поход – Вистина.мк

Македонската пејачка фасцинираше во секој поглед и со пеење и со изглед: Антониа Гиговска на ТВ Пинк и го „украде шоуто“ на водителката Јована (ФОТО+ВИДЕО)

Антонио Димитриевски — Sat, 14 May 2022 08:00:18 +0000

Македонската пејачка Антониа Гиговска полека тргна да ја освојува сцената и преку граница. Таа деновиве беше гостинка на неколку од најгледаните телевизии во соседна Србија, каде Антониа ги фасцинираше и домаќините и гледачите во секој поглед. Од својот стајлинг, преку пеењето, однесувањето, па се до својот изглед. Едноставно македонската пејачка ги плени и остави без зборови своите домаќини и на ТВ Пинк и на националната РТС, каде гостуваше во нивната утринска програма и емисијата „Шареница“. Не дека ним таа не им е позната од порано, зашто ако се сеќевате Антониа растури уште во „Пинковите ѕвезди(чки)“, па се појави и на доделувањето на „МАЦ наградите“, но овој пат многу позрела и послободна и попуштена, едноставно доминираше во програмата. На нејзиното пеење во живо, во анплагд изведба, само со акустична гитара и вокал, не остана рамнодушна ниту познатата водителка на утринската програма на ТВ Пинк, Јована Јеремиќ. Кога нашата пејачка ја запеа песната од Тоше, „Чувај ја од зло“ на српски, водителката не можеше да остане мирна, зашто интерпретацијата и ја погоди емоцијата, па Јована заедно со Антониа запеа, ама и заигра во водителската столица. Впрочем пееше целото студио, сосе сите гости во него, кои не можеа да одолеат на вокалната експресија вткаена во изведбата на Антониа, која тоа утро „и го украде шоуто“ на Јована. Се разбира водителката немаше ништо против, па таа како и сите останати бше воодушевена и фасцинирана од нашата млада пејачка, а двете русокоси - Антониа и Јована на крајот од емисијата завршија гушнати, во заедничко селфи. Ништо поразлично не беше и при гостиувањето на Антони Гиговска во емисијата „Шареница“ на националната РТС. Само таму во поинаков стајлинг, со поинаков изглед и многу понагласен сексапил. Фустанче во пастелна боја над колена со длабоко деколте кое на појавата на пејачката и додава силен еротски набој.

View this post on Instagram

A post shared by ANTONIA GIGOVSKA (@antoniagigovskaa)

Како и да е, Антониа тргна во поход на Србија... Како тргнала, наскоро многу од нивните таканаречени ѕвезди со „лажна слава“, може да ги „боли глава“! Впрочем, повеќе од очигледно е дека нашата пејачка ги поседува сите можни квалитети, за разлика од оние, кои преку ноќ стануваат тазе „пејачки“ излезени од „ријалити“!

View this post on Instagram

A post shared by ANTONIA GIGOVSKA (@antoniagigovskaa)

Фото: Инстаграм принтскрин/antoniagigovskaa

Гавазова тргна во музички поход на регионот: „Хало“… Белграде пиши, тие таму се бивши!

Антонио Димитриевски — Wed, 21 Nov 2018 08:42:38 +0000

Откако го покори домашниот музички пазар, па направи се што можеше да се направи дома, Сузана Гавазова тргна во освојување на соседството. Она, северното, каде што конкуренцијата во новокомпонираниот фолк е најжестока и каде што конкурентките не бираат средства за упех и се подготвена ама буквално на се' за слава!

За тамошната битка со титаните, Гавазова се подготви како спортист за на олимпијада! За соработници одбра дел од најдобрата екипа која им ги прави хитовите на половина српски фолкерки. тактиката одлично промислена, зашто најдобро е ако ги нападнеш со нивното оружје, со кое нема промашување, кога се хитовите во прашање.

Атрактивната струмичанка, визуелно и не мораше да прави кој знае какви промени, освен малку да го прилагоди она што и го дала мајката природа и ситните естетски корекции со потребите на тамошната естрада. А Гавазова има потенцијал... и вокален и телесен! И тоа раскошен!

Затоа и реши да го искористи уште на прво појавување меѓу комшиските „фолк ѕверки“. Впрочем, првата шанса мора да се искористи, зашто знаете како се вели: „Нема втора можност, за прв впечаток“!

А, Гавазова со нејзиното деби со песната „Хало“ на Браја и видеото на Харис Дубица остава впечаток како да е родена на српската естрада. Белград сега може само да стравува, со се' целата своја „Пинк“ и „Гранд“ тарапаана, зашто од југот доаѓа Сузана! Впрочем и текстот на Браја во нејзината песна „Хало“ носи слична, можеби и скриена порака до оние кои Гавазова претендира да ги симне од врвот... За по неа да бидат, засекогаш бивши!

Нормално, до таа фаза има уште баеги работа... А, Гавазова иако го прави првиот чекор, очигледно е решена да оди до крај. До самиот врв... Со ваков вокален потенцијал и сета своја телесна раскош... регионалниот успех не и гине.

Затоа, „Хало“, Белграде, слушај, а и погледни добро... Во меѓувреме, Гавазаова ги очекува Вашите коментари! И вашите овде и на оние таму... Само претходно, внимателно слушнете ја песната и погледнете го видеото. https://www.youtube.com/watch?v=QRdVL11SX18&fbclid=IwAR0d9PzEhqEPbJkLAzAQDgXbYISWaeXh2z-1As04oWVInFSAgUQW2P165_k

„Хало“… Белград: Во паника „Гранд“ и останатата фолк тарапаана – доаѓа Сузана! (ФОТО)

Антонио Димитриевски — Thu, 08 Nov 2018 08:39:34 +0000

Долго размислуваше и реши да тргне во музички поход. Домашниот веќе оддамна е покорен, па на ред да се освои е пазарот на северниот сосед. За овој свој нов музички подвиг таа одбра екипа од најдобрите. Затоа и Белград е во паника. Сека, Рада, Дара... исплашени... заедно со се' останатата „Гранд“ тарапаана, зашто од југот доаѓа Сузана... Гавазова!

Со ново видео за првата песна на српски насловена „Хало“, сексапилната струмичанка одовде носи „експлозивна комбинација“ со најдоброто од себе.

Својот сугестивен вокал, извајаното тело со сето она што мајката природа ја надарила, а таа го надградила, преку бујните и раскошни атрибути однапред и одзади, до долгите нозе... Пакет за успех кој гледачите ги лепи за ТВ екранот!

Тимот кој работи за неа, како и пејачката - врвен. Драган Брајовиќ - Браја - „трејд марк“ име кое ги потпишува хитовите и текстовите на најголемите музички ѕвезди како Марија Шерифовиќ, Драгана Мирковиќ, Лепа Брена... Тука е и Харис Дубица, „швајцарскиот балканец“ кој ги режирал спотовите и филмот за Лепа Брена. Музиката и аранжманот - дело на уште едно квалитетно име: Дениал Исламчевиќ. Се на се' - „ол стар“ екипа во естрадниот шоу бизнис.

А во видеото за „Хало“, Гавазова како и обично, дава се' од себе... И вокално и визуелно!

Како што и самата вели, за остварувањето на својот сон! Ќе го претвори ли преку ноќ во јаве? Едвај чекаме да видиме!

Дотогаш, „Хало“ , Белграде... Порака до сите твои фолк ѕвезди: Која може нека се „спасува“, доаѓа Гавазова!

View this post on Instagram

A post shared by Suzana (@suzanagavazova) on Nov 6, 2018 at 1:13pm PST