Женска навика со која станувате подобри во кревет

Христина Ѓоргиевска — Tue, 08 Jun 2021 13:30:27 +0000

Постојат многу начини да го подобрите вашиот сексуален живот, а еден од нив е многу едноставен. Истражувањата покажаа дека многу жени се срамат да стенкаат и воздивнуваат за време на сексот, иако чувствуваат природна потреба за тоа. Тоа стенкање е всушност добро и може да го подобри сексот и затоа не треба да го ограничуваме, докажа студија објавена во „Журнал за социјални и лични врски“. За почетниците, постои физичка причина поради која тоа е пожелно. Кога жената стенка за време на сексот, грлото и се отвора, а дишењето забавува, што доведува до релаксација на вагиналните мускули, што пак доведува до подобар оргазам. – Некои истражувања покажаа дека сме многу послободни со стенкање кога нашето сексуално искуство е интензивно – вели д-р Лора Минц. Докажано е дека стенкањето и воздивнувањето всушност дополнително го зголемуваат чувството на возбуда, но не само на вашиот партнер, туку и вашето. Ова е потврдено од многу жени кои велат дека често ги возбудува звукот на сопствениот глас затоа што стенкањето е природен одговор на организмот на физички дразби што будат сексуално задоволство кај нас. – Жените стенкаат за време на сексот со цел да комуницираат со својот партнер и да покажат дека уживаат во задоволството што им го дава партнерот – објаснува Никол Бурати, експерт за секс и терапевт. Се разбира, има жени кои се природно тивки за време на сексот и немаат потреба да стенкаат. Експертите советуваат никогаш да не се преправаме дека сме среќни и да не се обидуваме да го охрабриме партнерот со лажно стенкање, бидејќи со тоа всушност испраќаме погрешен сигнал и му кажуваме на партнерот дека она што тој го прави ни одговара, што не е случај . Ако спаѓате во групата на погласни жени, не срамете се од вашите потреби затоа што тие ќе го направат вашиот сексуален живот уште подобар. извор: попара.мк

Во што сè жените се подобри од мажите?

Горан Силјановски — Fri, 23 Mar 2018 09:28:54 +0000

Инспирирани од многуте истражувања, а поттикнати од новата книга „Man Down“ на Ден Абрамс, решивме да собереме на едно место што повеќе информации за работите кои жените ги прават подобро од мажите. Верувале или не, се прават илјадници истражувања на тема мажи vs. жени. Еве ги резултатите од најпопуларните од нив, а кои ги покажуваат жените како претставнички на супериорниот пол: Жените подобро се справуваат со раскинувањето и лошите моменти во врската Се смета дека по раскинувањето жените седат дома и јадат сладолед плачејќи, а мажите веднаш трчаат да излезат и да се забавуваат. Но, вистината е дека жените подобро се справуваат со раскинувањето и лошите моменти во врската. Зошто? Затоа што жените имаат повеќе луѓе со кои можат да разговараат и од кои добиваат поддршка. Мажите од своја страна само ги „голтаат“ фрустрациите и ги чуваат чувствата во себе, а тоа влијае негативно на нивната самодоверба и емотивна состојба.

Жените поднесуваат повеќе болка Сигурно веднаш помислувате на депилација, породување... Истражувачите сметаат дека жените почесто се соочуваат со болка и чувствуваат поголеми болки во текот на нивниот живот, па токму поради тоа можат подобро да ја поднесуваат болката. Истражување во кое учествувале воени лица покажало дека женските војници поретко пријавувале дека чувствуваат болка во споредба со војниците од посилниот пол. Еден од доказите доаѓа од емисијата MythBusters. Во една од епизодите, учесниците требало да ги држат рацете потопени во преладна вода. Жените издржале за 19% подолго од мажите. Жените се подобри полицајци и шпиони Истражувањата покажале дека жените полицајци се подоверливи, помалку корумпирани и поретко употребуваат физичка сила во споредба со полицајците од машки пол. Токму поради тоа, жените подобро се справуваат со насилни ситуации. Во рамките на друго истражување, маж кој се претставувал како привлечна жена контактирал онлајн со машки и женски шпиони со цел да извлече од нив што повеќе информации. Резултатите покажале дека мажите шпиони издаваат доверливи информации полесно од жените. Жените се подобри коцкари Да, жените поретко се коцкаат од мажите, но се многу подобри во тоа и почесто остваруваат заработка. Истражување со повеќе од 40 000 коцкари направено со соработка на универзитетите Харвард и Кембриџ покажало дека жените се поефективни во спортското обложување од мажите. Зошто? Затоа што жените се поагресивни, побрзо одлучуваат за својот облог и почесто имаат профит од обложувањето. Жените се подобри политичари и светски лидери Маргарет Тачер има изјавено: „Во политиката, ако сакаш нешто да биде само кажано – побарај маж; ако сакаш нешто да биде направено – побарај жена“. И очигледно била во право. Истражувањата покажале дека жените се поефективни политичари, помалку корумпирани и поддржуваат многу повеќе проекти и програми. Во рамките на едно истражување учесниците ги оцениле жените како еднакво добри или подобри политичари од мажите, но кога биле прашани за кого би гласале, за маж или за жена, повеќето учесници одговориле дека би гласале за маж. Тоа е и одговорот на прашањето зошто во светски рамки повеќето политичари се мажи. Жените се подобри возачи од мажите Тука не станува збор за паркирање или возење во рикверц, тоа е во областа на мажите. Жените се подобри возачи од мажите затоа што се повнимателни, велат експертите. Едно истражување покажало дека ризикот за возачите од машки пол да загинат во сообраќајна несреќа е за 77% повисок отколку за возачите од женски пол. Друго истражување покажало дека во текот на 5-годишен период, 80% од сите сериозни сообраќајни несреќи во градот Њујорк вклучувале мажи. Освен тоа, мажите почесто добиваат казни за брзо возење. Жените подобро управуваат со парите отколку мажите Минатата година Њујорк Тајмс објави статија во која се тврдеше дека жените заработуваат повеќе од мажите на пазарот со акции. Истражувањата покажуваат дека жените се за 3-4% подобри инвеститори и многупати подобри во менаџирањето на семејниот буџет. Жените имаат подобра меморија од мажите Жените многу подобро помнат лица, имиња, секојдневни настани, детали од разговорите што ги воделе и сл. Многу истражувања, меѓу кои и минатогодишното истражување на Универзитетот Кембриџ, потврдуваат дека женскиот мозок е поспособен да памти информации од машкиот. Таа способност им помага на жените да се снаоѓаат подобро во многу сфери од животот. Жените би ги победиле мажите на ултра долги маратони Мажите се подобри спортисти, но жените би можеле да ги победат мажите на ултра долги маратони од 200, 300 или 400 километри без спиење. Зошто? Поради две причини: прво, естрогенот им помага на жените да бидат поиздржливи и второ, женското тело има повеќе масти, па на многу долги патеки тоа е доста полезно. Жените се хранат поздраво Американско истражување во кое учествувале 14 000 мажи и жени покажало дека жените избираат поздрава храна и почесто консумираат овошје и зеленчуци. Освен тоа.. Жените се и подобри:

Студенти – повеќе жени отколку мажи завршуваат факултет и тоа со подобар успех;
Спикери – луѓето им даваат поголем кредибилитет на вестите кога тие се презентирани од жена;
Доктори – жените поминуваат повеќе време со пациентите, повеќе ги охрабруваат и поддржуваат и сочувствуваат со нив, а и пациентите се чувствуваат покомфорно кога се со докторка;
Нуркачи – жените се посмирени, помалку агресивни и повеќе внимаваат на нивната безбедност.

Жените:

се поорганизирани на работното место;
имаат подобро развиено чувство за мирис;
живеат подолго;
подобро соработуваат и работат во тим;
комуницираат подобро;
учат полесно од мажите;
помалку зборуваат од мажите, но се изразуваат посмислено и поразнообразно од мажите и она што го кажуваат секогаш е поинтересно;
се подарежливи од мажите;
прават подобро вино.

Докажано е дека жените можат подобро:

да прават повеќе работи истовремено (мултитаскинг);
да убедат сообраќаен полицаец да не им пише казна;
да закажат термин на доктор;
да победат во дискусија;
да убедат продавач да им даде попуст;
да заковаат шајка.

Ова не е конечен список... има многу други нешта кои жените ги прават многу подобро од мажите. Сепак, ова не значи дека жените се подобри во сè. Мажите се физички посилни и побрзи, подобро паркираат, подобро возат во рикверц, подобро читаат од мапи, подобро гледаат објекти кои се оддалечени од нив (далековидни се), поуспешно држат диети, подобро се однесуваат кон своите пријатели итн. И за крај, верувале или не, жените многу поретко ги удира гром. Во периодот од 1995 до 2008г., дури 82% од луѓето кои биле удрени од гром во САД биле мажи.

подобри – Вистина.мк

Женска навика со која станувате подобри во кревет

Во што сè жените се подобри од мажите?