погрешна личност – Вистина.мк

Седум знаци кои вашето тело ви ги испраќа дека сте во врска со погрешната личност

Слаѓана Атанасова — Fri, 22 Sep 2023 13:48:38 +0000

Кога ќе влеземе во врска со некого, понекогаш тоа е чисто за забава, но како што одминува времето, на површина излегуваат работи кои не ни се допаѓаат премногу. Секоја врска треба да се негува, а една од најважните работи е да се биде среќен. Ако не сте, знајте дека таа не е вистинската. И верувале или не, вашето тело дава сигнали доколку сте во врска со некој кој не е за вас. Подолу се дадени примери за тоа како да го препознаете. 1. Многу сте емотивни со него Кога станува збор за погрешна личност, вие сте премногу емотивни кон него, што може да ви предизвика фрустрација и нервоза. Да се биде околу него е повеќе главоболка отколку што вреди врската со него. 2. Нервозни сте околу него Нервозата што ја чувствувате кога сте покрај погрешна личност може да ве турне подлабоко во бездната. Тоа ќе влијае толку многу што нервозата ќе се прошири и на вашата околина. 3. Физички сте исцрпени Ќе станете несигурни во тоа што го правите и енергијата ќе ви падне повеќе отколку што можете да замислите. Ќе бидете исцрпени и под стрес и нема да можете да правите некои основни работи иако не бараат многу труд. 4. Недостаток на физичка интимност Колку помалку сте интимни, толку повеќе проблеми ќе имате. Чудно е но вистинито. Интимноста не е суштинска, но мора да биде присутна. Разберете се себеси, вашиот партнер и потребите на едни со други. 5. Проблеми со спиењето Не е невообичаено тоа што навечер кога одите во кревет не можете да заспиете и размислувате само за тешкотиите што ве снашле. Се обидувате да најдете решение затоа што иако ја сакате таа личност со сето свое срце, ако вашиот стомак не е мирен на крајот од денот – тоа не е личноста за вас. 6. Размислувате премногу Еден со друг треба да си бидете оаза на мирот и треба да се трудите да се опуштите во време на напнатост. Доколку не сте во можност да си дадете мир еден со друг, ќе има главоболки и дополнителни проблеми. Често може да има лутина и расправии, а потоа и напади за кои другата страна е виновна. 7. Се обвинувате едни со други Сега само се надоврзуваме на претходната ставка. Кога станува збор за обвинувањето кој е виновен и за што, нема бегање. Едноставно мора да прифатите дека на врската и дојде крајот. Никој во врската не треба да чувствува притисок или да го контролира животот на другиот. Ако препознаете некои од овие проблеми, нема потреба да размислувате, знаете што да правите.

Не губете го времето: 4 знаци дека сте заљубени во погрешна личност

Христина Ѓоргиевска — Wed, 22 Sep 2021 12:15:19 +0000

Љубовта е слепа, а кога сме заљубени не ги гледаме погрешните нешта кои нѝ се наоѓаат пред носот. Најлошото се случува дури кога ќе дознаеме дека партнерот бил неверен или кога многу ќе нè повреди и тогаш сфаќаме дека сме заљубени во погрешна личност. Она што често го игнорираме во една врска се малите знаци кои укажуваат дека нешто не е во ред, а во продолжение дознајте кои се тие:

Постојано барате време со партнерот

„Ќе ти се јавам подоцна“, „Денеска бев зафатен/а, ќе разговараме утре“, „Премногу сум уморен/уморна за зборување“ - ако сето ова ви звучи познато, запрашајте се дали сте со вистинската личност. Секако мора да земете предвид дека личноста која ја сакате не е секогаш слободна, но постои тенка линија која ја прави разликата. Ако вие сте тие кои постојано бараат нечие време, но без успех, сетете се дека и вие сте драгоцени, токму како и вашето време.

Недостаток на комуникација

Иако недостатокот на комуникација сам по себе е јасен знак, некои работи сепак укажуваат дека врската е на прагот на пропаст, а тоа започнува така што партнерот започнува да ве избегнува. Ако тој нема за што да зборува со вас, не се труди да комуницира, ниту го интересира каде сте и како сте, време е да сфатите дека можеби врската не се одвива онака како што сте замислувале.

Врската зависи од нивното расположение

Ако разговарате само кога тој/таа е расположен/а, голема е веројатноста дека вашата врска нема долго да трае. Работите на тој начин не можат долго да функционираат, дури ни тогаш кога сакате. Размислете двапати пред да ѝ се препуштите во целост на таквата личност.

Нивните постапки не одговараат на нивните зборови

Вашата поубава половина може да ве опсипува со најубавите зборови за тоа колку ве сака, но ако следниот ден вие ги преиспитувате тие зборови дали се вистинити, ја имате погрешната личност покрај вас. Ако забележите дека партнерот е добар само на зборови и сè што зборува не го покажува преку дела, би било добро навремено да ја преиспитате ситуацијата. извор: точка.мк

Три причини поради кои постојано се вљубувате во погрешна личност

Христина Ѓоргиевска — Mon, 19 Apr 2021 12:15:25 +0000

Изборот на партнер е најважен чекор во животот, а многумина при тој избор може да направат грешка. Психолозите велат дека една од клучните причини поради која секогаш завршуваме со погрешна личност е затоа што не се цениме доволно себеси. Колку и да ви се чини дека новиот партнер е поинаков, подобар од претходниот, за кратко време испаѓа дека не сте напреднале од вообичаениот шаблон. Вашата нова љубов всушност ве потсетува на онаа претходната, има исти недостатоци за кои сте свесни дека не може да ги поднесете. Тоа што најмногу влијае да не го „прочитаме“ добро новиот партнер е недостапноста на информации од неговото, односно нејзиното минато како што се на пример детството, првата љубов, првото раскинување и слично. Сето тоа во голема мерка влијае во какви емотивни личности подоцна се развиваме. Постојат неколку причини поради кои некои луѓе едноставно се вљубуваат во „погрешната“ личност за нив. 1. Не се цениме себеси Ако повторно и повторно ви се случува некој да ве остави, да ве лаже и мами, да ви ветува празни зборови, лесно да го прекршува ветуваното, а вие не ставате точка на сето тоа причината е очигледна. Едноставно, не се цените себеси доволно за да верувате дека заслужувате многу подобро. Наместо да го обвинувате другиот, прашајте се што може да направите за да го избегнете сето тоа. 2. Не сакате да анализирате Една од причините поради којашто ќе ве изненади нечие лошо однесување е фактот дека всушност не сакате да размислите за сигналите и знаците коишто ви се пред очи. Кога првпат ќе забележите дека некој ве лаже, а не испитувате зошто така постапил му давате зелено светло да продолжи така и во иднина. 3. Не сакате никого да разочарате За да водите сметка за себе, понекогаш е неопходно да ги разочарате другите. Кога не ви се допаѓа некоја постапка на партнерот, а не сакате да го повредите и да му укажете на грешката дозволувате незадоволството да се таложи и да штети по вашето здравје. извор: кајгана

5 знаци дека сте во врска со личност која сака да ве контролира

Моника Манасиевска — Fri, 14 Sep 2018 13:30:42 +0000

На почетокот можеби бил навистина шармантен – ве носел на состаноци, ве штител, ви купувал подароци… Сепак, нема девојка што нема да ужива во ова. Но, понекогаш е навистина тешко да одредите што навистина сакате, а што е добро за вас. Без разлика дали е љубоморен или само несигурен, партнерот нема никаква причина да ве контролира. Па, погледнете кои се знаците што покажуваат дека вашето момче сака да ве контролира.

1. Критикува сè што правите

Често преправајќи се дека сака да ви помогне, тој го критикува вашето однесување и вашите избори. На овој начин се обидува да ве контролира.

2. Ви кажува што да правите со вашето тело

Без разлика дали набљудува што јадете, ве убедува да одите на фитнес или не ви дозволува да си направите тетоважа, ако постојано ви кажува што да правите со вашето тело значи се обидува да ве контролира. Тој ја преминал границата за грижа за вашето здравје и изглед.

3. Не ви дозволува да ги гледате другарките

Мажите што контролираат често сакаат да ги изолираат девојките од нивните другарки. Можеби тој не сака да излегува со нив во друштво, или пак постојано бара да знаете каде сте и со кого. Ако згора на тоа, често зборува лошо за вашите пријателки, ова е навистина лош знак.

4. Не ги поддржува вашите интереси што не го вклучуваат него

Ако мажот е несигурен во себеси и сака да ве контролира, тој нема да сака да правите што било за вашиот личен развој. Нема да ве поддржува во ништо, освен ако и тој не спаѓа во вашиот план.

5. Не ви верува

Ако не смеете да го возите неговиот автомобил, да закажете во ресторан или да го прошетате вашето куче без да ве набљудува, тој сигурно се обидува да ве контролира. Кога мажот не сака да ви довери и наједноставни задачи, тоа е знак дека никогаш нема да бидете тим и дека тој дефинитивно не е вашата сродна душа.