подобар живот – Вистина.мк

Оваа улога ја направи Лидија Вукичевиќ славна и богата: Од хонорарите си купи куќа и два автомобили (ФОТО)

Антонио Димитриевски — Thu, 31 Mar 2022 09:03:27 +0000

Актерката Лидија Вукичевиќ засекогаш ќе остане запаметена по улогата во култната ТВ серија „Подобар живот“, а сега по долги години искрено ја призна вистината за хонорарот.

„Улогата на Виолета многу се исплатеше! Од хонорарите во серијата 'Подобар живот' направив куќа“ - изјави Вукичевиќ.

„Од реклами, кои ги снимав благодарение на серијата, купив два автомобили. Едниот беше за мене, другиот беше за татко ми“ - додаде Лидија во една емисија.

Инаку, Лидија постигна голема популарност токму благодарение на улогата на Виолета, а многумина коментираат дека и покрај годините актерката не се променила многу од ликот на серијата, со оглед на тоа што и денес изгледа многу младолико.

Фото: Јутјуб/Инстаграм принтскрин/vukiceviclidija

Северина долго го криеше своето потекло: Овој познат Србин и е чичко! (ФОТО)

Антонио Димитриевски — Wed, 23 Feb 2022 12:06:35 +0000

Популарната хрватска пејачка Северина во младоста останала без својот татко Север, а како што вели нејзината мајка Ана, од него го наследила карактерот и изгледот. Пејачката неодамна на социјалната мрежа Инстаграм сподели фотографија од нејзиниот татко од младоста. Малку познат факт за хрватската ѕвезда е дека таа е во семејни врски со еден познат српски актер. Ѕвездата на серијата „Подобар живот“ по кого „жените копнеејќи тивко страдаа“, легендарниот Аљоша Вучковиќ е вујко на Северина. Аљоша Вучковиќ во кариерата има одиграно преку 70 улоги, а со сопругата Едита со години живее во Белград. За неговите семејни врски со таткото на Северина, Аљоша коментирал дека тие се далечни роднини, преку нивните дедовци кои потекнуваат од исто село во Далмација.

View this post on Instagram

A post shared by » Бољи Живот « (@serija.bolji.zivot)

Хонорарите во култната серија „Подобар живот“ биле толкави што Лидија Вукиќевиќ си купила куќа: Колку заработеа нашите актери од „Преспав“?

Антонио Димитриевски — Sat, 06 Feb 2021 07:31:16 +0000

Серијата „Подобар живот“ премиерно се прикажуваше на домашните телевизии во периодот од 1987 до 1991 година, а бројни репризни изданија го обезбедија култниот статус. Во последното интервју, Лидија Вукиќевиќ, која го играше ликот на тогаш младата Виолета Попадиќ, откри колку пари можеле да се заработат од овој проект. „Се сеќавам на сè како да беше вчера. Многу ми е драго што гледам дека серијалот сè уште се гледа денес, како и фактот дека на помладите генерации им се допаѓа. Јас ја купив мојата куќа во Голубац од хонорарот што ги заработив на снимањето на оваа серија.Тоа беше совет на мајка ми, која ми кажа дека немам постојана работа и плата, така што ова е најдобриот начин да се осигурам и се радувам што ја послушав“ - ќе изјави страктивната актерка за „Ало!“ Македонските актери кои играат во една вака популарна ТВ серија, како што е во последно време „Преспав“ да речеме, своите хонорари не ги кажуваат. Нивната зароботка останува во доменот на „деловна тајна“ на продукцијата.

„Преспав“ е прва серија што е одржлива. Пред МРТВ да влезе како партнер на проектот, втората сезона на „Преспав“ беше комплетно економски исплатлива, така што „Преспав“ покажа дека кај нас има простор на комерцијална основа да се работат добри телевизиски проекти“ - ќе изјави во едно свое интервју во 2020 год. за порталот „Опсервер“ продуцентот на серијата Пеце Талески, потенцирајќи дека успехот на „Преспав“ се должи на мултиталентираните актери, при тоа без да спомене колку нивниот мултиталент е валоризиран... во пари, секако! Иако, барем според посочената „исплатливост и самоодржливост“ на проектот, веројатно и нашите како и српските актери, можеби не баш за куќа, ама сепак, добро заработиле... Ако не за друго, барем за... „подобар живот“!

7 правила за ментална чистота и подобар живот

Слободанка Илиева — Wed, 30 Dec 2020 13:45:52 +0000

Одржувањето чистота во сè значи да се ослободите од сè што е штетно, психички и физички. Затоа, внатрешната и надворешната чистота на една личност се исклучително важни за долг и среќен живот. Ако се придржувате до овие 7 правила за внатрешна чистота, вашиот живот ќе биде многу подобар. Чистота на рацете Ова значи да не земате нешто што не ви припаѓа. Зошто на човекот му треба нешто дополнително, туѓо? Парите што дошле преку лукавство и лаги никогаш нема да донесат среќа и просперитет и на крајот може да изгубите многу повеќе. Чистота на ушите Не слушајте или не доживувајте информации што доаѓаат од негативни, завидливи и лути поединци. Обидете се на сите можни начини да избегнете безделнички озборувања и непристојни зборови. На крајот на краиштата, негативните информации влегуваат во вашиот ум и во вашето тело преку вашите уши. Од истата причина, непожелно е да се слушаат лоши вести, кои, за жал, денес ги има премногу. Чистота на очите Заштитете се од размислувањето за непријателство, понижување, неправда, омраза и насилство. Во светот се случуваат многу работи што никогаш не би сакале да ги видите, но на кои станувате несвесни сведоци. Погледот треба да ви биде чист, а не замаглен и заматен од зависта и од желбата да го имате она што другите го имаат. Има толку многу убави работи на светот што вреди да се видат. Чистота на устата Контролирајте што зборувате. Корисно е да се ослободите од пцовките и од шегите во секојдневниот живот. Подобро е да не се каже ништо отколку да се каже нешто непотребно. Лошиот и поган јазик може да донесе само лоши работи во вашиот живот. Чистота на телото Водата ја отстранува целата негативна енергија од телото. Чистата облека, а со тоа и телото, ќе ви помогнат да се чувствувате подобро, и психички и физички. Тоа е клучот за просперитет, тоа е основата на успехот. Чистота на мислата Не чувајте негативни мисли и лоши планови во вашата глава. Отфрлете го секое незадоволство и жалење за минатото. Чистите мисли му овозможуваат на човекот да биде добар. Чистота на душата и на срцето Чистата душа штити од секое зло и дава доза на позитивна енергија. Душата е зависна од вашата свест, од лажното его и од силата да бидете добри. Душата е под влијание на вашето размислување, на движењето на умот, на свеста, на каприците итн. Верата е најдобриот лек за душата. Верата е јадро што служи како поткрепа на душата во тешки времиња, кога ви се чини дека нема излез, дека нема да има светлина, дека сè е темно наоколу. Психотерапевтите и психолозите се убедени дека верата има корисен ефект врз луѓето со одредени ментални нарушувања и дека таа носи мир и спокој во душите на луѓето. извор:кафепауза.мк

Еве што прават денес јунаците од култната серија „Подобар живот“: Семејството Попадиќ е се’ уште активно! (ФОТО)

Антонио Димитриевски — Wed, 26 Sep 2018 11:25:53 +0000

Иако, престанала да се прикажува во 1991. година, серијата „Подобар живот“ и’ денес е една од омилените на подрачјето на бивша Југославија. Во осумдесеттите години на минатиот век, семејството Попадиќ беше ултимативен телевизиски хит, а многумина и денес се сеќаваат на тој некој подобар живот од „Подобар живот“. Петмината главни глумци и денес се се' уште активни во своите професии. Марко Николиќ, кој го глумеше Драгиша, денес има 71. година и уште глуми. Го гледаме во новата тв серија на ТВ „РТЛ“, „Погрешен човек“, а моментално ја снима серијата „Жигосани во рекетот“. Пред неколку години Николиќ победил рак, а оттогаш се свртел кон здрав живот. Престанал да пуши и да пие алкохол бидејќи, како што вели, се уплашил од ситуацијата и бил подготвен да напарви се’ за да преживее. Светлана Бојковиќ, легенда на српскиот театар, во серијата била Емилија, а ниту таа не престанала да глуми, како во театарот, така и на телевизија и на филм. Моментално со сопругот Славко Краљевиќ се одмора во Ровињ, каде оотишле на покана на колешката Весна Чипчиќ. Светлана има 70. години и едно време со сопругот живеела во Хелсинки бидејќи тој бил амбасадор на Република Србија. Нивните деца ги глумеле Лидија Вукичевиќ, Драган Бјелогрлиќ и Борис Комнениќ. Раскошната Виолета ја отелотворува Лидија Вукичевиќ, која и денес ги заведува фановите со фотки во костуми за капење, на Инстаграм, а многумина се восхитуваат на нејзината фигура која ја одржува и со 56. години. Контроверзната Лидија актерската кариера ја напуштила поради љубов – се омажила за фудбалерот Митар Мркела со кого има два сина. Љубовта „пукнала“ а таа се посветила на синовите Андреј и Давид. За жал, се активирала и политички во партијата на Шешељ, па била и пратеник во Народното собрание. Борис Комнениќ денес е првак на Драмскиот театар во Белград, а го памтиме како Александар – Саша Попадиќ. Глумецот редовно се појавува во серии и филмови како и во театар. Некои од најзабележителните улоги ги остварил во сериите „Монтевидео Бог те видел“, „Ќе се вратат штрковите“, во кои соработувал со „братот“ од серијата „Подобар живот“, Драган Бгјелогрлиќ. Тој го глумел Слободан, а денес е еден од најпознатите глумци, режисери, сценаристи и продуценти на целото подрачје на бивша Југославија. Бјелогрлиќ се прославил во „Подобар живот“, а продолжил со „Убавите села, убаво горат“. Го режирал филмот „Монтевидео Бог те видел“ кој бил српски кандидат за Оскар, како и истоимената телевизиска серија. Минатата година се појавил во филмот „Јужен ветар“ а моментално снима серија. Драган Бјелогрлиќ минатата година ја промовираше серијата „Сенки на Балканот“ која се емитуваше во регионот, поточно во државите од речиси цела бивша Југославија.

Знаете ли чија улога требаша да ја игра Брена на времето, во култната серија „Подобар живот“?

Антонио Димитриевски — Fri, 04 May 2018 10:42:16 +0000

Лепа Брена требаше да ја игра познатата улога на Нина Андреевиќ во серијата "Подобар живот". Имено, улогата на Нина и била доверена на Брена, но пејачката морала да ја одбие. Како што вели сега, тогаш немала време за тоа.

„Тоа беше одамна и веќе не се сеќавам кој се не ме викаше. Јас немав време да ја снимам серијата, бидејќи снимањето на сите продолженија може да трае и две години, па се појавував само во филмови. Во тоа време бев преокупирана со концерти, ТВ емиси и шоу програми, турнеи низ поранешна Југославија и светот. Снежана Савиќ е одличен професионалец и ја изигра улогата маестрално, нешто што јас сигурно не би го направила така добро како неа“ - потврди Брена.

Улогата на Нина Андреевиќ подоцна навистина ја прослави Снежана Савиќ, која се' уште е препознатлива по неа и големит музички хит од серијата, песната „Тополска 18“.