појадок – Вистина.мк

Немојте да ги јадете за појадок: Пет намирници кои ве огладнуваат уште повеќе

Слободанка Илиева — Fri, 23 Feb 2024 13:15:55 +0000

Ако често посегнувате по ужина набрзо по јадење одредена храна, не е се во вашата глава. Некои намирници всушност го зголемуваат вашиот апетит и ве прават погладни. Најчесто такви се намирниците кои се претежно рафинирани јаглехидрати и богати со шеќер, бидејќи често им недостигаат заситени протеини и влакна. Комбинацијата од намирници богати со рафинирани јаглехидрати, а малку влакна и протеини, може да го нарушат нивото на шеќер во крвта, придонесувајќи за ненаситна желба за храна и глад. Наместо да посегнувате по некоја од овие намирници, одлучете се за храна која има хранлива вредност. Слатки пецива Го знаеме искушението да се разбудите гладни и да гледате во слатките пецива на вашата маса додека го пиете првото утринско кафе. Сепак, слатките пецива се едни од најлошите намирници со кои треба да го започнете денот и секако не се комплетен појадок. „Овие печени задоволства се одлични за задоволување на вашето непце, но тие не се супер задоволувачки за вашиот стомак бидејќи само привидно ве заситуваат“. Затоа, наместо овие слатки задоволства, изберете појадок со протеини како што се варени јајца или грчки јогурт за да бидете сити подолго време. Закуски Ќе изедеме грст чипс или переци, па потоа сакаме уште повеќе, а тоа можете да го припишете на солта. Солта ги активира рецепторите во устата и сè е многу повкусно кога е зачинето со сол. Сепак, постои уште една причина зошто копнееме за солена храна. Научниците претпоставуваат дека луѓето копнеат за сол поради можноста солта да го активира ослободувањето на допамин, хормонот кој ни овозможува да чувствуваме среќа. Ова може да оди до недоглед бидејќи солените закуски како чипсот и другите грицки, имаат тенденција да бидат полни со рафинирани јаглехидрати и многу малку влакна, што го забавува варењето, а со тоа и побрзо огладнувате. Бел леб Белиот леб е сличен на кафеавиот ориз по тоа што триците се отстранети од пченичното зрно што се користи за правење леб. Прехранбената индустрија понекогаш оди чекор подалеку и користи калиум бромат или хлор диоксид за да го избели брашното и да ја отстрани секоја природна жолта боја за да го направи побело. Зошто се прави ова? Чисто заради естетика или, со други зборови, само лебот да изгледа поубаво за потрошувачот. Сепак, како резултат на тоа, од лебот се отстранети повеќето хранливи материи и влакна, што не прави малку за да се чувствувате сити. Всушност, едно парче бел леб нуди помалку од еден грам влакна. Слатки житарки Снегулките засладени со шеќер главно се состојат од шеќер. А тоа значи дека тие не содржат ни приближно доволно влакна и протеини, кои обезбедуваат чувство на ситост. Затоа консумирањето на овие видови житарки може да предизвика нагли скокови на шеќерот во крвта, а потоа и опаѓање. Ако сакате да јадете житарки и сакате нешто да ви помогне да ја спречите гладдта и да го одржите нивото на шеќер во крвта постабилно, изберете кутија со повеќе од пет грама влакна по порција. Исто така, поврзете ги вашите житарки со млеко богато со протеини, како млеко од соја или наместо тоа користете грчки јогурт како основа. Помфрит Иако компирот е изненадувачки одличен во предизвикување ситост, тој е значително помалку ефикасен кога е во вид на помфрит. Тоа е затоа што содржи многу рафинирани јаглехидрати и натриум, кои го задоволуваат вкусот, но не и чувството на глад. Без никакви протеини или влакна, ако јадете само помфрит, најверојатно ќе се чувствувате гладни многу брзо откако ќе го изедете. извор:точка.ком.мк

Рецепт за ролат со спанаќ: Идеален за појадок

Слободанка Илиева — Mon, 19 Feb 2024 13:40:55 +0000

Излупете го слаткиот компир и додадете го во процесорот за храна заедно со спанаќот и едно јајце. По желба додадете една лажица маслиново масло. Од зачините додадете сол, лук во прав, босилек и власец. Се истурете на хартија за печење и печете додека кората не се стегне. Оставете го целосно да се излади. Состојки: – 2 слатки компири (може да се користат и обични компири) – 1 голема шолја спанаќ (може да користите и блитва) – 1 јајце Полнење: – густ јогурт – варени јајца – кисели краставички Подготовка: Излупете го слаткиот компир и додадете го во процесорот за храна заедно со спанаќот и едно јајце. По желба додадете една лажица маслиново масло. Од зачините додадете сол, лук во прав, босилек и власец. Се истурете на хартија за печење и печете додека кората не се стегне. Оставете го целосно да се излади. Направете фил од густ јогурт, ситно сечкани варени јајца и ситно сечкана краставица. Свиткајте ја кората и внимателно завиткајте ја во ролна за да не се распадне кората, бидејќи во неа нема брашно и е мека. Се сече на помали парчиња. Добар апетит! извор:kurir.mk фото:freepik

Гавазова и Цеца имаат иста навика и рутина за добро утро: Ова е тајната за витката линија на фолк пејачките (фото)

Слободанка Илиева — Tue, 13 Feb 2024 09:00:18 +0000

Освен тоа што имаат иста професија, негуваат ист жанр на музика и редовно се на сцена, српската ѕвезда Цеца Ражнатовиќ и македонската фолкерка Сузана гавазова ги поврзуваат и животните принципи и рутина во поглед на начинот на исхрана. Цеца неодамна јавно го откри своето мени и како ја одржува витката линија во шестата животна деценија, како и тоа дека ништо не е оставено на случајност кога исхраната е во прашање.

View this post on Instagram

A post shared by C E C A (@cecaraznatovic)

Исто е и кај Гавазова. Додуша таа самата се грижи кога готвењето е во прашање, но менито е горе- долу слично со она на нејзината српска колешка. Цеца откри дека за појадок и добро утро за својот стомак секогаш има овесна кажа со овошје и чиа семе, а на иста фреквенција е и Сузе. Здрава овошна чаша за добро утро, до лесен и рамен стомак, а сепак полн желудник со здрави намирници. Цеца е љубител на месо кое задолжително го има за ручек, а така е и кај Гавазова. Таа редовно е во кујната и пред шпоретот каде редовно се готви. Тековниот ден на трпеза имаше пилешка чорба зготвена од нејзините вешти раце и секако зачинета со многу љубов бидејќи наша Сузе има време преку ден да готви здрави оброци за себе и своето семејство.

View this post on Instagram

A post shared by Suzana Gavazova (@suzanagavazova)

Резултатот задоволни и полни стомаци, здрав живот и навики кои со принципиелност водат до посакуваните резултати за витко и секси тело. На здравје!

Највкусен појадок од само неколку состојки: Се топи во уста, а се подготвува многу едноставно

Слободанка Илиева — Mon, 29 Jan 2024 13:35:43 +0000

Денеска ви претставуваме рецепт за вкусен појадок од само неколку состојки кои сигурно веќе ги имате во кујната. Потребни состојки: - 5 јајца - 1 лажичка сол - 400 мл. млеко - 1 лажица истопен путер - 190 гр. брашно Фил: - 2 лажици сирење - 2 лажици павлака - малку сол - чајна или шунка Начин на подготовка: Во еден сад изматете ги јајцата со малку сол и добро промешајте. Додајте го и млекото, а потоа во смесата постепено додавајте го брашното. Смесата е потребно добро да ја измешате за да не останат грутки. Додајте го истопениот путер и измешајте, па ставете ја во тава обложена со хартија. Ставете ја да се пече на 180 степени, а кога ќе се испече оставете ја да се излади. За филот: помешајте го сирењето, павлаката и солта во еден сад. Свртете го тестото на другата страна и премачкајте го со филот, а потоа додајте ја ситно исечканата шунка или чајна. Од тестото свиткајте ролат, а потоа исечете го на парчиња. извор:точка.ком.мк

Вкусно смути за мирен стомак: Идеално за деновите пред нас

Слаѓана Атанасова — Fri, 29 Dec 2023 12:35:13 +0000

Лесно се прави и може да се јаде за појадок, наместо божиќни колачиња и торти. Лиснатиот зеленчук како спанаќот се смета за многу алкален, што значи дека може да биде одличен додаток на вашата диета против рефлукс на киселина. Освен што е богат со витамини и минерали, има и малку калории. Спанаќот е богат и со растителни влакна, кои можат да помогнат во ублажување на горушица. Спанаќот е исто така најпопуларниот зелен зеленчук за смути. Јагодите се богати со антиоксиданси. Тие можат да бидат добар додаток на ваквото смути, доколку ги користите умерено. Бананите се помалку кисели од повеќето други овошја. На ова смути му даваат кремаста текстура и сладок, добро заоблен вкус, па добивате неодолив кремаст и вкусен пијалок. Состојки: 1 шолја незасладено бадемово млеко 1 чаша парчиња ананас, замрзнати ½ чаша јагоди, замрзнати 1 банана 1 шолја спанаќ 1 лажичка ленено семе Сите состојки ставете ги блендер и добро измешајте. Послужете веднаш. Извор: Попара

Банани за појадок? Еве зошто треба да ги прескокнете

Слободанка Илиева — Tue, 21 Nov 2023 14:00:55 +0000

Сигурно веќе знаете дека појадокот е најважниот оброк во денот, и за да не го пропуштите, многумина од вас кога се во брзање веднаш посегнуваат по банана. Колкупати и сте слушнале дека ако не стигнете да појадувате, треба да изедете барем една банана за да не бидете гладни? Изгледа дека овој совет, иако е широко распространет, воопшто не е добар за вашето здравје. Нутриционистите предупредуваат дека иако бананата изгледа како совршена опција за брз појадок, таа е далеку од тоа. Ако јадете само банана, без ништо друго покрај неа, вие одбирате храна што содржи 25% шеќери. Таа исто така е и умерено кисела, што воопшто не е добро за утрата. Најдобриот начин да го започнете денот е со појадок што ги согорува маснотиите, односно што ќе ве направи доволно енергични за да издржите до следниот оброк. Иако бананите ќе ви дадат краток набој на енергија, вие брзо ќе почнете да се чувствувате уморно и уште погладно од претходно. Тие се подобар избор за ужина отколку за цел оброк, бидејќи сами по себе не се доволни за започнување на денот. Чувството на умор и глад по јадењето банана за појадок може да се спречи ако го комбинирате ова овошје со храна што е полна со здрави маснотии, како авокадото. Исто така, со оглед на тоа што бананите спаѓаат во групата кисела храна, вие треба да ја неутрализирате нејзината киселина со цел да ги добиете добрите придобивки што нуди, како што се калиумот, хранливите влакна и магнезиумот – а не само шеќерот што ви дава краткотрајна енергија. извор:попара.мк фото:Shutterstock

Кејт Мидлтон за појадок секогаш јаде исто, а поради моќниот напиток нема ни грам вишок

Слободанка Илиева — Tue, 07 Nov 2023 10:32:23 +0000

Војвотката од Кембриџ е супер жена. Постојано е на нозе, трча по децата или по обврските, секаде пристигнува на време и сето тоа со секогаш совршен стајлинг и широка насмевка. Не е ни чудо што многу луѓе се прашуваат дали Кејт Мидлтон има клон. Која е тајната? Дали таа навистина има некои супермоќи? Како што открива британскиот HELLO!, нејзиното главно оружје се вика – појадок. Најважниот оброк, велат лекарите, бидејќи го обновува телото по неколкучасовен ноќен глад и му обезбедува доволно енергија за ден исполнет со обврски. Кејт сака да појадува со сопругот и децата, тоа е ритуал во кој сите уживаат. Денот започнува со смути, поточно комбинација од кељ, спирулина алги, листови од зелен чај, спанаќ, коријандер, зелена салата и боровинки. Чаша полна со витамини и добра енергија. Но, тоа не е се’. Задолжителна е чинија овесна каша, за која нутриционистите тврдат дека е најдобрата опција за здрав појадок бидејќи содржи високо ниво на влакна, протеини, минерали, калциум, витамин Б. Овесот е одличен за дигестивниот систем и го држи холестеролот под контрола и има безброј други добри страни. Кога ќе пристигне, војвотката наутро прави лесни вежби. Сепак, појадокот е на прво место. фото:Getty Images

Миа Борисавлевиќ откри каков пијалок пие секое утро: Пејачката штом ги отвори очите го прави ова (фото)

Слаѓана Атанасова — Wed, 18 Oct 2023 10:46:38 +0000

Пејачката Миа Борисавлевиќ откри дека не гладува поради убавината, иако важи за една од најатрактивните пејачки на јавната сцена, таа тврди дека тоа е поради нејзините здрави навики. Пејачката неодамна им даде совет на сите жени како да го усовршат својот изглед. - Нема претерано жртвување, расположени сме да јадеме нешто што сакаме, но да тренираме повеќе... Во никој случај не одиме од крајност до крајност, умерени сме во се, не се откажуваме се за да избегне нешто преголеми подоцнежни желби и прејадување – изјави неодамна Миа, а потоа и ги коментираше колегите: Иако Борисављевиќ секогаш ја гледаме во елегантни изданија и целосно дотерана, таа реши да го сруши митот за жените кои се почесто ги гледаме на социјалните мрежи. - Еве ќерка ми алармира цела куќа, наутро стануваме бушави, нервозни и ненаспани (смеа) Пиеме лимонада и цедиме сокови. - Миа го подготвува сето тоа, па класика, околу децата. Веднаш тргнува на тренинг , веднаш е во форма штом се разбуди - додал сопругот на пејачката. Фото:Принтскрин/Инстаграм

Рецепт за гранола – вкусен и здрав појадок кој е готов за 20 минути

Слободанка Илиева — Thu, 05 Oct 2023 12:20:33 +0000

Како што доаѓаат постудените денови, така се менува и нашата исхрана. Во овој период треба да обрнеме внимание што внесуваме во организмот бидејќи помалку сме физички активни, па затоа нѝ е потребна здрава храна која брзо се вари. Loading... Една од таквите е и гранолата, која можете да ја подготвите дома за само 20 минути. Потребни состојки: – 200 гр. ‘ржани снегулки – 200 гр. овесни снегулки – 1 шака бадеми и лешници – 1 шака семки од сончоглед – 1 лажица ленено семе – 3 лажици мед – 1 лажица кокосово масло – 3 лажици вода – 200 гр. помешано суво грозје, суви кајсии и суви сливи Начин на подготовка: Вклучете ја рерната, а тавата во која ќе ја печете гранолата обложете ја со хартија за печење. Лешниците и бадемите исечкајте ги на покрупни парчиња и помешајте ги во садот со снегулките, семињата и сувото овошје. Добро промешајте и префрлете ги во тавата за печење. Потоа помешајте ги „мокрите“ состојки: медот, истопеното кокосово масло и водата и прелијте ги врз сувите состојки во тавата. Промешајте и ставете да се пече. Печете до 25 минути додека гранолата не добие златна боја. Во текот на печењето промешувајте неколку пати за да не загори. Кога ќе ја извадите гранолата од рерна, оставете целосно да се излади, а потоа искршете ја или исечкајте ја на поситни делови и складирајте ја во тегла. Можете да ја консумирате со млеко или јогурт. извор:курир.мк

Идеи за три здрави појадоци на кои и вашите деца нема да се противат

Слободанка Илиева — Tue, 03 Oct 2023 11:56:40 +0000

Житарки со млеко или јогурт, овошно смуди, сендвич со намаз, сирење и шунка или варени јајца се само дел од намирниците со кои може да го започнете денот на здрав начин. Во прилог три идеи за појадок на кои вашите малечки не би се противеле бидејќи се навистина вкусни и богати со хранливи намирници. Овесна каша со смокви Состојки: 1 шолја топло млеко, ½ шолја овесни снегулки, банана, лажичка мед, 2 суви или свежи смокви и ½ јаболко. Овесните снегулки ставете ги во топлото млеко да омекнат, а потоа промешајте ги со одтанатите состојки. Смоквите може да ги промешате заедно со кашата но можете и да додадете некое парче смоква како декорација одозгора. Зелена бомба Состојки: 2 шолји млеко, мала шолја сок од портокал, шолја спанаќ, банана, мед и цимет. Сите состојки ставете ги во блендер и миксирајте се додека не добиете хомогена смеса. Додадете лажичка мед и малку цимет па повторно промешајте. Омлет со зеленчук Состојки: 3 јајца, ½ црвена и жолта пиперка, 100 г. спанаќ, 3 лажици млеко, 2 лажици свежо сирење, две парчиња свежа шунка. Јајцата изматете ги, посолете и додадете го млекото. Пред да ги истурите јајцата во тавата, пропржете ги пиперките 2-3 минути на маслиново масло. Потоа додадете го спанаќот и изматените јајца. Потрудете се смесата рамномерно да ја распоредите во тавата. Послужете со сирење, шунка или зелена салата. Овие вкусни оброци се одличен извор на енергија за почетокот на денот, како за возрасните така и за помалите. извор:точка.ком.мк