покојна – Вистина.мк

Откриени детали од тестаментот на Ивана Трамп: На поранешната дадилка и го оставила кучето и стан од милион долари, а на Доналд ниту цент

Слободанка Илиева — Mon, 23 Jan 2023 10:21:20 +0000

Првата сопруга на поранешниот американски претседател Доналд Трамп почина во јули минатата година. Телото на Ивана Трамп беше пронајдено на скалите на луксузен стан на Менхетен, каде што таа важеше за неприкосновен матријарх во 1980-тите. Несреќен случај, стои во полицискиот извештај. Поголемиот дел од својот имот вреден 34 милиони Ивана го префрлила на синовите Доналд и Ерик и ќерката Иванка, а на поранешниот сопруг ништо не му оставила, додека посебно место во тестаментот има нејзината поранешна дадилка Дороти Кери. Жената која се грижела за нејзините деца на крајот станала нејзина блиска пријателка, која останала до последниот ден. Ивана и ја довери грижата за кучето и од благодарност и остави луксузен стан во Мајами Бич, Флорида. „Го оставам моето куче Тигар Трамп, како и сите други домашни миленици што ги имам во моментот на мојата смрт, на мојата пријателка Сузана Дороти Кери“, се вели во документот. Американските портали пишуваат дека Кери работела за Трампови со децении. Ивана за својата дадилка напишала и во книгата „Rising Trump“ од 2017. Таа се присетила дека младата жена почнала да работи за семејството „со искра во окото и многу нервозна енергија“. Подоцна, кога децата пораснале, Дороти ја презела функцијата асистентка на Ивана. Кондото во Мајами Бич што и е оставено во тестаментот се проценува на 1,12 милиони долари. Опишан е како имот од околу 90 метри квадратни, со една спална соба и бања. фото:Profimedia Getty Images

Домот на културата во Кисела Вода ќе го носи името на Билјана Беличанец

Антонио Димитриевски — Wed, 16 Feb 2022 12:01:17 +0000

На Домот на културата во општина Кисела Вода е поставена нова табла и во иднина тој ќе го носи името на актерката и поранешен градоначалник на општината, Билјана Беличанец. Веста на својот фејсбук профил ја објави актерот Рубенс Муратовски.

Oпштина Кисела Вода, градоначалник, ми го стопливте срцето, напиша Муратовски на Фејсбук.

Билјана Беличанец е македонска театарска, телевизиска и филска глумица. Во својата кариера имаше реализирани бројни главни и споредни улоги во повеќе театарски проекти во Драмски театар и други инстутуции и проекти. На градоначалничката позиција во општина Кисела Вода беше во периодот од 2013 до 2017 година.

Две години по завршување на мандатот, во 2019 година беше пронајдена почината во својот стан. Според информацијата на полицијата, стануваше збор за самоубиство.

Карлеуша со една фотографија ја расплака јавноста: Објава полна емоции! (ФОТО)

Антонио Димитриевски — Thu, 23 Sep 2021 09:52:31 +0000

Слушнавме или прочитавме безброј пати дека луѓето живеат се' додека има кој на нив да се сеќава. Споменот за Дивна Карлеуша денес е жив како и пред една или две години. Таа е присутна секој ден во мислите и разговорите на нејзината ќерка Јелена Карлеуша. Од време на време, една од најопуларните пејачки во регионот умее и да ги сподели своите спомени за нејзината покојна мајка на социјалните мрежи. Истото се случи и вчера, кога објави фотографија направена пред четири -пет години, на која ги гледаме ќерките на Јелена, Атина и Ника, во прегратка на баба им Дивна. Немаше коментар, бидејќи нема зборови со кои може да се опише оваа бесценета сцена. Во едно од многуте потсетници за времето поминато со Дивна, Јелена рече: „Ми кажа толку многу прекрасни и паметни работи. Таа остави прекрасна трага. Таа ме научи дека само добрите луѓе оставаат белег. Добри луѓе, големи борци ... Она што го имавме јас и мајка ми, се вика апсолутна љубов. Heа должам она што сум денес и што ќе бидам“ - рече Јелена споделувајќи ја објавата полна емоции.

Рада Манојловиќ ги чека резултатите од тумор маркерите: „Само да немам рак, како мојата покојна мајка?“

Антонио Димитриевски — Wed, 20 Nov 2019 11:11:09 +0000

Поради стресот што го доживеа во Швајцарија кога одбија да ја ослободат и ја третираа како сериозен криминалец, Рада Манојловиќ повторно има проблеми со здравјето. Со денови не може да спие, постојано е на лекови за смирување, па се плаши од најлошото! Пејачката, наводно, се наоѓа во сериозен страв од преголем стрес да не има тумор како нејзината покојна мајка Мирјана, која починала од канцер пред 14 години. Рада затоа повторно отиде на тестови за да ги провери тумор маркерите. "Мајка ми страдаше од карцином на грлото на матката. За жал, таа почина од таа болест. Јас направив тумор маркери и сега ги чекам резултатите. Треба уште и магнетна резонанца да направам по совет на докторите. Секако дека сум исплашена за мојот живот. Мојата работа е стресна. Јас буквално живеам во автомобил и авион. Јас постојано се обидувам да ги завршам работите без да ми го нарушат здравјето. Досега правев контроли на половина година, но ќе се потрудам тоа да го правам почесто во иднина“ - загрижена е пејачката која сè уште страда и пати за мајка и која и починала на раце, а таа болка ќе ја придружува цел живот. И нејзиниот татко, Раде, веќе не крие дека стравува за здравјето на неговата ќерка, затоа што знае дека таа постојано е под стрес и вели дека не би поднел нешто да им се случи со неговите ќерки. Mене сопругата ми почина пред 14 години и штом ќе се врати дома,Рада се ја потсетува на нејзината мајка. Тоа е болка која никогаш нема да запре и затоа не сакам да размислувам за лоши работи. Не би издржал ништо лошо да и се случи, но преживеав една голема загуба “, објасни таткото на Радин.

„И ветив дека така ќе биде и ја излажав“: Најблиската соработничка на Есма ги откри нејзините последни моменти пред смртта

Слободанка Илиева — Fri, 22 Jun 2018 07:01:29 +0000

Во својот живот Есма Реџепова имаше многу луѓе до себе, оние кои таа ги сакаше и такви кои ја сакаа. Една од нејзините најблиски соработнички и пријателки беше и Зорана Костовска, жената која постојано беше до Есма, па дури и во последните моменти од нејзиниот живот. Имено, Зорана открива дека не ни насетувала дека последната посета во болницата ќе им биде за крај.

Бев покрај неа во болничката соба до два навечер. Лекарите имаа разбирање. Пиевме кафе и гледавме спотови. Имаше желба да живее. Држејќи ме за рака ми ја кажа нејзината последна желба. „Закопајте ме во дворот на куќата. Кога ќе доаѓаат да го видат, ќе ми запалат свеќа. Кој ќе оди на гробишта да го прави тоа.“ И ветив дека така ќе биде и ја излажав. Не мислев дека по неколку дена засекогаш ќе нѐ напушти. Тоа никогаш нема да си го простам, открива Зорана за порталот „Женски магазин“

Есма почина во месец декември 2016 година, а околу нејзиниот тестамент и авторските музички права се уште има перипетии и несогласувања.