како што дознава Информер.рс старлетата и нејзиното момче имале трауматично искуство во близина на трговски центар: - Тијана Ајфон и нејзиното момче вчера во Коњарник биле нападнати од извесен М.Т.(43), кој по расправија им извадил нож. Имено, тој и пришол и побарал да се фотографира. Бидејќи бил пијан, таа се исплашила и почнала да му вика на своето момче. Кога дотрчал, осомничениот почнал да бега. Тој влетал во куќата и излетал со нож, а потоа дошла полиција и го привела М.Т. – изјави добро информиран извор. Старлетата неодамна се најде во центарот на медиумското внимание кога нејзината пријателка беше претепана од дечко и фрлена гола на тераса, пренесува Информер. Тијана тогаш не се огласи, но била поддршкла на пријателката кој доживеала насилство.

Бугарската пејачка Марија сопругот брутално ја претепал: Исплашена и крвава фолк ѕвездата во полиција признала дека не му е прв пат физички да ја малтретира

Антонио Димитриевски — Fri, 24 Mar 2023 13:07:35 +0000

Крвавата драма се одвивала по бруталната семејна расправија во нивниот дом во вторникот вечерта, изјавил за бугарските медиуми добро информиран полициски извор. Мирослав Соколов се занимава со лихварство и е познат по неговиот прекар Миро - „Ѕверот“. Тој во минатото бил осудуванн за тепање, дознава Lupa.bg. Полицијата за Hotnews.bg потврди дека маж е приведен поради семејно насилство откако во вторникот во рок од 72 часа бил упатен повик на 112. Тој е веќе обвинет, но МВР официјално не може да го именува. Неофицијално, пак, јасно се гледа дека е во прашање сопругот на претепаната фолкерка. Насилствотои кон Марија се случила вечерта на 21 март во стан на улицата „Златен рог“ во Софија, каде пејачката и нејзиниот сопруг живеат заедно веќе неколку месеци. Скандалот изби поради љубомората на Мирослав, кој во текот на целиот ден многу лошо се однесувал со својата партнерка. Претходната вечер популарниот пар имал и бучен скандал, сведочат нивните соседи. Откако испил многу, Миро -Ѕверот наеднаш ги изгубил нервите и станал физички насилен. Мачоменот почна да ја тепа пејачката со тупаници и шлаканици. Потоа ја турнал на земја со тупаница во главата и почнал да ја клоца паднатата Марија со сета своја сила по целото тело. „Престани, те молам, ќе ме убиеш! Помош! Помогнете ми!“ - врескала пејачката. Нејзините застрашувачки крици ја кренале зградата на нозе и соседите веднаш се јавиле на 112. Набргу потоа и Марија успеала да повика полиција и да пријави дека била жртва на семејно насилство. Полицајците веднаш пристигнале и со лисици на рацете го однеле агресивниот насилник. Исплашената и раскрвавена фолк ѕвезда во полиција признала дека не е прв пат да биде жртва на нервозните испади на Мирослав Соколов. Досега ја удрил најмалку 4 пати, но никогаш порано не ја претепал толку крвнички. Меѓутоа, за време на еден од нивните претходни скандали, тој го извадил и пиштолот, кој бил наполнет и го ставил на чело.

Српската пејачка Теа Таировиќ приведена во Шведска – полицијата и стави лисици на рацете (фото)

Слаѓана Атанасова — Mon, 06 Feb 2023 10:23:40 +0000

Пејачката Теа Таировиќ е приведена во Шведска. Фолкерката имала лисици на рацете, а полицаецот не се тргал од неа. Во моментот кога е приведена таа била облечена во истиот фустан со кој настапувала, како и со истата фризура и шминка. Како што пишуваат медиумите пејачката не се пресоблекла бидејќи рацијата се случила во текот на настапот, а Теа пеела само саат време. За сега не е познато поради кое дело е приведена. Да потсетиме, пејачката Теа Таировиќ пред неколку месеци беше приведена на аеродромот во Германија. Тогаш беше фатена од финансиската инспекција, а кај неа наводно имала 30.000 евра, а дозволено е само 10.000 евра. Фото: Принтскрин/Телеграф.рс

По тепачката со сестра и Едита, Инди во нова неволја: Пејачката фатена без возачка, казната парична или затвор и нова забрана (ФОТО)

Антонио Димитриевски — Wed, 01 Feb 2023 11:10:21 +0000

Пејачката Индира Арадиновиќ Инди утрово била запрена од сообраќајната полиција по што и е поднесена и е прекршочна пријава за возење без возачка дозвола, која пред неколку дена и била одземена. Пејачката била запрена во белградската населба Карабурма, каде што таа живее. Според сознанијата добиени од полицијата, претходно на три месеци и била одземена возачката дозвола. Според законот, за ова дело е предвидена казна затвор од најмалку 15 дена или парична казна од 100.000 до 120.000 динари (околу 50-60.000 денари) и 14 казнени поени. Заедно со овие мерки следува и нова забрана за возење од најмалку осум месеци. Да потсетиме, минатата недела изби голем скандал кога во медиумите се појави видео од тепачката меѓу сестрите Инди и Едита Арадиновиќ. „Не можам да зборувам за самата причина за конфликтот и за активирањето на истиот. Премногу е интимно. Веднаш потоа со Едита отидовме на кафе, мама беше со нас, не прегрна и бакна“ - кусо изјави тогаш Инди. Фото: Илустрација/Инстаграм принтскрин/indy_ara_indira

Бритни Спирс се врати на Инстаграм со соопштение откако и пратија полиција: „Овој пат се претера!“ (фото)

Слободанка Илиева — Tue, 31 Jan 2023 10:05:27 +0000

Загрижените фанови пред неколку дена и пратија полиција во домот на пејачкта Бритни спирс поради загриженост бидејќи го избриша својот Инстаграм профил. Пејачката Бритни Спирс се огласи на социјалните мрежи по веста дека полицијата ѝ дошла на врата.

View this post on Instagram

A post shared by River Red (@britneyspears)

Како што соопштила, тоа било шега на фанови, но им порача дека овој пат претерале. „Како што сите досега веројатно знаете, полицијата ми дојде на врата затоа што некој решил да се нашали. Ги сакам моите обожаватели, но овој пат отидоа предалеку бидејќи ми беше нарушена приватноста“, започна Бритни.

pic.twitter.com/EkhHrLwrgf
— Britney Spears 🌹🚀 (@britneyspears) January 26, 2023

„Полицијата никогаш не ми влезе дома, дојде до вратата и, кога видоа дека нема никакви проблеми, веднаш си заминаа. Меѓутоа, кога си заминаа, се почувствував изманипулирана и малтретирана бидејќи моето име уште еднаш беше влечено по насловните страници на медиумите и тоа во грд контекст. Во овој период од мојот живот сакам само јавноста и моите обожаватели, кои толку многу се грижат за мене, да ја почитуваат мојата приватност“, заклучи пејачката. фото:Инстаграм принтскрин/Твитер

Фановите пратиле полиција пред вратата на Бритни Спирс – ги загрижил нејзниниот Инстаграм

Слободанка Илиева — Thu, 26 Jan 2023 10:16:36 +0000

Брити Спирс (41) повторно го избриша својот профил на Инстаграм, а како што неодамна имаше испади во јавноста, нејзините обожаватели се загрижија, па и испратија полиција на врата. Бритни одвреме-навреме го исклучува Инстаграм и го реактивира, а локалната полиција за TMZ изјавила дека овој пат го избришала профилот во средата и затоа фановите пријавиле дека можеби е во опасност. Полицијата отишла во нејзината куќа и брзо дознала дека се е во ред со Бритни, но од друга страна не откриле со кого точно разговарале и кој им рекол дека се’ е во ред со Бритни.

View this post on Instagram

A post shared by Sam Asghari (@samasghari)

Потсетуваме, Бритни почна да вика и да зборува глупости во ресторан во Л.А., но не на друг јазик како што тврдеа некои, туку со непрепознатлив говор. Нејзиниот сопруг се вознемирил поради тоа и поради тоа истрчал од ресторанот. Набрзо телохранителот на пејачката ја извадил Бритни од ресторанот и се вратил да ја плати сметката. Бритни подоцна објаснила дека доживеала дефект кога луѓето во ресторанот почнале да ја снимаат. „Сигурна сум дека моето видео од ресторанот насмеа многу луѓе, дури и мојот најдобар пријател едвај чекаше да ми го испрати. Знам дека луѓето велат дека сум бил малку пијана. Поласкана сум што сум се зборува за манијак затоа што тогаш ми е полесно да зборувам за сите негативни работи што ми се случиле во минатото“, напиша пејачката и набргу потоа го избриша Инстаграм. фото:Инстаграм/samasghari